مشكلتي اعز الناس امي

[مشكلتي]

السلام عليكم ورحمة الله وبركاته صح فطوركم ورمضان كريم وكل عام وانتم بالف خير انا طالبة جامعية مثقفة والحمد لله كل الناس يحبونني على حسن اخلاقي وتربيتي وبشهادة الجميع وهدا ما كنت اتمناااه مشكلتي هي امي انها تسبني وتشتمني وتستفزوني لتخرج اسو ما في والله ئءمت من الحياة معها كلما تكلمت لا يعجبها رايي اتهمتني كم من مرة ولكن الحمد لله كاين ربي وتظهر الحقيقة تكدبني وانا في المنزل كيما يقولو خضرة فوق الطعاام حتى في رمضان يا عباد ماطلقتنيش بالرغم انه لا يوجد شياطين والله والله والله كرهتها لانها جرحتني كتيرا ايعقل انني اعاني من نقص النظر تناديني العمياء مو مشكلة هدا ابتلاء ربي والحمد لله كم من مرة جرحتني والله لم اعد استطييع التحمل اكتر لي منكم طلب ادعولي ان يثبتني لانني بدات ارفع صوتي عليها لانني لم اتحمممممل تكديباتها لي واتهاماتها لي والله وعليكم السلام

[عاشقة الفرقان19]

تبقى مك ديمة ولازم تحبيها

[mimiamimi2012]

حاولي تتقربي ليها اتكلمي معاها وقيلا راهي تمر بفترة صعبة وانتي معلابالكش وترد زعافها فيك
مهما كان تبقى امك

[اللؤلؤة مريم]

أن ترفعي صوتك على أمك ليس حلا صحيحا بل الصواب أن تحاولي التقرب منها و التودد إليها بهدايا أن تحسسيها بحبك لها و بإذن الله ستتحسن معاملتها لك

[صُبح الأندلس]

مثل أمك كثيرات نزع الله من قلوبهن الرحمة
لكن تبقى أمك و برّيها لوجه الله

[جلناار]

ربي يهدي ما خلق كاين بزاف منهم اختي عندما تتكلم معاك الزمي الصمت لانك رح تكبري المشكل فقط و كوني ذكية في التعامل معها.

[السي محمد]

إذا قالت لك عمياء او سبتك او شتمتك اصمتي فقط و عندما تنتهي اذهبي إليها و قبلّي رأسها

و إذا ارادت ان تضربك قدمي لها خدك قبل ان ترفع يدها و قبّلي يدها


إنها اُمك حتى لو سبّتك و شتمتك و اهانتك إنّها اُمك

[مريم الصابرة]

السلام عليكم اختي
شوفي ليسا كل ام ام بمعنى الكلمة شفت امهات روعة وشفت امهات يعاملو أبنائهم بطريقة تقولي ماراهمش ولادهم
لكن اكيد في داخلها حنان الام فقط مخبي وغضبها مسيطر عليها هذا ما كان إنت هذي امك تحملي اختي خليها تغاير المهم إنت ما تعايريهاش وما ترفعيشصوتك على امك اختي بيها تنجحي وبيها تخسري ربي راه يشوف هو يحاسبها على طريقة معاملتها ليك واكيد لو تمرضي شوفي واش راحا تحس الام ام ولو تكون متسلطو وظالمة ومهما كانت وحتى لو ماكانتش معاك حنينة راحا ديري دارك وديري ولادك وتنساي المهم ما تغلطيش معاها إنت لما تسبك روحي وخليها ما ترديلهاش خليها ربي يهديها موفقة

[الحاج بالدليل]

الله يعلم بالوالدين ويعلم قيمة الصبر على تصرفاتهم وإلا كيف نفسر وجودهم في المرتبة الثانية بعد الإشراك بالله
أم تحسبين أن الله وضعهم في هذه المرتبة بلاش
والصبر على تصرفاتهم وطاعتهم
تناااااااااااااااااالييييييييييييين خير الجزاااااااء

[بنت الحجاج]

ربي يهديـها

[{ توبة }]

**
أختي لست امك الوحيدة من تفعل ذلك .
فهناك الكثير من [ الامهات ] مثلهآ .
و لكن رغم ما تفعله تبقى امك !
مهما فعلته لك " لا تعصيها و لا ترفعي صوتك عليها ".
و في الاخير ادعو الله ان يهديها و الله يصبرك.

[*قطر الندى*]

السلام عليكم
أختي الفاضلة كاين بزاف أمهات هاكا

و أنا نقولك علاه راها دير هاك معاك

سي سير راها غيرانا من بنات الجيران ولا بنات خالاتك
والحل
بينيلها بلي راكي خير منهم أذكريلها محاسنك و عيوبهم بالمقابل لعل لعل شوي تقنع
و كيما قلتلك دايمن تهلاي في روحك وبينيلها شطارتك و قوليلها راني درت هذيك الحاجة و درت هذيك لعل لعل شوي تتبدل
أنا نعرف شي أمهات هذا واش يحبو ما لك إلا التجربة
وفقك الله و صبرك

[شخصية نرجسية]

أنا كيفك و لا كثر منك عادي اسكتي و خلاص ماتعمريش راسك خلاص

[darlla]

لك الاجر ان تحملتي حاولي ما تديش دعوة الشر ..كنت مثلك ما نفهمش تصرفات امي والان اعطيها الف عذر بعد ان كبرت وفهمت وتاكدي انه مهما قست فقسوتها على قدر حبها
اغمضي عينيك وتلخيلي نفسك لا قدر الله في جنازة امك وهي ممددة امامك ........واش راح تقولي ....يا اختي قولي االحمد لله ولك الاجر

[« أبْجَدِيَّاتْ »]

حاولي تتقربي ليها اتكلمي معاها وقيلا راهي تمر بفترة صعبة وانتي معلابالكش وترد زعافها فيك
مهما كان تبقى امك


السَّلامُ عليكُم و رحمةُ الله ، وأنا معَ هذَا الرَّأيْ .

. لاَ تَغضَبي مِن أمُّكِ أختي ، ولاَ ترفَعي صَوتَكِ عليهَا فتَكُونينَ مِنَ العَاقِّينْ لآبائِهِم .
أنا كَذلك أعاني مِن نُقص النَّظر، و حينَ أقُومُ بشيءٍ مَا بطريقَةٍ غَيرِ صَحيحَة ( مثلاً في المطبَخ ) تَغضَبُ أميِّ
و تُنادِيني بالعَمياء . ولكنَّني لا أنفَعِل، بل أحَاوِل مُمَازَحَتهَا ( نقولهَا : وكيفاش تحوّسيني مَالا نوليِّ طبيبَة جرَّاحَة ؟
باش بدَل ما نداوي واحد على الكبدة تاعو نداويه على قلبو ؟ :1: توليّ تضحَك وحَّدها :rolleyes: .
سَاعَات يَا أختي تقُولي ( حمَارة ) وأنا مَا دَرت وَالو ، نقولهاَ إيه كي عُدت أنا حمَارة ، بابا مالاَ وش يكُون؟ :1: )
مَا تخلِّيش الحَديث ينعطِف إلىَ الحِدَّة ، أمَّا إنْ أصرَّتْ فلاَ تَرُدِّي بل اِلزَمي الصَّمْت حتىَّ تَهدَأ . حَاولي أنْ تُكلِّميهَا بِلُطف
متىَ وَجَدتِ الفُرصَةَ مُناسَبَةً لتَعلمي منهَا سبَبَ تلكَ الاتِّهَامَات . وأنا مُتأكّدة أنَّك تحبيِّ مَاماك ، ياك حنَا ديما نتقلّقو من أمّهاتنا
بصَّح ممبعد اِذا صراتلنا حاجة ما نلقاو حتىَّ واحد يلمّنا و يحنّ علينَا غير هومَا . و راكي كبيرَة و تعرفي قيمَة الأمّ الليِّ ربَّاتك
في صُغرك ، مَالا تحمّليهَا و طيعيهَا و حاولي ديمَا تضحكي معاها ، و تقرّبي منهَا ، خلّيهَا تحسّ بأنَّك مُهمتّة بيها .
ما تهربيش منهَا . وربيّ يهنِّيكم اِن شاءالله .

[زهرة2010]

إنها تحبك تحبك فليس هناك أم تكره أولادها ولاكنها لا تعرف كيف تظهر هذا الحب وتتعامل بصلابة وقساوة بادري أنت فكلما أساءت إليك
عامليها بإحسان لا تردي عليها بالسوء تنازلي وسوف ترين أنها ستتقرب منك ادعي الله أن يهديها وأن يديمها لك فلو تعلمين ما أصعب فراق الام
الله يحنن قلبها عليك

[amokrane_malik]

ليتنا سمعنا من الطرف الآخر

[lamia la belle]

allah ykoun fel 3oun

[djeriou]

الله يهديك أختي على كلمة كرهتها الله يهديك

أحبيها و لو رمت بك من النافذة....

الله يهدينا.

[اريج06]

اختي مهما يكن راهي امك مستحيل تكرهك كان امهات متبينش حبها لاولادها انت عامليها باحسان تقربي منها والله لن تجدي قلب احن من قلب امك .ربي يهديها ويحنن قلبها عليك

[amura8]

السلام اختي اولا مشكورة وحمد ربي اللي راهم عندكا لنت راكي تخرجي بيها همومك وراني حاسة بيك والله غير راني حاسة بيك وحاسة كيفاش نهارك يخسر كي تطيحلك ماماتك لمورال
مي نعطيك نصيحة متعمريش قاع راسك بهدرتها ومين تبقى تهدر غير ساعفيني خليها غير تهدر ما ترديش قاع عليها دوك وحدها تكره ونتي تانيك متوقعيش نفسك في مازق تبقى تشكيلك منه وادا زادتك وافقها في رايها قوليلها واه انا كدا انا كدا دوك ماتلقى ما تقولك وماداماك تخافيهاف ي الراي تزيد تشاحن معاك
وادا كرعتي الحمد لله كاين حنا وكاين المنتدى غير فرجي على غمتك وحنا نعاونوك ان شاء الله
وماداممك عارفة روحك مليحة ومتربية ومقتنعة بنفسك مايهمكش قاع راي الناس لا بغى مك ولا ختك كاين ربي وما هدا الا ابتلاء وادعي ربي يهدي ماماتك
سييها وخبرينا بكل جديد