ما حز في نفسي

[مشكلتي]

بعد بسم الله الرحمان الرحيم
بدون مقدمات اود ان اشكر اقلام منتدى الجلفة المتميزة و ارجو افادتي من طرف زوار هذا المنتدى الرائع
تكمن مشكلتي اني انسان بسيط لديه طموح كمثل باقي الشباب اي بناء مستقبل جميل كباقي الشباب انا عامل في اطار المساعدة على الادماج المهني في ادارة جامعية و الكل يشهد لي بالاخلاق و التفاني في العمل و حب الخير للاخرين و بطبعي كنت دائم الاطلاع على مسابقات التوظيف لعل و عسى الله يوفقني بعمل دائم و كنت اخبر جميع من حولي اي العمال باي جديد عن مسابقة او غيرها و في يوم من الأيام و لظروف شخصية قمت بالتحويل لمؤسسة أخرى و كنت دائم العمل اي ليس لدي وقت و في هاته الأيام سمعت ان هناك مسابقة توظيف و لكن للاسف بعد فوات الأجل المحدد لدفع الملفات و ما حز في نفسي كثيرا أن جل العمال الذين كانو يشتغلو معي في اطار الادماج المهني لديهم خبر بهاته المسابقة و يوجد بعضهم شارك فيها وما حز في نفسي اكثر ان هناك عمالا معي قدمت لهم مساعدة في بعض الحالات ......و شكرا

[lola-lola]

رب يكون معاك ويسهلك ان شاء الله والله ونسمع بحاجة غير نقلك.........رب يوفقك ويفتحلك بيبان الخير

[karimblida]

هذا عاد أمر عادي في حياتنا
لي كاتبها ربي سبحانو تسمع بيها بلا مزية حتى واحد
ان شاء الله...يا رب يعوضك بمنصب أفضل

[أم معاذ أم معاذ]

أخي ممكن يحسابوك عمبالك
بما أنك أنت اللي كنت تخبرهم على المسابقات
و أعرف أنو مكتوبك مازال ما لحق برك
ربي يسرلك و يفتح عليك أبواب الرزق
و يرزقك من حيث لا تحتسب

[شروق الاسلام12]

ربي ان شاء الله يجيك منصب لي تتمناه غير على قلبك لمليح انت مديرش في بالك برك ربي يسهلك

[الدر المكنون]

ما كتبتش ربي يفرج عليك ويرزقك من واسع فضله

[abdallah1983]

ربي يفتح عليك اخي وبنورلك دربك ويرزقك بعمل ثابت لا تقنط من روح الله سوف يرزقك بعمل يسر قلبك ويزيدك من فضلو ان يسهلك في امور زواجك ان شاء الله

[Lydia istanboul]

وكل ربيييييييييييييي و اذا هو رزقك ما عندهم ما ينحولك

[مريم الصابرة]

السلام عليكم خويا صحا فطورك معليشخويا الرزق على ربي ولما يكتبلك ربي حتى لو راقد تجيك الخدمة للدار وخيرها في غيرها اكيد اين ناس محسادة وكاي نناس يظنو المسابفة لشخص واحد اللي هو هوما معليش إنت هلي نيتك طيبة على جال ربي وربي يوفقك واي وإدعي ربي واكيديعاونك دعاء الوالدين واللي كانبها ربي تديها لا مشكل وما تعمرش راسك وما تخممش فقط خمم ربي ما كتبلكش تسمع بيهم واللي خبى عليك خليه ممكن ما تصدقلوش شكرا

[إيمان إيمي]

السلام عليكم

الله المستـــــــعان لا عليك أخي .. لا تدري أين هو الخير في هذا

تمسك بحبل الله فقط .. ولا يهمك الآخرون ان اخبروك أم لا ..

أسأل الله العظيم أن يوفقك في حياتك

[أم عبد النور]

السلام عليكم

هذه هي الدنيا أخي و نقولك لا تحزن ان الله معك

واذا ربي مكتبش أكيد هناك رزق وفرصة أفضل

مستقبلا وصفي قلبك من جهتهم وتوكل على ربي

ربي يوفقك ويرزقك من حيث لا تدري

[مبروكة الصحراء]

هذا عاد أمر عادي في حياتنا
لي كاتبها ربي سبحانو تسمع بيها بلا مزية حتى واحد
ان شاء الله...يا رب يعوضك بمنصب أفضل

رد مثالي ربي يفرج عليك خويا
المهم انت دير الخير و الشر ما يجيش منك خليه يجي من عند واحد اخرين و لوكان تصيب دير فيهم الخير (هاذو لي ما خبروكش) دير لا تردد ستكون عقوبة لهم، و أنت جزائك إذا ماجاش في الدنيا اعرف بلي راه أضعاف مضاعفة في الجنة
شكرا

[faty05]

ربي يرزقك ان شاء الله

[souma30]

يا اخي ما تقلقش روحك مادام راك في هذه الدنيا تشوف العجب
و الشي الي نوصيك عليه ما تفسدش نيتك الطيبة على جالهم
و هذا الشي كاتبهولك انك ما تشاركش في هذه المسابقات لانه فيه خير ليك
و تاكد بلي ربي راح يجازيك خير على حسن نيتك

ربي يسهلك في القريب العاجل الحاجة الي تفرحك
امين

[سينو91]

ما يحز في نفسك والو
ما تدي غير اللي كاتبلك وما يقدر لا فلان ولا فلتان يوقف في الطريق ........ولا يعطيك شبيء ما كتبوش ربي

[محب الحكمة]

كل واحد ربي يعطيه على حساب نيته ؟...دير تكلك في ربي و الشدة فيه....".......تعطي من حرمك و تصل من قطعك و تعفو عمن ظلمك ...." لا تنساش

[amiramira2012]

السلام عليكم

ربي يكون معاك و دير الخير و انساه و إن شاء الله ربي يعوضك باحسن وظيفة امين

[rozy911]

نفس الموقف صرالي انا تاني...

واش فيها لو كان قالولك ؟؟راح تحرم عليهم ؟؟؟

الله يهدي ما خلق ...

ان شا الله يدمجوك بلا كونكور بلا والو

[محمد...عبد النور]

السلام عليكم أخي الكريم
ربي يوفقك لكل خير و يرزقك عمل دائم تتهنى بيه
لا تحزن و انوي ما عملت في سبيل الله
نفس الامر كات يحدث معي فقد كنت لا اترك أحد من اصدقائي و اخبره باي مسابقة توظيف و لمدة 4 سنوات و كنت اقول اذا لم انجح انا فيمكن لاصدقائي النجاح على الاقل ينجح شخص نعرفه
لكن جاءت القطرة التي افاضت الكأس كما يقال....في أحد الايام كالعادة كل من لقيته قلت له كاين مسابقة في المكان الفلا ني و في المؤسسة الفلانية و و و يعني التقيت بكذا من الاشخاص الذين اعرفهم
المهم و كانت مسابقة مفتوحة لا اذكرها بالضبط و لما سألتهم --كاش كونكور --كامل قالوا لا جديد--
المهم في آخر يومين من دفع الدوسي ببمسابقة علمت بها و دفعت الملف
لما جاء يوم المسابقة ، ماذا وجدت ؟؟؟؟؟؟؟؟
كل الاشخاص الذين كنت أخبرهم كانوا حاضرين و علموا بالمسابقة قبلي
و الله غاضتني عمري و قلت : من اليوم لعاودت نخبرهم هههههههههههههههه
و فعلا كيما يقولوا --احفظ الميم ، تحفظك يعني لم أخبر بعدها اي احد باية مسابقة ههههههههههههههههه
و بعدها لم يمضي الا شهور حتى وفقني الله الكريم بوظيفة و الحمد لله الكريمة
أسأل الله لك ان يوفقك و يرزقك عمل تقضي به حوائجك و تكفى به مؤونة الدنيا
ســـــــــــــــــــــــــــــــــــــــــــــــلا م