بليز عاونوني بكلمة باه ندي قرار اوكي

[ليديا.جبور]

سلام عليكم يا اعضاء الجلفة


و الله غير ما نكذبش عليكم كرهتحياتي من هذ الشعبة قبل ما نبداها و راني حابة نعاود البك هذ العام جبت 12.73 و راني حايبة نجيب العام الجاي 13. و مانيش عارفة اذا نقدر و مارانيش رايحة نبلوكي العام يعني نقرا اعلام الي و رياضيات
و نعاود باك رياضيات


واش هو رايكم يا لوكان بكلمة

[Floona]

أختي إقراي برك كي تروحي للجامعة الباك

تولي تشوفيه ساهل ماهل

نظمي وقتك برك هدا ماكان أ

ونورمال إذا عندك إرادة الحجر تكسريه

[دمعة الشوق 125]

أختي توكلي على ربي وان شاء الله كل شيء يسهل عليك

نتمنالك توفييييييييق من قلبي

[سطريو]

ادا حبيتي نعاونك بكلمة .......اخطيك لاماه ليك

[ليديا.جبور]

و الله ما علابالي راني مخلطة ماذابيا نسمع بزاف اراء و

[anisar]

اقراي برك هذا العهم وما تدري الخير وين توكلي على الله

[ليديا.جبور]

و الله غير راني دايخة مانيش عرفة

[زمهرير ولى الاثر]

القرار بيدك وحدك ، تردين شعبة mi في باب الزوار!!

أختي رغبتك واقبالك الشديدن سيقراران مصيرك

أستخيري الله وتوكلي عليه وعقلي

الله يوفقك للحق

[@ أمـينـة-94 @]

يا اختي اقراي وحطي راسك برك واخطيك من الكلام الفارغ

نعرف اللي قرا كيما انت جاب لاليسانس زاد ماستر 1 وماستر2 وراه يبني للدكتورا وراه يقري في الجامعة بعد 8 سنوات العمل مضمون

+ في بالك حاجة حد ما يغيرهالك
لا رأي ولا شي

وعسى ان تكرهو شيئا وهو خير لكم

وفقك الله

[hallouma]

ما تدوخيش أختي .. ايلا حابة رياضيات وإعلام آلي أقرايها راهي شعبة مليحة
ولا على الأقل أقراي شويا اومبعد ديسيدي.. عجباتك كملي. ما عجباتكش أنسكري للباك
وكيما قالولك الجماعة.. الإرادة هي الصح، برك ركزي ماكس وما ديري حتى حساب في بالك ما تقوليش ما نقدرش بصح اتعبي عام اومبعد ترتاحي وتقراي واش راكي حابة.. بالمناسبة واش حابة تقراي؟

ربي يوفقك ان شاء الله

[سطريو]

اختي الكريمة بالعربية كلاك بوبي
بالانجليزية BOBI ate you

[صفية بنت العزيز]

اودي المشكلة ماهيش في القراية المشكلة راهي في الخدمة من بعد كيما نتاع التسير والاقتصاد جلهم ما يخدمش

[Miral21]

mm ana bà3touni MI w ani ray7a n3awd BAC
...
ila makich 7ayba ta9rayha 3awdih normal

[(( ريتاج مكة ))]

انا ننصحك ماتفكريش فالخدمة دوك ,, الرزق او على يد ربي

قادرة حاجة اليوم مافيهاش الخدمة منا على 5 سنين مثلا تولي الاكثر طلب

بالتوفيق

[ليندا ب]

صلي استخارة
انا بالنسبة ليا راح نقرا فالجامعة و نعاود الباك
شوفي نتي ة إرادتك اسكو تقدري شاوري عقلك و غير في خاطرك

[« أبْجَدِيَّاتْ »]

وَ عليكِ السَّلاَم و رحمةُ الله

بزّاف منْ صحَاباتي لليِّ بعثُوهُم في هاذي الشُّعبة و هُومَا مش حابِّينهَا
وأنا دِيمَا نقولهُم النَّصيحَة ذاتهَا : جرّبي اقراي شَهرينْ فيهَا ( أكتُوبر ، نُوفمبر )
اذا عجبَاتك القرايَا و شفتي رُوحك تقراي مليحْ وشادَّة الحال
كملي فيهَا وما تفَّشليش ، و الرّزق ممبعد على ربِّنَا .

واذا شفتي بلليِّ جاتك صعيبَة و ما قدرتيلهَاش ، أو مَا حبِّتيهَاشْ ،
بلوكي العَام ، و عَاودي البَاك .. بصَّح ديري في بالك بللِّي لازم تجيبي 13
فما فوقْ ، لأنّك على جال هذا المُعدَّل رح تضحيِّ بعَام من حياتك
وهذا ماَ سيمنَحُكِ الإرادة .

بالتّوفيق ختيّتُو ليديَا ، و مَا تنسَايش تقولينَّا وش قررتي :19:

[smiley nina]

n9olak haja twakli 3la rabi w a9ray 3amak normal w 3awdih bel morasala psk ana than ha ndir hakak w elbac had elmara yjik sahel 3la elkhatra lawla tkon 3arfa el3a9liya kifah w matday3ich 3amek hakak psk 9adra majibich 13 w t3awdi tjibi ghir par examle manich nhabatlak fel moral mai hadi 9adra tesra alor 9ray 3amak w matday3ich 3am ghir hakak w nchalah tjibi elbac ta3ak b 13 wela 14 w diri wach raki haba ok hanona

[ليديا.جبور]

يعطيكم الصحة بكلامكم هذا بالاك راني رايحة نعاود الباك و الاصرار اللي راهو في قلبي غير ربي اللي علابالو بيه

[lakhdar souf]

نوصيك أقري برك ونظمي وقتك .. والله ما تدري الخير منين يجيك ... وتفكري صلاة الاستخارة حتى ربي يسهلك ... ونتمنالك التوفيق ليك وللجميع

[ليديا.جبور]

ان شاء الله

[souha619]

اقراي مليحة

[ليديا.جبور]

و الله نتمنى ننجح بصح راني بزاف متوترة علاخاطرش راني نقرا درك اعلام الي و ياضيات بسعيدة و حابة اعلام الي و ياضيات بباب الزوار

[محب الرياضيات]

ديري تحويل