بنات الشام تهدد عازباتنا بالعنوسة

[nour02]

السلام عليكم


رمضان مبارك للجميع

غندي صديق قال لي أنه يمكننا ان نتزوج بسورىة فقط ب 5000 دج ولم اصدق واليوم وجدت هذا العنوان في جريدة اليوم
فمارايكم بهذا

تقبل الله قيامكم و صيامكم

[hana14]

سلام !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!!!!!

[sousou.fr]

وعليكم السلام ورحمة الله وبركاته

الله يستر " سيدي من بكري مليح وزادو الهوا والريح " ؟؟؟؟؟؟؟؟؟؟؟؟؟ ههههههههه

هذا تحريض علني . الثورة اللي ماداروهاش الشباب لاصلاح هذي البلاد ستفعلها البنات للقضاء على هذا الاعتداء

يجو يعيشو صحة بصح يخونو هذي العشرة ويطمعو يخافو على رواحهم

صح فطوركم

[dotZero]

ما كاين والو
أي واحد يفكر يجيب وحدة سورية
أكيد يكون رفض من قبل من طرف الجزائريات
يعني راه قاعد قاعد
يجيب وحدة سورية خير

[سفيان01]

السلام عليكم...
ياجماعة دعكم من هذه الترهات بارك الله فيكم...
الزواج مكتوب وحتى بنات سوريا السن مسلمات؟
لماذا لانعالج الداء؟لماذا لاتكون المهور عندنا معقولة؟
ربي يهني كل بنت مسلمة في كل مكان
أخوكم سفيان:)

[MIWAKE]

شكرا على الموضوع

[aziz050]

ههههههههههههه
كيعاد هاكدا انا ندي سورية و جزايرية

[وردة أمل]

يعني الحاجة لي عجبت الشباب الجزائري في السوريات هو شحال يمد دراهم ,,,,,,من جهة نقول عندهم الحق لأنو عندنا المهور راهي غير تزيد تغلى و من جهى اخرى ماكانش خير من بنت البلاد

كل واحد الله يرزقه ببنت الحلال الصالحة لي تهنيه و يهنيها على بالنا الزواج قسمة و نصيب و مكتوب و لي فيها الخير يجيبها ربي

و لي يحب بنت سوريا الله يكملوا و ان شاء الله برك مايرجعوش يهدرونا بالسورية ههههههههههه

[faty05]

أصابتكم هستيريا الزواج
ياو كل واحد يدي مكتوبو
و هل يوجد سوى هذا الموضوع ليطرح!!!
لحد الساعة طرحت ثلاثة او اربعة مواضيع هكذا!!
نقولكم حاجة
واحدة ما تدي بلاصة الجزائرية
و لي يحب يدي سورية يعوم بحرو

[BAROUD]

تلفتونا كل الخيوط

لازم نعاود من جديد الحساب !!!

[salima14]

صح فطوركم
كاين منها ب500بصح تغلط معاها تخلص راها الحكومة ولي أمرها هههههه

[وردة أمل]

امممممممممممممم لهاذ الدرجة تخلطولكم الحسابات ,,,,,,,,,,,,,,ما تقلقوش روحكم بالعقل برك

انا من عندي و الله غير ندعيلكم من قلبي الله يرزقكم بالمرأة الصالحة من أي مكان كانت و الله يهنيكم و يكتب لكم الخير وين ماكان

[مؤمل النهر]

من يقرأ العنوان يظن لأول وهلة وكأن الجزائر تعاني من نقص في عدد الاناث ^ـــ^ رغم ان بها 3 ملايين عانس !!
ليس بنات الشام ولا كل بنات الدنيا يتسببن بالعنوسة ... المشكلة داخلية وأسبابها داخلية من غلاء المهور وارتفاع تكاليف المعيشة وبعض العادات الاجتماعية السيئة

[وردة أمل]

من يقرأ العنوان يظن لأول وهلة وكأن الجزائر تعاني من نقص في عدد الاناث ^ـــ^ رغم ان بها 3 ملايين عانس !!
ليس بنات الشام ولا كل بنات الدنيا يتسببن بالعنوسة ... المشكلة داخلية وأسبابها داخلية من غلاء المهور وارتفاع تكاليف المعيشة وبعض العادات الاجتماعية السيئة

كلامك موزون و منطقي

ياليت كاين لي يفكروا هكذا

يعطيك الصحة

[sousou.fr]

الله يهني الجميع ويسعدهم

ولكن هناك سؤال يحيرني : دائما التحجج بغلاء المهور فهل المهور فقط هي الغالية في الجزائر ؟؟؟؟

واستغرب كيف لرجل لا يستطيع ان يمتلك مهرا ان يستطيع فتح بيت ويجابه تكاليف الحياة الصعبة والغلاء الذي هو في كل شيء

لا ندري ؟؟؟

[achwak.1993]

كل واحد حر في اختيار شريكة حياته

[غـاني]

vive bnat bladiiiiiiiiiiiiiiiiiiii

[aminerag]

نعم صاحبي كان بغي يتزوج قبلتلو سورية راها في وهران مع عائلتها

قالولو المهر مليون فقط والعرس غادي ديرو في سبتمبر

[وليد مولودية]

الله يهدي ما خلق صح شر البلية ما يضحك مساكن راهم مرميين في الشارع و حنا في بيوتنا بدل ما نمدو لهم يد المساعدة بدينا نخرجو عليهم في الدعايات

ربي يكون معاهم ويرفع عنهم البلاء عاونوهم ولو بكلمة طيبة احسن من الي راه يتقال

صح رمضانكم و عيدكم مقدما

[سعيد1981]

ماهيش افير وامبعد الزواج توليلو غرامة زعما يسترخس ريسك كبير روح ازوج وشوف تتوحش النهار اللي كنت فيه سيليباتير ...... 90% من هذو الزواجات ما ينجحوش ...... كلما ماكان المستوى العلمي والثقافي والتربوي والاجتماعي والجغرافي اقرب كانت فرصة السعادة اكثر
لو كان جات المانية فرانساوية نقولك انعم ثمة النسا يجيبو الدراهم الدول الاوروبية تهتم بالاسر والاولاد ودايرتلهم منح خاصة اما هنا فالنسا يستهلكو الدراهم تركة انتع دراهم
تبدا من الماكياج والروبات وتنهي بالكوش....... سال المجرب يا وليدي

[mouloudbida]

المرأة التقية تسلب القلوب

[faty05]

اخر كلمة
اكتشفت ان بعض الرجال ملهوفين و طماعين
لا شي اخر يهمهم سوي نفسهم
سلام

[aminerag]

العربيات كلهم سلعة وحدة ا

[وسام المؤمنة]

اييييييييييييييييييييييييه الرجال روحوا ضروك باطل وما يدوناش هههههههههههههههههههههههههههههه

[سفيان01]

اييييييييييييييييييييييييه الرجال روحوا ضروك باطل وما يدوناش هههههههههههههههههههههههههههههه

كيفاه وش بيهم الرجال؟:d

[hana14]

الزواج مكتوب

[kader_saddam]

كاين مثل يقول من لم يتزوج سورية مات أعزب
و اللي يتزوج شامية يعيش عيشة هنية
صراحة زين السوريات ما تلقاوه في حتى بلاصة اللي عرف العنوان وين راهم يزوجو في السوريات يقولنا يدير مزية

[alilho]

العنوسة سببها النساء والفتيات واهليهم من الاباء والامهات
فتاة يتقدم لها شاب فترفض الزواج وتصر على أن تواصل الدراسة

الأم ترفض بحجة أن الخاطب ليس له مستوى وهذه حدتت لأحد أصدقائي

الوالد يرفض لأن الخاطب انسان متواضع وليس غني

العنوسة سببها أنتم ... يا معشر الفتيات...
قال صلى الله عليه وسلم: " إذا جاءكم من ترضون دينه وخلقه فزوجوه إلا تفعلوه تكن فتنة في الأرض وفساد كبير " رواه الترمذي وغيره.

صدق رسول الله بأبي هو وأمي ...

[alilho]

كاين مثل يقول من لم يتزوج سورية مات أعزب
و اللي يتزوج شامية يعيش عيشة هنية
صراحة زين السوريات ما تلقاوه في حتى بلاصة اللي عرف العنوان وين راهم يزوجو في السوريات يقولنا يدير مزية

تعال الى وهران وأنا ندبر راسي :1:

[إيمان إيمي]

السلام عليكم ورحمة الله وبركاته ...

عنوانك أخي الكريم أعجبني ... سيأخذون مكان الجزائريات

لكن صدقني كل شيء كما كتبه الله ... فإن كان نصيبهم هنا في الجزائر فهو كذلك

وإن كان غير ذلك فهو غير ذلك ...

فيجب أن لا نقلق أنفسنا بمثل هذه الأمور التافهة ..

أو من الأفضل أن ينقص الأوليا قليلا من قيمة المهور اذا كانوا يخافون على مستقبل بناتهم ..

بارك الله فيك .. موضوعك مهم للبنات الجزائريات

[Guermoud Hadiya]

ما تخافوش يا لبنات. اللي في كرشو التبن يخاف من النار.

:1:

http://www.famili.fr/data/photo/w220_h220_c18/2000794420-01.jpg

:1:

كل واحد (ة) و مكتوبو/مكتوبها

[messa85]

ما رأيكم صديقي من الشباب الطيبين ومعروف في المنطقة بكل بطيبته و نبله و أخلاقه الطيبة و الحسنة و لم يشهد له أي شخص بشيء دنيء


و تقدم لخطبة أكثر من 10 بنات و رفضوه و أغرب فتاة تقدم لخطبتها و رفضته فتاة من مواليد 1979 و لم تقبل به ( لا تفكروا كثيرا هو ماديا لا بأس به و لا يوجد به أي عيب خلقي أو خُلقي ) لم أفهم شيء



آلا يفكر في خطبة فتاة سوريا

هل هو معذور أو لا


على من اللوم على البنات أو ماذا .................؟؟؟

[chvsbf]

السلام عليكم , انا تبانلي نحشمو شوية , هادي اللي تقبل تزوج روحها هنا راهي مضطرة مسكينة , و ماشي حاجة ساهلة , و انا من باب الرجلة منتزوجش بيها بهداك المبلغ , اذا عجبتني نعطيها حقها , و اذا غاضتني يا رانا رجال , في عوض نحوسوا على ابواب الجهاد و القتال باش نهنوا الناس هدو و يولوا لبلادهم , رانا نخمو تخمام اللئام , نبدا بروحي و نهدر ’ يا حسراه على الشاب المسلم الطي كان يحرك الجيش و ينوض حرب على جال عرض امراة مسلمة او ظلم بنت , حتى اصبح الشاب المسلمم يغتنم الفرص باش يلبي الرغبات نتاعو , و يتزوج بوحدة راح تتزوج بيه اضطرارا لانها ربما لو كان راهي في بلادها ما تشوفش فيك كامل .
ربي يصلحنا امورنا , و نبدا بروحي لان الشاب المسلم اهان نفسه فاهين .

[mooon]

السلام عليكم
يا أخي إذا لقيت هذه الفرصة فلا تضيعها
ما المشكل في السوريات ما دمنا مسلمات
فبنات الجزائر أصبحن يتكبرت على أولادها
والمشكل الكبير
أن الجزائريات يدركن أن سبب عزوف الشباب
هو غلاء المهور لكن حين يأتيهم العريس يتفنن في إلقاء الشروط
ومع ذلك يقولون يهددن عازباتنا

فهمو رواحكم و فهمومنا ؟؟؟

[sousou.fr]

السلام عليكم
يا أخي إذا لقيت هذه الفرصة فلا تضيعها
ما المشكل في السوريات ما دمنا مسلمات
فبنات الجزائر أصبحن يتكبرت على أولادها
والمشكل الكبير
أن الجزائريات يدركن أن سبب عزوف الشباب
هو غلاء المهور لكن حين يأتيهم العريس يتفنن في إلقاء الشروط
ومع ذلك يقولون يهددن عازباتنا

فهمو رواحكم و فهمومنا ؟؟؟

هههههههههههه ياخويا زعمة تشاورو فينا ؟؟؟؟ ههههههههه

بالاكو تضيعو الفرصة وربي يهنيكم يعني والله نستغرب لما نسمع انو القصة كلها ولات مهور يعني الزواج كله اختصر في هذي الكلمة ؟؟؟؟

[ايمان نور الجزائر]

الله يسهل ...عليهم
نقصان...باغيين يتزوجو بنات بلادهم باطل بدون مهر
ياك اقل حاجة كي تتزوج البنت اهل زوجها يقولو شوفو واش جابت واش ما جابتش
++++
اذا باغي سورية راح تكسيها من 000 وتشوفلها دار ليها ولاهلها يعني ما تخليهمش في الشارع
وبذلك المهر من 5000 دج يطلع الى 5000000000000000 دج
هذا غير تشريلهم حوايج وتدي مرتك تزورهم يعني تزيد اعباء

[bouazza260]

يقول المثل عندنا ...................... ملس من طينك يسدالك ............................. أي تزوج بنت بلادك هي الي تعرف شؤون دارك وعاداتهم

[arc en ciel]

يعني ان الشاب الي يغتتنم الفرصة و يتزوج بسورية باطل تسمى دار افار ؟؟

علاش هي ماهيش بنت و تحلم تتزوج و تتشرط في مهرها ؟؟

عيب على الشباب الي يستغلو هموم الناس لاشباع رغباتهم فقط ؟

في نضرك هاد البنت لو ماكانتش مضطرة تقبل تتزوج هاكا؟؟
ترضاها لاختك؟

تتحجو بغلاء المهور و نص الشباب فنيان

الي مايقدرش يدفع المهر مايقدرش يحل بيت

في ميزك راح تعيش معاها غير بمليون ؟؟ عاود خمم

الراجل الفحل الي حاب يتزوج ببنت سورية يتزوجها و يحفظ كرامتها

الله يهدينا

[mooon]

يعني ان الشاب الي يغتتنم الفرصة و يتزوج بسورية باطل تسمى دار افار ؟؟

علاش هي ماهيش بنت و تحلم تتزوج و تتشرط في مهرها ؟؟

عيب على الشباب الي يستغلو هموم الناس لاشباع رغباتهم فقط ؟

في نضرك هاد البنت لو ماكانتش مضطرة تقبل تتزوج هاكا؟؟
ترضاها لاختك؟

تتحجو بغلاء المهور و نص الشباب فنيان

الي مايقدرش يدفع المهر مايقدرش يحل بيت

في ميزك راح تعيش معاها غير بمليون ؟؟ عاود خمم

الراجل الفحل الي حاب يتزوج ببنت سورية يتزوجها و يحفظ كرامتها

الله يهدينا


آمين يارب العالمين

نتوما البنات راهي تبانلكم ساهلة

تقول رانا نلقاو في الصوارد يطايشو

على الشباب أن يرى ما يحقق مصلحته بشرط

أن لا يتعارض و الدين الاسلامي

الافضل ان تتزوج الان افضل من ان تتزوج من على 5 سنوات

وهذه قصة حقيقية من ارض الواقع انا عندي بنت خالتي

شرطو فيها 20 مليون مهر وحدو و و و و و وزيد ........راكم علابالكم

كي سمعت بيها تشوكيت وقعدت سمانة وانا نخمم

يجب الاخذ بهذه الاعتبارات ولا تطلقو الاحكام المترسعة




مجرد رأي

[*عربية وكلي فخر*]

السلام عليكم
راني باغية نقول حاجة الراجل فيكم يتزوج الفتاة السورية ويعطيها حقها كاااامل ...هي كأي فتاة تبغي تتشرط عداك كثر منا حنا الجزايريات
واللي راه يقول غلاء المهوووور الناس ماشي قاع كيف كيف والشاذ لا يقاس عليه ..... ويزيد يحوس وانشاء الله يلقى الناس اللي يراعوه ويطبقوا قول الرسول صلى الله عليه وسلم: " إذا جاءكم من ترضون دينه وخلقه فزوجوه إلا تفعلوه تكن فتنة في الأرض وفساد كبير " رواه الترمذي وغيره.
والزواج مكتوب .......... ودعولهم بالنصر باااااااش يتهنى الطرفان حنا وهم

صح فطووووووووركم

[ROU7 EL-WARD]

أنا مافهمتش هاذي الهدرة كامل علاه:confused:

في عوض ما تخمو تعاونو إخوانكم و أخواتكم السوريين و تواسوهم

قاعدين تتكلمو في موضوع -اسمحولي على الكلمة- تافه كيما هذا

ربي يهدينا

[كلمة مني]

السلام عليكم , انا تبانلي نحشمو شوية , هادي اللي تقبل تزوج روحها هنا راهي مضطرة مسكينة , و ماشي حاجة ساهلة , و انا من باب الرجلة منتزوجش بيها بهداك المبلغ , اذا عجبتني نعطيها حقها , و اذا غاضتني يا رانا رجال , في عوض نحوسوا على ابواب الجهاد و القتال باش نهنوا الناس هدو و يولوا لبلادهم , رانا نخمو تخمام اللئام , نبدا بروحي و نهدر ’ يا حسراه على الشاب المسلم الطي كان يحرك الجيش و ينوض حرب على جال عرض امراة مسلمة او ظلم بنت , حتى اصبح الشاب المسلمم يغتنم الفرص باش يلبي الرغبات نتاعو , و يتزوج بوحدة راح تتزوج بيه اضطرارا لانها ربما لو كان راهي في بلادها ما تشوفش فيك كامل .
ربي يصلحنا امورنا , و نبدا بروحي لان الشاب المسلم اهان نفسه فاهين .


أعجبني ردك أخي والله تدمع العين لرؤية مثل هذه الردود هل هذه أخلاقنا ألسنا بمسلمين ، هربوا من القتل والاختطاف والاغتصاب يريدنون الستر لا غير أليس في قلبكم رحمة ، هم ضعفاء يردن اللطف وأنت تقول تهدد بناتنا بالعزوبية والله شيئ مؤسف

عن النبي -صلى الله عليه وسلم- أنه قال:
(المسلم أخو المسلم لا يظلمه ولا يُسلمه، ومن كان في حاجة أخيه كان الله في حاجته، ومن فرَّج عن مسلم كربة فرَّج الله عنه بها كربة من كرب يوم القيامة، ومن ستر مسلماً ستره الله يوم القيامةوشكرا

[jackin]

واحدة ما تدي بلاصة الجزائرية

[RCR_48]

هده موضوع حقيقي و ف مدينتي حدث اكثر من زواج بل وحتى جماعي
هنا من كان مقصوده الزواج وفقط وهنا من كان يريد ان ستر بنت قدمت
الى بلد لا تعرف فيه شيئا .

زشيئ اخر جرائد لا تملك ادنى درة شرف السن بنات مسلمات السوريات
لمادا كل هدا التشهير الم يتزوج الجزائريات في سوريا ... امر غريب
هم في محنة (الله يفرج عليهم) و ناس تتحدث عن امور جانبية

اللهم ما فرج كرب المسلمين

اما بخصوص اسباب العنوسة في الجزائر فهو :
غلاء تكاليف الزواج + البطالة المرتفعة وازمة السكن .

ولبنات لا تخفن على مستقبلكن لان نسبة الاناث في المتمع الجزائري هي 49 بالمائة و الدكور 51 بالمائة
عكس الدول العربية الاخرى . . .

[منال 22]

خلات على العوانس ربي يكون معاهم ان شاء الله شوي رجالة لي بقاو رايحين يديوهم سوريات

[سفير الأيام]

ما نقصووووووووش من قيمة بنات بلاد بصح

من لم يتزوج شامية مات اعزب

وهدااااااااااااااااااااااااااااا ليس كلامي



لا تتهجموا على كلامي لأنه واقعي

[arbodar]

ممممممممم انا صراحة رأيي في هذا الموضوع
نفضل ندي بنت بلادي بصراحة
صحيح هن اخوات لنا مسلمات و الله يستر عليهم
لكن يا اخي انا رأيي ندي بنت بلادي خير لنا نفس الخلفية الاجتماعية و الثقافية
ثم قرأت مرة و لا اجزم بصحة هذا لكني قرأت انه يشتبه بوجود جواسيس من اسرائيل ينتحلون صفة لاجئين سوريين بلبلدان العربية
وين تعرف تديها انت و هي جاسسوسة تدي و حدة ما تعرف اصلها و فصلها الزواج مش لعبة
الزواج المختلط به مخاطر كثيرة و حتى الاطفال من بعد يوقعلهم مشكل
المهم انا هذا رأيي الشخصي و كل واحد و رايه
انا نبغي ندي جزائرية المهم تكون امرأة صالحة ان شاء الله

[arbodar]

و رغم اني كما قلت لا احب الزواج المختلط
لكن لو فرضا انا قررت نتزوج بوحدة منهن اي السوريات لي راهم هنا
لن ارضى ان اشعرها انها اقل من قريناتها
عادي نعمللها عرس كيما هي كيما اخرى
المهر ميهمش قيمته لانه اقلهن مهرا اكثرهن بركة و يبقى المهر عائد لها ما تطلب
لكن من باقي النواحي منحسسهاش شغل لقطتها من الشارع و كأني جبتها من مزاد علني
يلزم تحس انها تزوجت مثلها مثل قريناتها مرانيش نشري في بقرة من سوق!! نعمللها ما قدرني الله
يعني لن ابخل عليها بما قدرني الله عليه و لا يكلف الله انفسا الا وسعها
امااني ننتهز الفرصة و كأني اشتري بقرة من سوق و استغل ظروفها فلا ارضاها لنفسي

[hamiddeg]

قال بنت سورية

إذا راكم تحوسوا على الجمال فجمال الجزائرية و الله لن تجدوه في هذه الدنيا

اتعلمون ان الجزائرية هي أجمل النساء و السبب تاريخي فهي جمعت بين

الجمال العربي و الأمازيغي و الاسباني

و لا يغركم ما تشاهدونه في المسلسلات السورية

كيفاه انخلي بنت الكاهنة و بنت لالة فاطمة نسومر وبنت جميلة بوحيرد

و انروح انجيب وحدة ما نعرفلها لا اصل و لافصل

اما فيم يخص المهر انتاعها 5000 عندنا المثل الشعبي اللي يقول

إذا عجبك في السوق رخصوا اعرف باللي كاين شي يخصو

[filassi]

قانون العرض و الطلب

[هبة الله اريج]

من لم يتزوج شامية مات اعزب
هههههههه
رانا برنا

[abdo1996]

لكن اذا طلب منك في المستقبل احضار شهادة الميلاد رقم 12 وخاصة الادارة الجزائرية معروفة بالمطالبة في كل مرة باحضار اللشهادة 12
بعدها تفكر في المبالغ المدفوعة من اجل الشهادة 12 اي كم صارت قيمة الشهادة 12 ؟؟؟؟؟؟؟؟؟؟؟؟؟
كما اننا لاندري الوضع الذي تءول اليه الحالة السورية في المستقبل ؟؟؟؟؟؟؟؟؟؟؟؟؟؟؟؟؟؟
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[عماد المحب]

السلام عليكم...
ياجماعة دعكم من هذه الترهات بارك الله فيكم...
الزواج مكتوب وحتى بنات سوريا السن مسلمات؟
لماذا لانعالج الداء؟لماذا لاتكون المهور عندنا معقولة؟
ربي يهني كل بنت مسلمة في كل مكان
أخوكم سفيان:)
السلام عليكم ورحمة الله وبركاته
جزاك الله خيرا اخي سفيان
ان شاء الله يكون حافزا قويا لترشيد المهور ان صح تعبيري

[عماد المحب]

و رغم اني كما قلت لا احب الزواج المختلط
لكن لو فرضا انا قررت نتزوج بوحدة منهن اي السوريات لي راهم هنا
لن ارضى ان اشعرها انها اقل من قريناتها
عادي نعمللها عرس كيما هي كيما اخرى
المهر ميهمش قيمته لانه اقلهن مهرا اكثرهن بركة و يبقى المهر عائد لها ما تطلب
لكن من باقي النواحي منحسسهاش شغل لقطتها من الشارع و كأني جبتها من مزاد علني
يلزم تحس انها تزوجت مثلها مثل قريناتها مرانيش نشري في بقرة من سوق!! نعمللها ما قدرني الله
يعني لن ابخل عليها بما قدرني الله عليه و لا يكلف الله انفسا الا وسعها
امااني ننتهز الفرصة و كأني اشتري بقرة من سوق و استغل ظروفها فلا ارضاها لنفسي
ربي يرزقك خيري الدنيا والاخرة

[chvsbf]

أعجبني ردك أخي والله تدمع العين لرؤية مثل هذه الردود هل هذه أخلاقنا ألسنا بمسلمين ، هربوا من القتل والاختطاف والاغتصاب يريدنون الستر لا غير أليس في قلبكم رحمة ، هم ضعفاء يردن اللطف وأنت تقول تهدد بناتنا بالعزوبية والله شيئ مؤسف

عن النبي -صلى الله عليه وسلم- أنه قال:
(المسلم أخو المسلم لا يظلمه ولا يُسلمه، ومن كان في حاجة أخيه كان الله في حاجته، ومن فرَّج عن مسلم كربة فرَّج الله عنه بها كربة من كرب يوم القيامة، ومن ستر مسلماً ستره الله يوم القيامةوشكرا





انا دمعت عيني و الله , الله يلطف

[SAFIRE77]

انا ثابت نديها بنت بلادي.ولو ندفعلها مال الدنيا والله ماشي خسارة.المهم تعود بنت فاميلية.وبحكم التجارب اللتي تطالعنا بها الجرائد.كثيرا ما نسمع عن كوارث من هذه الزيجات.يا سيدي هذا رايى والله اعلم الجزائرية يديها جزائري والعكس.مادقولي مسلمة ماوالو القضية قضية عادات وتقاليدو .......

[bmlsy]

ههههههههههههه
كيعاد هاكدا انا ندي سورية و جزايرية

وزيد وحدة من طنبومتو

[bmlsy]

قال بنت سورية

إذا راكم تحوسوا على الجمال فجمال الجزائرية و الله لن تجدوه في هذه الدنيا

اتعلمون ان الجزائرية هي أجمل النساء و السبب تاريخي فهي جمعت بين

الجمال العربي و الأمازيغي و الاسباني

و لا يغركم ما تشاهدونه في المسلسلات السورية

كيفاه انخلي بنت الكاهنة و بنت لالة فاطمة نسومر وبنت جميلة بوحيرد

و انروح انجيب وحدة ما نعرفلها لا اصل و لافصل

اما فيم يخص المهر انتاعها 5000 عندنا المثل الشعبي اللي يقول

إذا عجبك في السوق رخصوا اعرف باللي كاين شي يخصو
فارسة انجليزية

[syros]

المشكلة ليست في المهر
المشكلة واش تاكل وواين تسكن ؟؟؟؟؟؟؟؟؟؟؟؟؟؟؟
انا و قريب يخرجوني من الدار حتى نزيد نجيب وحدة

[zineb.alg.ziani]

قول والله ........صاااح ...هاهاهااهها

[hocine2007347]

ايا فت منا قلت لازم نحط رد وراي يا خويا فيف الجزائرية ولكان قالو بكري من لم يتزوج شامية فلم يتزوج
فقد قالو لامير منهم ان ارد الجمال والمتعة فعليك بنساء المغرب العربي
ايا زيد انزيدلكم الجزائيرة كي عاد عزيزة وباهية والزين يقطر منها المهر غالي والباقي ....................
انا نخلي اليزن الشاوي القبايلي والجمال الوهراني الغربي والروعةو لقسنطينية وعيون عنابة واخلاق جليل ووووو........................................القائ مة تطول ونروح لغيرهم ملاد انا ول ايو هههههههههههههههههههههههههههههههههههههههههههه

[يوسف الحق]

انا ضد الزواج بالسوريات...طبعا هي قضية حريات لكني شخصيا ضد الفكرة من أصلها لأسباب قد تبدوا للجميع و أخرى قد لا تبدوا بدلك القدر من الأهمية .... لا تعاتبوني علي فهي وجهة نظر فقط

[غـاني]

mahma ykoun vive bnat bladi

[سجل أنا جزائري]

ما نعرف كل واحد و رأييو و حر وش يخر

انا من جهتي مستحيل ندي وحدة من غير بنت بلادي

[رحمة من المولى]

السلام عليكم و رحمة الله تعالى و بركاته أما بعد
اقول لكل جزائري مقبل على سورية مبروكة عليك و كيما يقولو السوريون ان شاء الله زواجة الدهر,بصح ما فهمتش يديه عن قناعة و لا لقلة مهرها و لا شفقة مفهمتش المهم ربي يكمل و يرزق السعادة و الهنا
بالنسبة لي و لبعض الجزائريات نفضلو الراجل الجزايري (الراجل بمعنى الكلمة) و تحيا النيف الجزائري لا السوري و لا المصري و لا التونسي و لا الليبي يقدر يدي مكان ولد بلادي لوكان يجيبلي مال قاروووووووووووووووووووون مهر منقبلش من غير ولد الجزائر
تقبلوووووووووووووووووا مروري

[إلينا 19]

صح فطوركم
وأنا أتصفح في المنتدى شدتني عدة مواضيع من بينها هذا الموضوع وأحببت أن أشارككم فيه
عشت ما يقارب ثلاث سنوات في الشام والله العظيم كن نقلكم ربما لا تصدقوني إذ أن الجزائريات لهن مكانة عالية هناك.
وكنت أنا وجزائريات أخريات عرض علينا الزواج من قبل سوريين أردنيين وفلسطنيين والله لدرجة تعجنا منها حيث وصل الأمر إلى الإحاح
لكن الجواب كان دائما الرفض القاطع دون أي تفكير أو تردد بالرغم من أنهم شباب مثقفون مسلمون....إلخ، دائما كن تقول جزائري ولالالا ههههه والحمد لله كتب لكل واحدة منا جزائري إبن بيئتها وثقافتها.....الخ..
كانت لنا زميلة متزوجة من رجل من بلد عربي آخر، كانت تقول والله لما شوف جنسية أولادي مش جزائرية أبكييي.
هذا من جهة من جهة أخرى الجمال في كل بلد يوجد الجميل والقبيح، وأنتم أكثرتم من مقولة من لي يتزوج شامية مات أعزبا كن نعكس المقولة ونقول من لم تتزوج شاميا ماتت عزباء، يا ترى وش رح يكون الرد؟؟؟
أنا ضد الزواج المختلط وهذا رأيي الشخصي
تقبلوا مروري وشكرا

[أبو مجيد]

شفتوا يا بايرات لي حاب التغير واش يصرالوا

[amokrane_malik]

مخلوفة يا حبيبي
اللي يستهزى ببنات الناس ربي يبليه باللي يستهزى ببناتو
لوكان جيت تخمم شويا برك.. يماك أختك بنتك جدتك عمتك خالتك بنات عمك وخالك.. ألسن جزائريات؟

من كان يؤمن بالله واليوم الآخر فليقل خيرا أو ليصمت

[amokrane_malik]

مخلوفة يا حبيبي
اللي يستهزى ببنات الناس ربي يبليه باللي يستهزى ببناتو
لوكان جيت تخمم شويا برك.. يماك أختك بنتك جدتك عمتك خالتك بنات عمك وخالك.. ألسن جزائريات؟

من كان يؤمن بالله واليوم الآخر فليقل خيرا أو ليصمت

[عاشقة نفسي]

كلشي بالمكتوووب

[عربية الهوية]

كل يوم نزيد نعرف عقلية رجال الجزائر !!!!!!!!!!!!!!!!!!!
شفتو الشهامة والرجولة وووو
باش تشوفولهم حل كيفاش يرجعو لبلادهم سالمين
واحد يقولك ندي 4 واواحد يقولك نديها سورية
تجي تفهمي تحيري
ايا اللي داها سورية ربي يعاونو
بصح بعد القاورية جات موضة السوريات الموضة الجاية الله اعلم ربي يستر ......
بصح اتفتحو شويا صح قالك العربي يخمم غي في كرشو وفي الزواج مغلطش