من الطب إلى الاقتصاد [الأرشيف] - منتديات الجلفة لكل الجزائريين و العرب

مشاهدة النسخة كاملة : من الطب إلى الاقتصاد

شهرزاد 25

2012-08-02, 10:09

سلام جماعة

انا جزت لباك عامين وديتو ب14 في لعامين كنت ميتة على لطب
وضرك مسجلة بباكي الثانية ارشي قلت نبدلها اقتصاد ونقرا مجاسبة وخلاص راسي تكسر من لتخمام

وش رايكم في اختياري وياريت تفيدوني بمعلومات عن قراية الاقتصاد علما ان شعبتي علوم تجريبية

algerino1212

2012-08-02, 10:23

لازمك تعاودي الباك أختي و حضري أكثر هاذي المرة

لازم ما تفقديش الأمل ، رانما كامل كيفك مكانش لي وجهوه للتخصص لي راهو حابو

بالتوفيق

النجمة السوداء

2012-08-02, 10:25

algerino1212

2012-08-02, 10:27

سلام
مام انا كيفك مرتين نجيب الباك ب 14 و ما قدرتش ندير صيدلة و درك اني مسجلة هندسة معمارية كيفك
انا راح نقراها قالولي مليحة
مام الاقتصاد مليح و اكيد راح تنجحي فيه بما انك كنتي علوم تجربية و معدلك 14
صلي استخارة و ربي يوفقك انشاء الله

أنا جوزت الباك و ديتها ب 15.10

كيفكم ما قبلوني ما طب ما صيدلة ما جراحة أسنان

وجهوني المدرسة التحضيرية علوم و تقنيات

أنا نظن أختي بلي الأرشيتاكت مليحة بزاااف خاصة لو كان الانسان يخرج للخارج

بالتوفيق

مروة الايمان

2012-08-02, 11:20

أنا جوزت الباك و ديتها ب 15.10

كيفكم ما قبلوني ما طب ما صيدلة ما جراحة أسنان

وجهوني المدرسة التحضيرية علوم و تقنيات

أنا نظن أختي بلي الأرشيتاكت مليحة بزاااف خاصة لو كان الانسان يخرج للخارج

بالتوفيق

السلام عليكم ..........عندك الحق خويا في كل كلمة ....صل استخارة و ربي يجيب يالي فيه الخير و اعلمي حكمة تقول أنه إذا اخذ الله منك شيئا لم تتوقع ان تفقده ..فسوف يعطيك ما لم تتوقع ان تكسبه...سبحااانه يمهل و لا يهمل

imane1993

2012-08-02, 13:11

أنا جوزت الباك و ديتها ب 15.10

كيفكم ما قبلوني ما طب ما صيدلة ما جراحة أسنان

وجهوني المدرسة التحضيرية علوم و تقنيات

أنا نظن أختي بلي الأرشيتاكت مليحة بزاااف خاصة لو كان الانسان يخرج للخارج

بالتوفيق

سلام خويا

قالولي بلي الي يقرا الهندسة مكانش فيها كامل بعثة للخارج مهما كان الطالب من المتفوقين هل هدا صحيح

صح فطورك

hsinou-usma

2012-08-02, 15:02

انصحك ارشي خير من اقتصاد بكثير والله، واعيدي الباك لتحقيق حلمك في الطب

(( ريتاج مكة ))

2012-08-02, 15:09

انا ايضا وجهت ارشي لقسنطينة ,, ولا ازال حائرة ساعة تعجبني ساعة نقول لالا

ادعو الله ان يثبتني

syliasmine

2012-08-02, 15:15

idha kan holm la medecine 3awdi 100 fois mais si tu pense que khlass e9ray autre chose ana personnelement je pense pas que larchitecture 7aja kbira fi bladna pck a chaque fois que ykoun un projet yjibou les italiens les allemands les chinois les architects algeriens yefat7oo bureau d'etudes w ydiro les plans w lazemlek ma3rifaaaaa besh diri bureau detudes mais hada mon point de vue personnel zidi khammi mlii7 w 7ati rassek

widwida

2012-08-02, 15:45

يا أختي كي جوزتي الباك 2 خطرات و ما قدرتيش تديري طب عرفي بلي ري سبحانو راهو كاتبلك حاجة ما خير و لوكان جيت منك نخير اقتصاد ما تنسايش بلي المنشئات المعمارية في بلادنا ليست الا عبارة عن استثمارات اجنبية أما اقتصاد يا اختي الكريمة تقدري تخدمي بيه وين حبيتي على حساب التخصص نتاعك و كاين حاجات خير من المحاسبة تقدري تفتحي مكتب خاص
تقري في الثانوية و مراكز التكوين المهني الجامعات وتقدري نخدمي في الادارات العمومية و الشركات الخاصة و الوطنية و المختلطة و البنوك مع ذلك انصحك بصلاة الاستخارة و صح فطورك

algerino1212

2012-08-02, 16:48

سلام خويا

قالولي بلي الي يقرا الهندسة مكانش فيها كامل بعثة للخارج مهما كان الطالب من المتفوقين هل هدا صحيح

صح فطورك

أختي أي حاجة في الجامعة لو كان تماجوري فيها تخرجي للخارج تكملي الدراسة نتاعك

الله أعلم أصحاب الأرشيتاكت يكونوا مخيرين بين بريطانيا و فرنسا

بالتوفيق

شهرزاد 25

2012-08-03, 23:23

Merci bccp les amis rabi y5alikom nchallah

احمد الصادق

2012-08-23, 10:18

السلام عليكم .................
درست معي طالبة..... كانت تدرس في الطب ولظروفها غيرت الشعبة من الطب الى علوم اقتصادية ........هي الان متحصلة على الماجستير ومدرسة بالجامعة ....................

theorthopidique

2012-08-23, 12:48

السلااااااام
انا تاني كيفك عاودت الباك وفي زوج جبتهم ب 14 الاول قريت علوم المادة وضرك درت المدرسة التحضيرية للعلوم الاقتصادية في قسنطينة
وراني حارية نعاود ولا نقرا في المدرسة قالو مستقبل مضمووووون وعلوم المادة انا نحب الفيزياء
وساعات نقول نزيد نعاود والله تخلطتلي طوووول
يكون حلمك حاجة بعد متصراش تولي تحسي روحك محلطة
مكتوب رببببببببي
صلي صلاة الاستخارة
وربي يوفقك