استفسار عن سر البنة في الطياب

[naima88]

السلام عليكم
اخواتي الفضيلات ارجو ان تجيبو عن سؤالي فانا في حيرة من امري
ما هو سر البنة بمعنى ما هو السر في الرائحة الطيبة و الشهية للاكل

و هل بامكانكن سيداتي افادتي بالتوابل وسرها
و جزاكن الله خيرا

[gdbye bluesky]

moi je dirai que c'est "elkalyane" faut bien faire mijoter les ingredients avant de rajoiter de l'eau, afin de bien faire pénétrer les saveurs et les gouts.

il m'arrive de ne pas mettre de la viande et le faite de laisser mijoter donne un bon gout

voila mon avis
saha ftourkoum

[naima88]

بارك الله فيك
و ربي يجازيك

[احرار]

كما قالت الاخت القليان. البهرات و الثوم و اضافة الماء الساخن بدل الماء البارد مثلا في الشربة و الشطيطحة و لا تكثري من الماء.

[أم نديم]

تقلي مليح قبل ما تمرقي وكي تمرقي ماتبالغيش حسب الطبخة الا تكون خاثرة ولالا

[ام احمد الغالي]

صح الاخوات عندهم الكل حق لازم تقلي والبهارات تختاري على حسب الطبخة وش يوالمها لان بهار لحاجة ممكن ما يصلحش لحاجة
وثاني جربت الثوم المفروم يتحط في علبة وعليه الزيت في الثلاجة وتطيبي منه يعطي نكهة روعة للماكلة لانه يطلق كل نكهته في الزيت
وصح فطوركم
وثاني كيما يقولو الماكلة نفس وكاين اللي تطيب بلا لحم ولا دجاج وتجي بنينة وكاين اللي تجيب كلش وتجي سامطة

[ام احمد الغالي]

اه التوابل
كانت ما ربي يرحمها تخلط الكزبرة =الكصبر والكروية مرحيين وتهرسهم مع الثوم وتحطهم في الثلاجة فوقهم شوي زيت يعطوا بنة روعة لكل الاكل خاصة الكسكسي

[naima88]

صح الاخوات عندهم الكل حق لازم تقلي والبهارات تختاري على حسب الطبخة وش يوالمها لان بهار لحاجة ممكن ما يصلحش لحاجة
وثاني جربت الثوم المفروم يتحط في علبة وعليه الزيت في الثلاجة وتطيبي منه يعطي نكهة روعة للماكلة لانه يطلق كل نكهته في الزيت
وصح فطوركم
وثاني كيما يقولو الماكلة نفس وكاين اللي تطيب بلا لحم ولا دجاج وتجي بنينة وكاين اللي تجيب كلش وتجي سامطة

شكككككككككرا
يا ريت يا اختي لو توضحيلي كل اكلة وش البهارات اي يوالموها
و ربي يجازيك
مثلا المرقة البيضاء
المرقة الحمراء
العجائن
اللحم
الدجاج

وصح فطورك

[naima88]

بارك الله فيكم سيداتي
و ربي يجازيكم

[جسر الأمل]

اولا ماكلتك لازم طيب على نار هاااااااااااادئة مشي قاوية
وثاني ماتكثريش الماء لازم شوية برك
بالنسبة للبهارات لازم تبعي وصفات سيدات المنتدى وهكا تحكمي العفسة اكثر
لخاطرش كاين مليون طبق
انت ابدي بالاطباق الرئيسية هوما الصح وادا فسدت حاجة نورمال اتعلمي وماتفشليش انا كنت نحرق ونخسر وحبة حبة حكمت روحي ومازلت نتعلم ونخسر بصح توجور نقول والله نقعد نخسر حتى نجيبها
والحمد لله

[عروبتي]

القليان قبل اضافة الماء +النار تكون قليلة

[ام احمد الغالي]

ان شاء الله نحاول ننزلك ملف كامل لبهارات في اقرب فرصة

[الفرعون goku]

السلام اختي انا ام بدرو شوفي كتقلي مليح ديري الماء ساخن وخلي تطيب الماكلة وبعد ضيفي في الاخير ماجي حبة ماشي ساشي وخاليها تعقد وشوفي البنة

[ام البنات15]

السلام عليكم


انا امي وعجوزتي هما لي علموني الطياب ربي يحفظهم .............وخاااصة عجوزتي ربي يخليهالنا طيابها يعلو ولا يعلى عليه
فهي من الغرب وانا من الشرق
فوالله الشرق الجزائري معروف بمهارته في المعجنات مثل الكسكسي
..
اما الطواجن امممممممممم افظل الطواجن الغرب ونقصد بيهم اقصى الغرب الجزائري
ودالك يعود لالتساق بلدتهم مع الحدود المغربية
ومعروف ان الطبخ المغربي هو الاول في العالم
ودالك يعود لاستعمالهم البهارات المتنوعة وفي محلها وبكميات معينة
ملاحظة اختى والله ثم والله القلب انتاع الواحدة كي يكون ابيض وصافي طيابها يكون روووووووووووووووووووووعة وبنين مهما خلطت ...............
ويبقى هدا مجرد راى من ام البنات15 التي تتمنى لك ان تطرح يديك كل ما لد وطاب مع التوفيق لك تحياتي لك وشكراااااااااا

[naima88]

اولا ماكلتك لازم طيب على نار هاااااااااااادئة مشي قاوية
وثاني ماتكثريش الماء لازم شوية برك
بالنسبة للبهارات لازم تبعي وصفات سيدات المنتدى وهكا تحكمي العفسة اكثر
لخاطرش كاين مليون طبق
انت ابدي بالاطباق الرئيسية هوما الصح وادا فسدت حاجة نورمال اتعلمي وماتفشليش انا كنت نحرق ونخسر وحبة حبة حكمت روحي ومازلت نتعلم ونخسر بصح توجور نقول والله نقعد نخسر حتى نجيبها
والحمد لله

ان شاء الله اختي نتبع تعليماتك
و ربي يجيبها ف صواب
صح فطورك

[naima88]

ان شاء الله نحاول ننزلك ملف كامل لبهارات في اقرب فرصة

في انتظارك سيدتي
و ربي يحفظك احمد و ابو احمد

ربي يجازيك

[ahbab]

السلام علي السر في بنة الاكل هي التوابل و عدم اضافة الماء كثيرا والطبخ على نار هادئة صح رمضانك و فطورك

[حمدا لله كثير]

wallahi mawdou3e mlih w nat3almou manou bazaffffffffffffffff

[manina_dr]

لازم تقلي مليييييييييييييح قبل متظيفي الماء

[fyfy_top216]

سلام
لازم تقلي مليح متكثريش ماء راس الحانوت تاع مغنية وزيد جمبوا جاج

[Basketteuse]

كاين عدة أمور مهمة الحاجة الاولى نوع البهارات وكميتها في كل طبخة
ثانيا كمية الماء المضافة تكون على حسب مواد الوصفة ... يعني ماتصلحش واحد يحط لحم وبهارات و... تكفي لشخصين ويضيف كمية ماء تكفي 10 اشخاص مثلا !!!
وايضا كمية الملح ضرورية لابراز ذوق الاكل ... لازم نذوقوا ونعدلوا .ماشي نطيبوا مسوس ومن بعد كي تجهز ولا كي نسربيو ندوقوا

[Kuchiki Rukia]

موضوع مهم و مفيد جدآآا بارك الله فيكم
يا ريت وحدة تقولنا على التوابل اللازمة لكل اكلة و كيفاش نتحكموا بذوقها
وشكراااااااااا

[ميرثا]

طياب بنين سرو المكونات صح

واليد لبنينة كاين لغير بمكونات بسيطة وطيابها

بنين يقطر عسل وكاين لبلحم ومش عارفة واش لكن طبخها عادي

هدي هي نظن

[ورد21]

merciiiiiiiiiiiiiiiiiiiiiiiiii

[هنا محلو]

لازم تزيدي شوية توم وبهارات وتقليهم ملييييييييييح ومتزيديش الماء

[it's me]

mada bikom ta3toulna les epices ta3 chak plat
les pates,les sauces,les gratins...etc
merci d'avance

[21fatiha]

سر البنة م فضلكم

[ام ملاك.]

انا نقولك سري
نبدالك بالتوابل
الشوربة فريك والفارميسال والكسكس الفلفل لكحل والقرفة والفلفل لحمر حلو ولا حار بودرة
اللمراقي البضاء قع تجي بالفلفل لكحل
وكي تديري الثوم يمشي معاه الكمون
العدس فلفل لكحل برك
لوبيا فلفل لكحل والكمون
شوفي والسر قع في الما كي تمرقي ماتعمريش القدرة نتاعك حتان تولي كي البحر ديري قيس خضرتك نبفو واحد
وماتزيديش الما نقصي للنار خلي ماكلتك تطيب بعقلها ماتزربيهاش