بخصوص الاختصاص الله يخليكم

[امينة1993]

السلام عليكم وصح رمضانكم

انا طالبة اتحصلت على الباكالوريا 2012 واعطاولي هندسة معمارية وعمران بسطيف مع انني كنت نحلم بالطب لكن عقدت العزم على الدراسة باه ميروحليش العام واعادة الباكالوريا من جهة اخرى ولانني منعرفش بزاف على الهندسة حبيت انبدل
فهل من الممكن ان احول الى المدرسة العليا للاساتدة استاد تعليم متوسط مع العلم ان معدلي يسمحلي بدخولها
وادا كان مش ممكن وشرايكم في الهندسة وهل تنصحوني باه نكمل فيها او لا

تعيشو جاوبوني راني محتاجتكم

[لالة مريومة]

اذا رحتي للمدرسة العليا لازم تخصصي كل وقتك للدراسة وميكونش عندك الوقت باه تراجعي للباك

[امينة1993]

بصح هل نقدر نتحول ليها ولا لالا لانو الهندسة تاني قالولي فيها خدمة وتعب بزاف

[لالة مريومة]

اذا كان معدل القبول يسمح تخلي وسحلي في الهندسة ومباعد روحي للمدرسة الي راكي حابة تتحولي ليها في سبتمبر مي احتمال كبير تتحرمي من الاقامة
المدرسة الي راكي حابة تروحي ليها في ولايتك؟؟

[امينة1993]

انا راني سجلت في سطيف البارح ونرمالمو المدرسة العليا مهيش في نفس ولايتي
وش رايك يقدرو يبدوني لمدرسة عليا وديجا وقت الاختبار الشفوي فات وهل يحرموني من الاقامة

[امينة1993]

انا في الانتضار

[لالة مريومة]

احتمال كبير ننحرمي من الاقامة استناي لسبتمبر وروحي شوفي

[امينة1993]

تعيشو هل نفدر نبدل مدرسة عليا ودبجا خلاص وقت الكونكور

[امينة1993]

تعيشو جاوبوني رانا نستنا وحايرة والله ماعندي وشكون الي نسقسيه

[lakhdar souf]

الهندسة والا المدرسة العليا في 2 فيهم تعب بزاااااااف على حسب ما نعرف ... مي ننصحك تراعي لقرب المسافة أولا خاصة انك طفلة ... واذا انتي شاطرة في الرسم شوفي الهندسة أحسن ... واذا كان ممكن تخبرينا بمعدلك في الباك بلاك نقدرو نساعدوك في اختيارات اخرة مليحة

[(~ ..أســـامة .. ~ )]

السلام عليكم

اختي بالنسبة للتحويل تقدري بسهووووووولة و يقبلووك بما ان المعدل يسمح لك

ديري الخطوات تاع التحويل في سبتمبر ..... و 99 % يقبلووك ... و ماكاش ليحرمك من الاقامة

رايحة ديري تحويل لاختصاص اخر و ماكاش في ولايتك اذن لك الحق في الاقامة ......... بالتجربة هااذي اختااه كونك هانية

...................

نصيحة برك ... اذا معولة تعااودي البااك لا اظن رايح يبقالك الوقت للمراجعة تاع البااك في المدرسة العليا و الله اعلم


صح فطورك

[امينة1993]

الهندسة والا المدرسة العليا في 2 فيهم تعب بزاااااااف على حسب ما نعرف ... مي ننصحك تراعي لقرب المسافة أولا خاصة انك طفلة ... واذا انتي شاطرة في الرسم شوفي الهندسة أحسن ... واذا كان ممكن تخبرينا بمعدلك في الباك بلاك نقدرو نساعدوك في اختيارات اخرة مليحة

تعيش خويا وبورك فيك
اديت 14.30
وكاين علوم طبيعية وعلوم دقيقة بالاغواط استاد تعليم متوسط
كل واحد وش يقولي كاين الي يقولي متبدليش الهندسة مليحة وكاين الي يقولي بدلي خير وانا مفهمت والو

[امينة1993]

السلام عليكم

اختي بالنسبة للتحويل تقدري بسهووووووولة و يقبلووك بما ان المعدل يسمح لك

ديري الخطوات تاع التحويل في سبتمبر ..... و 99 % يقبلووك ... و ماكاش ليحرمك من الاقامة

رايحة ديري تحويل لاختصاص اخر و ماكاش في ولايتك اذن لك الحق في الاقامة ......... بالتجربة هااذي اختااه كونك هانية

...................

نصيحة برك ... اذا معولة تعااودي البااك لا اظن رايح يبقالك الوقت للمراجعة تاع البااك في المدرسة العليا و الله اعلم


صح فطورك



خويا وبخصوص الامتحان الشفوي يعاودوهلي ولاواش يديرولي
مشكور وصح فطورك

[امينة1993]

********************************************

[امينة1993]

السلام عليكم
ارجو نصحكم وانا في الانتضار

[امينة1993]

راني كل يوم نستنى في ردكم اتعيشو قبل مايفوت الحال

[samah20]

سلام اختي امينة انا نقللك باه تبدلي للمدرسة العليا لانه الهندسة فيها التعب وبدون فائدة في الاخير

[samah20]

:19:لكن المدرسة العليا العمل مضمون واذا اعدت الباك وحالفك الحظ تحقق حلمك وهو الطب انشاء الله و ان لم يحالفك الحظ كان لك مكان مضمون و ارجو الرد على رايي

[ღ أمليے بالله كبيرے ღ]

حبيبتي

للأسف المدارس العليا مايدروش ليها الترونسفار لأنو فالأول برك يمضيو على لي كونطراا

أنا عندي صاحبتي العام لي فات بعتوها رياضيات و اعلااام آلي لجامعة هواري بومدين

وهي حبت تدير ترونسفار للمدرسة العليا علوم دقيقة مع العلم معدلها كان يسمح لها بالدخول

لكن كي راحت في سيتمبر قالولها الترونسفار ماكانش


ولكن حاجة وحدة إذا كنت عندك المعرفة ولكتاف صحاح تقدري بكل سهولة تديري ترونسفار

و صح فطورك

وربي يوفقك أختي

[امينة1993]

سلام اختي امينة انا نقللك باه تبدلي للمدرسة العليا لانه الهندسة فيها التعب وبدون فائدة في الاخير

وعليكي السلام
وش قصدك اختاه بلا فائدة يعني الهندسة معندهاش مستقبل ومنلقاش فيها الخدمة ولا وشنو
ارجو التوضيح

[امينة1993]

حبيبتي

للأسف المدارس العليا مايدروش ليها الترونسفار لأنو فالأول برك يمضيو على لي كونطراا

أنا عندي صاحبتي العام لي فات بعتوها رياضيات و اعلااام آلي لجامعة هواري بومدين

وهي حبت تدير ترونسفار للمدرسة العليا علوم دقيقة مع العلم معدلها كان يسمح لها بالدخول

لكن كي راحت في سيتمبر قالولها الترونسفار ماكانش


ولكن حاجة وحدة إذا كنت عندك المعرفة ولكتاف صحاح تقدري بكل سهولة تديري ترونسفار

و صح فطورك

وربي يوفقك أختي

هادي الي كنت خايفة بزاف منها سيغتو كي كاين مسابقة قبل الالتحاق وديجا فات وقتها

على كل مشكورة خيتو وربي يخليك
زعما الهندسة مليحة نبقا فيها ولا نغير لاختصاص اخر قصدي في الجامعة *رياضيات واعلام الي *او بيولوجيا او علوم مادة او اي اختصاص ايكون احسن من الهندسة تقدري تنصحيني بيه لانني بالفعل في حيرة
انتضر ردك وصح فطورك

[samah20]

bonsoir les filles .okhti amina architect fiha alta3be bzef wfi la fin matall9ayache alkhadma wa fi raayi hiy tkhos bzef les garcon wa nanshak thawli tchofi Madrasa 3olya wa khaliha 3ala rabi inchaa alah .

[samah20]

ana kima anti rahom ba3toni tkno whatmoli holmi lihowa Madrasa 3olya fi al3olom mais dart tronsfair labiologie lakhatar nhabha bzef mais nsarhak okhti bli kiroht nsadjal ndamt bzef ki dartha lkhatar kayan bzef li daroha wanchlah rah ndir tronsfer mathe ma3a i3adat bak incha3a alah wache rayakom ya les filles .

[(( ريتاج مكة ))]

واقعة في نفس حيرتك ’’ والله خلطونا

[sanaa48]

سلام صح فطوركم

ربيييييييييييييييي يكون معاكم وانا نصحكم بصلاة الاستخارة ولي جا بعدها هداك هو صح والمليح + انا نعرف بلي هندسة فيهااااااااااااااااااااااااااااا تعب بزااااااااااااااااااااااااف ورقاد مكاش مي قاع يبلعو ونقلكم صح سحوركم وتهلاو في رواحكم وربي يجيب لي فيه الخييييييييييييييييييييييييييييييييييييير

[امينة1993]

bonsoir les filles .okhti amina architect fiha alta3be bzef wfi la fin matall9ayache alkhadma wa fi raayi hiy tkhos bzef les garcon wa nanshak thawli tchofi madrasa 3olya wa khaliha 3ala rabi inchaa alah .

سلام
تعيشي خيتو ربي يخليك على نصحك
المشكل راني كنت ناوية مي راكي تشوفي قالولي مستحيل اتبدلي

[امينة1993]

واقعة في نفس حيرتك ’’ والله خلطونا

هلا ريتاج
راكي تشوفي هديك الحيرة وش رايحين نديري نخليوها على ربي خيتو وهو يشوفنا طريق
وين وجهوك اختي قصدي الجامعة

[امينة1993]

سلام صح فطوركم

ربيييييييييييييييي يكون معاكم وانا نصحكم بصلاة الاستخارة ولي جا بعدها هداك هو صح والمليح + انا نعرف بلي هندسة فيهااااااااااااااااااااااااااااا تعب بزااااااااااااااااااااااااف ورقاد مكاش مي قاع يبلعو ونقلكم صح سحوركم وتهلاو في رواحكم وربي يجيب لي فيه الخييييييييييييييييييييييييييييييييييييير

يعيشك ويخليك ومن غير ربي منقدرو على والو واللي يشوف سبحانو فيه الخير هوالصح

[samah20]

bonsoir amina . ngolak matat9al9iche wa chofi balak tta9adri tbadli pq na3raf bzef bnet badlo mais manakdabche 3lik kanat chwiya ma3rifa lakin matafa9diche alamal lianaho kolchi biyad rabi .wa ida mahalfakche alhad matab9ayache fi archetact wa bedli llmath wala S matier

[samah20]

واقعة في نفس حيرتك ’’ والله خلطونا

salam ritage ngolak mala rana finafse al hala idan dorka mayanfa3na ila aldo3aa ila alah .mais golili wina ikhtisas darok wina jami3a raki .ana antadir arad wa SAHA FTORKOM:

[samah20]

ربيييييييييييييييي يكون معاكم وانا نصحكم بصلاة الاستخارة ولي جا بعدها هداك هو صح والمليح + انا نعرف بلي هندسة فيهااااااااااااااااااااااااااااا تعب بزااااااااااااااااااااااااف ورقاد مكاش مي قاع يبلعو ونقلكم صح سحوركم وتهلاو في رواحكم وربي يجيب لي فيه الخييييييييييييييييييييييييييييييييييييير[/ SLT okhti sanaa .wa chokran 3ala alnasiha . wa anti ma3i fi raayi hawla archetact 3lah ta9rayh wala ta9ray bronche okhra ?

[samah20]

سلام صح فطوركم

ربيييييييييييييييي يكون معاكم وانا نصحكم بصلاة الاستخارة ولي جا بعدها هداك هو صح والمليح + انا نعرف بلي هندسة فيهااااااااااااااااااااااااااااا تعب بزااااااااااااااااااااااااف ورقاد مكاش مي قاع يبلعو ونقلكم صح سحوركم وتهلاو في رواحكم وربي يجيب لي فيه الخييييييييييييييييييييييييييييييييييييير

saha ftorak sanaa wangolak matansaynache bi aldo3aa . wa ila al rad algarib in chaa alah

[امينة1993]

سلام
كشما واحد يعرف اكتر يفيدنا واجره على الله

[امينة1993]

وين راكم اريد استشارتكم والاستفادة اكتر
تعيشووووووووووووووو

[امينة1993]

تعيشووووووووو
ربي يخليكم

[سطايفية بكل فخر]

السلام عليكم

اختي بالنسبة للتحويل تقدري بسهووووووولة و يقبلووك بما ان المعدل يسمح لك

ديري الخطوات تاع التحويل في سبتمبر ..... و 99 % يقبلووك ... و ماكاش ليحرمك من الاقامة

رايحة ديري تحويل لاختصاص اخر و ماكاش في ولايتك اذن لك الحق في الاقامة ......... بالتجربة هااذي اختااه كونك هانية

...................

نصيحة برك ... اذا معولة تعااودي البااك لا اظن رايح يبقالك الوقت للمراجعة تاع البااك في المدرسة العليا و الله اعلم


صح فطورك

انا نوافقك اخي اسامة فقط مشكل فالتحويل هو عدد المقاعد لانو مكانش بزاف فيهم
+
الهندسة المعمارية مع الباك متصلحلكش الهندسة فيها الخدمة والرسم بواف وميبقالكش الزقت رايحة تغلبي

[امينة1993]

واش تنصحيني خيتو

[سطايفية بكل فخر]

ادا عينك فالباك ديري حاجة مفيهاش التيبيات بزاف او تخصص يعاونك فالدراسة للباك
مثلا بيولوجي تيكنو لغات
هادو يعاونوك وميديولكش الةقت
اما ادا مكيش حابة تعاودي اقراي هندسة ولا حولي للمدرسة تاع الاساتدة

[امينة1993]

وزعما نقدر ندخل المدرسة بدون كونكور ويقبلوني
وانا معدلي يسمحلي باه ندير استاد متوسط برك وزيدي كي وجهوني هندسة بديت نتعلق بيها بصح الكل يقولولي ميش مليحة مفيهاش مستقبل مكانش الخدمة

[سطايفية بكل فخر]

كونكور الشفوي كاين ختي حتى فالتحويل
=
متسمعيلهمش الهنهندسة مليحةوالمستقبل فيها مليح تخدمي عند الدولة ومن بعد يمدولك لاقريمون تحلي وحدك

[امينة1993]

معناها نمضي فيه ختي ونخليها على ربي ونشاء الله ننجح فيه
علابالك اختي بلي منعرف نرسم بصح نحاول والي فيها الخير ربي يقدمها
لن انسى لك جميلك ماحييت لانك من انار الطريق في وجهي
بوركتي وجوزيتي

[سطايفية بكل فخر]

وعلاه حطيتيه رسم طبيعة نورمال تبعي الاستاد مسطرة وقلم وتركيز فالمسافات وشوية اقلام وانت بالف خير
=
مهما كان خيارك عاودي الباك
وزيدي صلي صلاة الاستخارة وشاوري والديك وقري واش حابة ديري

[امينة1993]

ان شاء الله خيتو ربي يخليك ويحققلنا مانتمناو
اسمحيلي عييتك معايا يا نجمة المنتدى بدون مبالغة
سابلغك بجديدي ان شاء الله
صح صحورك

[سطايفية بكل فخر]

العفو غاليتكيورا كي بالغتي بزاف
+
اي استفسار قوليل برك
+
بالتوفيق وصح رمضانك نوصيك صلاة الاستخارة ثم صلاة الاستخارة ثم صلاة الاستخارة ثم استشارة والديك

[(( ريتاج مكة ))]

هلا ريتاج
راكي تشوفي هديك الحيرة وش رايحين نديري نخليوها على ربي خيتو وهو يشوفنا طريق
وين وجهوك اختي قصدي الجامعة

انا وجهت الى كلية قسنطينة للهندسة ومعدل القبول فيها لهذه السنة كان 14.49

بالنسبة ليا لا ابحث عن العمل وانما عن الدراسة الممتعة ولي تفيدني في حياتي :19:

[(( ريتاج مكة ))]

salam ritage ngolak mala rana finafse al hala idan dorka mayanfa3na ila aldo3aa ila alah .mais golili wina ikhtisas darok wina jami3a raki .ana antadir arad wa saha ftorkom:

لقد اجبت على السؤال من قبل في ردي على الاخت امينة ,, وانت زادة

[بلال السامي]

rak444444444444444