مادامك قريت العنوان ادخل نسقسيك......

[ربي اتوب اليك]

من دون مقدمات....نبدا في الموضوع
تقدم لخطبتي رجل صالح بشهادة الاقارب, كان متزوج من امراة لمدة سنة و زادت عندو طفلة, طلقها بعد سنة زواج

و انا في قلبي عدة مخاوف, .....

خايفة يكون مازالوا يحبو بعضاهم و الظروف اجبرتهم على الطلاق لانوا بزاف يحبو بعضاهم و طلقوا , و من بعد في حياتي معاه نولي مني من الكرسي او الخزانة لالا كلمة خديمة خير

خايفة تاني ما يفرحش كاي شاب بالخطبة و العرس و الحنة لانو مرت عليه هذه الامور من قبل ,


طالبة رايك كرجل , بكل صراحة جاوبني

[hyoucef32]

ما نقدر انقولك والو عى خاطر مازال ماتزوجتش mais استخير الله وهو الموفق

[ربي اتوب اليك]

حابة نفهم لهذه الدرجة السؤال صعب؟؟؟؟؟

[السي محمد]

نعم يا اختي السؤال و صعب جدا


لان لكل رجُل ظروفه و لكل رجل عقليته

لو كنت اعرفه شخصيا ممكن اقول رايي بصراحة

ولكن بما ان المعلومات عليه قليلة جدا
سيكون من الظُلم له و لك ان اقول لك لا توافقي

و قد يكون من التهور ان اقول لك وافقي و تزوجيه


المهم انتي قبل السحور بنصف ساعة
قومي صلي ركعات و ادعي ربي و صلى الاستخارة

[Lydia istanboul]

يا أختي والله لا اعرف بما انصحك المهم عن نفسي لا اقبل المطلق و لو كان عمري 40 خاصة رجل طلق بعد مده قصيرة لكن نختلف انا و انتي في ظروفنا و شخصياتنا...أنا لي نوصيك عليها سقسي مليييييييييييح علاش طلق و سمح في بنتو و لا ولدو؟؟عندو عادي ما حملش عليه و لراحتو...ربي يعطيك أحسن الامور يا رب

[اسلام انس]

العرس الاول ما يجي كي العرس الثاني في الفرحة...........وانا نقولك اسنخيري ماخاب من استخــــــــــــار

[آلاء النايلية]

حابة نفهم لهذه الدرجة السؤال صعب؟؟؟؟؟
ياختي قريت الموضوع و كنت خارجه بلا ما نرد حتان قريت ردك هذا
ايه ياختي ولله لسؤال صعيب
الحاجة لي هبتها من الموضوع انك كيما قلتي كان يحبها و فوقها عندهم طفلة
لي نقدر نقولهالك زيني نيتك و استخيري

[sarl02]

بدون لف ودوران ...اذا كان انسان لباس بيه وولد ناس اتكلي على ربي ووافقي ..وخليك مالبريكول هذا تاع يفرح بالخطبة والزواج وبلاك كانو احب طليقته الاولى وووو.....يا اختي اطلبي الستر والزواج راه صعيب والراجل اي وضعية اكون فيها سعد لمن طار اذا ما وافقتيش عليه انت 100 وحدة توافق عليه بعدك ..كوني واقعية وخمي بعقلك وربي اسهلك.

[ربي اتوب اليك]

يعطيكم الصحة على الردود
حبيت نقوللكم انو معلاباليش لاكان يحبو بعضاهم ولا لالا
و سبب الطلاق , بعد الزواج مباشرة باباه مرض حكم الفراش و كيما علابالكم كبير الدار كي يمرض الفاميلا كامل تجيه القريب و البعيد يعني ولات دارهم الله يبارك ما تفرغش من الضياف, و هي (الزوجة الاولى) الله يهديها كانت تحب ديما تخرج يعني كل يومين و لا تلاتة , و يماه مرة كبيرة رح تقيم المريض و لا الضياف, كي هدرو معاها قالتلهم انا عروس جديدة و نتوما رح ديروني بونيشة على الضياف , بمعنى اخر كانت طايرة ... و هي اللي طلبت الطلاق بعد ما مات باباه , و الشرع مد الطفلة للام بطبيعة الحال , و الحكاية دامت سنة
و انا كل ما نصلي الاستخارة ما نحس بوالو بعني عادي ماني مقلقة , ما ني فرحانة...
و ماعرفتش نوافق و لا لالا
انصحوني الله يستركم
و صح فطوركم

[ربي اتوب اليك]

؟؟؟؟؟؟؟؟؟؟؟؟؟؟

[ربي اتوب اليك]

????????????????

[ريمة07]

أنا العام الي فات خطبني واحد مطلق عاش مع مرتو عام برك و طلقوا بسبب الأهل و كان عمري 23

كنت زعمة رايحة نقبل بيه شكلوا زين و أخلاقوا عالية قالولي ، و أكبر محامي في منطقتنا ، انا في داخلي مكانش عاجبني لأنو مطلق بصح غرني المظهر نتاعوا

صليت استخارة شحال من مرة و مبعد ماكتبش المكتوب و الله غير راح وحدو مانيش عارفة كيفاش حتى راح

و ذرك الحمد لله تخطبت بخيار الرجال و ماشي مزوج من قبل و الحمد لله.

شوفي اختي اذا كان واحد مطلق ماشي عيب ممكن تكون المراة هي الظالمة

بصح اذا كان عمرك يا اختي ماشي كبير ارفضي علاش حتان تدي واحد مجرب كل شيئ و شابع زواج ، تكوني انت كل شيئ عندك جديد و عندو طعم بصح هو يكون بارد


و زيد قولتي هي الي طلبت الطلاق يعني ماشي هو ، يعني ممكن مازال يحبها وتعيشي انت معاه و تكوني بعيدة عليه في نفس الوقت

المهم يا اختي صلي الاستخارة و ربي اذا شايفلك فيه الخير راكي ماتعياي في دارو ، و اذا ربي شايفلك فيه الشر راكي ما تديهش

[OmarDz]

أختي اذا متأكدة ناس ملاح و متدين تكلي على ربي مدام طلق
مي حاولي تستفري على واش طلق قبل؟
بالاك الغلطة منو
ويمكن يكرهلك حياتك واذا كان منها
تكلي على ربي و ربي يهنيكم
واذا كنت صغيرة في السن ما تقلقيش أصبري شوي

[ربي اتوب اليك]

السن تاعي 33 سنة و هو 37 سنة

[حقائب فرح]

بسم الله الرحمان الرحيم
السلام عليكم ورحمة الله تعالي وبركاته
اختاه لا خاب من استخار احسني الظن بالله . وما ندم من استخارالخلق وشاورالمخلوقين المؤمنين وتثبث في امره فقد قال الله عزوجل *وشاورهم في الامر فاذاعزمت فتوكل على الله* ولك ان تعيدي صلاة الاستخارة ااكثر من مرة

[سجل أنا جزائري]

نظن أختي نو العيب مش فيه كي طلق العيب في المرأة اللي طلبت طلاق على حاجة ما تستاهلش

ما ني نشوف فيه حتى حاجة اخلليك خايفة منو و مادام عندو أخلاق و عمرو تاعو مناسب

ز حاجة أخرى ما نظنش مازال يحبها مدام دارتولو هذيك الجاست , و اذا كنتي كيما راح حابك راح يفرح بيك و بالعرس و بالخطبة كي

شغل أول مرة و,زيدي أستخيري ربي و توكلي على ربي

[ريمة07]

السن تاعي 33 سنة و هو 37 سنة
سنك و سنو متناسبين جداا


وافقي يا اختي ممكن ماتزيديش تلقاي فرصة مليحة


العمر تاع الانسان زايد غير يزيد مش ينقص

صلي الاستخارة توكلي على ربي و وافقي

و مادامك صليت الاستخارة ربي اذا شايف فيها الشر اكيد رايحة تبطل، و اذا شايفلك فيها الخير رايحة الامور تسير على ما يرام و تتزوجوا

اختي وافقي نصيحة من اخت تحبك في الله و بشرينا يا اختي

و ربي يجيب الخير

[it's me]

السلام عليكم
استخيري و ربي يوريلك الطريق
انا بالنسبة ليا امر عادي كي راهو مطلق كيما دار ربي الزواج دار الطلاق اما عن قضية مازال يحيها مانظنش اولا لانها بعيدة عليه و تفارقو على سوء تفاهم و الباقي عليك انتي اللي تخليه يحبك و يتعلق بيك و تقدري تجددي حياتو ..كل شئ مبني عليك و على ارادتك

اتكلي على ربي
طمنينا عليك حبيبتي