الى كل من سجل في احدي كليات الطب بقسنطينة اليوم

[orchid_girl]

مرحبا اخوتي اتمنى أن يكون الجميع بخير

اللي سجلو اليوم في قسنطينة سواء طيدلة طب او طب اسنان اين كان التسجيل هل فالشالي؟؟؟

و بالنسبة للوثائق هل طلبت منكم هذه الوثائق في الملفات ام لا ؟؟

- تعهد ممضي من طرف الطالب بعدم تسجيله بالجامعة ببكالوريا ثانية

- تعهد الأب أو الولي بإستخلاص المصالح المالية

- نسخة من الشهادة المدرسية للسنة الجامعية الحالية

- صك مشطوب لحساب البريد الجاري للطالب

اجيبوني رجاء لاني مانسكنش في ولاية قسنطينة و خايفة نروح و يخصوني وثائق

[orchid_girl]

ارجو الاجابة اخوتي

[SàRunette]

رانا نستناو فالاجابة ....- نسخة من الشهادة المدرسية للسنة الجامعية الحالية هادي كي تسجلي يمدوهالك

[orchid_girl]

مشكورة اختي بانتظار البقية

[SaRoo]

حتى انا رانى نستنى فى اللى يفيدناا

[orchid_girl]

حتى انا رانى نستنى فى اللى يفيدناا

مرحبا اختي صح فطورك على حسب مانشوف انت من جيجل و الله نعم الناس و كيما يقولو دارنا ناس عوفي
اختب نسقسيك بعثوكم لقسنطينة؟؟؟ لانها واحدة لينا من جيجل دارت طب اسنان بعثوها لبليدة

[orchid_girl]

..................................

[سوسو زين]

السلام عليكم
أنا اليوم سجلت في كلية الطب بقسنطينة
التسجيل يتم في الشالي
أما بالنسبة للوثائق فالتعهد الممضي من طرف الطالب بأن لا يسجل مرة أخرى يمنح لك هناك إضافة إلى استمارتين للملأ
التعهد من طرف الولي غير مطلوب
الصك البريدي المشطوب مطلوب ولكن إن لم تحضريه سيسجلونك على أن تحضريه لاحقا
نسخة من الشهادة المدرسية للسنة الجارية غير مطلوبة
هذه هي الوثائق اللازمة:

التسجيل في الجامعة:
الاستمارتان + التعهد الممضي من الطالب ( وكما ذكرت سابقا سيعطونك إياها هناك)
شهادتان ميلاديتان أصليتان
كشف النقاط الأصلي + نسخة عنه مصادق عليها من البلدية
بيان التوجيه + نسخة عنه
3 أظرفة بريدية معنونة و عليها الطابع
6 صور شمسية
200 دج

[@ أمـينـة-94 @]

هذا ما طلب منا
كل ما تحتاجه اخي الطالب للتسجيل (http://www.djelfa.info/vb/showthread.php?t=1042205)

[مَجْنُوْنَةٌ أَنَاْ]

راهم جاوبوك الاخوة

و نقولك راهو كاين غاشي بزااااااااااااااااااااف حاولي تروحي بكري .

[مَجْنُوْنَةٌ أَنَاْ]

و التعهدات هوما اللي يمدوهملك و الشاك ماعليش مبعد و تدفعيه

[سوسو زين]

راهم جاوبوك الاخوة

و نقولك راهو كاين غاشي بزااااااااااااااااااااف حاولي تروحي بكري .


عندك الحق أنا رحت فالكار تاع الخمسة وصلت لتمة قبل 8:00 وكان الغاشي حتى خلصت على 13:00 واللي جاوا مبعد طولوا اكتر على خاطرش ولاوا يديروا بالرقم كيما فالبلدية
أنا عديت فيساع على خاطرش كي كان الغاشي غير شوية برك كانوا يخلونا ندخلوا ماشي بالرقم

[مَجْنُوْنَةٌ أَنَاْ]

عندك الحق أنا رحت فالكار تاع الخمسة وصلت لتمة قبل 8:00 وكان الغاشي حتى خلصت على 13:00 واللي جاوا مبعد طولوا اكتر على خاطرش ولاوا يديروا بالرقم كيما فالبلدية
أنا عديت فيساع على خاطرش كي كان الغاشي غير شوية برك كانوا يخلونا ندخلوا ماشي بالرقم


ايهييييييييييه انت راهو عندك الزهر ،، أنا حطيتهم يفتحو على 9 كيما عاد رمضان بصح هوما فتحو على 7:30 ،، وصلت لتم على 9 و حتى ل 4 وماكملتش و أنا كنت رقم 154 كيما بداو يرقمووووو و كاين حتى 3أكثر على 300 بصح اللي بعاد بزاااااااف كيما تبسة يزربوا يفوتوهم

[البلبلة]

بيان التوجيه + نسخة عنه

فهموني وشنو هادو من فضلكم

قلبي حبس

منين نجيبوهم؟

[البلبلة]

يعني غدوة ثاني يبداو على 7:30؟

[مَجْنُوْنَةٌ أَنَاْ]

بيان التوجيه + نسخة عنه

فهموني وشنو هادو من فضلكم

قلبي حبس

منين نجيبوهم؟


هداك اللي خرجناه من le site نهار 26

و photo copier تاعووووووووووو

أنا ماكنتش علابالي حتى رحت لتم و درت

كاين منين تديري فوطو كوبي و تشري الطوابع و تتصور

آه ماقلتلكمش لازم

des phort de CHIFA

راهم سبيسيال بصح أنا مديتلهم وحدين نووورمال بخلفية بيضاء بصح قالي papa مبعد تصوري واديهم خاطكش ماهمش هدوووك اللي تحتاجو

[مَجْنُوْنَةٌ أَنَاْ]

يعني غدوة ثاني يبداو على 7:30؟

نورمالمووووو بصح انت روحي على 8 كيما قالت الاخت ياك هي راحت على 8 و لقاتهم مفتوحين

و اذا كنت من قسنطينة راهم ماحبوووووش يفوتوهم اليوووم كيما عاد الغاشي

فوتوووهم مع الاول و مبعد كيما قوى الغاشي ولاو يقولولهم نهار الاحد ولا الاثنين وليييييييييييييييييييييييو

[سوسو زين]

بيان التوجيه + نسخة عنه

فهموني وشنو هادو من فضلكم

قلبي حبس

منين نجيبوهم؟

ماتتقلقيش
بيان التوجيه هو البيان اللي عطاوهولك فالجامعة كي روحتي تشوفي كيفاش وجهوك
تقدري تخرجيه من موقع الوزارة (تاع التسجيلات)

[البلبلة]

هداك اللي خرجناه من le site نهار 26


و photo copier تاعووووووووووو

أنا ماكنتش علابالي حتى رحت لتم و درت

كاين منين تديري فوطو كوبي و تشري الطوابع و تتصور

آه ماقلتلكمش لازم

des phort de chifa

راهم سبيسيال بصح أنا مديتلهم وحدين نووورمال بخلفية بيضاء بصح قالي papa مبعد تصوري واديهم خاطكش ماهمش هدوووك اللي تحتاجو



ايه فهمت

اناخرجت منو 5



نورمالمووووو بصح انت روحي على 8 كيما قالت الاخت ياك هي راحت على 8 و لقاتهم مفتوحين

و اذا كنت من قسنطينة راهم ماحبوووووش يفوتوهم اليوووم كيما عاد الغاشي

فوتوووهم مع الاول و مبعد كيما قوى الغاشي ولاو يقولولهم نهار الاحد ولا الاثنين وليييييييييييييييييييييييو


انا من سطيف

يعني نمشيو بكري شوية

مرسي عاونتيني بزاف

[سوسو زين]

يعني غدوة ثاني يبداو على 7:30؟

روحي بكري انا وصلت للشالي على 8 وكي وصلت لقاعة المحاضرات كان فيها الغاشي
يعني يفتحوا بكري

انا نسكن في جيجل وروحت فالكار تاع ل 5 (حطيت قريب 3 سوايع فالطريق)
شوفي انتي من سطيف شحال تحطي باش تعرفي على شحال تروحي

[مَجْنُوْنَةٌ أَنَاْ]

راني لقيت واحد في المنتدى قال بلي فتحو على 6 و الله اعلم

[rimayeva]

ولله لبارح سوفريت فهداك الشالي وصلت على 8 و جيت على3 غير كون كملت
لقيت اوراق ناقصينلي يسما نهر الاحد بالاك نزيد نرجع
مي سمحولي التنظيم كااااااارثة قتلونا في السخانة علاواه على جال الباج و غير كون ديتو ولالو يخدمو بالمعارف لي واقف معاه باباه و فميلتو يديرولو

[orchid_girl]

هذا ما طلب منا
كل ما تحتاجه اخي الطالب للتسجيل (http://www.djelfa.info/vb/showthread.php?t=1042205)

شكور على الرد أخي

راهم جاوبوك الاخوة

و نقولك راهو كاين غاشي بزااااااااااااااااااااف حاولي تروحي بكري .

أهلا أختي واشك راكي لاباس
أنا نهار السبت باه يديني papa باذن الله نروح بكري شكرا


ايه فهمت

اناخرجت منو 5




انا من سطيف

يعني نمشيو بكري شوية

مرسي عاونتيني بزاف[/center]

أختي البلبلة سامحيني بعثتيلي رسالة و مارديتلكش للأسف ماقدرتش لازم يكون عندي أكثر من 1000 مشاركة و أنا عندي 575

[rimayeva]

اختي كاتبة الموضوع لازم عليك تروحي بكري بش توصلي بكري يكون الغاشي غليل و اليخانة مش بزاف تسجلي و تجي تروحي
نقولك حاجة ادا قدرت تحرgي لاشان احرgي

[orchid_girl]

هداك اللي خرجناه من le site نهار 26


و photo copier تاعووووووووووو

أنا ماكنتش علابالي حتى رحت لتم و درت

كاين منين تديري فوطو كوبي و تشري الطوابع و تتصور

آه ماقلتلكمش لازم

des phort de CHIFA

راهم سبيسيال بصح أنا مديتلهم وحدين نووورمال بخلفية بيضاء بصح قالي papa مبعد تصوري واديهم خاطكش ماهمش هدوووك اللي تحتاجو




أختي راح نسقسيك واش تقصدي ب des phort de CHIFA ارجو الرد

[N-NADA]

أختي راح نسقسيك واش تقصدي ب des phort de chifa ارجو الرد

روحي عند فوثوغراف و قوليلو حابة نتصور صور نتاع شفاء، هو علابالو منبعد.
بالتوفيق

[البلبلة]

علاه يخدمولنا بطاقة الشفاء؟

[مَجْنُوْنَةٌ أَنَاْ]

علاه يخدمولنا بطاقة الشفاء؟


نــــــــعــــــــــــــــم ،، نــــــــــــــــــعــــــــــــــــم ،،

[orchid_girl]

اختي كاتبة الموضوع لازم عليك تروحي بكري بش توصلي بكري يكون الغاشي غليل و اليخانة مش بزاف تسجلي و تجي تروحي
نقولك حاجة ادا قدرت تحرgي لاشان احرgي

مرحبا أختي انا خليت نهار الاحد باه ينقص الغاشي و مع ذلك لازم نروح بكري عندك حق

روحي عند فوثوغراف و قوليلو حابة نتصور صور نتاع شفاء، هو علابالو منبعد.
بالتوفيق

شكرا على الاجابة و صح فطوركم جميعا