صديقي

[مشكلتي]

السلام عليكم ورحمة الله وبركاته
رسالة من صديقي اليكم ساكتبها انا يقول=
انا شاب عمري 19سنة
راني حاب نحرق لضروف قاسية
المرجوااا أن تساعدوني بنصائح لتسهيل العملية الهجرة ونصائح الي اي بلد يكون اناسه رحماء
مع العلم سيغادر مورا العيد قاصدااااا...... ومن تم الى ماتقولونه له من نصائح الى اين سيأوي
صراحة صديقي مخنوق بزاف أرجواااااااا اعطائه معلومات ............
ملاحضة= هو مزال يدرس وهو العام هدا باكالوريا

[عآشقة غزه]

تريد نصائح لطريق الموت ربي يهديكم

[sar92ah]

السلام عليكم ر بي يهديك تحوس تروح لاوروبا و هي واش بقا فيها ..؟؟ اليونان طاحت و راهي تتقشف . اسبانيا راهي تطلب . ايطاليا راهي خايفة على كرامتها لانها اقتربت من الصفر و البرتغال و ........... و ............ و ................... اذا لقيت صح خدمة و بطريقة شرعية ربي يسهل . لكن باه تروح ترمي روحك تما هوما و معندهومش واش ياكلو باه يوكلوك . و ادعو لك بالتوفيق

[soumia24]

ربي يفرج عليك رانا كامل غارقين بالمشاكل وهدا ماشي حل نحكمو في ربي لي نقدرو نتوكلو عليه

[moonlight19]

rabi yfarej 3likom w yerzekom

[نور اليقين جيداء]

ياوليدي ربي يهديك كون غير بالفيزا مغاض حال نتمناولك طريق السلامة
بصح راك رايح تحرق انت مغبوب مغبون انغبن هنا وخلاص
ربي يفتح عليك و بلاد تسترك

[أنثى للخير مبادرة]

قل له أن لايلقي بنفسه إلى التهلكة و أن َّقطران بلده احسن من عسل البلدان
ثم إنه مقبل على البكالوريا ...وبضمانها سيضمن مستقبله
قليل من الجد و الإجتهاد و الصبر وستفرج عنه
هداه الله

[faty05]

لا ادري ما بال الشباب يحرقون و يحرقون قلوب أمهاتهم
مازالوا صغير و تفكيرو غير ناضج
ما املك غير القول الله يهديه قولو يواصل دراستو و يكون نفسه و ربي هو الفتاح

[سفير الأيام]

السلام اخي لكن ربما ان الكثير منكم من يرى الجنة في عالم الأحلام ولايزال ينبد بلده صحيح ان هناك ظروف صعبة لكن إعلم ان ظروف البلدان الأخرى حالتها مزرية علينا والله من حينا سافقر أخوين وبأوراقهما لكن يرويان ان الظروف غير جيدة وأغلبية شبابنا الحراقة


يبيتون على الكرتووووون

انصحك

ان تصبر لأن بعد العسر يسر


ومن حول همه لدعاء الله فالفرج قريب


لقول المولى تعالى

أدعوووووني استجيب لكم

والسلام عليكم

[abdel02]

"روجي لومير" مدرب فرنسا فاز بكأس أوروبا وكأس إفريقيا...يعني يقدر يدرب وين يحب...ولكن نظرا للأزمة الإقتصادية في أوروبا...سيدرب هذا الموسم شباب قسنطينة...يعني ولات الهجرة من الشمال إلى الجنوب..فلا تمشي عكس التيار...كاين الخير في البلاد...

[arc en ciel]

الله يعطيه الصبر و يفرج عليه

علاه هاكا شباب صغار مازال ماشافو الدنيا يريسكسو برواحهم قالك مشاكل ياو كامل عندنا مشاكل بصح الصبر

النصيحة الوحيدة انه يجتهد و يثابر باه يربح الباك تاعو و موراها انشالله راح يتفتحولو البيبان

مافهمتش علاه شباب صغاار يقولك المشاكل المشاكل و هادي مش بلاد و نروح لاوروبا ؟؟؟؟

كمل قرايتك دير شهادة في يدك

ولا حاب تروح يدلوك الgور و تبات تحت القناطر و هارب من لابوليس و تاكل من لابوبال ؟؟

ربي يهديه

[karimblida]

قل له أن لايلقي بنفسه إلى التهلكة و أن َّقطران بلده احسن من عسل البلدان


قليل من الجد و الإجتهاد و الصبر وستفرج عنه
هداه الله

البكالوريا تصمن المستقبل هههههههه
سيدتي شوفي قسم الطرائف

[aissam .3820]

قولوا اصبر جيب الباك العام هذا بلاك يتحل مشكل الازمة الاقتصادية....

...

وطريق الترك اليونان مابقاتش نعرف بزاف راهم حاصلين فاليونان قاتلتهم الميزيرية من 4 اشهر حتى ل 7 من اللي راحوا...
..


قولوا الا راك مصمم صح لازمك فيزا لاسبانيا بصح ما تقعدش تم وادخل ديراكت فالميترو لفرنسا....

....


ونزيدك نصيحة لازمك ميتيي في يدك حبيبي يعني دير تكوين....
..

[- جزار - تخدم بالسيقار في مارسيليا..].

..

بالتوفيق..


..

[dolph05]

السلام عليكم رمضان كريم
أخي قل له بأن يلتزم قول هذا :
( لا إله إلا أنت سبحانك إني كنت من الضالمين )
أوروبا ما راهيش خير من الجزائر
قل له خمم في الباك كي تجيبوا راه يدير ربي ألف حل
كي يجيب الباك راح ينسى الحرقة كامل
الله يهدينا أجمعين

[hayet04]

جبان و احمق هو من يهرب من مشكل الى مشكل اكبر قولو يقرا و يهني روحو 19سنة عندو ظروف قاسية ؟ واش شاف من الدنيا ؟ مايستر عارك الا دارك مشاكل بلادك اهون 100 مرة من الذل لي تعيشو في بلاد الناس هـــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــذا اذا ماكلاكش الحوت في نص البحر

[عذراء الجبل18]

اعطليو كف يفيق مع روحو مع كل احتراماتي بصح هذا حاب يخرج من مشاكلو باه يواجه اكبر مشكل!!!!!!!!!!!!!!!!!!!!!

[aymenov]

خويا باه تنصح صحيبك راك تحوسلو كيفاه يحرق واين وصلت الصداقة

[« أبْجَدِيَّاتْ »]

السَّلامُ عليكُم و رحمةُ الله..

قولّو اذا راك باغي فرنسَا ، مالا دير في حسَابك بللِّي التّاكسي لتمَّا بـ5000 دج ،
و الميترو بـ500 دج ، و القشّ ما عندي ما نقولّك ، رحمة ربيّ عندنا السُّولد في دزاير .
تكري شقّة صغيرة بـ20 مليون للشّهر . تحجز في فندق عادي تطلَعلك 30 مليون للشّهر .
وين تروح ؟ . حتىَّ السّلاك راك مَا تسلَّكش الكهرباء و المَاء فقط بل حتىَّ الهواء الليِّ تتنفسُو لتمَّا !
هذا هو الواقع عندهم و رُبّما يقول صاحبك فرنسَا خير و فيها المعيشَة ، لتمَّا لليّ يروح بلا خدمة
بلا دراهم يضيع و يتمرمد حتَّان يموت . والله بلادنا أرحَم . لهيه كن تجي تشري خُبزة
و ينقصوك الدّراهم و الله ما تشوفها . ما كاش تاع " نسلّكك ممبعد " .

ماشي كيما في بلادنا يقولّك الخبَّاز ساعَات معليش و يسمحلك .
راهي صعيبَة المعيشَة في أوروبا يا أخي . 10 ملاين في الشّهر ما عندهم ما يديرولك لتمّا ،
هذا لا لقيت خدمة بلا ديبلوم بلا والو . و المشكل مش في الدّراهم برك ،
مشكلة الحقرة عندهم . حْنا العرب ما يشمُّوناش .

بلادنا راهي فيهَا الخير رحمة ربيّ ، و العام هذا صاحبك رح يجوز الباك ،
وعلاش ما تشجّعوش و توقف معاه ع القرايا ؟ ولاّ تحوسُو في زوج ع الهربة
برك و ( لا ليبارتي ) ؟

هي المرَّة الثَّانية التيِّ أكتبُ فيها بالعاميَّة و بقَسوَة في القِسم رغمَ أنّ القانُون ينصّ
ألاَّ أكتُبَ بغير الفُصحَى . ولكنَّني لم أتمالك نفسي ، و أردتُ ما كتبتُ نصيحةً لكمَا معًا .
ديرو مستَقبل لعماركم . علاش الليِّ قراو و عاناوْ في الجزائر واحد ما نجح فيهم ؟
حنا الجزائريِّين أغلبيّتنا فيهم حاجة : اذا صادفنا مشكل بسِيط نفَّشلو خلاص ، تبانلنا
الدّنيا تغلقت في وجوهنا . ما كانش معيشَة ولازم نحرق و لازم ننتَاحر !

حاجة ما تجي ساهلة في الحياة.. لتَحصُلَ على السَّعادة لازم تعاني سواء في القرايا
ولاّ الخدمة ولا في الحياة العائليَّة . ما تكونوش جايحينْ . وما تكونوش أنانيِّينْ .
خمُّو على يمّاكم المسكِينة الليِّ شقات عليكم ، يهون عليه يروح و يخلّيها ؟

ربيّ يهديكم و يفتح أمامكم أبواب الخير انْ شاءالله .

و أستَسمِحُ من الأخ فَارِس استعمال العاميَّة



تقبَّل الله صيامَكُم ..

[جرح الماضي]

السلام عليكم
يااخي قول لصاحبك اقعد في داركم راك مليح....اللي لهيه بداو يلمو حوايجهم باش يرجعو لهنا..زعما هو خمملها مليييح.......؟راح يتمرمد حتان يكره حياتو وهذا اذا لحق اصلا وماكلاهش الحوت... ويحرق قلب ماماه عليه علاش ؟راح يجوع ويبرد ويبكي ويخاف ويخدم الخدمات اللي مابغاش يخدمهم اهنا..ماعندوش حتى صنعة ولا ديبلوم يعني رايح حواس...قلو ريح اهنا خيرلك الخبز والما والراس في السما...ذرك تدي الباك ان شاء الله ويفرج عليك ربي علاه راك مزروب في عقلك ماراح يفوتك والو وبلادك خير من البلدان كامل وربي يهديك وانت ادا راك صاحبو صح ماتخليهش يروح.

[السي محمد]

صديقك انسان واقعي و عملي و ليس جبانا كما قيل

بلادنا ليست مكانا يعيش فيه بعض الناس

العاديون يعيشون نعم اكل و شرب و نوم و عمل و زواج ثم موت

اما اصحاب الطموح الكبير و الاهداف العظيمة يستحيل ان يحققوا انجازات في بلادنا

قل له قليذهب و ليتكل على الله

يعجبني هذا الصنف من الشباب

لديه مُشكل او مشاكل عجز عن حلها .... اختار الحل الاسهل و الاقرب للنجاح

بدل المكث هنا و تسوُل الصدقات في عقود ما قبل العبودية التي وضعها بوتفليقة

الحل هو الهجرة نعم

فكُل من هاجر عاد بالمال الوفير إلا البعض الجايح الذي كلاهم في اورويا

او سبقه الاجل و لو كان في بيته لمات ايضا فالقضية قضية أجل انتهى

انا انصحُه بالذهاب لكندا او استراليا افضل من اوربا

ربي يسهّل


المهم قول له لا تنسى دينك و لا تضيع صلاتك او تتهاون فيها أبدا

[« أبْجَدِيَّاتْ »]

صديقك انسان واقعي و عملي و ليس جبانا كما قيل

بلادنا ليست مكانا يعيش فيه بعض الناس

العاديون يعيشون نعم اكل و شرب و نوم و عمل و زواج ثم موت

اما اصحاب الطموح الكبير و الاهداف العظيمة يستحيل ان يحققوا انجازات في بلادنا

قل له قليذهب و ليتكل على الله

يعجبني هذا الصنف من الشباب

لديه مُشكل او مشاكل عجز عن حلها .... اختار الحل الاسهل و الاقرب للنجاح

بدل المكث هنا و تسوُل الصدقات في عقود ما قبل العبودية التي وضعها بوتفليقة

الحل هو الهجرة نعم

فكُل من هاجر عاد بالمال الوفير إلا البعض الجايح الذي كلاهم في اورويا

او سبقه الاجل و لو كان في بيته لمات ايضا فالقضية قضية أجل انتهى

انا انصحُه بالذهاب لكندا او استراليا افضل من اوربا

ربي يسهّل


المهم قول له لا تنسى دينك و لا تضيع صلاتك او تتهاون فيها أبدا


أخي يَاسينْ ، علابالي أنَّك بغيت ترُوح لفرنسَا مرَّة و ما حبَّتش يمَّاكْ.. بصَّح أنتَ عندك دبلُوم في يدّك و راك راجل - يبارك الله فيكْ ، أمَّا هذا يا أخي راه في عُمرو 19 سنَة فقط و مازال مَا امتحَنش في البكلوريَا . علاش مَا يجيبش الباك نتاعو ؟ ومباعد الله لا سجَّل في الجامِعَة ، يخدم ولو كانْ خدمة بسِيطَة يجيب منهَا شويّة دراهم ، يلمّ على رُوحو و مباعد إذا ربيّ سهلُّو يروح يسَافر ؟ علاش من دُوك يروح يمرمد روحُو دون استِعدَاد ؟ لازم ع الأقلّ يدير استراتيجيَّة يضمن بيهَا حياتُو ، كيفاش يرُوح هكّا بلا والو أخي يَاسينْ ؟ يعني يقدر يعيشْ لتمَّا بلا دراهم ؟ و وينْ يبات ؟ واذاَ حكماتُو الشُّرطَة بلا وثائق ، وش يكُون مصيرُو ؟ ، ثُمَّ النَّاس لليِّ نجحَت مَا راحتشْ حرَّاقة أخي ياسينْ :o ، راحت هازَّة ديبلُوم في يدّها لاخاطر احتَاجتهَا مباعد في الخدمة عند الغرب . أنا نأيّدك في حاجة وحدة ، وهي السَّفر إلى كندَا بدل أوروبَا ، ولكنْ شرعيًّا دُون اللُّجوء إلى سُبُل أخرىَ . وربيّ يجيبلكم كامل الليِّ فيه الخير و يرضيِّ عليكم والديكم .

[السي محمد]

أخي يَاسينْ ، علابالي أنَّك بغيت ترُوح لفرنسَا مرَّة و ما حبَّتش يمَّاكْ.. بصَّح أنتَ عندك دبلُوم في يدّك و راك راجل - يبارك الله فيكْ ، أمَّا هذا يا أخي راه في عُمرو 19 سنَة فقط و مازال مَا امتحَنش في البكلوريَا . علاش مَا يجيبش الباك نتاعو ؟ ومباعد الله لا سجَّل في الجامِعَة ، يخدم ولو كانْ خدمة بسِيطَة يجيب منهَا شويّة دراهم ، يلمّ على رُوحو و مباعد إذا ربيّ سهلُّو يروح يسَافر ؟ علاش من دُوك يروح يمرمد روحُو دون استِعدَاد ؟ لازم ع الأقلّ يدير استراتيجيَّة يضمن بيهَا حياتُو ، كيفاش يرُوح هكّا بلا والو أخي يَاسينْ ؟ يعني يقدر يعيشْ لتمَّا بلا دراهم ؟ و وينْ يبات ؟ واذاَ حكماتُو الشُّرطَة بلا وثائق ، وش يكُون مصيرُو ؟ ، ثُمَّ النَّاس لليِّ نجحَت مَا راحتشْ حرَّاقة أخي ياسينْ :o ، راحت هازَّة ديبلُوم في يدّها لاخاطر احتَاجتهَا مباعد في الخدمة عند الغرب . أنا نأيّدك في حاجة وحدة ، وهي السَّفر إلى كندَا بدل أوروبَا ، ولكنْ شرعيًّا دُون اللُّجوء إلى سُبُل أخرىَ . وربيّ يجيبلكم كامل الليِّ فيه الخير و يرضيِّ عليكم والديكم .






يا اختي الفاضلة


والله لم اندم على شيء اكثر من البكالوريا و الدراسة في الجامعة


والديبلوم والله ما يسوى فلس


خصوصا عندما أرى اصحابي الذين توقفو عن الدراسة و عايشين متزوجين و بسيارات و سكنات

عندي خويا جاب الباك هذا العام بعثته مباشرة للجيش

و بذلت كل طاقاتي و اموالي و معارفي ليدخل الجيش

لا اريده ان يكبر في الجامعة مثلي و يُوجه للبطالة

كما لا اريده ان يقع في نفس الخطا الذي وقعت فيه انا



علابالك اصحابي الذين دخلوا للجيش يوم انا جبت البكالوريا

و زعما لعبتها فاهم و قافز و كملت القراية

أقل واحد فيهم هو الآن برتية مُساعد و اجرتهم الشهرية 6 ملايين


وانا ماذا حققت؟؟؟؟؟؟؟؟؟؟

000000000000 في رصيدي

ولا شيء


خليهم يهاجرو يا اختي يديرو مستقبل لارواحهم و يساعدو والديهم



شكرا لك مع اني لا اذكرك جيدا وانتي تعرفينني

[karimblida]

الدولة نتاعنا الله يطول عمرها كي لراهي تحارب في الهجرة السرية ماشي غاضوها الشباب
بل لأن الاوروبيين يبهدلوهم يقولولهم شدو الدراري نتاعكم
البحرية الايطالية و الاسبانسة راهم يعانيو باسبابنا راهي غلبتهم الخدمة