قلب لووز بالياغورت [الأرشيف] - منتديات الجلفة لكل الجزائريين و العرب

مشاهدة النسخة كاملة : قلب لووز بالياغورت

hanin.sf

2012-07-27, 19:17

السلام عليكم اخواتي اخوتي ....حبيت نقولكم البارح جربت قلب اللوووووووووووز و خرجلي فوووووور بعد العديد من المحاولات الفاشلة المهم
المقادير 3 ياغورت ) يكونو ذوق واحد ) +3 كيسان سميد + نصف كاس زيت +نصف كاس سكر+1 خميرة كيماوية + و لمديهم ايا من بعد حطيها في فرن تطيب كي تحمار على الحواشي . اشعلي من الفوق .......طبعا بعدما تطيب تكوني انت درت الشاربات واللي هيا سكر و ماء و كي يثقل شوية زيدي نصف كاس ماء زهر .......المهم خليها تبرد باه تحطي الشاربات الباردة على قلب اللوز السخون راه يخرج هاااااااااااااايل و الله صدقوني

ملاحــــــــــــــــــظة .. اهم حاجة انا كي كنت نجرب قلب اللوز كنت نعجنوا و هذا سر فشل الخلطة ........لكن في الاصل هي تلمديه برك كيما نيدرو المبسس ...........

تحياتي لكم .
ارجوواااااااااااا الردود :dj_17:

راجـيـة الفـردوس

2012-07-28, 03:32

شكرا على الوصفة ..اختي حبيت نسقسيك السميد خليتيه يبات ولا لالا و و درتي السميد لحرش تع المقروط ولا كيفاه؟

hanin.sf

2012-07-29, 13:24

السلام عليكم .......شكرا اختي راجـيـة الفـردوس على تعليقك انت الوحيدة اللي قيمتني ........المهم لالا ما خليتوش يبات بالعكس خدمتو من درت في الكوشة من .المهم انا السميد اللي استعملت شوية رقيق ما هوش نتاع مقروط..........و الله خرت بنية و شابة ...الله يوفقك اذا جربتيها

maryou

2012-07-29, 17:14

السلام عليكم اختي
بارك الله فيكي

malakdalila

2012-07-29, 18:37

عجبتني غير كي شفتها مابالك نجربها شكرااااااااا

hanin.sf

2012-07-30, 19:14

العفو اخياتي ........و بارك اللهم فيكم انتم كذلك ..ارجوكن اللي جرتها تخبرني...راني حابة نعودها لخطرش الاولى كملوها بالخف ما عقلتش كامل عليها ههههههههههههههه

أم ضحى

2012-07-30, 21:52

الله يبارك
مشكورة أختي على الوصفة

rock on

2012-07-31, 09:15

شكرا لك اختي على الوصفه و المجهود جعله الله في ميزان حسناتك

عهد الله

2012-08-01, 12:43

شكرا000000000000000000000000

ahlem_22

2012-08-01, 13:12

شكراااااااااااااا أختي

nournour59

2012-08-01, 15:17

مشكوووووورة على الوصفة

** موحدة 02 **

2012-08-01, 15:20

و الله كرهت من تجربة القلب اللوز خسارة السكر و السمن ديما يخرجلي يابس
لكن غير نشوف وصفة نحب نجربوا
المهم قوليلي شحال يقعد في الفور ؟

marouko1

2012-08-02, 05:41

بارك الله فيك

safioo

2012-08-02, 14:00

يعطيكي الصحة أختي
رمضان مبارك

hanin.sf

2012-08-02, 17:25

العفـــــــــــــو اخياتي لكن بالنسبة لاخت ** موحدة 02 ** و الله كان مهبلني لكن ارادتي خلاتني ما نيأسش حتى نخدمو و كل مرةنحاول يجيني يابس لكن السر انك ما تعجنيهش لمديه برك اما بالنسبة للمدة كي تشوفي الحواشي حمارو اشعلي من الفوق و كي تحمار تاني الفوق خرجيه و ديري عليه الشاربات (http://www.djelfa.info/vb/member.php?u=36374)
موفقـــــــــــــــات بإذن الله
(http://www.djelfa.info/vb/member.php?u=36374)

مامارجاء

2012-08-02, 21:32

السر في قلب اللوز يا بناتي سخنو الكويزنيار قبل و من بعد قلب اللوز يتفتل متل الكسكسي
متلا اذا درتي 500غ سميد خشين ديري معاه حوالي كاس من السكر حوالي 250غ سكر و كاس ممزوج بين الماء والمزهر افتلي بيه+كاس صغير زيت من الاحسن باش يجي خفيف
و من فوق رشي عليه شوية زبدة و طيبيه في الكوشة راهي الاطراف نتوعه يبانو حمرين فماك اطفئي من تحت
و اشعلي من فوق لما يحمار مليح اخرجيه اطفئي الفرن و دعي باب الفرن مفتوح
اسقي بالشربات الخفيفة طبعا تكون شاربات باردة
و ارجعيه في الفرن ليكون طافي و اغلقي الفرن و دعيه حتى يتشرب الشربات نتاعه و الصحة والهنا