كيفاش نصبرها

[omm khadidja]

السلام عليكم و رحمة الله
عندي صديقة عزيزة عليا جدا جدا درست معها سنة ثالثة ثانوي وخمس سنوات في الجامعة وكنا معا في نفس الاقامة ونفس الغرفة صدقوني طيلة هده المدة لم ار منها الا كل خير لا يمر اثنين وخميس الا وهي صائمة والله لا تمر ليلة الا ولها نصيب من قيام الليل المهم لم اجد لحد الان من هو في مثل تدينها واخلاقها
بعدما تخرجنا تقدم لخطبتها شخص لا تعرفه من قبل سالوا عنه فوجدوه لا باس به تمت الجطبة والقاء الشرعي بينهما ورفضت التحدث معه بالهاتف حتي يتم العقد الشرعي وتم دلك بسرعة حددو موعدا للزواج بسرعة ايضا المهم سار كل شيء عادي الى ان اقترب العرس طلب منها هدا الرجل ان تاتيه لبيته المستقل ليلتقيا هناك فرفضت لان العرس مازال له ايام قليلة جدا لكنه اصر فلما رفصت قال لها تسلكيها غالية كي تجي عندي هي ضنته يمزح ووصل يوم العرس وكان يوما ماطرا جدا وهي تسكن في منطقة ريفية تبعد 2 كلم عن المدينة لكن الطريق غير معبدة فاصحت بركة من الوحل لم تستطع السيارات العبور لا يوجد حل الا استعمال الجرار وعربته لنقل العروس واهل العريس الدين جاؤا للحنة وهنا كانت صدمة ام العريس المتكبرة التي احضرت معها علية قوهمها المغرورين وتوعدت صديقتي قائلة نبهدل بيك كيما بهدلتي بيا .....
المهم دهبت صديقتي الى بيتها المستقل مع هدا الرجل وما ان دخلت حتى بدا يتافف ويغلق الابواب بقوة و يعنفها ثم اتصل باهله لياتوا جاءت امه واخته الطبيبة تحدث معهما على انفراد ثم خرجت اخته كالثور وقالت لها يا عديمة الشرف خدعتينا انت لست عدراء تعالى اكشف عليك انا طبيبة ووالله هو لم يلمسها حتى بيده لكم ان تتخيلوا صدمة صديقتي التي انهارت واتصلوا باهلها وتطور الموضوع تطلقت وربحتهم في القضية و اثبتت عدريتها بثلاث شهادات طبية وكانت سترفع عليه قضية اخرى ولم يتيسر لها دلك
المهم مرت ايام مريرة على صديقتي ساءت فيها حالها كثيرا تعقدت من الموضع وكانت دائما في بالي وابحث لها عن زوج اخر ينسيها وبالفعل كان صديق زوجي كان قمة في التدين والاخلاق و الشهامة لما سمع بقصتها تاثر جدا لدرجة انه لم ينم ثلاث ليال من اجلها واراد ان يخطبها و يعوضها عن كل شيء
اقنعتها بصعوبة و تمت الخطبة و العقد وبدا يتحدثان واحبا بعضهما جدا وحددوا موعد الزواج في ماي الماضي ولاني كنت في الصحراء اجلوا الموعد للعطلة حتى نحضر العرس
وحدث مالم يتوقعه احد مرض زوج صديقتي بالسعال وبدات حالته تسوء ولما عمل اسعة وجد ورما كبيرا في رئته وماهي الا اسابيع قليلة حتى توفي قبل يومين لا حول ولا قوة الا بالله انا لله ونا اله راجعون
قلبي الان متقطع ابكي دائما دهبت اليها لاصبرها لم استطع مادا افعل
ادعوا لها بالصبر وله بالرحمة والمغفرة

[نورسين.داية]

ما فهمتش واش صرى في الاخير .......................و لو تعيدي الصياغة لو سمحتي ؟؟؟؟

و علاش تبهديل هي الفتاة ماذا فعلت ؟؟؟

[omm khadidja]

ما فهمتش واش صرى في الاخير .......................و لو تعيدي الصياغة لو سمحتي ؟؟؟؟

و علاش تبهديل هي الفتاة ماذا فعلت ؟؟؟

لم تفعل شيء سوى انها تسكن في الريف و العجوز ما عجبتهاش البلاصة و كي ركبو فى الجرار لانهم حاسبين رواحهم هاي كلاس

[Crazy lazy Girl]

لا حول و لا قوة الا بالله هذي الطفلة ما عندهاش الزهر كامل......و الله غير حرقتلي قلبي .......فكريها بايات من القران و جزاء الصابرين و قوليلها بلي ربي كاين و هو يوقف مع المظلوم و يعوضها ربي خير انشاء الله و مشي هاذي نهاية العالم
و ربي يكووون في العون

[صفاء الروح]

ربي يرحمو مسكين والطفلة هادي ماعندهاش الزهر خلاص ربي يصبرها ويفتح عليها والله اثرت فيا حكايتها
واش راح ادير هادا مكتوب ربي

[مريم الصابرة]

السلام عليكم اختي والله تأثرت بقصتها بزاف وحسيت بها تقريبا عشت واش عاشت ‘لا لموضوع الاول ما راهش راجل ربي ينتقم منو لكن ربي حبها وبغدها على الناس هذو اما خطيبها ربي يرحمو فانا نحس بيها لأانو فقدت خطيبي ايضا شهرين قبل زواجنا ربي يكون معاها وربييصبرها إنت نعم الصديقة ووقفي معاها وقوليلها ربي يحبها وخيرها من بين الناس حتى يبتليها وراهي قارية القرآن وتعرف الدين الصدمة الآن قوية ولكن ربي راح يكون معاها ويصبرها ويعوضها بشخص كيما هو ويحبها ويعوضها على كل شي الصبر برك ربي يكون معاها وهو مسكين ربي يرحمو ويوسع قبرو كيما كان راجل معاها وعوضها على واش مر عليها مسكينة والله تأثرت بها بزاف ندعولها ربي يكون معاها اختي صحا فطورك

[ليلى الأمل]

لله مااعطى ولله مااخذ وكل شيء عنده بمقدار

قولي لها انه ابتلاء من الله فان صبرت فلتتنظر خيرا كثيرا
وفرجا وسيعوضها الله في الدنيا والاخرة على صبرها

يااختي الموت علينا حق اما الطلاق فربي نجاها من شبه رجل

ربي يصبرها ويعوض صبرها خير

[نيل المنى]

يا أختي ان شاء الله ربي يصبرها و يعوضها،المومن مصاب و لتذكريها أن أشد الناس بلاء الأنبياء ثم الصالحون من عباد الله و هي ان صبرت فلن يضيع الله أجرها و سيعوضها بأحسن مما كانت تتمناه
و الله أن الوضع فعلا مؤلم و لكن هذه ارادة الله.
اللهم أجرها في مصيبتها و ارزقها الصبر و الرضى بقضاء الله و قدره.

[omm khadidja]

السلام عليكم اختي والله تأثرت بقصتها بزاف وحسيت بها تقريبا عشت واش عاشت ‘لا لموضوع الاول ما راهش راجل ربي ينتقم منو لكن ربي حبها وبغدها على الناس هذو اما خطيبها ربي يرحمو فانا نحس بيها لأانو فقدت خطيبي ايضا شهرين قبل زواجنا ربي يكون معاها وربييصبرها إنت نعم الصديقة ووقفي معاها وقوليلها ربي يحبها وخيرها من بين الناس حتى يبتليها وراهي قارية القرآن وتعرف الدين الصدمة الآن قوية ولكن ربي راح يكون معاها ويصبرها ويعوضها بشخص كيما هو ويحبها ويعوضها على كل شي الصبر برك ربي يكون معاها وهو مسكين ربي يرحمو ويوسع قبرو كيما كان راجل معاها وعوضها على واش مر عليها مسكينة والله تأثرت بها بزاف ندعولها ربي يكون معاها اختي صحا فطورك

بارك الله فيكن اخواتي جميعا
بارك الله فيك اختي مريم الصابرة صديقتي ايضا اسمها مريم ان شاء الله تكن صابرة مثلك

[طيبة نفس]

لا حول ولا قوة الا بالله ربي يعوضها خير

[abdel02]

في الترمذي أن رسول الله صلى الله عليه وسلم قال: " إن عظم الجزاء مع عظم البلاء، وإن الله إذا أحب قوماً ابتلاهم، فمن رضي فله الرضا، ومن سخط فله السخط "

[مريم الصابرة]

بارك الله فيكن اخواتي جميعا
بارك الله فيك اختي مريم الصابرة صديقتي ايضا اسمها مريم ان شاء الله تكن صابرة مثلك
السلام عليكم اختي
ربي يصبر مريم في مصيبتها إن شاء اله حاجة ربي اختي لازم تحمدو الآن راهي متألمة ولكن ربي راح ينزل عليها الرحمة ويوسع خاطرها والشاب ربي يرحمو مسكين
والله اختي الصبر تعلمتو من المنتدى الصراحة نقولها لقيت هنا ناس عاونوني ونصحوني ووقفو معايا وليت صابرة وعندي إرادة كبيرة ربي يجازيهم وإن شاء الله إنت تكوني معاها وتصبريها وما نقولوش تنسلا لانو النسيان عمؤو ما كان حل لكن تتقبل حاجة ربي
صحا فطورك

[الدر المكنون]

على قد ايمانها ابتلاها ربي

ربي يجازيها كل خير

لازم توقفي معها وتصبريها هي صديقتك اذا مالقاتكش وقت الشدة وقتاش تلقاك

وبما انها مؤمنة وعلى قدر عالي من التدين راهي تتقبل الوضع لازمها تحمد ربي هي تشوفو شر وماعندهاش الزهر لكن العكس هذا كله خير في خير ومعند ربي للمؤمن ما يجيه غير الخير

ربي يصبرها ويعوضها الاول انسان ظلوم والظلم ظلمات عند ربي قوليلها وكلي ربي وهزي اكف الضراعة في قيام الليل وادعي عليه وباذن الله حقها ما يروحش هدر رايحة تشوف فيها ايام كحلة ان شاء الله رايحة تشبع ضحك عليه يا ويلو من ربي ما كفاهش الظلم زاد طعن في عرض المحصنة الله لا يبارك فيه وامه هذا حاطة روحها ما تموتش رايحة تخلد ياك كل ما فوق تراب تراب واش حاسبة روحها توكل عليها ربي حتى هي

نفس الموقف تقريبا صرا مع واحدة من قريباتي وكلت ربي على الراجل وامه الراجل عاود ازوج ودخل الحبس اما امه ابلاها ربي بمرض دخلها للسبيطار وراهي لليوم تعاني اما هي ربي عوضها بسيد الرجال
اما الثاني ربي يرحمو باين انسان خلوق من موقفه ربي يجزيه الجنة ويثقل موازين حسناته
والسلام عليكم

[محمد...عبد النور]

السلام عليكم و رحمة الله و بركاته
انا لله و انا اليه راجعون
الله يصبر صديقتك و يجرها في مصيبتها و يخلف لها كل خير
فأما الشخص الاول ما تبهدلت معاها ما والو و ان جرى ما ذكرت لكن الله شاء ان ينجيها من انسان خبيث لا خلاق له و اخلاق و الحمد لله
و اما الشخص الثاني فلتحتسب و لتصبر و أسأل الله العظيم رب العرش العظيم ، الحنان المنان البر الرحيم ان يعوضها بسيد من الرجال يعوضها عما فاتها و ان يكرمها و يقر عينها
و كل ما يصيبنا من الله فهو خير
ربي يبارك فيك و يقر عينا صديقتك بما تحب
ســـــــــــــــــــــــــــــــلام

[omm khadidja]

السلام عليكم و رحمة الله و بركاته
انا لله و انا اليه راجعون
الله يصبر صديقتك و يجرها في مصيبتها و يخلف لها كل خير
فأما الشخص الاول ما تبهدلت معاها ما والو و ان جرى ما ذكرت لكن الله شاء ان ينجيها من انسان خبيث لا خلاق له و اخلاق و الحمد لله
و اما الشخص الثاني فلتحتسب و لتصبر و أسأل الله العظيم رب العرش العظيم ، الحنان المنان البر الرحيم ان يعوضها بسيد من الرجال يعوضها عما فاتها و ان يكرمها و يقر عينها
و كل ما يصيبنا من الله فهو خير
ربي يبارك فيك و يقر عينا صديقتك بما تحب
ســـــــــــــــــــــــــــــــلام

امييين بارك الله فيكم

[الفتاة الزرقاء]

الله يصبرها وان الله يمهل ولايهمل ورحمة الله واسعه لا تنسى هدا الامر

[soso sirin]

والله ماصبت مانقول والله غاضتني بزاف انا ديجا مانعرفهاش والله قسمتلي قلبي الله يحسن عونها و عونك و ربي يصبرها ان شاء الله و ماتعرفي ربي واش كاتبلها و ربي عندو حكمة سبحانو ماتخليهاش روحها والله حالتها تقطع القلب والراجل الاول راح يخلصها غالية الي يتمسخر ببنات الناس سوغتو في الشرف تاعهم ربي راح يخرجها منو اما الراجل الثاني ربي يعوضها خير ان شاء الله و ربي يرحمو و ربي يعطيها الصبر ان شاء الله

[soha1987]

ربي يصبرها ويكون في عونها ان شاء الله وكل شي بالمكتوب ربي يفرج عليها ويجيبلها ولد حلال يمسح دموعها ويفرحها ويعيشها كالاميرة يارب امين

[omm khadidja]

بارك الله فيكم جميعا على تفاعلكم

[mordia]

هذا فعلا ابتلاء كبير لهذه الفتاة المؤمنة...سهل الكلام علينا لكن صعب عليها هي اللي مرت وقعست على جمر..
الله يكون معاها فهو ولينا في الدنيا والآخرة...
اللي تجي من عندالله مرحبا بها لكن اللي تجي من عند العبد فربي يخلص