ضاع كشف نقاطي وضاعت معه كل أحلامي. أرجوا نصيحة

[أم عبد النور]

:sdf:


السلام عليكم

لقد تحصلت على شهادة البكالوريا هاذا العام وبمعدل

12.76 لغات أجنبية ولكن من سوء حظي ضاع كشف

نقاطي ولا أعرف حتى كيف ضاع لقد تبددت كل

أحلامي خاصة اليوم عندما ذهبت لتسجيل في الجامعة

ورفضوا تسجيلي بدون كشف نقاط الأصلي ماذا أفعل؟

أرجوا أن تفيدوني أنا محطمة ويائسة( الحمد لله)

[sidostar]

روحي لمقر ديوان المسابقات و الامتحانات

[محب الرياضيات]

بكل سهولة تذهبين للاكاديمي يجيبولك واحد ولكن ليق معرفة باش يضمنليهم بلي ما راكيش باغية تسجلي 2 مرات


دارها شحال من واحد وما عطاوهش ما يغامروووووش ولكن في حالة وجود من تعريفينه وهو يعرف احد في الاكاديمي كلشي ساهل



تعرفي علاه ما خلوكش تسجلي في الجامعة مشي ما عندكش كشف اصلي بل خايفينك راكي داساته وباغية تسجلي في جامعة اخرى



شتا نقولك الله يسهلك

[محفوظ البسكري]

عليك وعلى المعريفة

[حميدو09]

اطفلات
اطفرت
استناي سبتمبر

[tarek1993]

normal matkhafi mawalo r7i l akadimi ya3tohalek ^^

[Houda Mhrg]

ربي يكون في العون

[algerino1212]

كيما هدرولك الجماعة ، شويا معريفة تقدري تسحبي واحد آخر

[أم عبد النور]

ربي يحفضكم

والله بهدلوني اليوم ومقدمولي حتى نصيحة مي قفلوا كا أبواب في وجهي

وقاتلي ليمكلفة بتسجيل هاد العام مرحيش تدرسي في الجامعة

شكرا على ردودكم

[asma biologiste]

ربي معـــــاك

[عاشقة الخير]

ana lyoum ki sejjelt f béjaia jabou wahed le relevé daye3...ila rayha te9ray f béjaia rouhi se9si temma...nchallah tel9ayeh

[Floona]

ربي يكون فالعون

[ريم الوداع]

ربي يصبرك حنونه

[الجـَرَاح ْ]

اختاه غير بلعقل عليك
ابحثي جيدا عليه ، اين سيكون من غير المنزل او نسيته في البلدية او عند عملك للــ photocopie
ايضا تقربي من الاكاديمية ولا تياسي من اول محاولة ، هل تظنين انهم يقدمون الامور على طبق من ذهب ؟
طبعا سيحاولون ان يضللوك لكن ان كان منك اصرار والحاح عليهم فسيعلمون ان الامر جدي ولربما يهديهم الله ويعطونه لك

ربي يسهلك اختاه

[فتاة النسيم]

ايه كيما قالولك الجماعة بالاك نسيتيه منين درتي الفوتوكوبي ولا فالبلدية ان شاء الله تلقايه بالتوفيق

[pyn200]

salam
avant tout je te conseille d'aller au commissariat et fait une declaration de perte avec laquelle tu demandes une copie de ton relevé

[kwaydar]

ربي يسهلك ان شاء الله تلقيه و لا يقبلوك متخفيش

[ala madrid]

انا صرالي كيفك سيمانة وانا مهمله لولبارح برك لي لقيته والحمد لله
شوفي انا رحت للأكاديمي قالولي حنا خاطينا الدزاير هي لي راها متكلفة بكلش
حنا برك نصحوا الاخطاء ..
المهم انا مانكدبش عليك قطعت لياس وبديت نسجل في جدارمية ولميليتار
ومبعد كي رحت نفوت لافيزيت تاع جدارمية جاني تليفون قالولي رانا لقيناه
شوفي انت خممي مليح وين حطيتيه ولا وين راحلك بلاك تتفكري
ونشالله ربي مافيه غي الخير
بعد ماكنت قاطع لياس رجعلي كشف والحمد لله
الله يوفقك ختي راني حاس بيك تاع الصح

[bouzid gh]

كان الله في عونك إن شاء الله تلقايه ورايحة تلقايه بإ>ن الله فقط لا داعي لليأس من رحمة الله
ربي يثبتك ويصبرك

[أنوار 19]

ربي يعاونك ..........

[karim64]

كيما قالك الاخ
اعملي declaration de perte عند مركز الشرطة
ودهبي بها الى lacademy وراح يعطوك كشف نقاط اخر من دون معرفة ولا شيئ
بالوفيق ان شاء الله..

[ҳhamzaҳ]

ربي يسهل ان شاء الله

[أم عبد النور]

كيما قالك الاخ
اعملي declaration de perte عند مركز الشرطة
ودهبي بها الى lacademy وراح يعطوك كشف نقاط اخر من دون معرفة ولا شيئ
بالوفيق ان شاء الله..


أشكركم كثيرا اخوتي ونحب نقولكم

والله مراني لا مستهترة حتى ضاع كشف نقاطي ولكن قدرة ربي

أنا أبسط الأشياء نحرزها من الضياع وندير حسابها ولكن هاذ المرة

أنا مخرجتهش كشف النقاط من داري أنا فوطو كوبي نديرها في الدار

وأنا شاكة يوم لي حاء عندي ابن أختي كان حاب هو يخرجلي فوطو كوبي

وشكيت كي مخرجوش عندي ملاح قطع كل لي خرجهم ومعاهم الأصلي

قلبت داري رأس على عقب وطلبت مساعدة من صديقات وأختي ولكن دون فائدة

أخي أشكرك كثيرا درت دكلاراسيو عند الشرطة ورحت لاكاديمي قالولي حتى2015

نخرجولك واحدة أخرى راني رايحة غدة لوهران دعولي يخرجولي واحدة أخرى

أشكركم جميعا وبارك الله فيكم

[أم عبد النور]

في البلدية مضاعليش راني متاكدة على العموم مرسي بزاف على الردووووووود

[syliasmine]

ma soeur rabi m3ak w ida kesh ma lguitih wella khabrina

[سوسو92]

ربي يكون في عونك اختي رانا حاسين بيك الله يلقيك بيه

[ninou18]

وعلاه ختي لعزيزة الفوتوكوبي قاليزي مايقبلوهش

[hsinou-usma]

أولا ضاع الكشف ولم تسجلي ليست نهاية العالم
ابحثي أكثر عسى ان تجديه
12.76 معدل لابأس بيه ولكن قد لا يكفي لتحقيق احلامك
أعيدي الباكالوريا وان شاء الله ناجحة بمعدل جيد

وعسى ان تكرهو شيئً فهو خير لكم

[patchi222]

روحي للأكاديمي

[أم عبد النور]

الحمد لله بعد جهد جهيد خرجولي واحد جديد

سأسجل في سبتمبر أشكر كل من رد علي

وفقكم الله جميعا

[سطايفية بكل فخر]

متاكدة خرجولك نسخة ثانية من لاكاديمي
يويويويوويويويو مبروك

[jokerbest]

كلشى مبروك يضهرلي كلى جبتى باكالوريا جديدة هههههههههههههههههههههههه

[أســ07ــمة]

بصحتك كي خرجولك واحد
جات مع العيد ان شاء الله فيها خير

[أم عبد النور]

ربي يحفضكم وبارك الله فيكم

[Floona]

mbrooooooooooooooooooooooooooooooook

[hamzalord]

أم عبد النور يظهرلي مشكلتك انحلت مبروك عليك أختي مشوار دراسي طيب إن شاء الله ......عيد مبارك سعيد