اخبروني هل الفتاة؟

[مشكلتي]

سلام عليكم صحا رمضانكم

انا فتاة عمري 22 سنة من كنت جامي درت علاقة محرمة وجامي قرب عندي طفل لاني منضحكش لبرا ومنديرش ليجاست اللي تجلب الانتباه وديما حاكمة قدري ومام اللبسة نلبس نورمال والحمد لله سمعتي جد طيبة

عندي مدة جات عندي بنت خالي وقاعدين نحكيو وصونالها البورتابل قالتلي او صاحبي ياخي نقدر نحكي قلتلها احكي على روحك المهم حكات وكملت كملنا حكينا من بعد سقساتني معندكش صاحبك قلتلها لالا وقالي جامي مشيتي قلتلها لالا جامي قالتلي جامي قدم عندك طفل ولا بعثلك قلتلها لالا كيعاد منعطيلهمش فرصة يخممو كيعاد من ليجاست تاعي يعرفو الجواب واش هو
وقلتلها انا اللي يجي يخطبني هداك اللي بغاني صح وتاع نبعثلك النيميرو وتبعثيلي كامل تمسخير
سكتت سكتت قالتي اواه انتي تعياي تبوري والله تعجبت

حتان شكيت في روحي

فهموني برك هل الطفلة لا حكمت قدرها وجامي دارت علاقة محرمة وجامي بعثلها واحد بغا يمشي معاها معناها معجبت حتى واحد ؟؟؟؟

[aissam .3820]

هي ربي يهديها ..وانت ما شاء الله.....

...


نهار يجي مكتوبك رايح يطرق الباب ...

..

وواحد ما يحبسوا...


..

[عذراء الجبل18]

أحييكي أختي على عفتك ماشاء الله عليكي بنات مثلك قليلات
هي ربي يهديها وانصحيها , خلي مبادئك هوما الواجهة التي تدافعين بها عن آراءك
متخليش افكار مثل هذه تؤثر عليك
انصحيها يااختي واجعليها تقتنع بأفكارك
بالتوفيق

[karimblida]

لي يجي قبالة هداك هو\

[هبةاسارة16]

بنت خالك المعقدة المتربي في هذا الوقت جايح ربي يهديها ويهدينا ويكملك بعقلك

[faty05]

يا اختي ماشاء الله عليك
راكي هائلة
حافظي على نفسك حتى يجيك لي يعرف قدرك
ماكان لاه تسمعي لكلامها

[evaevalle]

واش نقولك اختي بزاف اخموا هكذاك
انت مقتناعا خلاص ما تخافيش ربي معاك

[aminerag]

يااختي انا نتمنى نتزوج وحدة مثلك

بنت خالتك الله يهديها كيما راها تحكي مع رجال حتى هي ريحا تتزوج راجل مثلها

اله يوفقك وبارك فيك قليل وين تصيب مراة مثلك في هذا زمان

[جزائري وفقط]

يعبث الرجل مع المستهترة

وحين الزواج يبحث عن بنت الأصل

حكمة ل جزائري وفقط ....................

[rafik__87]

وعليكم السلام
ماشاء الله عليك والله نتي بنت اصل صح اي واحد يحوس يزوج راه يدور على بنت الحلال واول حاجة يسقسي عليها هي سمعة الطفلة
نتي لويز الي تكوني من مكتوب تاعوا جامي يفرط فيك وربي يرزقك الزوج الصالح وبنت خالك ربي يهيدها

[المشتاق لجنة النعيم]

سلام عليكم صحا رمضانكم

انا فتاة عمري 22 سنة من كنت جامي درت علاقة محرمة وجامي قرب عندي طفل لاني منضحكش لبرا ومنديرش ليجاست اللي تجلب الانتباه وديما حاكمة قدري ومام اللبسة نلبس نورمال والحمد لله سمعتي جد طيبة

عندي مدة جات عندي بنت خالي وقاعدين نحكيو وصونالها البورتابل قالتلي او صاحبي ياخي نقدر نحكي قلتلها احكي على روحك المهم حكات وكملت كملنا حكينا من بعد سقساتني معندكش صاحبك قلتلها لالا وقالي جامي مشيتي قلتلها لالا جامي قالتلي جامي قدم عندك طفل ولا بعثلك قلتلها لالا كيعاد منعطيلهمش فرصة يخممو كيعاد من ليجاست تاعي يعرفو الجواب واش هو
وقلتلها انا اللي يجي يخطبني هداك اللي بغاني صح وتاع نبعثلك النيميرو وتبعثيلي كامل تمسخير
سكتت سكتت قالتي اواه انتي تعياي تبوري والله تعجبت

حتان شكيت في روحي

فهموني برك هل الطفلة لا حكمت قدرها وجامي دارت علاقة محرمة وجامي بعثلها واحد بغا يمشي معاها معناها معجبت حتى واحد ؟؟؟؟

بالعكس تماما أختي الكريمة لا تأخذي بكلام هذه الفتاة لأنها على الأرجح هي من ستندم في الأخير
أما بالنسبة لك أنت أختي فصدقيني هذا هو النوع الذي يبحث عنه الشباب و إن كانت أخلاقك كما قلت فإن عدم اقتراب الشباب اليك سببه احترامهم لك فالفتاة المحترمة لن يتجرأ الشباب على معاكستها فلا تفكري كثيرا أختي و إن شاء الله سيأتي نصيبك وإياك أن تفعلى ما يغضب الله عزوجل و إياك و التقليد الأعمى لبعض فتيات اليوم الله يهديهم

[يوسف الحق]

أنت صح وهي خطا
شوفي اول حاجة الزواج مكتوب و العبرة بالخواتيم بمعنى انه ادا ما تزوجت البنت فلا يعني لأنها لها علاقات حتى أني ارى العكس أي ان دات العلاقات هي لتبور لأنه و لا احد مستعد للزواج ببنت طائشة لها في العلاقات باع كبير. و قلت ان العبرة بالخواتيم و اعني بدلك أن طريقة الزواج تحدد في كثيلر من الأخيا ن طبيعة العلاقة مع الزوج فادا تزوجت طبقا للعرف المتعارف عليه بمعنى انو الخاطب يقصد الأب أو الاخوة فهدا دليل أن البنت سيكون لها وزن فيما بعد عندما تصبح زوجة لأنها طلبت من عند الرجال و هدا المتعارف عليه في مجتمعنا.
أما العلاقات يا أختي فلا أرضاها لأختي و لا لبنت الناس لأنها تؤدي الى الهاوية أدكرك بأية تأنسك عندما يتغلل الشيطان لفكرك تدكريها فهي وسام المرأة المسلمة التي تضن خيرا بالله
قال الله عزّ وجلّ : ( الخبيثاتُ للخبيثين والخبيثون للخبيثات والطّيِّباتُ للطّيِّبين والطَّيِّبون للطَّيِّبات أولئك مُبرَّئون ممّا يقولون لهم مَّغفرةٌ ورزقٌ كريمٌ )

أنت سليمة فكرا خلقا و تربية الله يكثر من أمثالك والكل يتمنى أن تكون له زوجة مثلك. الكل يبحث عن هدا النوع من النساء ..و راهم قلال قلال قلال

[aymenov]

ما شاء الله ربي يبارك فيك

[DIDOUHAMZA]

بنت خالتك هي لي تبور و انت ماشاء الله

[nasser26]

نستعرف بيك أختي انتي مرا و نص

الله يحفضك

الله يحققلك كامل أمانيك

الله يصونك و يبعد عليك أمثالها

[karimblida]

لم يعكسك أحد من باب الاحترام أي لا يقترب منك نصيبك

[kenda.liza]

بنت خالتك هدي ربي يهديها و الله ...كل حاجة بالمكتوب صدقيني نهار يعود يخطب الرجل يخطب البنت العفيفة و اللي جامي دارت علاقة ديريها في بالك مليح خيتي وربي يهنيك

[مريم الصابرة]

السلام عليكم اختي شكون قالك العكس راكي مليحة وهكذا نستعرف بيك مي كاين حب واحد حب زوجك بعد الزواج
لكن خليني نقولك على كلامك ما ندرلهمش ليجيست يجذبوهم او نضحك معاهم يا ختي وعلاه البنات اللي يعاكسوهم الشباب هوما يخلوهم يخلطو فيهم لالا كاين وكاين وكاين بنات كيما إنت وما سلكوش منهم كيما البنات فيهم العاقلة والطايشة كيما الشباب
المهم إنت بارك الله فيك وإبقاي كيما راكي وتشوفي يجيك احسن خطاب لأنو راكي بنت فاميليا ومتربية ربي معاك موفقة

[الدكتور شهاب الدين]

ماشاء الله وبارك الله فيكي
القليل منك يا اختاه
وانا اول المعجبين بهده القلة من البنات
تحياتي
+++ الطيبون للطيبات
وبالتوفيق لك

[vivaldi]

بالعكس
أنا شخصيا أعجب بالفتاة التي لا تتحدث للرجال ، و اتمنى من الله عز و جل أن يرزقني زوجة بمثل هذه المواصفات
و خاصة الجمــــــــــــــــــــــــــــــــــــــــــــــ ـــــــــــــــيلة :d

[صفاء الروح]

لالا يا اختي ماتبعيش هدرة الناس انتي لاباس عليك كملي كيما هك راكي شرفتي والديك ومكتوبك درك يجي عندك بلا ما تحوسي عليه