بنت في حيرة

[مشكلتي]

السلام عليكم
انا بنت عمري 18 سنة مند صغري وانا أعيش في مشاكل داخل أسرتي مند كان عمري عامين وكان سبب هذه المشاكل أبي
فابي يحبني وانا كذلك أحبه رغم ما فعله معنا مند صغري الى حد الان والمشكل هو خيانة أمي كنت صغيرة اسمعهم يتشاجرون لكنني لم أكن أفهم شيئ
كان يصرف نقوده على البنات ويأخذهم لاحسن المطاعم ونحن في البيت لم نجد ما نأكل
وفوق هذه المشاكل كلها كان عمي على اتفه الاسباب يبرحنا ضربا وذلك لان ابي غير مهتم بنا لكن أمي ربي يخليهالي كانت صابرة وذلك من أجلنا وكانت صابرة على أبي لان أبي في ذلك الوقت لم يكن في وعيه لكن هذه السنوات الأخيرة الحمد لله أصبحنا نأكل أحسن المأكولات ونلبس أحلا ملابس لكن مند فترة حملت هاتف والدي وقرات
رسائل بنات فواحدة تقول له ابعثلي نقود فأنا في حاجة لهم وتعطيه رقم ccp وغيرها من الرسائل التي لا تشرف ففي بعض الوقت افكر بان اواجهه بالحقيقة لكنني لا أستطيع لانه أبي ورغم كل شيئ فانا احترمة واخشاه ولا أستطيع مواجهته هذه قصتي باختصصصصصصار فانا أحكي لكم قصتي وابكي فقلبي مكسوووور

[aissam .3820]

ربي يهديه يا اختي.....

....

[مفيدة21]

فرج الله همك وازال كربك .عليك بالدعاء في هده الايام المباركة.

[imi02i]

عندك تغلطي وتواجهي الوالد تاعك وتقابليه وجها لوجـه
إذا حبيتي تحكي قولي لماماك هي اللي تحكي معاه

[صفاء الروح]

عندك تقوليلو اولا هادا مهما كان راهو باباك ثانيا هادي حاجة عيب تقوليهالو مام دارها يبقى باباك يطيح لقدر بيناتكم وبالاك يضربك
ادعيلو بالهداية وماكان لاه تقولي لماماك وتكبي الزيت على النار ربي يهديه

[*سلامة*]

يا ختيتي ربي يكون معاكم انت والوالدة

ربي يهدي باباك من الافضل ان لاتصارحيه لانكما ستفقدان الاحترام المتبادل

اذا عندك خوك كبير قوليلو

او روحي لباباك وقثوليلو اتك تحبيه و انك ماتقدريش تتخايلي حياتكم بلا بيه وهو ممكن يأنبه ضميره

بالتوفيق

[samiaeplf]

اكثري من الدعاء له في هذا الشهر المبارك

[abdallah1983]

لا حولا ولا قوة الا بالله ربي يهديه

لا تخبريه و ادعى له بالهداية

[hana14]

rabi yahdih

[BAROUD]

ادعي لباباك ف ظهر الغيب اكيد دعواتك تلحق لانها اصلاح ذات البين و اصلاح للنفس
تسعدوا مع باباكم و امك ان شاء الله

[ام قصي]

ربي يهديه والله المتضررة والمجروحة الام انتاعك مهما كنت تبقى البنت وهو الاب ملازمش اتقولي ليماك اتحيريها مسكينة او ذرك اكيد راهي شاكة فيه متاكديلهاش انتي يارب اهديه راه ابتلاء اصعيب سيرتو لوالفوا ميقدرش يخرج من بسهولة

[salma s]

و الله يا اختي لا يسعني الا ان اوصيك بالدعاء له
يقول اشرف الخلق صلى الله عليه وسلم
للصائم دعوة لا ترد
و ها قد اتتك الفرصة من واسع الابواب
لك 15 يوم
كل يوم ادعي بدعاء و الله لن يرده ان شاء الله
فهو القائل عز و جل
ادعوني استجب لكم
و احذرك من مواجهتك لوالدك بامور كهذه
و لا تخبري امك بهذا الامر لانها ستتضرر كثيرا
يكفيها صبرا طيلة هذه السنوات
قد يكونلجوء والدك لهذه الامور الى احساسه بفراغ عاطفي من البيت
حاولي ان تجسدي له دور البنت التي لا تتمكن من مفارقته عله يرشد و يتبع سبل الخير

كلنا معك اختي "مشكلتي" اعانك الله
فحسب ما يبدو من اسمك فان همومك عديدة
لكن لا تنسي ابدا رب البشر
احسني الضن به و ستدهشين بما يخبئه لك المستقبل ان شاء الله
و ان شاء الله ياتي يوم و تقولين فيه لنا
لا تنادوني من الان بمشكلتي
فالحمد لله كل مشاكلي حلت و لله الحمد
سلام

[Crazy lazy Girl]

لا حول ولا قوة الا بالله ربي يهديه ويخليلك يماك

[fatbhl]

ها الامر صعيب وصعييب بزااف ماالا اوصييك اختي اول حاجة متحكيش ليماك وكووني صبووورة ودعي له بلهداية حتى يفرج عنه هادا الكرب ويفرج عنك انت وامك ويسهلك ربي تختاري زوج صالح تحكمي دارررك احسن واحسن وربي يصبركم على محنكم انشاء الله وكووني له بنت محبة لهو تلهفي لدخوله للبنت ولا تفارقييه وكووني له اليد اليمنى في كل شيا وربي هدييه انشااااء اللله في هاذا الشهر الكرييم قوولو اميين ودعو لاختكم في صيامكم وقيامكم لصلاتكم وربي يتقبل دعوانا بالاخص هاذه الليلة المبارمة ليلة الجمعة إن شاااااااااااااااء الله
.

[maywa]

ادعيلو بالهداية وما تواجهيهش لانك رايحة تخسريه لكن حاولي تنصحيه وخليه يسمع حصص دينية وحتى احكي معاه لكن بطريقة غير مباشرة وامك ما تجرحيهاش كثر لانو الاكيد انها عارفة كل شيء وماهدرتش ممكن في خطركم ما تزديهاش هم على هم وانتي لازم ما تخميش بزاف في هد الموضوع واهتمي بحياتك افضل وحاولي تعتمدي على نفسك ...ادا بقيتي تنبشي صدقيني انتي لي رايحة تتعبي وما تقدري ديري والووباباك ممكن فترة وتروح يجي نهار لي يفطن فيه ربي معاك

[sarl02]

ما اديري والو وكيشغل كا شفتي ما اسمعتي ...راكي اتقولي في الاعوام الاخيرة اتحسن اشوية معاكم زيدو ادعولو في هاته الايام المباركة وان شاء الله اولي افضل بكثير.

[hassendz]

ربي يهديه و عندك تقوليلو يضربك و ما تقوليش ليماك تزيدي تكبي الزيت على النار كيما قالت الاخت في تعليقها
ادا عندك عمتك احكيلها واش كاين و زوجها يحكي معاه اي زوج العمة دون دكر اسمك يعني يقولو ماشي المهم شكون شاف الرسائل
المهم اترك هدا الشيء و بشر الزاني و الزانية بالفقر و لو بعد حين

[نبراس الصداقة]

أختي انك تصارحيه غلطة كبيرة

لان حاجز الاحترام الي بيناتكم يتكسر

هو الان يخاف انك تسمعي مثلا حتى لا تهتز صورة الاب في عينيك

لكن اذا واجهتيه فلن يهتم بعد هذا

فربما يصير الأمر في العلن

الاحسن أن تتحدثي معه بطريقة غير مباشرة

مثلا أنك تطلبي نصيحته أن صديقتك عندها مشكل وثقتها أهتزت في والدها وووو

وأطلبي رايو

وحاولي تبينيلو شحال راكي تحبيه و تشوفيه كبير بزاف

لانه مش مثل والد صديقتك

يعني كلام يخليه يستحي منك بدون ماتضطري للمواجهة

هذا رأيي وأن أخطأت في التقدير فايفة

وأتمنى أن تصححو لي يا أخوتي ان اخطأت

سلام

ربي يهدينا و يهديه

[arbkhay]

بلاااااكي تقوليلو انتي قولي ليماااااك وهي لي تهدر معاه

[~~نهال~~]

شوفي يا اختي نصيحة ماعندو مايديك تهدري معاه اولا يقولك من وكتاه تتداخلي فيا و يقولك شكون اللي قالك هزي البورتابل و يزيد يكرهك و يمكر فيك و ممكن يقول في راسو راهي ماماها اللي بعثتها و نوليو في سين و جيم
ادهيلو ربي يهديه فقط ماتهدريش معاه راهو يردك نتي الغالطة و و عذرا لهذه الكلمات **النوع تع الاباء كي هاذو*الصراحة معاهم و المناقشة مش مليحة ابدا**:19:

[sam27]

السلام عليكم اختي ربي يكون في عونك لكن مادام راه يصرف عليكم و عايشين مليح ماتخصريش العلاقة بيناتكم وممكن وادعيلو ربي يهديه

[سلسبيل06]

ربي يهديه اختي ويرجع للطريق المستقيم رانا في شهر رمضان اكثري من الدعاء له