لماذا تحتقرون شعبتي ؟؟؟؟؟؟؟ علــــــــــــــــــــوم المــــــــادة

[عدنان سات]

السلام عليكم ورحمة الله تعالى وبركاته :

أيها الاخوة في منتدى الجلفة

والله من أكبر مشاكلي وانا بعد اجتيازي لباك 2012 بمعدل جيد قررت وضع تخصص علــــــــــــــــــــوم المــــــــادة
وجدت الجميع يقصف هذه الشعبة التي ارى بأنها مميزة ونالت قسطا وافرا من الاستهزاء
اهكذا يعامل الكيميائيون والفيزيائيون ؟؟؟؟؟؟؟؟؟؟؟
ارجو التفاعل والرد للحفاظ على سمعة الشعبة التي يدعون بان لا مستقبل فيها أرجوكم

[عدنان سات]

أين انتم يا محبي الفيزياء والكيمياء ام صحيح ما يقال حول الشعبة التي تكون الاولى عند الأجانب ب

[GirlyIbtissem]

انا نظن انو هادي شعبة مليحة انا تاني درتها ولكن بسبب الصعوبة الناس تنفر منها

[عدنان سات]

اي صعوبة في هذا الوقت ليقرا يلقى و ماكانش الساهل في القراية وماكانش الواعر

[(( ريتاج مكة ))]

لقرايا كامل مليحة ,, وكامل عندها دورها في المجتمع ,, العقليات هي لي مش مليحة .. بالتوفيق

[.صفاء.]

السلام عليكم ورحمة الله تعالى وبركاته :

أيها الاخوة في منتدى الجلفة

والله من أكبر مشاكلي وانا بعد اجتيازي لباك 2012 بمعدل جيد قررت وضع تخصص علــــــــــــــــــــوم المــــــــادة
وجدت الجميع يقصف هذه الشعبة التي ارى بأنها مميزة ونالت قسطا وافرا من الاستهزاء
اهكذا يعامل الكيميائيون والفيزيائيون ؟؟؟؟؟؟؟؟؟؟؟
ارجو التفاعل والرد للحفاظ على سمعة الشعبة التي يدعون بان لا مستقبل فيها أرجوكم

نعم يا اخي .... شعبتنا تلقى رفضا و انتقادا شديد اللهجة من عند البعض............لانهمم فقط لا يعلمون ماهيتها ......... او لأنهم لا يحبون الكمياء و الفزياء.......او لانه لا يحبون التفكير في المسائل الكميائية و حل الالغاز الفزيائية ..........أتعلم انه زاد ايماني اكثر حينما درست هذه الشعبة .... كيف لا و انا ارى ايات الله تتحقق امامي ..... حينما درست مقياس علوم الكون عند الاستاذ مومني بارك الله فيه أدركت عظمة الخالق سبحانه عز و جل و رايت كيف ان العلماء الغرب فرحوا باكتشافاتهم في الفضاء و اكتشفوا شق القمر و الشهب و مكونات السحب الموجودة في الفضاء و كذا ظاهرة تمدد الكون التي هي مكتشفة حديثا فقط........ اتدري ان كل هذا مذكور بالتفصيل في القرآن.......سبحان الله ........ سررت بدراستي في علوم المادة و لم اندم ابدا لانني درستها و خصوصا انني و الحمد لله درست عند اساتذة ملتزمين لا تفارقهم هذه الكلمة العظيمة المعنى " سبحان الله "....... يــــا الله على هذه النعمة ....يرينا الله اياته ليزيدنا ايمانا ......... نصيحتي ان تدرسوا هذه الشعبة و لا تبالوا بما قيل و يقال و سيقال فيها ......... ادرسوها بإخلاص لله سبحانه و تعالى ...........

قالوا لك ان لا مستقبل فيها ....... قل لهم و هل تظمنون لانفسكم العمل ........ هل انتم من تخلقون فرص العمل ......اذا قالوا لك نعم قل لهم خسئتم ................... الرزق يأتي من عند الله ......... و حده الله الذي بيده ان يرزقنا بالعلم و العمل ...... لا تبالي بكلامهم ........هناك من اختار دراسات عليا و هو الان بطال و هناك من هو دون ذلك و حصل على وظيفة جيدة .......سيقول لك معريفة او زهر او الدولة تمشي بالبريقراطية و غيرها من اقوال المرضى نفسيا ......قل له ربي يهديك الرزق من عند الله ..............


أنا اصر دائما على ذكر هذه الكلمة في مواضيعي و لا اجيب من يسألني عن مستقبل الشعبة سوى بعبارة " انما العلم عند الله و الله هو الوحيد الكفيل بالرزق "......... (http://www.djelfa.info/vb/showthread.php?t=1037577)

[♫ وهج الأمـل ♫]

السلام عليكم

صراحة أخي انا كنت من محبي الفيزياء

كنت نموت عليها

لكن شاء الله أن حصل في ثانويتي ما جعلني أغير رأيي

كل شعبة وعندها أهميتها

و علاه انت أثروا فيك كي قالوها ؟!!!

أنا قالولي نفس الشي

قالولي وعلاش علمية ودرتي انجليزية

القضية ماشي في عدد اللي يحبو الشعبة

القضية قضية قداه تحب الشعبة اللي خيرتها

و بصراحة كاينة شعب بزاف اللي محقورة في بلادنا

اللي يقرا كامل يروح طب وصيدلة

مانيش نلوم فيهم بصح البلاد رايحة تنهض غير بالطبة والصيادلة

الدول كامل تقدمت على خاطر مدت لكل تخصص الأهمية تاعو

ماشي كيما حالتنا

مع أنو نظرتي للفيزياء تغيرت لكن مزلت نقدرها

اقرا كيما تحب أخي وماتشوف حتى لواحد

مزية كاينين اللي مزالو يختارو هذي التخصصات

تقبل الله طاعتك

سلا~~مـ

[لبيض92]

السلام عليكم ورحمة الله وبركاته

أنت أمام إمتحان قوة شخصية . سيؤثر على نتائجك إذا استمريت على هذه الحا

لا أحد سيدرس التخصص الذي ستختاره سواك

وفقك الله

جزاكم الله خيرا

[virus00m]

انا كميائي سنة ثالثة و لا اسمع الي كلام من الي يقولوه لانهم اولا لم يدرسوها او بالاحرى لم تسمح لهم الفرصة لدرستها و بهذا يريد احباط كامل الطلبة
المهم علوم المادة من احسن التخصصات

[virus00m]

و لي يقولك ماشي مليخا سقسيه قولوا انت قريتها ؟
الا قال لا قولوا و علاش تقول ماشي مليحة ؟
اكيد يقولك نعرف واحد و منجحش فيها ؟
قولوا الا هو ما نجحش ول ميعرفش يقرا ما شي ناس الكل كيفكيف

[عدنان سات]

بارك الله فيكم يعني نعمة من عند المولى عز وجل أن أجد أصدقاء مثلكم والله أزحتم ما يخالج صدري من خربشات الشارع ربي يحفظكم كل لي يارب استرهم

[نورسين سوف]

انا اديت الباك2012 واعطوني علوم المادة الاختيار الثاني وصدقيني كل مايسمع اعطوهالي يعيط ..............وانا ان شاء الله نعول على ربي ونقراها ونصيحة ليك اختي امشي مع لوالمك وربي يوفقنا

[sam_ron]

السلام عليكم و رحمة الله تعالى و بركاته ............
يا ناس كونوا عاقلين ............الحق باين و الباطل باين .............يرحم والديكم فهموني ياك كل واحد فينا راه يقرى باش يصيب خدمة .................ولكن ما هي افاق هذه الشعبة ............ماهي مناصب الشغل المقترحة لهذه التخصصات ..........هل هي متوفرة بكثرة ......................................يرحم والديكم اللي يقدر يجاوبني على هاد الاسءلة نقولو عندك الحق كي قريتها ...و اللي ما يقدرش يجاوب نقولو انا واحد من الناس اللي يطيحو فيها

[عدنان سات]

طيحتلي المورال اوووووووووووووووه

[عدنان سات]

فوق كل هذا مستعد نقراها ونماجوري فيها والخدمة ربي من فوق انا المهم نحطم الارقام القياسية في الجامعة لي راح نقرا فيها وممامدخلنيش في حتى شي أخر

[.صفاء.]

فوق كل هذا مستعد نقراها ونماجوري فيها والخدمة ربي من فوق انا المهم نحطم الارقام القياسية في الجامعة لي راح نقرا فيها وممامدخلنيش في حتى شي أخر

أيواااااااااااك .......... هكذا لازمك ترد على هدوا الناس....شفت كيفاش طيحلك المورال ل0 حزب الاحباط العالمي منتشر جدا و هذا من اعضاءه و مالازمش نردو عليه لانو الرد عليه راح يهيجو و يدخلك في دوامة معاه و من باعد راح يقنعك بأن رأيه هو الصحيح و يديك لطريق غالطة........لكن الحمد لله جوابك قاطع مانخافوش عليك......و ان شاء الله تحقق حلمك....و اي شيئ تحتاجو رانا هنا .......

[نغمة الصمت]

cho3ba momayaza urtt la chimie

[Mustapha93]

أيواااااااااااك .......... هكذا لازمك ترد على هدوا الناس....شفت كيفاش طيحلك المورال ل0 حزب الاحباط العالمي منتشر جدا و هذا من اعضاءه و مالازمش نردو عليه لانو الرد عليه راح يهيجو و يدخلك في دوامة معاه و من باعد راح يقنعك بأن رأيه هو الصحيح و يديك لطريق غالطة........لكن الحمد لله جوابك قاطع مانخافوش عليك......و ان شاء الله تحقق حلمك....و اي شيئ تحتاجو رانا هنا .......


يا اختي هذا راه مستقبل متديكش تغنانت والعاطفة
انا معاك الرزق على ربي لكن لازمك تسعي للرزق مش تقعدي في بيتك ويجيك رزق
من بين السعي للرزق انك تخطط تشوف الشعبة الانسب ولي ليها حظوظ في بلادنا وخطي تحت كلمة بلادنا 1000 خط
والانسان لي يفكر بعقلة يشوف سوق العمل اولا نقلك حاجة شعب في جزائر تعيشك عيشة ملوك كون تخرجي بيها لرا
يصح هنا ربي هو العالم
انا مش مع او ضد هذه الشعبة لكن فكرو في مستقبلها
انا 13 جيت باك اذا ما صحتليش مدرة لغواط راح نقرى علم تفس لكن انا درستها من كل جوانب و نقتنع بيها
لانو باك وعدل ياك نشوة الجامعة حشوة متشوفيش روحك في نشوة النجاح الواقع يفرض نفسه
ربي يوفقكم خاوتي

[عدنان سات]

آي ربي يسهل وأنا راح نقراها مع العلم معدلي جيد في الباك راح نماجوري و ماعنديش مشكل باه نفني حياتي في القراية هذه و انا سمعت بناس وصلوا بعلوم المادة هكا ملاحة برشا علاهديك راح نكمل برك والمستقبل يجي بعد أنا راح نقرا ماشني خادم خلاص نحب نقرا برك

[Mustapha93]

آي ربي يسهل وأنا راح نقراها مع العلم معدلي جيد في الباك راح نماجوري و ماعنديش مشكل باه نفني حياتي في القراية هذه و انا سمعت بناس وصلوا بعلوم المادة هكا ملاحة برشا علاهديك راح نكمل برك والمستقبل يجي بعد أنا راح نقرا ماشني خادم خلاص نحب نقرا برك

ربي يسهلك اخي
لازمك ثقة بالنفس وتنسى كل هالكلام على خدمة ومستقبل باش تقدر تقرى يعني تصفي ذهنك
رربي يوفق خويا

[نورسين سوف]

يا اختي هذا راه مستقبل متديكش تغنانت والعاطفة
انا معاك الرزق على ربي لكن لازمك تسعي للرزق مش تقعدي في بيتك ويجيك رزق
من بين السعي للرزق انك تخطط تشوف الشعبة الانسب ولي ليها حظوظ في بلادنا وخطي تحت كلمة بلادنا 1000 خط
والانسان لي يفكر بعقلة يشوف سوق العمل اولا نقلك حاجة شعب في جزائر تعيشك عيشة ملوك كون تخرجي بيها لرا
يصح هنا ربي هو العالم
انا مش مع او ضد هذه الشعبة لكن فكرو في مستقبلها
انا 13 جيت باك اذا ما صحتليش مدرة لغواط راح نقرى علم تفس لكن انا درستها من كل جوانب و نقتنع بيها
لانو باك وعدل ياك نشوة الجامعة حشوة متشوفيش روحك في نشوة النجاح الواقع يفرض نفسه
ربي يوفقكم خاوتي
خويا مصطفى و اش راك وصحا رمضانك وربي يوفقك ويسهل عليك الامور واش رايك في التخصص ليعطوهالي d02 مع انني درت علوم انسانية لكثرة ميولي التاريخ وتعلقي بيه

[عدنان سات]

ربي يستركم كامل

[sam_ron]

واش نقولككككككككككككككككك ربيييييييييييييييييييييي يععععععععععععععععييييييييييييييننننننننننننككككككك كككككككك

[Mustapha93]

خويا مصطفى و اش راك وصحا رمضانك وربي يوفقك ويسهل عليك الامور واش رايك في التخصص ليعطوهالي d02 مع انني درت علوم انسانية لكثرة ميولي التاريخ وتعلقي بيه ان شاء الله راك عرفتني .............

سلام اختي اكيد عرفتك
ايمات دعم متتناساش والحمد لله كان ختامها مسك علينا وعليك
علوم مادة صح والله انا كاين اصحابي لي دارو هاد تخصص وهما سقسو عليه مليح بالنسبة للدراسة يقولو راهي صعيبة شويا لكن لي حاي يقرى ويحب فيزياء وكيمياء مش صعيب عليه
وفرص العمل فيه التعليم كاستاذ وفيه فرص عمل في مخابر الصيدلة وممكن بعض الشركات
اذا كنت تحبي مادة العلمية وحابة تكملي مع فيزيك وكيمياء مليحة لكن تطلب جهد
اما بخصوص علوم انسانية انا تاني راني مسجل فيها علوم انسانية في الواد بصح ان شاء الله باش ندير تحويل للاغواط مدارس عليا اذا كتب ربي واذا مكانش عدنا الحظ نروح لسطيف نقرى علوم اجتماعية ونتخصص علم نفس راني نحب التخصص هذا ياسر
وانا ننصحك بما انك تحبي تاريخ هي سموها رغباات يعني الرغبة وش حاب نقرىو حتى علوم انسانية وتاريخ فرصها في تعليم كبيرة واسهلك كبنت 3 سنوات وتريحي وحتى اذا حبيتي دراسات عليا مواد الادبية تقدرري تكملي فيها اما العلمية غير لمتمكن
انا منحاااز شوي للمواد الادبية مع اني علمي :rolleyes::rolleyes:
وربي يسهل لي فيه الخير
يبقى اختيارك انت اختي وقرارك ........وصرااحة مجرد راي علم نفس خااصة للبنت تستفيدي منو حتى في حياتك المستقبلية ههههه هاد رايي
ربي يجيب الخير
وصحى رمضانك وسلمي على صديقتك ياسر
موفقين ان شاء الله

[بسام 11]

السلام عليكم ورحمة الله وبركاته

أما بعد، فهاته الشعبة مكروهة من قبل أغلب الطلاب، لأنها صعبة كما يقولون وليس فيها مجالات العمل كما يقولون وهكذا أهانوا هاته الشعبة.

هنا يأتي الرد عليهم، لأنه هاته الشعبة مثل شعبة التيكنو الدروس متماثلة لا زيادة ولا نقصان، ليست صعبة بالمرة، طبعا تحتاج جهد دراسي، لكن أعدكم من يتعب فيها ينجح، بالنسبة لمجالات العمل فيها، تتفرع لتخصصي الفيزياء والكيمياء وفي بعض الجامعات مثل باب الزوار وبومرداس وتيزي وزو هناك تخصص الجيوفيزياء، تختلف نسبة العمل من تخصص إلى آخر، ففي الكيمياء تتفرع لعدة تخصصات أغلبها لديها نسبة كبيرة في العمل، أما في الفيزياء، فتخصصاتها في الماستر كثيرة وفرص العمل تختلف من تخصص إلى آخر، وبالمناسبة تخصص الفيزياء واحد من أفضل التخصصات في جامعة باب الزوار ومن أعرفهم ممن درسوا الفيزياء في جامعة باب الزوار الآن هم إما أساتذة أو باحثون أوأساتذة في البرمجة (programmation)، أذكر بعض التخصصات المطلوبة في الحياة المهنية، مثل الفيزياء الطاقوية، الفيزياء الطبية، الفيزياء التطبيقية كهرباء، أما الفيزياء النظرية فهي مطلوبة في الجامعات، والآن مع تخصص الجيو فيزياء هو واحد من أفضل التخصصات، مجالات عمله متعددة منها مناجم، السونطراك، التنقيب عن البترول، مراقبة الزلازل وغيرهم ويركز على الرياضيات.
هذه نظرة مبسطة عن تخصص علوم المادة، حاليا أنا أدرس السنة الثانية فيزياء، والحمد لله بلعت السداسيين الأول والثاني وماجوريت فيهم، رغم كلام الناس عنها بأنها صعبة وسأبقى أعوم فيه والكثير من الكلام التافه...

أنصحك بأن لا تسمع كلام الناس وأن تسعى فيها وتسأل الله التوفيق والرزق من عند الله.

فربما من يدرس الطب قد لا يجد عملا.

[نورسين سوف]

سلام اختي اكيد عرفتك
ايمات دعم متتناساش والحمد لله كان ختامها مسك علينا وعليك
علوم مادة صح والله انا كاين اصحابي لي دارو هاد تخصص وهما سقسو عليه مليح بالنسبة للدراسة يقولو راهي صعيبة شويا لكن لي حاي يقرى ويحب فيزياء وكيمياء مش صعيب عليه
وفرص العمل فيه التعليم كاستاذ وفيه فرص عمل في مخابر الصيدلة وممكن بعض الشركات
اذا كنت تحبي مادة العلمية وحابة تكملي مع فيزيك وكيمياء مليحة لكن تطلب جهد
اما بخصوص علوم انسانية انا تاني راني مسجل فيها علوم انسانية في الواد بصح ان شاء الله باش ندير تحويل للاغواط مدارس عليا اذا كتب ربي واذا مكانش عدنا الحظ نروح لشطيف نقرى علوم اجتماعية ونتخصص علم نفس راني نحب التخصص هذا ياسر
وانا ننصحك بما انك تحبي تاريخ هي سموها رغباات يعني الرغبة وش حاب نقرىو حتى علوم انسانية وتاريخ فرصها في تعليم كبيرة واسهلك كبنت 3 سنوات وتريحي وحتى اذا حبيتي دراسات عليا مواد الادبية تقدرري تكملي فيها اما العلمية غير لمتمكن
انا منحاااز شوي للمواد الادبية مع اني علمي :rolleyes::rolleyes:
وربي يسهل لي فيه الخير
يبقى اختيارك انت اختي وقرارك ........وصرااحة مجرد راي علم نفس خااصة للبنت تستفيدي منو حتى في حياتك المستقبلية ههههه هاد رايي
ربي يجيب الخير
وصحى رمضانك وسلمي على صديقتك ياسر
موفقين ان شاء الله
سلام.............الله غالب كنت حابة ندير
تاريخ وجغرافيا أستاذ التعليم المتوسط او ثانوي المدرسة العليا للأساتذة ببوزريعة
بصح معدلي موصلنيشي وقيلا نعاود الباك هههههههههههههههه
الي فيه الخير ربي يقدمه ............صحا فطورك

[.صفاء.]

السلام عليكم ورحمة الله وبركاته

أما بعد، فهاته الشعبة مكروهة من قبل أغلب الطلاب، لأنها صعبة كما يقولون وليس فيها مجالات العمل كما يقولون وهكذا أهانوا هاته الشعبة.

أنصحك بأن لا تسمع كلام الناس وأن تسعى فيها وتسأل الله التوفيق والرزق من عند الله.

فربما من يدرس الطب قد لا يجد عملا.


هذا هو الرأي الصواب

[عدنان سات]

راني مقتنع الان 10/10 هبيت نسأل فقط جميع المتميزين هنا كالأخت princess و الأخ بسام 11 و الاخ virus00 وغيرهم من الأخوة لكن عندي سؤال وان شاء الله ماقلقتكمش هل يمكن التخصص هذا يكفيك بالتعليم أي تقدر تقري بيه مثلا في الثانوية او الجامعة ارجوكم

[طيف الماضي]

ماكانش حاجة اسمها احتقار شعبة ما لانها في الاول و الاخير علم من العلوم و كل شعبة وليها مميزاتها الخاصة بيها
و شعبة علوم المادة اللي الناس تستهزئ بيها راهي صعيبة على الشعب الطبية لانو فيها فيزياء و كيمياء بزاف و بالاك لوكان نجيبو واحد من اللي جابو معدلات عاليو و يدرس طب او صيدلة باش يدرس ف هاد الشعبة راح يغرق و ما يسلكش راسه معاها قاع
لذا مالازمش نطيحو بأي علم مهما كان

[.صفاء.]

راني مقتنع الان 10/10 هبيت نسأل فقط جميع المتميزين هنا كالأخت princess و الأخ بسام 11 و الاخ virus00 وغيرهم من الأخوة لكن عندي سؤال وان شاء الله ماقلقتكمش هل يمكن التخصص هذا يكفيك بالتعليم أي تقدر تقري بيه مثلا في الثانوية او الجامعة ارجوكم


نعم اخي تقدر تدخل سلك التعليم من بابه الواسع خاصة اذا اخترت تخصص الفزياء حيث تستطيع التدريس في المتوسطة اذا تحصلت على ليسانس فيزياء
و تستطيع التدريس في الثانوية او حتى الجامعة اذا تحصلت على الماستر 2 .

اما في الكمياء فتستطيع التدريس في الجامعة اذا تحصلت على الماستر 2 ، و في جامعة بسكرة كل عام يفتحون مناصب لتدريس الكمياء لان الاساتذة فيها قليلون و الطلبة كثيرون خاصة طلبة علوم و تكنولوجيا الذين وصل عددهم ل 1000 العام الماضي و هم يحتاجون من يدرسهم الكمياء .

هذا بالنسبة لسلك التعليم لكن هناك مناصب شغل اخرى توفرها الشعبتان كمياء و فزياء

[عدنان سات]

ربي يسترك وسعني مستحيل اني اجد شخص بينلي الطريق اكثر منك ربي يجعلها في ميزان حسناتك

[بسام 11]

في جامعة باب الزوار عندنا، يمكن أن تدرس في المتوسط أو الثانوي بالليسانس فقط (ليسانس فيزياء)، أما في الجامعة على حسب التخصص، ممكن ماستر 2 ممكن دكتوراه

[عدنان سات]

ربي يستركم

[B.Badis]

أخي عدنان
هذا اللي يحتقر الشعب راهو إنسان للأسف غبي ...حاسب روحو العبرة بمعدل الباك
الباك راهو فترة و عدات خلاص ...
الناس يخممو بالماديات للأسف ...و حابين يوصلو للنجاح المادي بأسهل الطرق ...
قولي يرحم باباك أي مادة أهم في هذا العالم من الكيمياء و الفيزياء
ما تقلقش روحك خويا ...راهي فوووور و عندها مستقبل زاهر ...و عندي ناس نعرفهم نجحو فيها و وصلو و أحلامهم و طموحاتهم بدأت تتحقق
لذا فسر إلى الأمام و لا تلتفت للوراء للمثبطين:19:

[سطايفية بكل فخر]

لا يوجد احتقار لاي شعبة على اختها فقط نعرف ما نختار
ذبالنسبة لعلوم المادة المشكل هو لاصحاب الفيزياء لانو بلادنال مكاشي بلاد فيزياء وميلقاوش الخدمة فقط التدريس
لهدا الكل يرجح التيكنو عليها
بالتوفيق ليك مدامك حاب تقراها
ولي يحتقرها كون ليه بالمرصاد

[*أمة الله*]

hatta ana bghite ndireha w salite salate istikhara w khtarite math info rabi maktebhaliche m3a ani ouhibou lkimya2 akthar mine nafssi lakine 9adara allah w macha2a fa3ale

[عدنان سات]

ربي يخليكم إن شاء الله يوصلكم أخباري في يوم من الأيام ترقبوا جيداااااااااااااا

[سطايفية بكل فخر]

نشاء الله تصبح عالم فيزيائي كبير لكن في دلك اليوم لا تنسى منتدى الجلفة وادخل لالقاء التحية علينا
هههههه

[maya_phy]

صح فطوركم
اخي الكريم لا تدع اي احد يشكك في اختيارك خاصة اولئك الذين لم يدرسوا علوم المادة هذا اولا
اما ثانيا فاود ان اخبرك بان دراستها رائعة و حلوة كيما يقولوا خاصة اذا انت احببتها و هذا الكلام ليس من فراغ فانا درستها و ايضا المواد التي ستدرسها كما قال بعض الاخوة مرتيطة بالواقع و جميلة اما بخصوص العمل فهذا بيد الله و رغم ذلك انا كنت مثلك و الجميع وقف ضدي و لكن بارادتي و مشيئة الله انا الان استاذة في الثانوية ادرس فيزياء و في نفس الوقت احضر لدكتوراة راني عدبت لسنة الثالثة و لحب ربي نتخرج هذا العام.
بالتوفيق و لكن المهم هو تفانيك في الدراسة و حبك لها

[عدنان سات]

الحمد لله ظهر الحق وزهق الباطل وان شاء الله ماننساكمش كل كيفماه ننسى العائلة تاعي ربي يحفظكم كااااااااااااااااااامل

[Mustapha93]

سلام.............الله غالب كنت حابة ندير
تاريخ وجغرافيا أستاذ التعليم المتوسط او ثانوي المدرسة العليا للأساتذة ببوزريعة
بصح معدلي موصلنيشي وقيلا نعاود الباك هههههههههههههههه
الي فيه الخير ربي يقدمه ............صحا فطورك


صحى فطورك وصحورك
اذا حابة تعاوديها خفي روحك لتتعمر افواج بن عمر وتزيدي تعيش حرب البلايص هههه ههه ربي يسهل اختي
مهم في القراية

[الهام320]

ana 3tawni choix zero wmadoli 3oloum lmada mi manekdebch 3lik bla mansa9si 3liha dert recours wdert englais..:1:

[B.Badis]

الحمد لله ظهر الحق وزهق الباطل وان شاء الله ماننساكمش كل كيفماه ننسى العائلة تاعي ربي يحفظكم كااااااااااااااااااامل

بالتأكيد أخي أحنا ثاني ما ننساوكش ...:19::19::19: ربي يوفقك

[عدنان سات]

اااااااااااااامين يارب سهل لكل من اراد طريقا يريد به خيرااااااااااااا

[wafafawaafaw]

السلام عليكم
اول شئ لتحقيق النجاح ان لا تستمع لاقوال الناس اذا تعلق الامر بشعبتك المستقبلية فقط في حالات

استفساراتك عنها واعظم شئ في هذه الحياة هو استخارة رب العالمين في كل الامور

لاتنسنا من الدعاء

على قدر أهل العزم تأتي العزائم ... وتأتي على قدر الكرام المكارم
وتعظم في عين الصغير صغارها ... وتصغر في عين العظيم العظائم
. أبو الطيب المتنبي

بالتوفيييييييييييييييييييييييييييييق

[amira sadate]

على العكس اخواني انا احب هدة الشعبة كثيرا و قد اختارها و من الماكد ان لها مهن عديدة و مستقبل زاهر بادن الله و لكن القليل من الجد و الثقة و البحث عن مهنة مناسبة فقط و الله و لي التوفيق اخواني و اخواتي صحا رمضانم و عيدكم بمزيد من التالق في كل النجالات ان شاء الله

[*ابو محمد الجزائري*]

بعد توجيهي لجذع مشترك تكنولوجيا القديم قالوا لي انها صعبة كثيرا و النجاح فيها قليل
قلت لهم هذا سبب اختياري لها لانني لا احب التخصصات السهلة (فبُهتوا) و لم يزيدوا حرفا

من كان يختار من اجل الناس فلا تنتظر منه النجاح و التفوق في حياته (لان غاية الناس لا تدرك)
و من كان يختار لقناعته و مبادئه فلن يؤثر فيه كلام الناس (باستثناء الناصحين المجربين)

[عدنان سات]

ربي يخليكم وأصغر شيء ممكن أن يقدمه العبد هو كامل التقدير والله ربي يستركم كااااااااااااامل يعني جميلكم لا ينسى......

[الصديق الذهبي]

الحقيقة أنهم لا يقدرون عليها

ومن جهل شيئا عاداه

في السبعينات كان الطالب مين ما يلقاش شا يدير يروح يدير طب أو صيدلة والفيزياء والرياضيات يديروها غي اللي قادرين على شقاهم

[الصديق الذهبي]

لا يوجد احتقار لاي شعبة على اختها فقط نعرف ما نختار
ذبالنسبة لعلوم المادة المشكل هو لاصحاب الفيزياء لانو بلادنال مكاشي بلاد فيزياء وميلقاوش الخدمة فقط التدريس
لهدا الكل يرجح التيكنو عليها
بالتوفيق ليك مدامك حاب تقراها
ولي يحتقرها كون ليه بالمرصاد

لكن الواقع يقول أن التقنيون والمهندسون صاروا يتمنون لو درسوا فيزياء ويحلمون بالمشاركة بمسابقات التعليم الثانوي

والدليل في منتدى مسابقات التوظيف في المؤسسات التعليمية

[سطايفية بكل فخر]

لكن الواقع يقول أن التقنيون والمهندسون صاروا يتمنون لو درسوا فيزياء ويحلمون بالمشاركة بمسابقات التعليم الثانوي

والدليل في منتدى مسابقات التوظيف في المؤسسات التعليمية

وانت قلتها التعليم
لا يوجد الا التعليم في مجال الفيزياء
تمنيت لو كانت عدنا مخابر للفيزياء النوية في بلادنا لانو تخصص الفيزياء مليح ومكانش الدولة لي تقوم بيه
بالتوفيق للجميع فيما اختارو

[pretty cat]

حتى تخصص علوم التكنولوجيا نفس الحالة مع انه يركز على الكيمياء و الفيزياء و خوفوني بزاف من تخصص الكيمياء قالولي صعيب بزاف و ما يمدوش النقاط و انا نحب هاذ التخصص بصح وسوسوني خافت نقراه و ما نباسيش

[عاشقة المحبة]

انا ادرس علوم المادة سنة الثالثة تخصص فيزياء وانا فخورة انني ادرس هذه الشعبة صحيح هي غير معروفة قليلا ولكن هي افضل من بعض الشعب على حسب علمي وان شاء الله يوفق الجميع

[الأستاذ المحاضر]

احمل كامل مسؤوليات حياتك ولا تستمع لما يقال عنك تكن أسعد الناس

[زهرة الجزائر 07]

ارجو الاجبة بكل صراحة و بعيدة عن الكلام : مليحا و كي عاد صعيبة يهربو منها و و و و و


انا تاني مدايرا علوم المادة مي جاوبوني برك بكل صراااحة

كون يخيروكم بين علوم المادة و الشبه طبي وش تخيرو

مع انو الشبه طبي هاد السنة تحسن و مستقبلو في العمل باطن الله مضمون 100/100

و لكن علوم المادة حتى و ادا تخصصت راح تكون فيها كونكور و تجري و تدخل المعريفة باه تنجح في الكونكور

[حمامة السلام48]

لا أبدا
شعبة علوم المادة من أفضل الشعب في الجامعات وهي علوم دقيقة فيها تخصصين فيزياء وكيمياء
وتأتي مباشرة بعد الطب والصيدلة وجراحة الأسنان
في هذه الشعبة علوم مجالها رائع ودقيق
ليست بالصعبة أبدا
كل مايجب فعله هو العمل والإجتهاد والمواظبة والبحث المستمر
أناطالبة في هذه الشعبة
أدرس سنة ثالثة تخصص كيمياء
وأنا مسرورة جدا لأنني وجدت الشعبة رائعة
والله حقيقة
لم أكن أتوقع أن أدرسها أبدا
كنت أحلم بالطب والصيدلة
لكن الحمد لله
هذه الشعبة يمكنني بها أن أحقق ما فقدته من أحلامي
يمكنني أن أندمج في الطب والصيدلة أيضا
منها تخصصات رائعة كالتحاليل الطبية والفيزياء الطبية والكيمياء الصيدلانية وووووو
الحمد لله
يجب أن نفتخر نحن الكيميائيون والفيزيائيون
الحمد لله

[ايوب94]

الحمدلله انا تانني ان شاء الله نااوي على علووم المادة وداير حااجة في رااسي انو الصعيب هو لمليح والله وان شاء الله ربي يوفقنا في علوم المادة وقريت في الموفع تاعهم انه كااين تخصص مختص فقط بالسرطان والله ولي ا لتوفيــــــــــــــــــــق

[espoire rst]

slm ana tani dirt science de la matiere rani m9tan3a biha w haba nwsal b3id nchalah
akhi ayoub mahowa takhasos li rak 9asdo men fadlek
allah ywafa9 l jami3

[ايوب94]

slm ana tani dirt science de la matiere rani m9tan3a biha w haba nwsal b3id nchalah
akhi ayoub mahowa takhasos li rak 9asdo men fadlek
allah ywafa9 l jami3


ادخلي برك للموقع تع الجامعة تع هواري بومدين وشوفي التخصصات تع علوم الماادة وراح تفهمي كلش سلااام:19::19::)

[.صفاء.]

[CENTER]التخصصات الموجودة في علوم المادة بالتفصيل من الاخ ايوب 94
(http://www.djelfa.info/vb/showthread.php?t=1092482)

[chafia meraniza]

مشكورين ياجماعة والله طلعتولي المورال

[ranaia]

علوم المادة من احسن الاختصاصات بالاخص لما تختص فيزياء

[dina.labelle]

chkoun li khir ya jma3afisique walla chimique

[نورالهدى**]

كي دير حاجة اقتنع بيها