من سجل و وضع الملف

[samira 1993]

الله يخليكم معليش تقولونا كامل الورق لي حطيتهم راني مخلطة كل جهة كيفاش يقولو ما عرفتش واش ندي + شعال نخلصو حقوق التسجيل

[لالة مريومة]

حقوق التسجيل ب 200 دج

[فتاة النسيم]

اختي نتي دي معاك كالش الوتائق لي خرجتي كامل ونتي منين تروحي ام يقولولك واش تحتاجي
بالتوفيق

[samira 1993]

حقوق التسجيل ب 200 دج

بارك الله فيك

[samira 1993]

اختي نتي دي معاك كالش الوتائق لي خرجتي كامل ونتي منين تروحي ام يقولولك واش تحتاجي
بالتوفيق

شكرا بارك الله فيك

[قطر الندى48]

http://djelfa.info/vb/showthread.php?t=157068

[خديجة2012]

انا كي جيت ندير لاكارت تاع ترونسبور مديت 135 ديناار تاني

[سارة التلمسانية]

اختي انا اليوم سجلت مي بقالي ملف المنحة مقدنيش الوقت المهم ماكان حالة وحد الغاشي ربي يستر بالنسبة للتسجيلات ماكانش الطلب الخطي و التعهد و الدفيش لي قالوه فالمنتدى
شهادات الميلاد تحتاجي 5 ولا 4 هادا ماكان كل دوسي تحطي 1 ابار الالنقل مكانش شهادة الميلاد لازم تكون من البلدة الاصلية و شهادة الاقامة دي 2 اما الملف الطبي متديهش حتى ل 7 اكتوبر و تروحي للاقامة لي وجهوك ليها و تدفعيه و الصور كتري و ظرف بريدي دي 6 تحتاجي 2 فالتسجيل و 2 في الاقامة و 2 في المنحة و لاكارط فطوكوبي ديت 5 يكفيو اما حقوق التسجيل 200 دج و النقل 135 دج و المنحة تاني قالولي 135دج بصح انا مازال م دفعتها مانيش سوووووور المهم نتمنى نكون افدتك و ماتتقلقيش كلش يفوت كونك صابرة و قافزة دخلي و عيني باه تفوتي ههههه شهادة الاقامة مكان حالة الغااااااااااااااااااشيييييي اليوم كان رقم تاعي 529 ربي يجيب الخير و صح سحورك

[widwida]

كشف النقاط+شهادة ميلاد +4 صور +شهادة التوجيه لي طبعتها + 2 اظرفة بطابع
و انا حطيت ملف تسجيل برك بلا منحة ولا والو خاطش حبيت ندير ترونسفار

[khaled.belhena]

كشف النقاط+شهادة ميلاد +4 صور +شهادة التوجيه لي طبعتها + 2 اظرفة بطابع
و انا حطيت ملف تسجيل برك بلا منحة ولا والو خاطش حبيت ندير ترونسفار

السلام عليكم

للتسجيل نفس الأوراق اللي قالها وزيد على هذا حقوق التسجيل 200 دج

خويا ممكن طريقة للقيام بالترونسفار

[souha619]

انا درت 4 نسخ من بطاقة التعريف ياخي يكفيو؟

[aiouaz]

انا درت 4 نسخ من بطاقة التعريف ياخي يكفيو؟

وحدة تكفي اظن في الايواء فقط بالتوفيق

[asma biologiste]

مشكورين الخاوة يعطيكم الصحة

[manel dima]

أختي أنا سجلت البارح وللملف البيداغوجي
تحتاجي كشف النقاط الأصلي + 1 فوطوكوبي مكاليزي + 2 شهادات ميلاد + 2 أوراق يعطوك تعمريهم وترديهم + تصريح شرفي هوما اللي يعطوهولك تعمريه + 6 صور شمسية + 3 أظرفة معنونة وعليها الطابع

ولبطاقة الشفاء تحتاجي : شهادة ميلاد + 4 صور شمسية + إستمارة يعطوك تعمريها
ملاحظة : بطاقة الشفاء مايهدرولكمش عليها بصح لازم أنت تجري في الاول باش يخدموهالك

[تائبة الى ربها]

أختي أظن أن الوثائق تختلف من جامعة لأخرى لهذا تتغير الأرقام و أقاويل كل واحد

لذلك الأحسن أن تسألي من سجل في نفس جامعتك و على كل خذي كل ما لديك من أوراق

[khaled.belhena]

الله يعلم اخواني

كاش مشكل روحو عن ادارة الجامعة وهما يفيدوكم أفضل لأن الجامعات على حسب ما أرى تختلف

وشكرا

[abdoumatador]

وشنو هي بطاقة الشفاء