هده قصتي

[مشكلتي]

السلا عليكم

قبل كل شيئ صح رمضانكم و كل عام و انتم من الله اقرب اشعر باحبط تام راني رايحة نهبل من الوضع لي راني فيه ندمت ياخاوتي على كل شيئ درتو في حايتي راني حاسة روحي منستاهل حتى حاجة في هدي الدنيا بعد واش درت
انا تعرفت على واحد راني قريب العام و انا نهدر معاه و مين داك كنا تلقاو وعدني بالخطبة و كي بديت نقولو انا مليت من هدا الوضع بدا كل مرة يتحجج و يسبب و انا عادرتو كل مرة هكا حتى عندها اسبوع قالي هدا الموضوع راه يقلقني فوتهالو و سكت و بارح عيطلي و كي مديتهاش فيه و ابدا يطاول عليا
راني كل مرة ندابزو سبني بيما و كي قتلو حشم على روحك كوبا عليا
كي عاود عيطلي قتلو انت ماشي راجل و دير حوايج تاع النسا جامي وعدتي بحاجة و كملتها كي رجالة
و زيد علاه كوبيت كون كنت نغازل فيك و نهدر كيما تحب انت كون رطبتلي و بديت تسايس فيا
و زيد انا هبلني و حسيت راه يتمسخر قتلو مدبيك نكملو خحبر و كل واحد يمشي في طريقو قلي صح ماعليش وقتلو انا كي انت حاب هكا علاه جبت بيا عام كامنل بدا يضحك و قلي تعلمتي تهدري زايدة فالهدر و قالي خلاص انساي نميرو تاعي منزيد نعيطاك متعيطيلي و كوبا
والله لا اندمت ارفضت شحال من واحد علا جالو
و زيد دروك شنقول الدارنا راه بهدلني معاهم
زعمة كان كل مرة يقولي قولي ليماك راني جاي
والله ماصنت دايمن خويا يلقاني صارحة يقولي اختي حكيلي والله مادوم الدنيا هدي قوليلي انعاونك و حتى يما دايمنا تقولي باب الحلال باين
والله لا انمت كي عرفتة
ادعولي ربي يهديني و يغفرلي

[جزائري وفقط]

واش راك نقولك

ربي يهديك ويغفرك

ولتكن قصتك عبرة للآخرين

[مَجْنُوْنَةٌ أَنَاْ]

توبي توبة نصوح أختي ، وادعي الله ان يغفر لك ما سبق من ذنبك و ما تأخر ،
و ادعيه ان يرزقك الزوج الصالح الذي يكفك به عن الحرام ،
وفقك الله تعالى و غفر لك خطاياك ، و انساك ذلك الشخص...........

[نصر الدين 17]

ربي يهديك ويهديا انا ثاني صراتلي يكما انت بصح الحمد لله درك راني مليح

[*أمنيآت لآمتنآهية*]

ليت من تقرأ قصتك تستفيق مثلك،أصلحك الله وهذاك وثبتك على الحق
لا تأسفي على الأنذال أبدا،واياك اياك أن تعودي لمثل هذه التفاهات،غيري الشريحة ولتنعمي بحياة طيبة بعده
رزقك الله زوجا صالحا طيبا
وفقك الله أخيتي

[karimblida]

الله يهدينا و يهدي أخواتنا و ما نطيحوش في هاد الحكايات

[saleh sabsoub]

ربي شافلك فيها خير و بان على حقيقتو....عندك توليلو راهو مشي راجل

ربي يغفرك و يجيبلك و لد الحلال الي يهنيك

[azade]

ربى يعوضك خير ويرزقك بوليد الحلال راهو ربى بعدو عليك

[omm khadidja]

اختي العزيزة ازاح الله عنك الهم والغم اولا اما ثانيا فانت محظوظة لان استفاقتك جاءت في شهر رمضان شهر التوبة و الغفران سارعي الى رحاب الله فوالله لله اشد فرحا بتوبة عبده من داك الدي ضاعت ناقته في الصحراء وعليها طعامه وشرابه حتى ادا استسلم للموت عادت له الناقة
اما الزواج فهو رزق الرزق مكتوب مند الازل فلا تتعبي نفسك في الجري وراءه فهو اتيك لا محالة

[mehdikolea]

لا تجزعي يا أختي و ليكن هذا درس لك لبقية حياتك
حتى أنا صراتلي الطفلة كنت ناويها لكن خيرت طريق عيانة و سمحت فيا
رغم أني كنت بنيتي معاها
شوفي اختي لا تجزعي و لا تيأسي لكن هذا اصبري و ربي يرزقك ما خير
لكن في رأيي ما توليلوش لأنو سبك بيماك و ماشي حق عليك
و الراجل الصح عمرو لا يسب المرا

[mehdikolea]

للأسف البنات ولاو يأمنو و الرجال لقاو غرضهم و أصبحو يتمسخرو بالبنات غير مبالين
بالعواقب الوخيبمة و لا بسوء الخاتمة

[mehdikolea]

+
الحق قاستني القصة ديالك و راني ندعيلك ربي يفرج عليك
و يبدلك براجل ما خيير ان شاء الله

[صفاء الروح]

ربي يرزقك بولد لحلال ........... ماتعمريش راسك بيه خاطر ............... ومايستهلكش

[توكل]

الله يهدينا ويهديكم والله انا كل ما ندخل لهدا القسم نلقى فيه مشاكل من هدا النوع واحدة خمس سني و زيد وزيد وحدا صغيرة تلقاها حتى هى عندها علاقات والله حيرونى الله يستر
ربى يغفرنا ويغفر لك

[maissa star]

أختي ربي يفرج عليك وماديريش الأمان حتى في شخص من البداية حب يهدر معالك قوليلو خو كاين عندي بابا تكلم معاه عجبو عجبو ماعجبوش تلافو يجيب خلافو وتكوني نتي بذلك رضيتي ربي ونفسك معا
خذيها عبرة وتجربة وكيما يقولو لكل حصان كبوة..
أختي تعيشي حابة نسقسيك لاحظتك أنو كل مرة تكون عندك قصة مافهمتش هذو كامل صراو ليك ولاتأخذي عينة من المجتمع حابة نفهم إذا لم يكن هنالك إزعاج

[like a bird]

هناك ربي منو ربي يهديك و يهدينا معلك .ان شاء الله توبة نصوح وديري في بالك كي توب صح والله ربي يجازيك براجل سيد الرجال

[نهال الجزائرية]

الحمد الله كي فقتي مافيهمش كونفيوس ونتوما لبنات طيحوووووو ف شبكة ثم ثم اتمنى لك الخير اختي غلطة إستفيدي منها ولا تكريرها

[rania81]

هاذي دنيا و كل رانا في امتحان من ربي نطلبو منو يوفقنا لحلال,و كوني متاكدة مازال يعاود يكلمك ادا انتي حبستي ما زدتي عيطيلو و وقتها بالاك تعاودي تعطيه فرصة يعاود يضحك عليك,قولو خطبة ولا انساني وفي كلا الحلتين رايحة تكوني انت رابحة,نصيحة بالاك تزيدي تعايري راجل وتقولي ماكش راجل.راه كاين لي تبان رجلتو غير كي يسمع هاذ الكلمة و ينتقم منك و مرة اخرى وكلي ربي في امرك

[arbkhay]

ربي معاااااااااااااااااك اختي لمشكل كي ديرو حوايج علي جالو بصح ميقدرش هداك شيء

[algerienzenda]

اول شيء استغفري ربك انه كان غفارا و اعلمي ما قمت به لا يجوز شراعا حتى و لو كانت النية حسنة
الطيبون للطيبات ربما جعلها الله لكي نعمة و يقول احد الشيوخ في النقم تاتي النعم فربما الله علمكي ان تاتي الامور حلالها دون الحرام
و اقول لكي لا تياسي بل العكس اظهري انك انت من تتحكمين في الموقف و ليس هو و يوجد 40 مليون جزايري يعني يكون يكون وليد لحلال لكان لا تستعجلي اليه بالحرام
و الله الموفق

[faty05]

ربي يغفرلك و يغفرلنا و يهدينا اجمعين
ربي يعوضك خير منو
و طريق الحلال بين
ربي يهنيك