اغيثونـــي سريعا ولكم دعوة في السجود

[نتــــــــــاشا]

السلام عليكم ورحمة اللة وبركاته

يا جمـــــاعة الخيـــر راني عندي استفسار و جابلي ربي كاين بزآآآف لي عندو نفس استفساري، انـــا نهار التسجيلات رحت مع بابا للجامعة وسجلوني مي المشكل اللي سجلني غلط باش يديرلي علوم اجتماعية ـــ علم انفس ـــ مي هو دارلي علوم انسانية و انـــا ماعجبتنيش و حبيت ندير ترونسفــــار مي السؤال اللي يطرح نفسو هل يتدخل معدل البكالوريا في التحويل؟؟؟
ثانيـــا حبيت نعرف شكون من التخصصات التالية خير علوم اجتماعية ولا انسانية ولا ادب عربي مع العلم ان معدل البكالوريا ديالي هو 12.97
جاوبوني الله يستركم وشكرا.

[mr.berns]

الغلطة كيفاه
وجهوك لشعبة وسجلتوك في اخرى
ولا
مرحلة التاكيد والتسجيل سجلوك في شعبة ماكيش حابتها؟.

[abdou.em]

اختي كيما هذي على حساب محكاولي مفيها حتى مشكل نورمالمو تقدري في بداية السنة تديري تحويل داخلي و تختاري الشعبة لي راكي تحوسي عليها بصح فيها شوية تعب و الله أعلم

[TOLAY]

ختيفي بداية السنة ديري ترونسفار عادي
متقلقيش روحك

[هبة الله اريج]

شوفي انا ننصحك ب ع انسانية لا ادب

[لالة مريومة]

اختي اولا اذا معجبتكش علوم انسانية تقدري تتحولي لاخاطرش المعدل يسمح اكيييد وانا على حساب علمي علوم انسانية احسن من الاجتماعية .... انتي وخيري

[نتــــــــــاشا]

يعطيكم الصحة مي ماقلتليش واش رايكم في الادب العربي وهل نقدر ندير بيه استاذة في الثانوية وشكرا

[لالة مريومة]

طبعا تقدري حتى كي تكملي الماستر انشاء الله والادب تخصص مليح لوكان اعطاوهولي نديرو مي انا طموحي ماشي التعليم ههه

[المميزة دائما]

يعطيكم الصحة مي ماقلتليش واش رايكم في الادب العربي وهل نقدر ندير بيه استاذة في الثانوية وشكرا
أظن انك تقدري اديري استاذة

[نتــــــــــاشا]

يعطيكم الصحة ياخاوتي لعزاز ولي عندو معلومة اخرى ميبخلهاش عليــا الله يستركم

[سطايفية بكل فخر]

احتي شكون غلطلك الجامعة ولا التسجيل فالانترنت
+
علوم امسانية فيها تخصص مكتبيات هايل ومطلوب فالخدمة بزاف
+
علوم اجتماعية ايصامليحة فيها علم نفس علم تربية ارطوفونيا وفلسفة
+
ادب تقدري غير تقري بيه والنا سكاملة راهب تقري اخطيك منو
+
جبدني عنوانك لاني محتاجة لدعوات الخير فلا تنسيني اعديلي في سجودك

[okba.okba3]

يخصوص ماهي الشعبة الأفضل

تكون على النحو التالي

أدب عربي

علوم أنسانية

وعلوم الأجتماعية ليست جميلة

ومعدلك يقبل كلشي

أنا كون تديها نصيحة من عنددي روحي علوم أاسلامية جامعة الأمير عبد القادر قسنطينة

ومعدلك يسمح لك الدخول لهذا العهد
وصحا صحوركم

[نتــــــــــاشا]

بارك الله فيكم و قولي اخ عقبة يعني الترونسفار ساهل من حامعة لاخرى ونزيد نبدل التخصص

[smiley nina]

oui sah el adab machi mlih psk enass ga3 raha ta9ra adab maia ana galoli 3olom insaniya khir men 3olom ijtima3iya mai mafhamnach khti kifah galtolak nti elwar9a li kharajtiha men net wach fiha 2insaniya wela 2ijtima3iya psk la raltolak ghir homa normal sahla rouhi lihom ysaholak bla trancfaire 3lik ok khti w rabi ysahal nchalah

[نتــــــــــاشا]

الله يخليكم شكرا مي مافهمتش علاش كامل راكم تقولو الانسانية خير وللاخ عقبة انا من العاصمة ماشي من قسنطينة

[okba.okba3]

نتاشا والله ساهل أختي معريفة فقط

نتاشا *****ييي هذا

أتصلي وذركا نعطيك معلومات أكثر وزيد أنا نحاول نبدلك

هذا *****ييي
thechatok

[okba.okba3]

تقدري تقري في الخروبة علوم أسلامية

ولا أنسانية

األأنسانية
تقدري تقري صحافة وأعلام
تقدري تاريخ
تقدري علم مكتبات
تقدري علم نفس
مي التاريخ افضل أو علم نفس أو صحافة

المهم مكتبات لالالالالالالالا

[نتــــــــــاشا]

نتاشا والله ساهل أختي معريفة فقط

نتاشا *****ييي هذا

أتصلي وذركا نعطيك معلومات أكثر وزيد أنا نحاول نبدلك

هذا *****ييي
thechatok

وين نتصل ماكاين والو

[smiley nina]

oui hna haka 9alona ana kamel li 9aloli 9aloli 2insaniya bezaf mliha 3la el2ijtima3iya w ntiya diri li tkharaj 3lik khti

[okba.okba3]

s k y p eeeeeeeeeeeeeeeeeeeeeee

[نتــــــــــاشا]

merci mon frere

[okba.okba3]

ممكن اسمك فيه ناتشا

[نتــــــــــاشا]

desole khoya 3o9ba ma3ndich *****

[okba.okba3]

فا س بو ك

[نتــــــــــاشا]

a3tini ton face book

[okba.okba3]

okba abdellali

داير صصورة فيها أية قرانية وعلى رمضان

[نتــــــــــاشا]

ok ci bon rani ajoutitek mon frere

[أبو شنب]

ok ci bon rani ajoutitek mon frere

هنا بعض المعلومات التي قد تهمك:
http://www.echoroukonline.com/ara/articles/136496.html

الفرنسية معدلها منخفض, و إن كان عاليا في الجزائر فيمكنك التحويل إلى البليدة أو بومرداس

[حميدو09]

Diri adab firansi aw farissi
wella langue chinoise tekhedmi m3a chnawa

[sami stayfi]

انصحك بالأدب العربي افضل لأني شفت ناس بزاف قراو علوم انسانية و راهم قاعدين مي ادب عربي عندك فرصة في التعليم
هذا و الله أعلم

[نسيبةB]

أدب عربي أفضل والله أعلم

[BAROUD]

والله ما شفيت كيفاش كنا نديروا ترانسفار ك كنا نقراوا
مي لازم تدعيلي اه

[سطايفية بكل فخر]

الاخ عقبة الادب ماشي مليح تقري بيه برك
+
انا قتلك على التخصصات لاني راني فالجامعة وشايفة ومخالطة الادبيين
+
انت ادرى بمصلحتك

[سطايفية بكل فخر]

تقدري تقري في الخروبة علوم أسلامية

ولا أنسانية

األأنسانية
تقدري تقري صحافة وأعلام
تقدري تاريخ
تقدري علم مكتبات
تقدري علم نفس
مي التاريخ افضل أو علم نفس أو صحافة

المهم مكتبات لالالالالالالالا

علم النفس تابع للعلوم الاجتماعية
وعلم المكتبيات هو الافضل فالتاريخ يلزملك باش تلقا بلاصتك فالتعليم والصحافة راهي مكانش فبلادنا غير المعريفة
اما علم المكتبيات راهو يحوسو عليهم لانو فتحو مكتبات جدد والعمال القدامى راهم كبار بزاف قريب يخرجوروترات وزيد مع تطور العلم والاعلام الالي محتاجين شبان يديرو المكنتبات بالنظم المعلوماتية وكاين تخصصات فالمكتبات الالكترونية
+

ومرة اخرى من فضلك لما تجاوب جاوب على دراية متغلطش الطلبة وتقلهم بلي احسن اخصص تخصص ماشي مليح

[سطايفية بكل فخر]

انصحك بالأدب العربي افضل لأني شفت ناس بزاف قراو علوم انسانية و راهم قاعدين مي ادب عربي عندك فرصة في التعليم
هذا و الله أعلم

واش من تخصص خيروه فالعلوم الانسانية

[okba.okba3]

اختي سطايفية


انا بلاك خطأت غي في علم النفس نسبتها العلوم الانسانية

مي اختي والله غير علم مكتبات مكان والو باه يكون في علب راهم كاين بزاااااااااف قراوها وراهم قاعدين والله مكان الخدمة

اختي نقلك فكرة من الافضل ننصحوها علوم اسلامية

[سطايفية بكل فخر]

اختي سطايفية


انا بلاك خطأت غي في علم النفس نسبتها العلوم الانسانية

مي اختي والله غير علم مكتبات مكان والو باه يكون في علب راهم كاين بزاااااااااف قراوها وراهم قاعدين والله مكان الخدمة

اختي نقلك فكرة من الافضل ننصحوها علوم اسلامية

اخي راني في سطيف ولي قراو كامل راهم ببلايصهم وفي بسكرة قالي واحد يحوسو علينا بالشمعة بلاطك عندكم برك مخدموش
+
علوم اسلامية مليحة مي ماشي احسن من العلوم الانسانية والجتماعية
كاين فالعلوم الاجتماعية ثاني ارطوفونيا جديد في بلادنا ومليح بزاف
بالتوفيق ليكم كامل

[يـاسـر الـمـسـلـم]

السلام عليكم اختي
انا عندي قليل من المعلومات ممكن تفيدك
الادب العربي كيما قالولك الاخوة غير التعليم بالماستر اذا حاابة التعليم
علوم انسانية تقراي العام الاول جذع مشترك ومن بعد تتفرعي كاين علوم الاعلام والاتصال تاريخ فلسفة علم المكتبات
علوم اجتماعية تقدري من بعد ديري علم النفس والارطفونيا وعلم النفس تاني كاين فيه علم النفس العيادي
بخصوص الخدمة اختي الرزق على ربي
هذو هوما المعلومات لي عندي

[يـاسـر الـمـسـلـم]

السلام عليكم اختي
انا عندي قليل من المعلومات ممكن تفيدك
الادب العربي كيما قالولك الاخوة غير التعليم بالماستر اذا حاابة التعليم
علوم انسانية تقراي العام الاول جذع مشترك ومن بعد تتفرعي كاين علوم الاعلام والاتصال تاريخ فلسفة علم المكتبات
علوم اجتماعية تقدري من بعد ديري علم النفس والارطفونيا وعلم النفس تاني كاين فيه علم النفس العيادي
بخصوص الخدمة اختي الرزق على ربي
هذو هوما المعلومات لي عندي

[نتــــــــــاشا]

merci likom kamel w nchallah rabi ysahellna kamel

[sami stayfi]

واش من تخصص خيروه فالعلوم الانسانية

نقصد كل التخصصات يا السطايفية غير المكتبيات هذي مانعرفهاش صح
يبقى رأيي أدب عربي أحسن

[widwida]

الله أعلم هما يتحملو الخطأ

[سطايفية بكل فخر]

نقصد كل التخصصات يا السطايفية غير المكتبيات هذي مانعرفهاش صح
يبقى رأيي أدب عربي أحسن

هم اصحاب الاتصال والاعلام لي مضرورين بزاف قاعدين بلا خدمة ويلحقوهم تاع التاريخ لي لقا يقري راهو يقري ولي ملقاش راهو بلانام
مي تاع المكتبيات راهم خدامة وحلو مكتبات بواف في سطيف فالسنوات الاخيرة