أهكذا هو الحب

[مشكلتي]

مشكلتي قد تبدو بسيطة أو تافهة ولكنها تؤرقني بالفعل.....فبعد صلاة الاستخارة جئت أطلب عندكم الرأي والمشورة فأرجو أن أجد عندكم التفهم والعون.



خطيبي إنسان طيب ومتدين وعلى هذا الأساس قبلت به ولكن مشكلتي أني في بعض الأحيان أحس بتناقض مشاعري نحوه..وأخشى أن يستمر هذا الشعور إلى ما بعد الزواج فيتعكر صفو حياتي معه..ففي بعض الأحيان أحس أني أحبه كثيرا لدرجة أني لا أستطيع تخيل حياتي من دونه ولكن في البعض الآخر ينتابني شعور غريب يصل للأسف لحد النفور منه فلا أطيق حتى الحديث معه مما جعلني أشك في صدق مشاعري نحوه... اختلطت علي الأمور وأخشى أن أكتشف بعد فوات الأوان أني لا أطيق العيش معه تحت سقف واحد..فأرجوكم مساعدتي بتفسير ما يحدث لي..هل ما أحس به أمر طبيعي؟ كيف يمكنني التأكد من أنني أحبه فعلا و أنه الشخص المناسب لي؟

[جزائري وفقط]

يا أختي

أنت لا تطيقينه لسبب ما في نفسك أنت تعرفينه

إذا كنت قادرة على تجاوز ذلك السبب فأفعلي

أما إذا لم تستطيعي كل في طريقه

.

[جسر الأمل]

كيفاش هدا تخليه؟؟؟ اختي مادام راه انسان متخلق وماصدر منه حتى حاجة ضرك امالا مشكلتك كيما باقي مشكلة اي وحدة مخطوبة وهي كالاتي تبعيني تشوف ههههه

شوفي اختي اي بنت يراودها هدا الشعور ساعات تبغي خطيبها وماتقدرش تفارقو وساعات لوكان تصيب تقتله هدا الشي كامل يصرالنا والسبب الشيطان لعنه الله يراود الانسان ويرمي في قلبه الوهن والحزن والكابة
في هده الحالة اختي استغفري واستغفري واقري القران ودوك تشوفي دوك تروح علك الغمة وهدا الموضوع حكينا عليه بزاف في قسم العرائس كاين اللي تقولك كرهته ونفرت منه ووووو بصح هده مجرد وساوس تروح بالاستغفار وقراءة القران

[غروب الشجن]

سلام اختي كيما قالتلك الأخت هذا من فعل الشيطان مادابيه يقلل من نسل الامه المحمديه اختي مادام استخرت الله والأمور راها ماشيه كاااااااااااااامل يجونا تخوفات وهواجس بالرغم الي مرات نقولو طحنا فالرجل المناسب اخلاق وحب وعطف وموده ومرات لمجرد تصرفات وخلافات بين الطرفين تحسي انك اخطأت الاختيار يا أختي الخيرة فيما اختارها الله ومادام راكي تقولي ذو خلق ودين ان شاء الله تتبدد هاد التصورات الي في ذهنك واعيدي الاستخاره مع التعوذ من الشيطان الرجيم والقران الذي هو سبب زوال وجلاء الهموم والاحزان وخاصة الدعاء في هذا الشهر الفضيل يقول سبحانه وتعالى ادعوني استجيب لكم فليس بينه وبين دعواتنا حجاب

[محب الحكمة]

شيء عادي..لا تقلقيش روحك...هو فكرة من عمل الشيطان مصور ليك في مرات انك رايحة تعيشي معاه كل حياتك لا رجعة و ممكن ما تقدري تحبيه وتكون حياتك تعيسة........لا لا لا تفكرش هاكا ..استعيذي بالله من الشيطان الرجيم.و تاكدي بلي رايحة تلقي كل الحب بعد الزواج....كيف كانت الناس لكانت تنخطب و ما تشوفش حتى الراجل لخطبها و ما تتكلمش معاها و ما تخرجش معاه...تشوفه ليلة العرس برك..و مع ذلك كانت حيات و كان حب و كانت ذرية صالحة و كانت عيشة رغدة.....

[faty05]

هذه كلها وساوس لكي تردعكم عن سبيل الحلال
و الله اعلم

[محمد جديدي التبسي]

انظري لايجابيات زوجك وتأكدي أن الحب يأتي بعد الزواج
ربي يوفقكم لكل خير

[makareme]

أختي جربي الابتعاد عنه لفترة ،فان لم تستطعي البقاء بدونه واحسست بان هنالك شيئا ينقصك واشتقتي له فاعلمي بانك تحبينه حقا..

[evaevalle]

أختي الكريمة شعور عادي جدا عمرنا و لا يكون الحب بنفس القوى و الدرجة طول الوقت
مرات نحبه حتى الجنون مرات نقوله انت صامط بزاف و ما نعرف لا نحبك او نكرهك
عادي جدا
وكيفاه راح تعرفي شهورك الحقيقي سقسي روحك قداه تقدري تقعدي بلا ما تحكي معاه و تسمعي صوته
على هذا الاساس تقدري تعرفي

[abdel02]

الإنسان يتلون حسب مزاجه اليومي وحالته النفسية...أحيانا الانسان يرغب في العزلة واحيانا يبغي يحكي لأي شخص ما...ولإختبار مدى حبك له ...
اسالي نفسك عندما يتصل بيك هو أو تجيك من عندو رسالة ...تشعرين بنفس الشعور لما يكون المتصل غيره..
هل تستطيعين أن تبقاي مدة ثلاثة أيام بدون سماع صوتو وجديد أخبارو..
لو تتصلي بيه وتلقايه en attente تجيك عادي...

[samiaeplf]

ما دام طيب ومدين ,تمسكي به قدر المستطاع ,الحب ياتي بعد الزواج ,ربي هو لي يزرع هذا الحب,انصحك ان تبني بيتك علي اساس الطاعة ووفقا لما امرنا به ديننا الحنيف و صديقيني سوف تسعدين دنيا و اخرة ,ربي يساهل

[فاطمة شمس الاصيل]

يا اختي هذا الكل من وساوس الشيطان استغفري الله تعرفي حاجة الحب يجي من بعد الزواج انا راجلي ما عرفتوش كامل ما بين خطبة وعرس شهرين والحمد لله راني متهنية معان نشكر الله ونحمدو واش نقولك يا اختي ربي يهنيك ويسعدك يا رب

[dolph05]

السلام عليكم رمضان كريم
استعيني على وساوس ابليس لعنه الله بقراءة القرآن والذكر والاستغفار
ولن يكون الا الخير باذن الله

[سفير الأيام]

http://a4.sphotos.ak.fbcdn.net/hphotos-ak-snc7/394666_116298915182370_1250142249_n.jpg

[imi02i]

خطيبي إنسان طيب ومتدين
يا أختي يكفيكـ هذا
هذا اللي تعرفي معاه السعادة مش واحد آخر
ربي ييسر لك ...

[مريم الصابرة]

السلام عليكم اختي صحا فطورك هذا وسواس راه يديرلك هكذا إنت هذا الإنسان عارفة راه متخلق وعاقل وراجل مليح ومرات تحسي روحك تحبيه بزاف ومرات لالا يا اختي تعوذي من إبليس ممكن راحا تخسريه ومن بعد تندمي بزاف عليه إستخيري الله وإدعي ربي يكملك معاه ختي الراجل المتأصل راه عملة صعبة شدي في خطيبك وحافظي عليه وخمي تتزوجي وتعمري دارك معاه وربي يبعد عليك الوسواس شكرا

[بساوى]

حالتك كيما حالتي اوقات يعيتلي في البرطابل منهزش عليه حلاص و جمي قالي علاه يتهزيش ولهدا من راااايي تشدي فيه مليح وربي يكملك