استطلاع للبنات

[دعاء جزائرية]

السلام عليكم ورحمة الله تعالى وبركاته اليوم ياحبيباتي عضوات المنتدى الغالي وبما اني وجدتكن جد نشيطات ومتفاعلات وبكل جدية مع اي موضوع يطرح اردت ان افتح ولاول مرة موضوعا للنقاش واياكم وامل ان يعجبكم ويجد تفاعلا قويا منكن موضوعي هو عبارة عن مجموعة من الاسئلة تنتظر منكن الجواب طبعاه كل واحدة ووجهة نظرها الخاصة لاشك وانكن تلاحظن ظاهرة تتميز بها حياة شباننا في هده الأونة وهدا من ناحية طبيعة العمل اذ نجدهم وبعكس البنات لايحبون مواصلة الدراسة وبالتالي التحصل على شهادات جامعية وعليه فاغلبهم يوجهون انظارهم الى الولوج الى عالم العسكر والدرك الوطني الشرطة ....... كيما يقولوو هوما تحيا الكاسكيطة اذن انتن ما رايكم اذا واحدة تقدم لها واحد من الذين اسلفت ذكرهم تقبل ولا لالا ؟ والتي تقبل تقو ل لنا لماذا والتي لا تقبل ايضا تعطينا الاسباب والتي عندها خبرة اي المتزوجة تحكينا على حياتها معاه لكي نستفيد وفي الاخير ان شاء الله يعجبكم موضوعي ويلقى تفاعل منكن لانها اول مشاركة كما اسلفت الدكر

[بصمة زمن]

لا لا المراة ليسونسيال تلقا واحد يخدم خدمة شريفة و صاي ما يهمش نوعها و الجادارمي خدمة شريفة ابا تقبل نورمال

[قمر الزمان رؤية]

الأمر عادي جدا ،،لي زميلة مخطوبة لعامل في الدرك الوطني منذ عام و الآن ربحت الباك و زواجها بعد شهر رمضان المبارك

شكرا

[salima14]

أنا بصراحة ماخممتش قاع باش نتزوج بحكومة لأن أغلبهم ملقطين
غير دعاوي الشر مالمخلوقات(هذا رأيي)
صح فطوركم

[jiji26]

عادي كيما فالت الاخت المهم يكون يخدم خدمة شريفة

[ترب الندى]

المهم يخدم
درك ولا غير درك
و انا بالنسبه لي كلما عنده لكثر كلما يكون افضل
لانه يهمني اني نعيش مرتاحه ماديا

[نور الاسلام الجزائري]

انا بالنسبة ليا اذا هو قاري و الله غالب ما كانش الخدمة و راح لهاذا السلك ماكانش مشكل اما اذا ما هوش متحصل على الشهادة و دخل هذا السلك اكيد نرفض لانو اكيد كاين ثاني ياسر بنات رافضين لقرايا و راهم في الديار لذلك هاذو هوما اللي يناسبوهم شباب كيما هادو

[Broken Angel]

انا نقبل فانا مولعة بلي يخدمو في الجيش ولا الدرك علكيف يعرفو يخدمو ورجالة صح وشكرا

[mimiamimi2012]

انا معنديش مشكل المهم نعيش مرتاحة بصح الصراحة نخاف ندي واحد من الدرك

[algerienne04]

السلام عليكـــن
صحا فطوركم
بالنسبة للموضوع رائع و يستحق النقاش
انا بدوري اقبل رجل هكذا لكني اخاف عليه لانه سيعرض حياته للخطر خاصة و ان كنت احبه و متعلقة به
:( :( !!

[imi02i]

أبقى طول الدهـر عازبة ولن أفكـر في الدركي أو صاحب الكاسطيطة
لن أقول كلهم وإنما أغلبهم في قمـة الخبث وأعوذ بالله
كوارث أخلاقيـة ....... إلا من رحم ربي

[♥' سندس الفردوس ♥"]

عادي جدا المهم يخدم و تاكل على روحو و تعيشي مرتاحة

[النجمة القطبية]

موضوع غريب :confused::confused::confused::confused:
والردود اغرب
لا تعليق