مشكلتي

[مشكلتي]

السلام عليكم ورحمة الله تعالى وبركاته
ضاقت بيا الدنيا ومالقيت لمن نفرغ قلبي الا لخوتاتي وخاوتي تاع المنتدى ربي يحفظكم نشالله
مشكلتي ربما تشبه لمشاكل بزاف الناس واللي هيا حنا ياخاوتي دارنا ضيقة واكل بنات ومنخرجوش خلاص الانادرا واللا في وقت القراية رانا نروحو نقراو نورمال هنا نقدرو نصبرو بصح ياخاوتي بابا يضال قاعدلنا في الدار ميخرجش خلاص وساعات يجيب نهار كومبلي وهو يدبر علينا ويعس فينا
مكفاش ضيق الدار يزيد هو يقابلنا على الطالعة والنازلة , بطبيعة بابا انو انعزالي ميحبش الناس والناس اكل يعرفو عقليتو حتى الاقارب ميجوناش , معندناش حتى صحابات , حتى قريب نتعقدو وكرهنا نخرجو وولينا اذا اجتامعنا في المناسبات مع اقرباءنا البنات نحبو غير نقعدو وحدنا ومنحكوش معاهم نسينا حتى كيفاه نكونو اجتماعيين والله الانسان اجتماعي بطبعه
خاوتي قولونا صبرنا صبرنا حتى عيينا ولاحظت بللي تالمون نضالو مقابلين بعضانا في الدار الضيقة ولينا نتقابضو على اتفه الاسباب
الحمدلله على كلش
شوفولي حل راح ننفاجر حابة نرقد منوضش خلاص
ربي يعيشكم

[بنت الحجاج]

اسألي يتيمَ أبٍ و ستجدين الجواب الشافي

[نورسين.داية]

هو الإنسان إن لم يشغل نفسه بطيعة الحال شغلته نفسه ....بمعنى يدور على روحو
نصيحتي ..........
المعطيات الممنوحة لكي هي البقاء في المنزل و عدم الخروج بصفة حتمية إلا نادرا يعني المناسبات

حاولي ان تشغلي نفسك بهواية ( مثل صنع الحلويات حتى لها مدخول و تعطيك دفع إجتماعي ) او قراءة من بينها قراءة القرآن .فلا تنسيه ............وفقكي الله عزيزتي .....و لا تقنطي .................و الله الخروج ما يجيب حتى فايدة ..

[ولد حمد الباتني]

لاحول ولاقوة الا بالله
الله ينزل الصبر
مشكلتك مشكلة الضيق راني فيها وربي يفتح علينا اجمعين
في غاشي في اف 3 وكامل رجال كبار تمشي خطوة تلصقي في خوك وكيما قلتي تولي حساسية وشرارة كبيرة من الضغط والضيق ولاحول ولاقوة الا بالله
الواحد يساعف وخلاص
وأكيد يرضى باللي عطاه ربي والله مايظلمش ودرك يفرج في القريب العاجل ان شاء الله

[منهاج]

السلام عليكم ...............................مبارك عليكم الشهر

الله يفرج

[روجين]

آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآ آآآآآآه يا اختي لو كان ابي حيا لتركته يقعد داخل قلبي وو ضعته تاجا فوق راسي اباهي به و لكانت ابتسامة منه تكفيني حتى مماتي و الله صدقيني الاب و حنانه و صرامته و ............لن تعرفيها ان كنت لا تقدرين قيمة الوالدين فمهما كانت صفاته و عقليته سيظل اباك الذي انجبك الى الدنيا ....................حاولي كسب الحسنات بارضائه و نيل رضاه و رضا الله .........يا سبحان الله ..........اسال الله لك الهداية لا تدعي الشيطان يوسوس لك اكثري من الاستغفار و الصلاة و تلاوة القران .

[كبسولة الاحلام]

اسالي فتاتا اعطتها عائلتها الحرية المطلقة فاخطات ثم طردت من البيت وعاشت متشردة في الشارع اتدرين ماذا قالت حينها ليتني تربيت في عائلة متشددة منعتني من الخروج من المنزل ولم اقع فلمنكر وذل المعصية _ربي راه عارف علاه دارلك هاكا لاخاطر كان هناك شيءا تكرهينه فابتلاكي بالمنزل المغلق اقرئي قصة السفينة التي خرقها الرجل الصالح في سورة الكهف ولماذا خرقها ليحمي صاحبها من استلاء حاكم جائر عليها فلما وجدها هذا الطاغية مثقوبة تركها ولم يسرقها وعسى ان تكرهو سيءا وهو خير لكم

[أم عبد النور]

السلام عليكم

أختي أنا تاني تربيت في عائلة محافضة جدا جدااا

وأبي ربي يحفضه انسان صارم وكنت من قراية

لدار ومكنش خرجة ودخلة وكنت دائمة التذمر (نتذمر في قلبي برك)

وكنت حاسة أنو ضالمني ولكن عرفت قيمة والديا وقيمة

خوف أبي عليا لأن هذه الصرامة تجي من خوفوا وحبو

كي تزوجت وقالي زوجي بحرف الواحد يرحم الأب لي رباك

عرفت أنني تربيت صح الحمد لله ومزال وحتى بعد زواجي

ندير لأبي ألف حساب وأستشيره وفي حياتي مرديتش كلمة ليه

صبري ومتقلقيش روحك والله أنت في نعمة ربي يخلينا والدينا

[hamsa1987]

كم هي غريبة هذه الدنيا فانت مملت من وجود والدك داخل البيت و كي يظل مقابلك و انا نتمني يقابلني و نمد اي حجة بش نشوفو قدامي

[سفير الأيام]

السلام عليكم أختي أخواتي

ربمـــــــــــــــــــــــــــــا ابدأ كلامي بمثال لكن لا تستغربوه لأنه حقيقة ربمــــــــــــــــــــــا يستطيع التوضيح



هل ربيت من قبل حيوانــــــــــــــــــــــــــا أليفا

مثلا قطة

ربما تضحكين

لكن سؤالي كيف تجدين النــــــــــــــــــا س عند غالبيتهم تمنح كل دلك الحنان للحيوان هدااا بالرغم

أن القطة حيوان


نعم اختي الكريمة فأبــــــــــــــــــــــــــــــــــاك مهما فعــــــــــــــــــــــــــل إلا انه يمنح لكما حنانا وإحساس أكبر لكن ربما لبعدكما او

عدم تفاهمكما لأن الشيطان أعظم ولهدا أوصينا ببر الوالدين

فأنتم لا تشعروووووووووون بعطائه والشيء الوحيد انك تركزين على التصرفات البسيطة


لكــــــــــــــــــــــــــــن ستشعرين بمزاياه

إما بفقدانه والعياد بالله

أو عند تكوينك لأسرة وتصبحين في موقع الأم الحاملة لكل تلك الأأحاسيس الفياضة



أقل كلمات قليلة


حافظي على والدك فكم من يتيم فقد حنان الأبوة وهو يتمنى لو كان في موقفك

ليتجرع حنان نظرته كل يوم

أتمنى ان تعملي بنصيحة الأعضاء المشاركين

لأنها عبرة لكـــــــــــــــــــــــــــــــــل شخص منا لا يحمد ربه على الرزق الدي منحه لنــــــــــــــــــــــا إلا بعد فقدانـــــــــــــــــــــــه

[abdel02]

صبرا أختي ...فماهو إلا إبتلاء...."وجعلنا بعضكم لبعض فتنة أتصبرون و كان ربك بصيرا " الفرقان 20.

[جرح الماضي]

السلام عليكم
ياختي ربي قسم الارزاق على الناس كامل عطانا حوايج ونحالنا حوايج باش يختبرنا واحنا كامل سواسية...المشكلة اللي راكي شايفتها مشكلة ...راهي نعمة من عند ربي...راكم مجمولين الله يبارك بباكم ويماكم عايشين ودايرين بيكم احمدو ربي وروحي سقسي اليتامى..واما على المناقشة في الدار راهي في الديار كامل ...عادي،اوعلى الضيق اللي عايشين فيه...مرحلة وتفوت وتتزوجو وكل واحد يشوف حياتو ..وتشتاقو اللمة هذي...وروحي ذرك عند بباك سلمي عليه والله كون يقابلني بابا نهار كامل مانكرهش منو ...المشكلة فيك عايشي فراغ طوعي اخرجي منو اتعلمي الحلويات الطبخ اقراي القرآن تعلمي اللغات الاجنبية وديري برنامج لحياتك ...صدقيني ماكش راح تلقاي الوقت..ان شاء الله ربي يحفضكم لبعضاكم وينزل السكينة في داركم ويوسع عليكم

[*أمة الله*]

la ba2sse layissate mochkila kabira w hadi 3adiya c vrai mzayerkom bezzaf mai lazem tessabrouu

[nourbeg03]

السلام عليكم ورحمة الله وبركاته
اللهما إنك عفو تحب العفو فاعفو عنا
رجاء مني إليك استغلي هذا الوضع بالتقرب إلى والدك واجعلي الأفكار تتقارب
إن كان هو لا يخالط الناس فبادري أنت بمخالطته وحاولي تغير طبعه والله المستعان




ربي إني لما أنزلت إليا من خير ضعيف

[samiaeplf]

ربي يوسع عليكم ان شاء الله,اشغاو افسفكم بامور نافعة

[~~ أغيلاس ~~]

أرواحي تشوفي بابا كي يقعد دايما فالكوزينة وقت الطياب و زيد يتفلسف و يحب رايو هو اللي يمشي، ديرو المعدنوس ديرو هذي ديرو هذي هههه حتى وقت الأكل حتى و إن أنهى الأكل يبقى هو آخر من يترك الطاولة ههههه .

بالنسبة لكونك اجتماعية أم لا، عادي جدا، اطرحي الخجل جانبا و لما تلتقي الأقرباء تكلمي بعفوية، حتى و إن كنت لا تتكلمين بادئ الأمر كثيرا عليك بتجمعات القريبات لكي تري الأحوال كيف تسير، بعدها سوف تتعودين تدريجيا .

مُوفقة .

[« أبْجَدِيَّاتْ »]

و عليكُم السَّلام و رحمةُ الله..

أختي والله مَا عندك مَا تخرجي تشُوفي في الدّنيَا هاذي . تجي ترفّهي علىَ رُوحك ترَوّحي للدَّار ( مشُّوكيَا ) هههه . أنا تاني مَا عنديش خَاوة ، حنَا غير 4 بنَات في الدَّار ، و رغم اختِلاَف عقليَّاتنا بصَّح الحمدلله نحاولوُ نتفاهمُو ، نحاولوُ حنَا الليِّ نديرو ذاك الجوّ المُمتِع . ثُمَّ أيّ أبْ يحبّ يعسّ ولادوُ و بنَاتُو ، هاذي هيَّ عاطفَة الأبُوَّة . أنا ختي كي ترُوح للجَامِعة و ترجع يدير معَاها بابا تحقيقْ : وش درتوُ اليُومَا ؟ وكاشْ واحد قلّقك في الطّريقْ ؟ وكيفَاش جيتي ؟ مع صحابَاتك ؟ وحدَك ؟ ، هذَا كَامل مِن خَوف آباءنَا علينَا . عَليكِ أنْ تفخري أنَّ لكِ أبًا مثله . بنَات أخرين راهُم يبكِيو منْ بُيَّانهُم الليِّ مَا علابَالهمش في ولادهُم اذاَ حيِّين ولاَّ ميّتين .
شوفي الموضُوع هذا أختي :

http://www.djelfa.info/vb/showthread.php?t=1048852 (http://www.djelfa.info/vb/showthread.php?t=1048852)

كيفَ أنَّ الفتَاة تُعاني من تصرُّفَات والِدِهَا . أنتِ ربيِّ عْطَاك نِعمَة منَ المفرُوض تشكريه عليهَا لِيل و نهَارْ . ومهمَا كَان منْ أمرٍ ، باباك حُطِّيه بينْ عَينيك وكي يقُولَّك مَا نحبّكش تصَاحبي البنَات فلأنُّو عَاش و شَاف و عرَف بِللِّي الدّنيا قلّ خيرهَا وقَادرة تجي أيّ طفلة دوك ( كلمة ، زوج ) تلعَب عليك و تدِّيك للهَاويَة . أمَّا قَريبَاتك فحَاولي التَّقرُّبَ منهُنّ وَ كُوني بسيطَة في التَّعامُل معهُنّ . لا تتكلَّفي في الكلاَم ، خلِّيك عاديَّة جدًّا . و حاولي تطيعي والدك ديمَا ومَا تتقلّقيشْ منُّو ، وكي يقولّك مَا تديريشْ حاجَة مَا تكشّريش في وجهُو ، قولُّو صح يا أبي عندك الحقّ وأنتَ أدرى خير منيِّ . عُمرك مَا تغلطي و تقولي كرهت من بابا . مَامَا اليوم عمرهَا 50 سنَة وكي تتفكّر باباها الليِّ توفىَّ وعمُرها 14 سنَة تدّيها يوم كامل وهيَّ تبكي ، مع أنُّو جدودنا بكري كَانو أشدّ قسوَة و صلابَة ، كُرَّاس مَا يخلِّيوكش تشرِيه وَحدك .

تعلّمي تدِيري الفطور رمضَان هذا :) ، ومَا دام عندكُم النَّت استغلِّيهَا و طَالعي المواقِع المفيدَة ، أو حتىَّ الكُتُب الخارجيَّة ( تاريخيَّة ، دينيَّة ، اجتِماعيَّة ، رِوايات ) ، و حَاولي تحفظي القرآن مِن حينٍ لآخر مَا دام ما عندك مَا تديري في الدَّار . حنَا الحوايج الأساسيَّة ديما نقلبوهَا ثانويَّة . و ربيّ يسعدكم انْ شاءالله .

[aissam .3820]

والدك عادي يا اختي وكامل الاولياء هكذا.....

..


وما تتصوريش اب ما يحبش مصلحة اولادو...

..

ياو الشيطان برك راهو يخلط فيك...

..

مادام عندك فراغ استغليه في قراءة وحفظ كلام ربي ..

..

وتعلمي خياطة وحلويات...الخ...مانيش طفلة البنات ادرى :d..

..

[قَاسِمٌ.قَاسِم]

السلام عليكم ورحمة الله
هذا وقت سحر والله ينزل كل ليلة فاغتنموا هذه النفحات بقلوب صادقة وأفئدة خاشعة وبثقة في الله تعالى وسترون العجب
بوركتم
لكن أختنا لا نتحدث عن الوالد بهذه الطريقة الجارحة
وشكرا..............

[♥' سندس الفردوس ♥"]

الله يصبرك و يفرج عليك

[Soufiane2130]

وقتنا ولا صعيب و كي تخرجي برا و تكثري الصحابات اعرفي روحك راكي رايحة للتهلكة و فساد السمعة خاصة اذا كانو صحابا ت اللي يحكو غير على القصص الغرامية يلعبولك براسك باش تولي كيفهم..فانا مانحبش الطفلة الي تخرج بزاف يقولو عليها الناس سايبة ..اما الخروج فللضرورة و ماتخرجيش وحدك حبذا مع خوك صغير ولا خواتاتك

[أم البشائر]

قال ابن تيميه رحمه الله

ماذا يفعل اعدائي بي؟


جنتي في صدري

سجني خلوه

ونفيي سياحه

وقتلي شهاده


يا اختي

كل مبتلى على قدر دينه

ولابائنا تلك النزعه الانعزاليه خوفا من العديد من المشاكل

انتن تفقرن الى الانس بالله

كيف تضجرن ومعكن كتاب الله ؟

ثم يا اختي معك اخواتك

اغتنمن الفرصه لقضاء اجمل الاوقات مع بعض

فالموت يفرق والحياه ايضا

اغتنمي هذا الفراغ في بر والديك

فانه سيعود عليك بالسعاده لاحقا

ماذا لو جن اباك؟ الن تحتمليه؟

كفاك قدوه ابراهيم عليه السلام

احرقه والده بالنار

عندما يضيق صدرك

تذكري تلك الفتيات اللواتي اغتصبن من طرف ابائهن

تذكري اولك الرجال من تخلو عن ابنائهم للشارع

تخيلي لو انك بنت غير شرعيه

الا تتمنين فقط ان يكون لك اب معروف

كوني مع الله يشرح صدرك

وانصحك بالاسستماع لهذا وكل الاجزاء

http://www.youtube.com/watch?v=79aBBcXfxTY


وفقك المولى الكريم

[اسعى لرضى الله]

اتدرين اختي الفاضلة اتمنى لو لي اخوات ولو ان منزلي ضيق حتى اراهم كل دقيقة بل كل ثانية

[مريم الصابرة]

السلام عليكم اختي هذا فقط من الضيق والملم الوالد نتاعك ما عندو واشيدير برا يبقى فالدار ولانو الضيق عليكم راكي تحسي روحك مخنوقة منو هيصح لازم يكون شوية برا وشوية الداخل وخاصة بيت فيه البنات بزاف لازم يتحركو بحريتهم احكي مع امك تفهمو ممكن ما نتبهش لأانكم بنات ومحتاجين بعض الحرية فالدار نظن لو فهم يخرج شوية برا مع إنو لو غاب عليكم راحين تحسو بفراغ كبير وتشتاقي لوجودو فالدار هذي عن تجربة اختي موفقة