المورال 0

[سنوم 33]

الكونكور على الابواب..12-08-2012 ..
دفعت الدوسيي
خدمت 7 اشهر كاستاذة في الثانوي في اطار حاملي الشهدات..يعني ما نيش مستخلفة..
شهادة عمل ما كانش في الدوسيي تاعي..عطاوني شهادة تكليف بالتدريس قوبلت بالرفض
متخرجة سنة 2011..ليسانس تاريخ كلاسيك

كنت علمية وكنت حابة ندير حاجة ميديكال
الله غالب هذا مكتوب....
من لي كنت صغيرة نحب القراية....وفي الباك تاعي كنت نجيب 15 و 16 معدل...بصح في الباك اوفيسيال جبت 11.54....وهذا كل بسبب قلة التركيز..باك2007....ربي يهدي الي عسو علينا.. ...الحس...ما خلاونيش نخدم.
المهم نحس في مستقبلي ضاااااااااااااااع
كرحت قريت تاريخ..قلت لدارنا نبدل حاجة سيونتفيك....قنعوني...وقريت 4 سنين..صح كنت نطلع في عوامي بالدورة العادية
بصح كنت نقرا ليلة الرعد.......وهذي ماهيش عوايدي
قلت لدارنا حابة نعاود الباك....زادو قنعوني وما عاودتش
اليوم راني مخطوبة..نقول لخطيبي حابة نعاود الباك...يقولي علاه باه ديري طبيبة ولا فارمسيانة ولا.........
---مع العلم هو طبيب---يقولي ما نحبش مرتي تخدم طبيبة تبات في لوبيتال....نحب مرتي استااااااااذة....احسن خدمة للمرا

[سنوم 33]

انا ضرك مصيري ارتبط بالتدريس
ع خاطر ما نقدرش نخالف راي زوجي
راح نفوت كونكور...المورال0....مانيش قادرة حتى نحضرلو
وباه نحكم بوست.....اذا اعتمدو الشفافية....مستحيل ننجح
اذا نجحت في المقابلة علاها 3 نقاااااط فقط
مانيش ماجور دو برومو
ماعنديش الخبرة...متخرجة جديدة
نحس في مستقبلي ضاع
حسيت قرايتي راحت
نحب نحقق طموحاتي
الوظيفة ولات تعتمد على المحسوبية والمعريفة والرشوة----والله ما دفعت دورو حرام--
حابة نحضر للمسابقة

والله حابة نعاود الباك.....بصح ضرك ولا نظام جديد..وحسا روحي نسيت كلش----
دبرو عليا واش ندير
ممكن تعتبروه ماهوش مشكل اصل
بصح انا هذا واش شاغل بالي في اللحظة هذي
جزاكم الله خيراا

[عُضو مُحترم]

والله ماني عارف واش نقولك

ربي يجيب لي فيها الخير

[ابراهيم داود]

بالتوفيق لك اختي الكريمة و تذكري ان الله عز وجل موجود و لن يتخلى عنك ان اكثرت من الدعاء

[هيونة القطرية]

إن شاء الله خير

[zineb.alg.ziani]

قولي
لا اله الا انت سبحانك اني كنت من الظالمين
وصلي ختي واستخيري
راني ندعيلك ربي يسهلك ان شاء الله ويعطيك لي تتمناي

[سنوم 33]

مشكوريين....................

[karimblida]

انا ضرك مصيري ارتبط بالتدريس
راح نفوت كونكور...المورال0....مانيش قادرة حتى نحضرلو
وباه نحكم بوست.....اذا اعتمدو الشفافية....مستحيل ننجح
اذا نجحت في المقابلة علاها 3 نقاااااط فقط
مانيش ماجور دو برومو
ماعنديش الخبرة...متخرجة جديدة
نحس في مستقبلي ضاع
حسيت قرايتي راحت
نحب نحقق طموحاتي
الوظيفة ولات تعتمد على المحسوبية والمعريفة والرشوة----والله ما دفعت دورو حرام--
عاونوني حتى بكلمة تخليني نحضر للمسابقة

والله حابة نعاود الباك.....بصح ضرك ولا نظام جديد..وحسا روحي نسيت كلش----
دبرو عليا واش ندير
ممكن تعتبروه ماهوش مشكل اصل
بصح انا هذا واش شاغل بالي في اللحظة هذي
جزاكم الله خيراا

أختي الكريمة و الله راكي في خير كبير مقارنة مع ناس اخرين
راني في حالة أعقد من الحالة نتاعك بكثير و ccpنتاعي حبس مع لابورس هادي عوام
الحاجة لي دارتلي الصبر هي أني درت لي عليا و الباقي على ربي سبحانو
و الحاجة لي ما زال ما قادرش نحملها
كي تبكي الوالدة و هي تدعيلي نصيب خدمة
لأني كنت متفوق جدا جدا من أصحاب 18 و 17
و راني مرمي و ضعاف النفوس تستشفى
و لكن كيما قتلك ديري مجهودك و فقط ربي يجيب الخيلر و بالتوفيق

[sarl02]

شكون هدا المدير الحابس الي اخدملك هده الشهادة ..اكيد انه لا يفقه شيئا في امور التسيير الاداري ...وانت علاش اسمحتي في حقك؟...نعرف مديرين مدو شهادة عمل كاستاد في التخصص لاشخاص كانو اعوان ادارة في اطار عقود ادماج مهني وهدا من اجل مساعدتهم في المسابقات ليس الا.......ثانيا بالنسبة لموضوع الشوماج راكي متخرجة جديدة كيما قلتي وين بنتي انت مع ناس سنة 4 و5 و 6و 10 شوماج ...احمدي ربي والي فيه الخير اجيبو ربي.

[faty05]

يبالي هذا المدير كلالك حقك
وعلاه ما طالبتيش بالوثيقة لي تساعدك في النجاح
المهم ذركا حطيتي الدوسي
نتي وجدي نفسك جيدا به تفوتي الامتحان لانه راح يكون شفهي
يا ختي اذا ما مكتبش ربي كل عام كأين امتحانات
عمبالك قريبتي درست طب و اكملت و تزوجت طبيب قالها و الله ما تخدميها ما تباتيها في السبيطار
اما اعادة الباك فشوفي للبعيد و كي تجيبيه راح تدرسي سنين اخرى يعني هل ممكن خطيبك يخليك تدرسي او ينتظرك
انتي حاليا استعدي للامتحان ما تعرفي وين الخير رآه كاين
و زيد عمل الأستاذة جيد
ربي يعينك

[بيان 5]

السلام عليكم
اختي الرزق بيد الله انا ثاني ليسانس كلاسيك تخرجت 2010 الخبرة 6 اشهر المعدل 13 لكن لحد الان لم اوظف دفعت الدوسي والباقي على ربي كل شي بيدوا سحانوا
ادا مانجحتش هاد العام نجرب العام الجاي ان شاء الله وادا ماكانش العام اللي بعدوا مكتوبي يجيني في وقتوا
ما تقلقي ما والواااااااااااااااااااااااااا
ربي ينجحك وينجحنا ويبعدنا على لحرام

[مريم الصابرة]

السلام عليكم اختي واش بيك دايرة في روحك كامل هكذا واش نقوب انا اللي صح مستقبلي راح كليا لا خدمة لا قرايا لا زوج لا اب وحتى لا صحة احمدي ربي اخي شزفي مكتوبك تديه ولو واش يصير ربي كتبلك هكذا أحمديه قري وين المشكل خدمة شريفة ونبيلة المهم راكي راحا تعوضي سنوات تعبك وخطيب خلاط تخدمي وعندو الحق كيفاه مرتو تبات فلوبيتال اختي ماشي جاية نصيحتي ليك تتكلي على ربي وفوتي االكونوكور وإن شاء الله تنجحي وتقري المهم راكي درت حاجة خير من الهدم صدقيني انا قريت ثانية جامعي وحقوق صح كنت متفوقة لكن الله غالب حبست المرض ما حلانيش نقرا وكنت مخطوبة وخطيبي مات واش نزيدك أحمدي ربي موفقة اختي

[جسر الأمل]

شوفي اختي انت راكي باغية خبزة طايبة من قاع الجوايه وهده موحال
انت قريتي عند ليسانس انا شانقول على روحي ديبلوم دراسات عليا ومكانش الخدمة وتخرجت قبل بعدة اعوام هاحمدي ربي شوية والحمد لله كي غادي تتزوجي هده لوحدها نعممممممممممممممممممممممممممممممة كبيرة وربي عووووووووووووضك سنين تعبك بالزواج
انت مازلت جديدة علابيها راكي كارهة بصح دوك توالفي
وجامي الواحد منا تكمله كل حاجة لازم ديما تكون حاجة ناقصة كل شي نسبي في الدنيا هده
ونزيدك البارح تلاقيت مع طبيبة سبيسياليست من عائلة مرموقة قالتلي يلعن بوها قراية وخدمة نتاجاتي راهم برجالتهم وولادهم وانا قاعدة نهمبر ونحرث وقالتلي لوكان نلقى وحدة مستواها معدوم وعندها راجل وولاد وتقدر تبدلي والله نبدللها
تبانلي الفكرة تاعي وصلاتك
امالا سنوم صلي على النبي واستغفري مولاك

[Marisssa]

ربي يجيب لي فيها الخير

[aissam .3820]

بالتوفيق وربي يجيب الخير.....

..

برأيي اذا خطيبك ماديا في وضع مليح....


..


قعدي في دارك خير..

...

[حفيدة عائشة]

اختي ارضاي بواش عطاك ربي و احمديه راكي الله يبارك قارية و خدمتي و راكي مخطوبة هادو قاع حوايج ملاح

[staifia]

انا رايي من رأي خواتاتي الاخريات ... ضرك في هاد الوقت مراكيش وحدة راكي مرتبطة و رايحة تولي بدارك و تاني مهنة التدريس مليحة من كل الجهات . و محترمة .... اتكلي على ربي و يوفقك واللي فيه الخير يجيبو ان شاء الله
ربي يهنيك في حياتك الزوجية ..... سلامي

[أم محمد و آيه]

لا لا حبيبة راجلك عندو الصح حنا الاطباء خطرات طيحلك في االيل لكن في اعوامك الاولى من بعد تخرجي بعيادك وحدك ...

وحاجة مليحة استاذة ..قري طلابك وعاودي ولي لدار ستناي راجلك وولادك ...والله يهنيك ويفرحك ان شاء الله

[آلاء النايلية]

يا بنتي هذا مكتوب ربي أرضاي بيه
و خطيبك نتحيلو عندو الحق ألف في المية... راه تفهمك و خلاك تخدمي و بيناتنا أحسن خدمة للمرا التعليم

[**د لا ل**]

ما تقلقيش روحك اختي

كوني واثقة ان نصيبك في الدنيا لن ياخذه غيرك ابدا

فان كتب لك الخير فسيصيبك حتما

واحمدي الله على نعمه الكثيرة

وان لم تجدي الوظيفة فعادي جدا

ابقي في دارك مع زوجك

وربي اولادك تربية صالحة علميهم وثقفيهم

ثم انه لم تكن غايتنا من الدراسة العمل بل فهم الحياة وتعليم اولادنا وتربيتهم وتوعيتهم

وكما انه لايوجد احسن من البيت للمراة فهو الوحيد الذي يحفظ كرامتها في وقتنا هذا


عليكي اختي ان تقتنعي بهذا الكلام

ثم ان الرزق بيد الله وحده ان شاء اعطاك وان شاء منعه عنك

فاحمدي الله دائما وارضي بما قسمه لكِ

والحمد لله على كل حال

وربي يوفقك اختي في المسابقة ويوفقني

نحن نأخذ بالاسباب والتوفيق من الله سبحانه

ولا يعني الفشل نهاية العالم ابداا

فما منع الله عنك شيئا الا ليعوضك خيرا منه

وفقك الله اخيتي

[bouchra hakerz]

ربي يستر عليك وعلى اختي و مرت خويا غدوة انشاله يروحو يجوزو الكونكور إن شاء الله تربحوااااا جمييييييييعكم يااااااااااااااارب اااااامـــــــــــــــين يا رب العالمين

[Floona]

وش من خدمة راني خدامة وكارهة حياتي مفيها غير التعب والشقاء كون مجيتش مرسمة والله غير نبطل

دبروها لي قاعدين فالديار أنا كون نبطل يرموني فالدار

كان حابة تقراي إقراي على روحك وكان على الخدمة أخطيك تكسار الراس أكتر منها وزوجك يكفيك

أنا قريت باك قديم وعاودت نظام جديد راهو سآآآآهل ماشي كيم النظام القديم