طلب [الأرشيف] - منتديات الجلفة لكل الجزائريين و العرب

oum salim

2012-07-30, 12:57

اريد طلب كيفية سهلة لقلب اللوز

هذه وصفة ساهلة واقتصادية .
قلب اللوز
نبدا بتحضير الشاربات حتى يبرد .
الشربات .- 600غ سكر في كسرونة ماشي ثقيلة نضعها على نار هادئة حتى يذوب شوية من الاطراف (شوية برك منحرقوهش) نضيف له 1لتر ماء بعد الغليان نحسب 10دقائق نضيف كاس صغير ماء زهر يغلي غلية واحدة ونطفئ النار.
العجينة.- 1 كلغ دشيشة متوسطة + 500غ سكر + 1ملعقة فانيلا نمزج جيدا حتى يتداخل الكل .
كاس ماء +كاس زيت نمزج جيدا في زجاجة (الماء +الزيت =نصف لتر) نرش به الدشيشة ونتفتل باطراف الصابع .
الحشو=كمشة من العجينة +كاس كاوكاو مرحي +1 ملعقة كبيرة كاكاو نرش بشوية ماء زهر ونفتل.
ندهن صنية الفرن بالماء ماشي بالزيت نفرغ فيها نصف كمية العجينة ثم طبقة الحشو ثم بقية العجينة نسويها بالسباتولا او الملعقة (ارتفاع قلب اللوز قبل ما يطيب لا يتجاوز 1سم) .ونشكل الحبات بظهر السكين ونرشق حبات اللوز .وندخله الفرن فورا لمدة 20-30د. 220-240درجة. نخرجه من الفرن يقطع فورا ويسقى بالغراف ماشي بالكسرونة ولانعيده للفرن .يسقى على ثلاث مرات .
وبصحتك اختي.