من تفيدني بطريقة لحفظ القصبر و المعدنوس

[أسماء هبة الرحمان]

السلام عليكن أريد من فضلكن طريقة لحفظ الحشيش: القصبر و المعدنوس حتى أستعمله بأكبر قدر ممكن مع محافظته على خصائصه. شكرا مسبقا

[*عائشة*]

انا بالنسبة ليا كي نشري الربطة تاع الدبشة نرشها بشويا ما ء ومن بعد نلفها بورق او ورق الجريدة ومن ثمة الى الثلاجة راح تبقى محافظة على شكلها ولونها لعدة ايام .................. و صح فطوركم

[أسماء هبة الرحمان]

انا بالنسبة ليا كي نشري الربطة تاع الدبشة نرشها بشويا ما ء ومن بعد نلفها بورق او ورق الجريدة ومن ثمة الى الثلاجة راح تبقى محافظة على شكلها ولونها لعدة ايام .................. و صح فطوركم
بارك الله فيك أختي رايحة نعمل بنصيحتك إن شاء الله و شكرا جزيلا على الرد. صح فطورك

[oum salim]

السلام عليكن أريد من فضلكن طريقة لحفظ الحشيش: القصبر و المعدنوس حتى أستعمله بأكبر قدر ممكن مع محافظته على خصائصه. شكرا مسبقا


انا نغسلو ونقطرو مليح ونحطو في علبة مغلقة في الثلاجة.
وتقبل الله صيام الجميع

[bouchra1606]

انا نغلفهم في ورق الجرائد بلا منغسلهم او نرشهم بالماء لان الماء هو لي يخليهم يفسدو (بسبب الرطوبة) و ورق الجرائد هو لي يمتص هاد الرطوبة , وهكذا يشدولك لعدة أيام , هاذي اذا كانت الكمية صغيرة , اما اذا كانت كمية كبيرة اغسليه مليح و قطعيه و حطيه في الفريزر و استعمليه وقت الحاجة :19:
و صح فطورك :d

[noussaiba mcee]

قصيهم وحطيهم فالتلاجة conjlateur

[موسى2207]

صح فطورك عزيزتي
جربت من بداية رمضان لحد اليوم فكرة انك تحطي المعدنوس فب porte mangeوحطي في وسطه علبة صغيرةفيها سكر من الاحسة قطع انا استعملت العادي وقعدلي اسبوع
العلبة تكون مفتوحة

[ام رحوقة]

اختي طريقتي اني نخليه شوية في الهواء الربطة كاملة مبعد نجيب علبة بلاستيك ونفرش فيها ورق نشاف تاع المطبخ l²essuie toutمبع اغلقيها مليح وخليها انا عندي حشاوش اليوم ثمانية ايام راهم جدد كلي شريتهم اليوم

[بنت اولاد نايل]

انا نقيه ونغسلو مليح ونقطرو مليح
حتى ينشف من الماء ونحطه فى علبة
مغلقة ويشد لى اطول وقت ممكن
ويحافظ على لونه

[kawthar1983]

okhti ana daymen ndir had atarika telkayha fi had le site w sah hayla
Conseils De Cuisine Pour Le Ramadan 1

[soussou_saida]

ana ndirhom f journal w neroch journal w ndirhom dans un sachet ou une boite dans le refrigirateur

[omyma1]

انانغسل القصبر نقيه ونخليه يقطر مبعد ندير بوكيات قد لي نطيب نحطهم في كيس وفي الكونجيلاتور كل ما نحتاج نجبد نشلل ونطيب اما المعدنوس نقيه ونقطره ونقطعه رقيق ونديره في لبوات كل ما نحتاج نجبد بشوية وندخله تمتم للكونجيلاتور قبل مايدوب حتى كي نطيب بيه ما نخليهش يدوب لانه يكحال كي يبقى برا و شكرا

[maramelmess]

الطرق المستعملة من قبل أمي :

تحفظه في اكياس التجميد التي تغلق و تفتح تقلي يقعد الأكسجين و يقعد كيما راه

ولا تحطهم في جريدة تكون رطبة شوية و دورها و ديرهم في كيس عادي

[ام ضياء83]

انا نغسلو يعني منحلش الربطة نتاع نغطس في الماء و نخرج عدت مرات حتى نتاكد من ان زال التراب و نخليه يستقطر مليح من الماء و ثم نلفو في فوطة المطبخ و نديرو في ساشي و نحطو في الثلاجة و يبقى اسبوع او اكثر و هو اخضر و فريشك و نضيف قطعي و ارمي جربيها و رديلي الخبر

[أم أدم يحي]

حت انا ندير في لي ساشي ونديرو في الثلاجة

[دكتورة بإذن الله]

ورق الجريدة يجعل تسمم بالجسم نتيجة للحبر المستعمل فسها و يضر في الصحة و قد تم التنبيه عليه مرارا و تكرارا في الحصص التوعوية
لان هاته العادة منتشرة كثيرا و هي لف بعض الاطعمة بورق الجرائد و لا يعرفون الاضرار الصحية الناتجة عن هاته العادة ..

[la princesse]

تغسليه وتحطيه في بنارة تاع زجاج فالثلاجة يبقى كما هو

[ام احسان]

انا طريقتي في الحفاظ عليهم هي اخد منديل نشمخو و نعصرو مليح تم نأخد النعناع او معدنوس ونرشهم كدلك بماء ونلفهم مليح دخل المنديل ونحطهم دخل صاشى تع بلاستك و نلفو مليح و نحطو فى التلاجة يقعد شاد روحو حولى اسبوع

[ام خلود 2]

انا عندي طريقة سهلة جدا نقي الحشيشة و المعدنوس ونغسلهم ونشفهم بوضعهم فوق طرف قماش لمدة من الزمن ثم نقطعهم ونضعهم في علب ونضعهم في الثلاجة عند الا ستعمال يجب ارجاعها بسرعة الى الثلاجة حتى لا تفسد جربي هي طريقة ناجحة لا تخا في

[نادية 70]

السلام عليكم ورحمة الله وبركاته
انا نستعمل طريقة نافعتني كي تشري الربطة احرصي ان تكون جديدة بعدها خذي بلارة لي يتباع فيها الحمص المشمخ نضفيها مليح امسحيها جيدا امسحي لحشيش تاعك غير بشوية بحيث مايكونش مبلول ضعيها باغصانها بمعنى ماتقطعيهاش اقفلي عليها مليح حطيها في الثلاجة
ملاحظة
هذه الطريقة تشدلي مدة طويلة اتمنى تجربيها ختي بحيث كي تنحى منها رديها بسرعة للثلاجة

[أم الولدين]

استفدنا من ردود الاخوات الثكيرررر شركا لكن

[hakim ahmede]

قصي و"حطيهم في المربعات تاع الكونجلاتور وصبي قليلا من الماء ""علي كل كاري فيهقليلا من الحشيش يعني مرصوص وحطيه في الكونجلاتور وكي تطبخي نحي مربع ولحيه وراهي فكره هايله ومليحه ومعتمده عند الكثير من الطباخين

[فاطمة مدمجة أوقفوها]

طريقتتي أختي الكريمة تنزعي الأغصان الرقيقة ثم تفرك في الآلة البسيطة الخاصة لتقطيع الحشائش ثم توضع كمية على حسب الإستعمال اليومي في أوراق ألمنيوم (كمشة) ثم توضع كويرات في الكونجيلاتور

[ام علي ماريا]

صح فطوركم الرجاء من الاخوات استعما ل الورق لينغطو به الطوبل في الاعراس احححححححححححححححسن منالجريد لان لحبر ينتقل للكسبر انا كنت نستعمل الجريدة وبعد جاتني هذى الفكرة نستعملها للكسبر وللنعاع والمعدنوس

[soumia sara]

انا ماما ديرو في بقالة تاع زجاج و الغطاء تاعها ديرلو لنيمنيوم يبقى اسابيع

[سطايفية بكل فخر]

لي يفسدهم هو الماء لدلك متغسليهاش كي تشريها فقط انفضيها مليح وحطيها في بورت مونجي وحطيها في الثلاجة وكي تبغاي تستخدميها اغسلي الكمية لي تسحقيها فقط
بالتوفيق ورمضان كريم

[سمية محمد عطية]

بالاضافة الي كل هدا تقدري تقطعيهم وتضيفلهم شوية زيت وقطرات قارس وتوضعيهم في الكونجلتار

[fee des neiges]

السلام عليكم وصح رمضانكم اخني انا نقيهم ونغسلهم كي ينشفوا نقصهم و نحطهم يشيحوا يومين ل 3 ايام و هيكا نحتفظ بيهم اسابيع و كي دوزني بيهم تلقاي نفس النسمة و المنظر الطازج ( يشيحوا كي التاي الأخضر )

[كريمة كوكة]

أحسن طريقة يمكن تحتفظي بالحشيش و المعدنوس لمدة 8 أيام هي أنك تنقعيه في اماء و 2 قطرات ماء جافيل مدة 3 د ثم تشلليه مليح ثم تعاودي تنفعيه مدة 5 د في الماء و بعض من قطرات الخل تم تغسليه و من بعد احتفظي بيه في علبة داخل الثلاجة. صدقيني أنا مجربتها و هاذ الطريقة شفتها في قناة الطبخ الفرنسية و جربتها .

[sarah1424]

سلام
نعطيك طريقة امي وهي طريقة جد فعالة وامي اعتمدتها من قناة تلفزيونية
وتخليك تحتفضي بيه لاكبر مدة ممكنة
هي كي تشؤيه يكون شوية مبلول نشفيه بورق يعني امسحي شوية البلل وممبعد تحكم تقطعو شوية شوية وتحطو في علبة مغلقة في الثلاجة وكل متحتاج تجد الطمية الي تحتاجها تغسلها في الصفاية ةتستعملها والله يقعد ب 15 ايام واكثر

[girl never give up]

قطعيهم مليح و قطعي معاهم الثوم و ضيفيلهم الزيت و منين تحبي تطيبي ارمي ملعقة اكل من هالخليط و راح يعطي بنة و ريحة هايلة و راح يقعط لشهور دون ان يفسد مجربة من عندي

[ميرثا]

شوفي اختي جربت الكثير من طرق ورجعت لطريقة جداتي ربي يحفظها

لما تشريهم غسلهم مليح ونقيهم مليح وحطيهم ينشفو وقصيهم مليح مليح

وحطيهم فعلب ودخليهم للمجمد كلما تجي تستعملي حطي منهم

اما طريقة تانية تحطيهم بدون غسل فعلبة زجاجية يبقاو كما راهم لمدة اسبوع لا اكثر بدون اصفرار

وكل وحدة وطريقتهاموفقة اختي وصحة فطورك

[ام محمد انيس]

السلام عليكم انا نفتح الربطة نقيها من الاغصان الفاسدة حطيها في علبة بالغطاء تبقى لمدة طويلة 10 الى 15 يوم

[ام يوسف 2737]

4444444444444444444444

[chafikaa]

ديريه في علبة بلاستيكية محكمة الاغلاق تكوني حاطة فيها ورق تنشيف(essuie tout)

[ام لمجد]

صح فطوركم حبيباتي وشكرا جزيلا على كل الطرق انا نديرو في ورق الجريدة بلا ماء لا والو
لكن ان شاء الله نجرب الطرق الاخرى

[Anazed]

لوي ربطة الحشيش و الا المعدنوس في ورق
papier essui tout
https://encrypted-tbn2.gstatic.com/images?q=tbn:ANd9GcS9WgjGa2PB8Og0swKxOg0oR025Tl434 pTAqHMwF3E8_oRMdZdJLg

ثم ضعيها في علبة بلاستيك بالغطا و حطيها في الثلاجة

[نور التفاؤل]

ديريهم في باطة وبلعي عليهم ودخليهم الثلاجة ومين تبغي ديري غسليه

[chemsse01]

انا نديرو في سربية مندية و نلفوا مليح ونحتفظ بية و هذا الطريقة ايظا لسلاطة

[oum didou]

شكراااااااااااااااااااااااااااااااا 4444444444444444444444444444444444

[سميحة.لد]

من ااحسن الابتعاد عن حفظ الكسبر والمعدنوس في الجرنان نظرا لطبيعة المواد الي يصنع منها الجرنان

[tina19]

حنا نديروه في ساشي ونغلقو عليها مليح بحيث ماتتنفسش خلاااص
يحكملنا مدة طويلة

[*لؤلؤة القرآن*]

اختي خايها تنشف ومن بعد لفيها في ورق جريدة وضعيها في الثلاجة

[فرح.]

انا نلفو في بابي طورشون
وننضح الاخوات الي تلف في ورق الجريدة هدا خطر على صحتهم الجريدة فيها مواد سامة من الحبر