هل يقدر يبطل عليا ؟

[مشكلتي]

سلام عليكم ورحمة الله وبركاته

نعرف شاب منذ عام ونصف ونحبو ويحبني وجاد والحمد لله ربي يبارك

وثاني انو حكينا ويعرفني ويعرفني ثاني مليح وجامي خبيت عليه وكي نغلط نصارحو وجامي حاولت نعت روحي بلي مثالية ولا يعني تعاملت معاه على طبيعتي صحا هنا ثاني مش مشكل
مشكلتي انو حكيتلو على عائلتي لكن باختصار وكاين حكايات هكا فهم بلي بابا مثالي مي بابا عكس كدلك بصح منقدرش نقولو بابا فيه وفيه يعني ديما نحكي عليه بالخير

هو جاي ورا رمضان يخطبني وخايفة كي يعرفو بابا ميقبلوش بسبب بابا لان عقليتو شوي صعيبة وسمعتو شوي ناقصة ربي يهديه يبقا بابا وخلاص

وخايفة كون يعرف بابا تتبدل نظرتو ليا ولا يحسب بلي كدبت عليه ولا خبيت وخايفة يخليني


انتوما كون كنتو في بلاصتو ورحتو تخطبو وحدة هي سمعتها زينة وماشاء الله على قدر من الجمال بصح مشكل ان باباها سمعتو شوي ناقصة و
وعقليتو صعيبة تبطلو عليها ؟ بكل صراحة الله يعيشكم

[aissam .3820]

رايح يتزوج معاك ويعيش معاك انت مش والدك....

...


ربي يعطيك على قد نيتك اختي...


..

[لحن الفرح]

اختي كنت من الاول تصارحيه الحقيقية على ابوك انه صمعته شوية سيئة
ان شاء الله تسهال الخطبة ديالك وتفرحي اختي الكريمة

[teacher60015]

نسال الله العافية
هل مازال كاين ناس هاك ؟ تتكلمي على باباك كيما هاك
...................الله يهديك اين هو بر الوالدين ؟ ادعو لنفسك قبل ابيك بالمغفرة و الهداية و الله المستعان
و رمضان كريم

[zineb.alg.ziani]

nchllh ghi lkhiiiiiiiiirr

[kad_oma]

نسال الله العافية
هل مازال كاين ناس هاك ؟ تتكلمي على باباك كيما هاك
............. الله يهديك اين هو بر الوالدين ؟ ادعو لنفسك قبل ابيك بالمغفرة و الهداية و الله المستعان
و رمضان كريم
أخي هذا جزء من المشكلة و لا يحتمل المجاملة.
إدعي له بالهداية و هذا من البر.

[karimblida]

ماكيش انت لي تحكيلو على باباك
هو لي روح يسقسي عليه
هذه بديهية قبل ما يجيك

[صُبح الأندلس]

هذا يتوقف عليه إذا كان متمسكا بك لن يهمه الأمر و إن كان يبحث لك عن أي سبب لينسحب فتأكدي سيجعل منها قضية رأي عام !!!

[دكتورة بإذن الله]

السلام عليكم و رحمة الله و بركاته
يا اختي علاه راكي تكسري في راسك ..
خليها على ربي و خلاص ..
استخيري الله اذا فيه الخير ربي يجيبولك و اذا فيه العكس ربي يبعدو عليك ..
و صراحة اذا كان يريدك و راغب فيك و ذو شخصية قوية لن يخلق لك اي سبب للرفض
اما ان كان العكس سيجعل لك من الحبة قبة ...فما ذنبك انت ان كان والدك صعب المراس ؟!
و الله ادرى و اعلم
نسأل الله لك التوفيق وربي يجيب الخير ..

[fyfy_top216]

بالعكس لازم تحكي في والديك بخير قداموااا مهما كان

[hamza025]

اول حاجة كلشي بالمكتوب اذا ربي سبحانه كاتبلك هذا الشاب ولا اي حاجة في الدنيا راح تمنعكم و انا ننصحك اختي استعيني بالله و صلي صلاة استخارة و انشاء الله ما يكون غير الخير و ربي يوفقك انشاءالله و يفرحك

[faty05]

درتي مليح باباك جامي ما تحكي عليه بحاجة مش مليحة لاجنبي
لانو يبقى هذا السيد اجنبي عليكم
ربي يتمملك على خير

[~~نهال~~]

الدنيا كامل تعاني من مشكل الاب نتي خلي يجيو و مبعد منا لهذاك الوقت يديرلها ربي الف حل ممكن يقبل بيه

[~~ أغيلاس ~~]

سمعة والدك سيئة، هل يشرب الخمر ؟ هل يروج المخدرات ؟ هل يأكل أموال الناس بالباطل ؟

إن كان غير هذا فلا تخافي .

و سواء قبل الزواج أو بعد الزواج إياك أن تفضحي أسرار إخوتك و والدك أمام زوجك، إن كان بزوجك شيء من اللؤم فسوف يعيرك بإخوتك و والدك و يجعل منهم فاكهة للمجالس .

[dotZero]

رايح يتزوج معاك ويعيش انت مش والدك....

...


ربي يعطيك على قد نيتك اختي...


..



نفس الرأي
لا داعي للخوف
هو يديك و يطير بيك لدارو ماعندو مايدير بالوالد تاعك
ربي يكمل بالخير

[أم عبد النور]

السلام عليكم

اذا كان صح يريدك زوجة حتى لو كان والدك يرتكب كل معاصي جهراا

وأنك لم تصاريه بحقيقة والدك نقولك واش من وحدة تهدر بسوء على

والديها أمام زوج المستقبل واذا فعلت سيقول في نفسه الدور عليا مستقبلا

توكلي على ربي وكلش مكتوب وربي يكملك بخير وتكوني أحلى عروس

[مبروكة الصحراء]

السلام عليكم
أختي قلبي معك أكثري من الصلاة و الدعاء و ليس عليك قول شيء من الطبيعي ان يسأل هو عنكي و عن عائلتك و إن لم يفعل حتى الأن سوف يفعل لاحقا
و سمعة أبيك لأن يلومكي عليها أو يعاتبك بعدم إخباره بها حتى هو لو كان في مكانك ما أخبرك لأن من الطبيعي ان نحب آباءنا مهما كانو
و إن فعل و عاتبك على عدم قولك الصراحة عن والدك قولي له هذا الكلام الوالدين هما الوالدين و مهما كانوا سيئين لا نستطيع الحديث عنهم بهذه الطريقة
(بالعكس انا بنظري سيحتركمي أكثر و هذا دليل على أنك صالحة و ستصلحين له لي تخرج سر باباها تخرج سر راجلها)
و في هذه الحالة له كل الحرية
و إن شاء الله ما يكون غي الخير ما تقوليلو والو و ادعي ربي برك خصوصا في هذه الليالي الأخيرة المباركة
و عندي إحساس قوي أنه ربي يكمل بيناتكم بالخير إن شاء الله
دعواتي لكي أختي ربي يفرحك

[مريم الصابرة]

السلام عليكم اختي هي الجواب تلقايه عند الشباب لكن لو يحبك صح راح يتزوجك إنت وهذا باباك مهما دار يغني كان حشم بوالدك واشديري بيه وهو يشوف صمعتك إنت وعقليتك واش دخل باباك فالوسط وكانكذبت عليه او لا واش حاب تمنشريلو في باباك لا على العكس لما يقلك قوليلو انا حبيت نبينلك باللي انا مرا نشد سر الدار يعني منا واجي سرنا نتاع بيتنا يبقى بيني وبينك لأانو الحكايات اللييهموك عليا وعليك ماشي على بابا وكان يحبك صح ما يسمحش فيك كان بطل وراح خير ليك وربي بينولك موفقة

[إيمان إيمي]

السلام عليكم ورحمة الله وبركاته ...

يا أختي الحبيبة بمن سيتزوج هو ؟؟؟؟ بك أم بوالدك

طبعا بك أنت ... إذن فالأمر المهم هو أنت وطريقة تفكيرك

إذا كان رجلا عاقلا وواعي ... فلن يفكر في شخصية والدك فهذا لاه يهم

أنت تعرفينه من قبل إذن تعرفين طريقة تفكيره .. وأنا أحبذ أن تعطيه ولو القليل عن والدك

لكي لا يظن أنك كنت تكذبين عليه ..

أتمنى لك كل الخير غاليتي ..

[سفير الأيام]

المرأة التي تستحيي بوالديها مهما كانت الأسباب

فالرجل الحقيقي لا يحبدها ان تكون له شريكة حياته

عليك ان ترضي بما كتبه الله لــــــــــــــــك

من وجهة نظري لو تقدمت لفتاة

ونعرف بلي انـــــــــــــا خاطيني
العقلية الباسلة وما نحتقرش المراة وهي ترفض على جال والديا

واللـــــــــــــــــــــــه افضل لي ان اخسر مليون إمرأة من مثيلاتها

إدا كان نخسر رضى الوالدين ونبني حياتي باه نرضي زوجي


عمري ما ننجح لوكان نحكم السماء والارض

شدي في والديك وما تخميش بزاف واللي كاتبها ربي تلحقيها

وإدا انتي مليحة وبعدك على جال والديك


ما يستاهلكش

[noornina]

لا لا اختي ادا راه باغيك ماشي عقلية باباك اللي رايحة تمنعو ان شاء الله يكتابلك و اللي فيها الخير ربي يجيبها