أنقذوني رجاء

[مشكلتي]

سلام و صح رمضانكم .اريد ان تعطوني حل لمشكلتي مع خطيبي.هو حبي الاول و الاخير
علما انني مخطوبة منذ اربع سنوات و لطول المدة مللت فطلبت منو ان يسارع في الزواج فطلب مني الفراق قالي شوفي حياتك .لمدة 3 اشهر ما قال لي اي شيء انسحب من العلاقة بدون سبب.حاولت البدء من جديد فاقتنعت بما جرى و قلت نشوف حياتي.في هذا الوقت دخل شخص جديد في حياتي و هو لبن خالتي علما انه منذ سنوات و هو يريد ان يتقدم لي و لكن احب خطيبي لم استطع ان اوافق و لكن بعدما ابتعد خطيبي التقيت مع ابن خالتي و تكلمت معه في امور جدية فجاة رآني خطيبي معه فلم يتمالك نفسه صدم من الامر ولم يصدق ذالك و قال لي لم اتوقع منك ذالك اعتقد انني ابقى حبيسة حبه .عندما عرفت انه يحبني فرفضت ابن خالتي و اخرين من اجله فقررت ان ابقى معه و لكن هو لم يعجبه الامر فرفض ان اكون معه و قال نصبح اصدقاء و فقط.و لكن انا لم استطع فخلقت اكاذيب لانقاذ حبنا ادعيت انني مريضة بامراض كثيرة و خطيرة ليبقى معي .عندما فعلت هذا اشفق عليا و با يحن بصح ما حسيت بلي حب اشفاق .ماذا افعل انصحوني هل اكمل في كذبي حتى ترجع علاقتنا مثل الاول او ماذااااااااااااااااااااااا.اكتشفت اني احبه كثيرا و هو ايضا يحبني و لكنه مضدوم من الاحداث التي وقعت ابن خالتي والذين يريدون ان يتقدمو لخطبتي و شكراا

[elise]

حبل الكذب فصير انا ضد الكذب خاصة انو كان خاااااااطبك و ممكن يرجع ليك يا اختي و لوكان يكتشف انك كذبتي عليه بالاك مايسامحكش و meme علاقة الصداقة و ماتبقاش...جربي حل اخر ...

[marouko1]

سلام
أنا أيضا لا أؤيد الكذب في أي حال
عليك بادعاء واللجوء الى الله
عالم الغيب يعلم الخير أين يكون
اسأليه ان كان الخطيب مناسب يبقيه
والا يبعده عنك ان كان فيه شر
واسألى الله الرضا بالقضاء والقدر
وستحسين بالطمأنينة

[رزان.]

السلام عليكم


إياك أختي و الكذب فهذا زواج و ليس ..... كما أنصحك بأن تتأكدي من مشاعرك فما ذنب الثاني الذي أرادك زوجة له

(خطيبي.هو حبي الاول و الاخير )


أما بالنسة للأول فأنت أدرى بظروفه و سبب تأخره فإن كان السبب يستحق الإنتظار قفي إلى جانبه و إن كان العكس ربي يرزق الجميع

[le fugitif]

روحي لابن خالتك وكتتزوجي به تحبيه اكثر لان المرأة تحب الراجل بعد المعاشرة اتزوجي بابن خالتك بدون تردد لول يحوس يلعب برك

[~~ أغيلاس ~~]

اخطيك من التمسخير تع لي فيلم .

اقطعي العلاقات معهم كلهم و الي يتقدم لخطبتك من والديك اللول مرحبا بيه .

الحب الحقيقي يكون بعد الزواج و بعد المعاشرة الحقيقية لما تعيشو في بيت واحد و تظهر الأخلاق الحقيقية لكل واحد .

شحال تخلطي .

ربي يهديك و عملي بنصائح الأعضاء .

[صُبح الأندلس]

يا أختي لا تبحثي له عن الأعذار فهو تركك عندما طلبت منه الزواج لا عندما رآك مع ابن خالتك وتصرفه الأخير نابع عن حب التملك فقط فبعض الرجال يشعر بذاته و رجولته عندما تركض خلفه المرأة
اتركيه و لا تسألي عليه فإن كان يريدك حقا سيأتي و إلا فمن خلقه خلق غيره

[« أبْجَدِيَّاتْ »]

السَّلاَم عَليكُم وَ رحمةُ الله ،

أختي في الله ، تَصَوَّري أنَّ حِيلَتَكِ انطَلَتْ عَليهْ فصَّدَقَكِ وَ تَزَوَّجتُمَا . غدوَة كي يقُولَّك ندِّيك للعِيَادَة الطِّبيّة مِن أجْل فَحص حَالتِكِ المرضيَّة ، وش تقُوليلو ؟ أكِيد سَيكتَشِفُ عندَئذٍ الكِذبة وَ يَصِفُكِ بِالخِدَاع . فَهَل تَرضَين أنْ تَكوني زوجَةً مُخَادِعَة ؟ هَل ترضَينَ أنْ تَبتَدِأ حَيَاتَكِ الزَّوجيَّة بالكَذِب و المَشَاكِل ؟ ثُمَّ هُو يُحبُّكِ الآن شفقَةً وَ رأفةً بِكِ ، فإنْ عَلِمَ بزَيفِ مَا تدَّعين لا تَنتَظري منهُ أبدًا أنْ يَكُونَ رحيمًا بكِ . يكفي أنَّهُ تخلىَّ عَنكِ مِنْ دُونِ أيَّةِ حُجَّة فيمَا مضىَ . فَلَو كُنتُ مَكَانَكِ لتركتُهُ غيرَ آسِفَةٍ عَليهْ . ومِثلمَا قَالت اعتِمَاد : الرَّجُل يُعَاني منْ حُبِّ التَّملُّك وإلاَّ مَا شأنُه أنْ تُحدِّثي بنَ خَالتِك ؟ ياك قالَّك بنفسُو (شُوفي حيَاتَك) ؟! ، أخطيك منُّو يا أختي . ابن خَالتك عَ الأقلّ منَ العَائلة ، تعّرفيه و يعّرفَك ، و زيد هُوّ بَاغيك منذُ سَنوَات ، و مَازال حَابّ يدِّيك ، فمَا ذنبُه لتَرفُضيهِ مِنْ أجلِ حُبٍّ وَاهٍ ؟ انتِ حكيتي معَاه الآن في الأمر بجِديَّة ، اذَنْ لاَ تَتَّصلي بِهِ مُجدَّدًا و انتَظري أنْ يَطلُبَ يَدَكِ عندَ أهلِك ، فلَو فَعَل وَافقي . وَ امسَحي ذاكَ الرَّجُل مِنْ ذَاكِرَتِكِ . وربيّ يوفّقك و يهدِيك انْ شَاءَ . صيَامًا مقبُول وَ افطَارًا شهِيًّا .

[assia81]

غفر الله لك ولي ولجميع المسلمين
كل من عليها فان ويبقى وجه ربك ذو الجلال والاكرام
ان الله لا يصلح عمل المفسدين وانا منهم

[Rachid_ HD]

أطلب منك أن تصاريحه ويصارحكي وتضعون نقطة بداية
بينكم أن لم يوافق خليك منو خيرو في غيرو

[مبروكة الصحراء]

لوكان يبغيك ما يخليكش 4 سنين معلقة و مادام وصلت هدرت مع ولد خالتك في موضوع خطبة ( انا نفهم بلي هاد الخطبة نتاع حبيبك ماهيش قاع رسمية ماعندها حتى وزن)
و لوكان جا يبغيك مايقولكش شوفي حياتك بعد ما ضيعلك 4 سنيييييييييييييييين من حياتك
و هاذاك الجاست نتاع زعف كي شافك مع ولد خالتك قادر أي واحد يديرو حتى و ما يحبكش (الحاجة كي تكون عندو يعيفها و كي تروح عليه تعزاز)
و المرض هذا لي لعبتيها عليه حرام عليك (بلاك ولد الناس ماهوش حابك و نتي راكي تحشمي فيه بهاذ الأكاذيب يولي خايف يبعدك تموتي بسبتو)
أنا في بلاصتك عزة نفسي ما تخلينيش يعني لازم يحبني و يحوس عليا بلا ما نمرض
و حتى و نمرض في ظروف كيما هادي مانقولوش باش ما يرجعليش شفقة لازم يرجعلي بسبب الحب
نصيحتي ليك بطلي من هاذ الصوالح و خلي ولد الناس يقرر يكمل معاك و لا لا بدون ضغوط
و نقولك حاجة قسحي روحك و تقلي و تما تعرفي لا يحبك و لا لا
الراجل يجري مورا المرأة لي متقلة روحها شوفي الجاست لي داره كي هدرت مع ولد خالتك أمالا كملي هاك جبدي روحك فترة قعدي عادية ما تحوسي عليه ما والو و مشي شرط تروحي لواحد آخر المهم بعدي عليه و خليه و شوفي إذا يجيك و لا يعيش بلا بيك
تم تعرفي واش تبقي معاه و لا لا

تحياتي

[algerienzenda]

شوفي ختي صدقيني بالله مكاش حاجة يحبها الجزايري كي الصدق
شوفي احكميه وحدو و فهميلوا كلش من الالف حتى الياء و كل ما تشعرين به و متخبي والو باذن الله تكون خاتمتها الزواج ان شاء الله

[faty05]

أولا تصحيح :انقذوني و ليس انقضوني
ثانيا انا نقولك راكي خلطيتها بزااف
هذا باين مش خطيبك
لوكان جا خطيبك راهم ادخلو الأهل يفروها من الاول
ماش تبقاي بين مد و جزر
المهم ذركا دبراسك تشجعي و خبريه بالحقيقة
حب يكمل و يجي يخطبك ربي يبارك
ما حبش يروح يحوس بعيد
و نتي هني روحك حتي بجي مكتوبك لي يطلبك رسمي من والدك
و تهني روحك من العذاب

[~~نهال~~]

قلتيها بفمك حب اشفاق هذا تدي الذنوب على جالتو ربي يسهل عليه


شوفي حياتك هو كي كان يدور ماخمش
قولو اعلى مافخيلك اركبو نتي ركزي على حياتك و اصلا امن اليوم وش بقولك ماتصدقيهش و نصيحة مني اليك انسايه

[امال222]

لا يا أختي لو كان يحبك ما كان انسحب من الخطبة و جامي ترضي تعيشي مع واحد يشفق عليك قبلي بلي حب يتقدملك هاد ماشي حب ختي

[هبةاسارة16]

صح تخطيه باين عقلية0000000000000000 ربي يهديك الرجال ذيابة ومتقيميش هو لي يجري موراك مشي انت هكا دك يعايرك يقلك انت... وزيد خلي عندك عزة نفس وكرامة قالك شوفي حياتك اخطيه متقيميهش لانو الرجال ميحبوش لي يقيمهم...

[amura8]

السلام يا ختي غير اخطييييييييييييييييييك منو لوكان حبك صح ميخليكش معلقة ومكانش كيما الجزايري من يحب تمتم يجي يخطب وتمتم يعجل في الزواج هدي هادي معروفة علىا لجزائري الجدي لا بغى ميعرف حتى وحدة تعجبه من يروح يخطبها من
وهدا راه غير يلعب ونتي تضيعي في حياتك معاه راكي اعطيته 4 سنين من عمرك وما قدرهاش الور انسايه وتزوجي ولد خالتكم تهني وخليه يندم ويكرب على حالته
وان شاء الله تقتنعي بهدرتي 4 سننين خطبة ماشكستش راه خاطبك مي بينك وبي نفسك تعرفي الا راه سيريو معاك ولالا؟؟وراكي صبرتيله واش راكي باغية قاع حياتك تستنيه لوكان غدوة يشوف وحدوخرى ويخطبها كي تديري تما؟؟؟؟؟؟؟؟عيشي حياتك وبروفيتي وما تفرطي في حتى راجل ناويك صح ويجيك للدار

[نصر الدين 17]

اذا كان الكذب انجى فالصدق انجى وانجى

[مريم الصابرة]

السلام عليكم اختي
هذا اللي كان خاطبك هو قال شوفي حياتك وراح وخلاك على حاجة من حقك طلبت منو الإسراع كان يتناقش معاك ويحاول يفهمك ويزيد يسرع فالامور لكنو حب يفارق وجبد روحو عادي عندو بعد ما شافك حب ينحي تأنيب الضمير من راسو لصقها فيك إنت الآن راكي غالطة بالكذب لانو من بعد لما يعرف راح يكرهك ويمقتك الصراحة هذي إنت ضرك قوليلو ارواح وإلا جبد روحك قوليلو انا نستناك شويا ولازم كا نحابني زوجتك لازم ماشي كل مرة تنفحلك تخليني كان ظاد احلق اعذار من راي أقبلي بوليد خالتك وديري معاه الدار اختي إنت قوليلو اولا كان مازال يدير الأعذار روحي تزوجي يا طفلة وخليك منو الحب بعد الزواج انا راه تقملي واحد خطبني وكان خو خطيبي ورفضتو لانو ما نخبوش لكن لما نصحوني هنا فالمنتدى ودارنا راحا نقبل بيه وبعد العيد نتخطب رسميا على هذا أقبلي من راي والكذب خليك منو والله إنت اللي تخسري فالاخير