جديـــــــــــــــــــد .......................

[أم معاذ أم معاذ]

ولايات جديدة كثيرة
كل واحدة حابة تشري المسك و لم تستطع سابقا أن تشتريه
لأننا لم نستطع التوصيل لها
الآن نستطيع بإذن الله

عن طريق البريد إن لم يكن يدا بيد


ضعي طلبك هنا و إسم ولايتك فقط
و عدد القارورات و سأجيبك بالتفاصيل بإذن الله



سارعن و الكمية على وشك الإنتهاء

[كنوزنبراس]

سعر القارورة اختي كم

[فرد من عمار الأرض]

بكم السعر ؟؟

[كنوزنبراس]

ههههههههههههههههههه زهرة كيفي
درك تجاوبنا

[فرد من عمار الأرض]

ههههههههههههههههههه زهرة كيفي
درك تجاوبنا
ان شاء الله حنونة رانا نستناو

[أم معاذ أم معاذ]

عذرا على التأخير
السعر بـ 100 ألف للقارورة
أختي كنوزنبراس (http://www.djelfa.info/vb/member.php?u=379658)
درك نشوف كاين ولاية من ولايات الصحراء
درك يأكدلي أخي
أنتظري مني الجواب

[جسر الأمل]

اقسمو معايا الفايدة اختكم في امس الحاجة للحبات من اجل شراء طقم دهب اخر تتويغة او اخر صيحة هههههههههههههههههههه

[منتهى الرقة-*]

حبيبتي ام معاذ انتظر ردك في ما يخص الرسالة

[كنوزنبراس]

شكرا ليك اختي

[أم معاذ أم معاذ]

بكم السعر ؟؟





100 ألف
أختي فرد من عمار الأرض أنت من بسكرة
قالي كاين واحد من باتنة يقدرو يجيو لبسكرة صح قريبة ليكم ؟

[حزن بحر]

انا من باتنة بصح ممكن تقوليلي واش الفرق بينو وبين المسك لي نعرفوه
ولواش يستعمل
لاني سخفت نشرييييييييييييه ههههههههههه

[أم معاذ أم معاذ]

أختي حزن البحر مسك العروس الأبيض هو عطر مركز خال من الكحول
و رائحته أعجبت كل من اشتراه
جاباتو الأخت صاحبة السمو الفكري من السعودية
غير منتشر في الجزائر يعني قليل وين تلقايه يتباع
المسك تاعنا الحق أنا ما استعملتوش

رأي مستعملات المسك في الرابط اللي في توقيعي كلمة متجر

الفوائد تاعو في هذا الموضوع
http://www.djelfa.info/vb/showthread.php?t=998302

و بالنسبة للثمن هو 100 ألف
http://www.djelfa.info/vb/showthread.php?t=926728

[حزن بحر]

ممكن تقوليلي وين نلقاه في باتنة
وكم مدة صلاحيتو؟؟؟

[أم معاذ أم معاذ]

في باتنة راح نبعثو مع صديق أخي
أنت تفرسيلي المبلغ في ccp
و أنا كي يروح السيد لباتنة نقولك
و نمدلك الرقم تاعو تتصلي بيهو تتفاهمو على مكان يسلمك فيه المسك

و كل هذا قبل 2 أوت
ما نقدرش نبعثلك بعدها
و أنا اللي نعرفو أنو العطور ما تفسدش
و هذا المسك عندو أكثر من عام و لم تتغير رائحته
خاصة انو خال من الكحول

إنت من باتنة سونتر ؟

[حزن بحر]

انعم هيه من سونتر

[حزن بحر]

يعني بعد اوت مستحيل ؟؟؟

[أم معاذ أم معاذ]

إيه أختي لأنو أخي راح يبدل المكان تاع العمل تاعو و مش راح يتلاقا مع هذا السيد
يعني أنا راح نبعثلك معاه و هو نهار اللي راح يروح لباتنة يجيبلك المسك معاه
فهمتيني
لكن أنا لازم نستلم الثمن باه نكون متأكدة أنو راح تدي المسك مش نمدو لهذا الرجل و من بعد يقعد عندو و ما نقدر نجيب المسك من عندو

[حزن بحر]

ايه فهمتك انا حابة نشريه كي يقرب العرس يعني من ديسمبر وروح هكا باش نخبيه درك بزااااف

[أم معاذ أم معاذ]

عادي اختي العرائس الكل شراو منو و زواجهم مازال و مازال حتى اللي ما تخطبوش

[أم معاذ أم معاذ]

لا إله إلا الله محمد رسول الله

[fatma88]

راني حابة نشري كيفاش

[حنين العمر01]

يعطيك الصحة اختي
و ممكن تبعثيه لبوسعادة ولاية المسيلة

[أم معاذ أم معاذ]

يعطيك الصحة اختي
و ممكن تبعثيه لبوسعادة ولاية المسيلة


المسيلة أختي إتصلي بصاحبة السمو الفكر راهو كاين المسك ثم

راني حابة نشري كيفاش

وش من ولاية أختي ؟

[fatma88]

بوسعادة ان امكن

[fatma88]

اين انتيييييييييييييييييييييييييييييي

[Memories]

اختي أم معاذ مشكورة
احتاج قارورتين انا في ولاية بشار.. كيف يتم التواصل؟

[أم معاذ أم معاذ]

بوسعادة ان امكن
اين انتيييييييييييييييييييييييييييييي

المسيلة أختي إتصلي بصاحبة السمو الفكر راهو كاين المسك ثم

[أم معاذ أم معاذ]

اختي أم معاذ مشكورة
احتاج قارورتين انا في ولاية بشار.. كيف يتم التواصل؟




سأجيبك أختي في القريب بإذن الله

[kialou]

tebessa kayén ???

[أم معاذ أم معاذ]

إيه أختي تبسة كاين
بالصح ما نبعثش ديما
إذا تحبي قوليلي نخبيلك كم قارورة
و كي نبعث راني نقولك
ما هو ردك
و أيضا أين في تبسة باه نقولك يساعدني أو لا ؟

[nadine lamara]

نقدر ندير طلب لولاية تيارت ابتداء من تاريخ اول اوت

[أم معاذ أم معاذ]

إيه أختي ولاية تيارت
كاين ليست محددة بتاريخ 2 أوت
و سامحيني على التأخر في إعطائك رقم الهاتف
االرجل درك يزيد يرجع لتيارت و نبعثلك معاه إن شاء الله

[sabah7]

سلام اختي انا من مستغانم و راني حابة 2 تقدري تبعتيلي و صح فطورك

[أم معاذ أم معاذ]

سلام اختي انا من مستغانم و راني حابة 2 تقدري تبعتيلي و صح فطورك

و عليكم السلام
يسلمك و صح فطوركم الكل
أختي بالنسبة لمستغانم نظن صاحبة السمو الفكري تقدر توصلك خاطر ديجا المسك في بلعباس
راسليها هي تقولك

[fatma88]

كيفاش نتواصل مع صاحبة السمو الفكري
بلييييز
نسيت صح فطووووووووووووووركم

[حزن بحر]

حبيبتي في ولاية المسيلة نقدر نشريه في اي وقت لاني نقدر نروح نشريه من ثم؟؟؟

[أم معاذ أم معاذ]

هذا موضوع صاحبة السمو
بالنسبة لناس المسيلة http://www.djelfa.info/vb/showthread.php?t=976099

[fatma88]

,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,

[صاحبة السمو الفكري]

سلام اختي انا من مستغانم و راني حابة 2 تقدري تبعتيلي و صح فطورك
اختي يمكنك استلامه في اي وقت ان كان لك وسيط في بلعبااس
او تنتظري بعد العيد ان شاء الله تستلميه من مستغانم
فما رايك؟؟
حبيبتي في ولاية المسيلة نقدر نشريه في اي وقت لاني نقدر نروح نشريه من ثم؟؟؟

تمت مراسلتك على الخاص اختي

[it's me]

شكرا على الافادة لكن ماوصلنيش ccp تاعك؟

[أم معاذ أم معاذ]

أختي it's me (http://www.djelfa.info/vb/member.php?u=405389)
راني بعثتلك رقم ccp
كي تبعثي قوليلي

[أم معاذ أم معاذ]

صح فطوركم

اللهم صلي و سلم على رسول الله

رفع للفائدة

[أم معاذ أم معاذ]

أختي لي من بشار كاين أمل أني نبعثلك المسك
درك نزيد نأكدلك

[shahdanfal]

سلام حبيبتي انا من ولاية باتنة هل تصتطيعين توصيله الي

[أم معاذ أم معاذ]

نعم أختي ولاية باتنة نقدر
كم قارورة تريدين

[سهام1]

شكرا لكي اختاه ممكن تقوليلي شحال تقاملي قارورتين و كيفاش ندير باه نفرسيلك و بغيت نسقسيك انا عرسي مازال شويا نقدر نخبيه ولا لا

ربي ينورك اختاه

[أم معاذ أم معاذ]

السعر 100 ألف للقارورة الواحدة
يعني 2 بـ 200 ألف

و يتخبى عادي و ما يفسدش أخني

كي نتأكد باللي راح نبعثلك
درك نبعثلك رقم ccp

[صاحبة السمو الفكري]

اختي حزن بحر حياك الله نقدر نوفرولك في مسيلة

[maiar]

صباح الخير على اخواتي الكريمات

بالتوفيق لام معاذ و حميدة

حبيبت برك نطمن العرايس لي يسقسيو بلي مازال على عرسهم بزاف و خايفينو يفسد او شيئ من هذا القبيل
نطمنكم انا شريتو في جوان و رايحة نزوج بربي ان شاء الله في اخر اوت و ريحتو تهبل و ياقية هي هي ما تبدلتش ماتخافو ماوالو

اديوه راهو هايل

رمضان كريم و تقبل الله منا و منكم صالح الاعمال

[صاحبة السمو الفكري]

بارك الله فيك اختي ميار
مرورك عطر كعطر المسك ههههه
وشهادتك وسام نعتز به

["أوريانة"]

اختي الله يسجيك ماعرفتش كيفاش نسجل الطلب و في البريد الخاص مانقدرش ماعنديش الحق
ارجو الرد انا من برج بوعريريج و حابة قارورة وحدة

[أم معاذ أم معاذ]

أهلا أختي نهاد
درك نبعثلك رقم ccp
كي تفرسي ثمن القارورة و ذلك قبل 2 أوت
أبلغيني و أنا أبعث لك بإذن الله
و التسليم يكون من طرف رجل

هل أبعث لك ccp ؟

["أوريانة"]

نعم بالتاكيد

["أوريانة"]

نعم بالتاكيد

["أوريانة"]

نتمنى يوصل يوم الخميس لاني خدامة و نقدر نخرج المهم ما يكونش في ال week end برك
اما الدراهم باذن الله نبعثهملك غدا صباحا

[أم معاذ أم معاذ]

إن شاء الله
يوم الإربعاء أؤكد لك

["أوريانة"]

ان شاء الله

[أم معاذ أم معاذ]

لا إله إلا الله

[nadine lamara]

ام معاد حياك الله حبيبتي و صح فطورك

دخلت فقط باش نقولك بلي اتصلنا برقم الهاتف اللي مديتوهولي نتاع السيد

لكن للاسف كان في السوقر لهدا تعدر علينا اقتناء المسك



نعاود ناكدلك اختي بلي مازلت مصرة على الشراء لهدا ماتنساينيش ابدا


كلما تسنح الفرصة في الشلف او تيارت دكريني او رسليلي رسالة خاصة

[أم معاذ أم معاذ]

أكيد أختي كي يجي لتيارت راني نقولك
وقتاش عيطتيلو ؟

[shahdanfal]

نعم أختي ولاية باتنة نقدر
كم قارورة تريدين
واحدة برك حتى نجربها من بعد اذا عجبني نزيد ندوموندي وكيفاش حنونة تبعثيهلي

[shahdanfal]

حبيبتي نحب نعرف كيفاش رايح يوصلني و هل استطيع ان استعمله لتعطير المنطقة الحساسة

[أم معاذ أم معاذ]

نعم أختي تستطيعين
لكن دون إدخال للداخل
أصلا حاجة مادخليها الداخل لأن هذا مضر

و بالنسبة للتوصيل عن طريق رجل
هل أرسل لك رقم ccp

[shahdanfal]

نعم أختي تستطيعين
لكن دون إدخال للداخل
أصلا حاجة مادخليها الداخل لأن هذا مضر

و بالنسبة للتوصيل عن طريق رجل
هل أرسل لك رقم ccp
ايه اكيد ارسلي ccp

[imene12]

سلاااااااام البنات صح فطوركم
على بالي الموضوع مخصص للطلبيات فقط .... لكن اود اخبار من تتردد في اقتناء هذا المسك بأنه روووووووووووعة انا شريت وحدة و من كثر ما عجبني زدت وصيت أم معاذ الفاضلة على زوج اخرين على خاطر خفت تنفذ الكمية........
بارك الله في ام معاذ و صاحبة السمو الفكري و جزاكما الله الجنة

[ليلك الروح]

salam rani haba nachri ana de medea ta9adri taba3tili ???????merci khti

[أم معاذ أم معاذ]

ما تقدريش أختي تروحي للبليدة
راهو متوفر فيها دائما
و درك نزيد نسأل أخي إا يقدر يتنقل للمدية أو لا

[it's me]

السلام عليك اختي ام معاذ
حبيت نسقسيك على القارورات الباقية بالنسبة لولاية البرج

[أم معاذ أم معاذ]

ما فهمتش سؤالك أختي ؟

["أوريانة"]

[QUOTE=it's me;11010721]السلام عليك اختي ام معاذ
حبيت نسقسيك على القارورات الباقية بالنسبة لولاية البرج[/QUO

اهلا بك
و اخيرا قدر يوصل لينا المسك للبرج انا راني وصيتها و عطاتلي ccp نتاعها مازال برك ما بعثتش الدراهم لاني خدامة ممكن غدوة صباح ان شاء الله اما التسليم من المفروض نهار الخميس اذا حبيتي نحكملك معايا قرعة و الا حاولي تتفاهمي معاها

[it's me]

[QUOTE=it's me;11010721]السلام عليك اختي ام معاذ
حبيت نسقسيك على القارورات الباقية بالنسبة لولاية البرج[/QUO

اهلا بك
و اخيرا قدر يوصل لينا المسك للبرج انا راني وصيتها و عطاتلي ccp نتاعها مازال برك ما بعثتش الدراهم لاني خدامة ممكن غدوة صباح ان شاء الله اما التسليم من المفروض نهار الخميس اذا حبيتي نحكملك معايا قرعة و الا حاولي تتفاهمي معاها
شكرا نهاد ربي يحفظك
انا ثاني قلتلها تخليلي 2 قارورات
ان شاء الله غدوة نبعثلها الدراهم و ماذا بيك تستلمي القارورات انتي و من بعد نتلاقاو بش تعطيهملي

[أم معاذ أم معاذ]

بارك الله فيك أختي نيهاد
لكن أختي it's me تفاهمت معاها خلاص (http://www.djelfa.info/vb/member.php?u=405389)
لكن ما فهمتش سؤالها
إذا تسأل قداه راح نبعث للبرج
راني راح نبعث حسب الطلبيات فقط


و بارك الله فيك على المبادرة الطيبة
أنا قعدتلي في بالي أمة الله من البرج طلباتو قبل وما وصلهاش و تزوجت
غذا تقدري تتصلي بيها خارج المنتدى
قوليلها

و جزاك الله كل الخير

(http://www.djelfa.info/vb/member.php?u=405389)

[it's me]

بارك الله فيك أختي نيهاد
لكن أختي it's me تفاهمت معاها خلاص (http://www.djelfa.info/vb/member.php?u=405389)
لكن ما فهمتش سؤالها
إذا تسأل قداه راح نبعث للبرج
راني راح نبعث حسب الطلبيات فقط


و بارك الله فيك على المبادرة الطيبة
أنا قعدتلي في بالي أمة الله من البرج طلباتو قبل وما وصلهاش و تزوجت
غذا تقدري تتصلي بيها خارج المنتدى
قوليلها

و جزاك الله كل الخير


وصلتني الفكرة مشكورة
ماعندي حتى فكرة وين نقدر نلقى امة الله ,نشوف طروفي اذا قدرت نحكملها قرعة مسك و من بعد كي تدخل نخبرها بش تستلمها
بالتوفيق

[أم معاذ أم معاذ]

بارك الله فيك أختي
و كي تفرسيو الدراهم ما ذابيا تصورو الوصل اللي يعطوهملك و تبعثيه ليا

[it's me]

بارك الله فيك أختي
و كي تفرسيو الدراهم ما ذابيا تصورو الوصل اللي يعطوهملك و تبعثيه ليا
اكيد رح نبعثولك
ممكن تعطيلي ايميلك؟

[أم معاذ أم معاذ]

ؤاني بعثتلك رسالة أختي

[it's me]

ام معاذ من فضلك احذفي رسالة بش نقدر نتواصل معاك على الخاص
صندوقك ممتلئ

[أم معاذ أم معاذ]

واحدة برك حتى نجربها من بعد اذا عجبني نزيد ندوموندي وكيفاش حنونة تبعثيهلي
أختي أنا ما نقدرش نبعث مرة أخرى لباتنة
يعني غير هاذ المرة فقط

إلا إذا تيسرت طريقة أخرى للتوصيل ما نضمنش

[أم معاذ أم معاذ]

راني نقصت أختي

["أوريانة"]

[QUOTE=nihad34;11011013]
شكرا نهاد ربي يحفظك
انا ثاني قلتلها تخليلي 2 قارورات
ان شاء الله غدوة نبعثلها الدراهم و ماذا بيك تستلمي القارورات انتي و من بعد نتلاقاو بش تعطيهملي

ماكاين حتى مشكل باذن الله

[it's me]

[QUOTE=it's me;11011146]

ماكاين حتى مشكل باذن الله
ربي يحفظك حبيبتي
وين تسكني بالضبط اذا حبيتي

[ليلك الروح]

om mo3ad t3ichi rani haba nachri mais a blida wen nsibo ana ma nrohech tama bezaf

[أم معاذ أم معاذ]

أختي ليلك الروح
نمدلك الرقم تاع الهاتف تاعو
مين تروحي اتصلي بيه قبل
و هو يقولك وين تتلاقاو و وين تساعدك
هو أصلا قالي أنو خدمتو قريبة وين فاميلي شوب

هل نبعثلك الرقم ؟

["أوريانة"]

[QUOTE=nihad34;11011827]
ربي يحفظك حبيبتي
وين تسكني بالضبط اذا حبيتي

مكاش مشكل ممكن نمدهولك وين تحبي في الخدمة و الا نتلاقاو في بلاصة تساعدك غير يوصلنا برك ههههههههه صح فطورك حبيبتي

[it's me]

[QUOTE=it's me;11011847]

مكاش مشكل ممكن نمدهولك وين تحبي في الخدمة و الا نتلاقاو في بلاصة تساعدك غير يوصلنا برك ههههههههه صح فطورك حبيبتي
rabi ykhalik
merciiiii et saha ftourék

[عبير الايمان]

حبيت نعرف واش هد المسك يمكن يكون الريحة نتاع الشعر اي المقطرة ولا ريحت البخور نحنوا في الانتضار

[عبير الايمان]

السلام انا عدت الرجاء ما هذا المسك مقطر ولا بلبخور ولا ريحة الشعر

[رباب مختار]

السلام عليكم اختي ام معاذ انا عندي مجموعة من الأسئلة نتمنى تجاوبيني عليها إذا ما كانش إزعاج
اولا هل هذا المسك هو الذي يستخدم للطهارة بعد الحيض كما جاء في حديث النبي عليه الصلاة و السلام لاني انا بحثت في النت و وجدت من يقول ان مسك الطهارة هو المسك الأسود
سؤالي الثاني كيف يستخدم هدا المسك
ثالثا ممكن تعطيني صورته و اين يباع و ثمنه بالريال و الدينار لاني باغية نوصي وحدة تجيبهلي من السعودية اذا مكانش مشكل
و اسمحيلي يا اختي طولت عليك ربي يجازيك و يحفظك

[أم معاذ أم معاذ]

للجواب على تساؤلاتكن
صاحبة السمو الفكري هي من أحضرت المسك من السعودية
و هذا ردها في إحدى مواضيع الإستفسارات
في الحقيقة تعرفت على هذا المسك قبل 3 سنوات عن طريق المنتديات النسائية الخليجية لكن كغيري لم اهتم بالموضوع لان اسمه " مســــــك" والشائع عندنا ان هذا الاسم غالبا يحمل رائحة " وعععع"
لكـــــــن اثناء قراءتي عنه دون سبق اصرار وترصد قرأت حديث النبي صلى الله عليه وسلم وعلمت حينها ان من السنة ان تتعطر المرأة بقصة ممسكة بعد الحيض.
ويشهد الله اني ملت الى تطبيق السنة اكثر من مجرد التجريب
المهم اتصلت على صديقتي في السعودية واخبرتها عن رغبتي في اقتناء هذا المسك فسألتني ان كنت اريد الابيض او الاسود
استغربت....... لاني ظننت ان هناك الابيض فقط فطلبت رأيها بحكم اني لا فكرة لي عن كلا المسكين
اشارت علي باقتناء لاابيض لان رائحته ازكى واطيب
وارسلت لي قارورة صغييييييييييرة جدا يسمونها هناك ربع التولة وثمنها 50 ريال>>>اي ما يعادل 130 الى 140 الف
اعجبت جدااااااا برااائحته واخوااتي ايضا بل تى صديقاتي, ولقلة الكمية كنت استعمله بعد الحيض فقط.
ثم بشرت بعمرة فعلمت اني ساذهب واجلب المزيد فصرت استخدمه في مناطق عديدة من جسدي حتى تعرفت عليه صديقااتي بالشم وطلبنه مني.
لما ذهبت الى هناك ازدادات معلوماتي عن هذا الاخير
واحتككت بخبيرات في المسك فصرت اعلم عنه اكثر
مثلا
كيف تعرفين انه مخلوط؟؟
هذا المسك معروف بلونه اللبني يعني ابيض وليس شفاف فان كان مخلوط اما يكون بماء الورد او بعطر تخفيفي او بماء عادي
فحاولي رج القارورة ثم اتركيه لدقايق فان بقي لونه موحدا فذاك هو وان ترسب لون شفاف في اعلاه فهو مخلوط.
هل هذا هو مسك الطهارة؟
في الحقيقة هذا ماشاع عند البعض في السعودية انه للطهارة لكن الاسود هو الحقيقي للطهارة
لكـــــــن؟؟
الاسود الاصلي ناادر الوجود لانه يستخرج من الغزال واسعاره قد تصل 900 الف في الجزائر
اما اغلب المتوفر في الاسواق فهو مخفف ومخلوووط
ايضا رااائحته لم تعجبني (كرأي شخصي)
لــــــذلك استخدام الابيض لا يكون داخل المهبل: صحيح انه خالي من الكحول والمعطرات الا انه من باب الاحتياط لا يدخل في المهبل
يكفي ان تمريي بالسباب (لا تستعملي انبوب القارورة) على محيط المهبل وعلى المنطقة وحاولي ان تكون الكمية قليلة ودعي المنطقة قابلة للتهوية قليلا لان رائحته مركزة فان اكثرتي منه قد ينعكس الامر.
وايضا يمكن استخدامه في الابطين او على الرقبة او بين الصدر وكما ذكرت التمرير بالسباب كاافي لذلك كميته قليلة لانه لا يستدعي الاكثار منه
ويمكن حتى استخدامه في وصفات التعطير مثلا كان تخلطي القلي منه على الفازلين وتضعيها على كامل جسدك.
وان لاحظتي ان رايحته كانت قوية عليك فخففيه بالماء الطبيعي او ماء الورد
لكن انتبعهي القليلل فقط من الماء
اما رااائحته فتدووم ليويمن او اكثر&وهذا لا يعين اني اجزم بطيب رائحته لان المسألة تبقى اذواق)
لكن ما شجعني اليه اتباع السنة مع عدم ت وفر الاصلي فاستعمال هذا احسن من لاشيء واحسن من بقي العطور التي تحتوي على كحول ومواد تعطيرية.
ارجو ان اكون قد افدتك اختي
والى اللواتي تحصلن على المسك سواء عن طريقي او اشترينه من مكان اخر

[أم معاذ أم معاذ]

و هنا فوائد و استعمالاته
http://www.djelfa.info/vb/showthread.php?t=998302

[أم معاذ أم معاذ]

أرجو أن أكون قد أفدتكن و جاوبت على تساؤلاتكن

[أم معاذ أم معاذ]

صح فطوركم

http://a8.sphotos.ak.fbcdn.net/hphotos-ak-ash3/552522_334446043308989_1729971733_n.jpg
]

[نجاة1990]

تعيشوا فهموني واش ديرو بهاد المسك يعني وين تستعملوه ولا تحطوه انا مافهمتش

[سهام1]

[QUOTE=om mo3ad;10997674]السعر 100 ألف للقارورة الواحدة
يعني 2 بـ 200 ألف

و يتخبى عادي و ما يفسدش أخني

كي نتأكد باللي راح نبعثلك
درك نبعثلك رقم ccp[/QUOT


شكرا لكي جزاك الله خيرا انا في انتظار ردك

["أوريانة"]

ام معاذ راني بعثتلك الدراهم قبيل. برك قوليلي ضرك واش ندير و حتى الاخت its meراهي تستنا في جوابك صح فطورك اختي

[أم معاذ أم معاذ]

نيهاد درك تصويريلي الوصل اللي عطاوهولك و تبعثيلي الصورة مع إحدى المشرفات

[nadine lamara]

اتصلنا بيه نظن يوم الاحد او السبت مساءا و قالنا بلي راه في السوقر لدلك تاسفت بزاااااااااااااف

ان شاء الله في اقرب فرصة نقتني عليك قارورتين

ماتنساينيش برك

صح فطورك

[أم معاذ أم معاذ]

تعيشوا فهموني واش ديرو بهاد المسك يعني وين تستعملوه ولا تحطوه انا مافهمتش




الرد في المشاركات السابقة شوفيها

[أم معاذ أم معاذ]

أختي كنوزنبراس (http://www.djelfa.info/vb/member.php?u=379658) و فرد من عمار الأرض (http://www.djelfa.info/vb/member.php?u=398049)

للأسف الشخص اللي حبيت نبعث معاه
ظهر من أدرار

نظن ما تساعدكمش في زوج
عذرا

[أم معاذ أم معاذ]

أختي سهام 1
إذا تقدري غدوة الصباح تدخلي للنت
غدوة الصباح نتأكد هل نقدر نبعثلك معاه أو لا تلقاي ردي هنا باه تفرسيلي على الأكثر في المساء
باه نقدر نبعثلك

[سهام1]

أختي سهام 1
إذا تقدري غدوة الصباح تدخلي للنت
غدوة الصباح نتأكد هل نقدر نبعثلك معاه أو لا تلقاي ردي هنا باه تفرسيلي على الأكثر في المساء
باه نقدر نبعثلك


صح فطوركم ربي يخليك ان شاء الله قوليلي بكري برك باه نقدر نفرسيلك

جزاك الله خيرا

["أوريانة"]

نيهاد درك تصويريلي الوصل اللي عطاوهولك و تبعثيلي الصورة مع إحدى المشرفات

كيفاش ماعرفتش ارجو التوضيح اكثر بعد ما نصور الوصل كيفاش نبعثو.،؟

[أم معاذ أم معاذ]

نيهاد تصوريه و من بعد حمليه و أبعثيه رسالة مع مشرفة أو درك نبعثلك
الإيميل تاعي أبعثي فيه

["أوريانة"]

نيهاد تصوريه و من بعد حمليه و أبعثيه رسالة مع مشرفة أو درك نبعثلك
الإيميل تاعي أبعثي فيه

نفضل الايميل احسن ارجو الرد

["أوريانة"]

شكرا اختي غدوة الصباح يوصلك باذن الله

[أم معاذ أم معاذ]

إن شاء الله

[it's me]

ام معاذ راتي صورتلك الوصل و بعثتو
وش بقالي ندير ضرك

[أم معاذ أم معاذ]

السلام عليكم
راني تأكدت أختي it's me (http://www.djelfa.info/vb/member.php?u=405389)
بارك الله فيك
هل تفاهمتي غنت و نهاد
أنها تستلم هي القارورات ؟
هذا المساء نجيب رقم الهاتف

[it's me]

السلام عليكم
راني تأكدت أختي it's me (http://www.djelfa.info/vb/member.php?u=405389)
بارك الله فيك
هل تفاهمتي غنت و نهاد
أنها تستلم هي القارورات ؟
هذا المساء نجيب رقم الهاتف
مازال ما تفاهمنا
ابعثيلي رقم الهاتف من فضلك و قوليلي وين نلقاه

[أم معاذ أم معاذ]

أنا ماذا بيا وحدة برك اللي تتلاقاه
و تستلم مرة وحدة
هذا إن تيسر

[it's me]

أنا ماذا بيا وحدة برك اللي تتلاقاه
و تستلم مرة وحدة
هذا إن تيسر
ضرك نتفاهم مع نهاد و نردلك خبر

[أم معاذ أم معاذ]

إن شاء الله

[it's me]

إن شاء الله
مشكورة على المجهودات حبيبتي
كي يخلاصلي نقدر نزيد نطلب؟؟
اذا كنت نقدر قوليلي متى

[أم معاذ أم معاذ]

ما نضمنلكش أختي
لأني هاذ المرة فقط قدرت نوصل للبرج
و صايي أخي ما بقاش يخدم في نفس المكان مع الشخص اللي راح نبعث معاه
و أيضا الكمية قريب تخلاص
للأسف

[it's me]

ما نضمنلكش أختي
لأني هاذ المرة فقط قدرت نوصل للبرج
و صايي أخي ما بقاش يخدم في نفس المكان مع الشخص اللي راح نبعث معاه
و أيضا الكمية قريب تخلاص
للأسف
نقدر نزيد نبعثلك الدراهم؟؟
يعني تزيديلي قارورة يولو 3

[أم معاذ أم معاذ]

إيه اليوم قبل المساء

[it's me]

إيه اليوم قبل المساء
ممكن تقوليلي على قداش بالضبط لاني خدامة

[أم معاذ أم معاذ]

المهم هاذ اليوم
باه نقدر نتأكد من الرصيد
ونمد للسيد القارورات هذا المساء قبل المغرب
ما نقدرش يمدهملو غدوة

[it's me]

المهم هاذ اليوم
باه نقدر نتأكد من الرصيد
ونمد للسيد القارورات هذا المساء قبل المغرب
ما نقدرش يمدهملو غدوة
ندير اللي نقدر عليه و نبعثلك هاذ المساء

[أم معاذ أم معاذ]

إن شاء الله في الإنتظار
و ربي يقدرك

[أم معاذ أم معاذ]

تاع بشار للأسف أعتذر ما نقدرش

أختي تاع باتنة
ما رديتي
إذا لم تردي قبل المساء ما نقدرش نبعثلك

[it's me]

إن شاء الله في الإنتظار
و ربي يقدرك
اميييين ربي يجازيك
حبيت نسقسيك اذا تقدري تخدميلي ملابس داخلية بالكروشي
ماما موالفة تخدملي و انا ثاتي خدمت حوايج بصح معرفتش نخدم الخمالات الصدرية اذا فيه امكانية ماتبخلينيش

[أم معاذ أم معاذ]

إيه أختي نقدر نخدم
بالصح بعد رمضان باه نخدم
درك نتفاهمو على المودال
لأنو عندي خدمة درك في يدي

[it's me]

إيه أختي نقدر نخدم
بالصح بعد رمضان باه نخدم
درك نتفاهمو على المودال
لأنو عندي خدمة درك في يدي
اوكيييي
معليش نصبرك ومن بعد نتفاهمو على المودال
ربي يقدرك ويعينك

[سهام1]

شكرا لكي ام معاد لانني كنت في الانتضار نتمنى ادا جاتك فرصة تبعتيلي

[أم معاذ أم معاذ]

إن شاء الله أختي سهام
و إذا كاش فرصة راني نراسلك بإذن الله

["أوريانة"]

ام معاذ اسمحييييلي بزاف و الله يا اليوم غير هبلت مع الكونكسيون باش نبعثلك الوصل من 9تاع الصباح حتى ل 15تاع لعشية ماكان والو المهم ذرك راني فدار نحاول نبعثولك باذن.الله

[أم معاذ أم معاذ]

حاولي أختي
ترسليه
عندك منا لغدوة الصباح بكري
ربي يسر
وكيما قلت للأخت ماذابيا واحدة فيكم اللي تستلم
و تمد للأخرى القارورات تاعها

["أوريانة"]

نحاول باذن الله تعالى نكون عند وعدي صح فطورك اختي

[منتهى الرقة-*]

ام معاذ ما تنسينيش مازال عند كلمتي

خخخخخ في الاعادة افادة

[maiar]

السلام عليكم ام معاذ حبيت نعرف المكان و الزمان تع التسليم باه نعرف اذا يخرجو عليا و الا لالا باه نوصيك على طلبية تع المسك

["أوريانة"]

oum mouad rani b3atlek le recu de versement wrani nestena djwabek

[أم معاذ أم معاذ]

أختي ميار
المدة غدوة يروح السيد
و راح يبقى في قسنطينة يعني تعيطيلو و تتفاهمو على الوقت اللي يساعدك
بالصح غدوة الصباح ما نضمنش أنو الوقت يكفي باه تفرسي الدراهم و نمدلو المسك
درك نزيد نتأكد

[مسيرة المدينة]

أولا صحا فطورك أختي أم معاذ و لكل العضوات العسولات
طمنتيني بالخبر هذا
شوفيلي واذا ممكن يوصلني للجلفة ؟؟؟؟؟؟؟؟؟؟؟

[أم معاذ أم معاذ]

راهو وصلني بارك الله فيك

و هل تفاهمتي إنت و الأخت من البرج شكون اللي تستلم ؟


باه اللي راح تستلم نبعثلها رقم الهاتف

[أم معاذ أم معاذ]

أولا صحا فطورك أختي أم معاذ و لكل العضوات العسولات
طمنتيني بالخبر هذا
شوفيلي واذا ممكن يوصلني للجلفة ؟؟؟؟؟؟؟؟؟؟؟



يسلمك أختي
للأسف الجلفة ما نقدرش
كنت نقدر نبعث لأدرار
لكن الأجل إنتهى
للأسف مرة أخرى إذا لقيت وسيلة و بقا المسك
راني نتصل بيك

[maiar]

شكرا ام معاذ خسارة انا حطيت جاي فالايام المقبلة ( الاسبوع القادم) لاني مشغولة هذو اليومين مع الخياطة و نكمل فالقضيان

ان شاء الله مرة اخرى

[أم معاذ أم معاذ]

أختي ميار إذا تقدري تفرسيلي غدوة الدراهم
نبعثهولك
أنا ما نقدرش نبعث معاه غير لا نستلم الثمن فهمتيني
و السيد الأسبوع القادم يكون في قسنطينة هو أصلا يسكن ثم
فهممتيني
إذا راح تفرسيلي غدا صباحا قوليلي قداه نبعثلك معاه

[maiar]

ان شاء الله غذوا الصباح نبعثلك الدراهم فالسي سي بي تاعك ابعثيهولي ذرك رايحة نشري وحدة ياخي بنفس السعر
و ندير نفس الطريقة لي تدير بيها ميرثا يعني نصورلك الوصل غذوا ان شاء الله نبعث اختي تفارسلك فالكونت

[أم معاذ أم معاذ]

إيه
درك نبعثلك
ccp

["أوريانة"]

راهو وصلني بارك الله فيك

و هل تفاهمتي إنت و الأخت من البرج شكون اللي تستلم ؟


باه اللي راح تستلم نبعثلها رقم الهاتف

هي الاخت its meقالتلي بلي مديتيلها رقم السيد بصح مانيش عارفة اذا انا او هي اللي رايحة تستلم اكديلي من فضلك

[أم معاذ أم معاذ]

لالا
مازال ما مديتش الرقم
هو السيد يروح غدوة في المساء
يعني الجمعة يكون في البرج
نظن في زوج تخدمو يعني راح تعيطولو بالأحد ولا لا
إذا تقدر هي تتصل بيه الجمعة خلي هي اللي تستلم

اتفاهمو برك و قولولي في زوج القرار
و اللي تقرو أنها تستلم راح نمدلها الرقم

[أم معاذ أم معاذ]

راني نستنى فيها باه تدخل
خاطر ممكن تزيد قارورة بالصح ما ردتش

["أوريانة"]

لالا
مازال ما مديتش الرقم
هو السيد يروح غدوة في المساء
يعني الجمعة يكون في البرج
نظن في زوج تخدمو يعني راح تعيطولو بالأحد ولا لا
إذا تقدر هي تتصل بيه الجمعة خلي هي اللي تستلم

اتفاهمو برك و قولولي في زوج القرار
و اللي تقرو أنها تستلم راح نمدلها الرقم

الجمعة انا مانقدرش للاسف اذا امكن تستلمو الاخت غدوة نتفاهم معاها و الا مكاش ممكن نستلمو يوم الاحد.،؟

[أم معاذ أم معاذ]

ننتظروها تدخل اليوم أو غدا و نشوفو

[maiar]

اختي ام معاذ راني بعثتلك رسالة خاصة ان شاء الله تكون وصلتك ان شاء الله غذا بالصباح نزيد نفتح الميكرو و نشوف الرد تاعك بخصوص الولاية

[أم معاذ أم معاذ]

راني رديتلك أختي و ماذا بيك أو ل ما تفتح لابوست

[نعيمة البليدة]

اختي كاين في البليدة؟ والاكاين اين المكان لي نلقاه فيه

[أم معاذ أم معاذ]

كاين أختي في البليدة
إذا تشري صح نمدلك رقم الهاتف تاع أخي
و تتصلي بيه و تشوفي على المكان اللي يناسبك
من غدوة إذا حبيتي تستلمي المسك

[sima malek]

السلام عليكم اختي وصح فطورك انا راني حابة نشريه بصح راني نسكن بعيدة على جيجل سونت ممكن نتفاهمو على الاسبوع القادم انشاء الله

[أم معاذ أم معاذ]

السلام عليكم اختي وصح فطورك انا راني حابة نشريه بصح راني نسكن بعيدة على جيجل سونت ممكن نتفاهمو على الاسبوع القادم انشاء الله

وين تسكني أختي
في جيجل يوجد الآن قارورة واحدة فقط

[أم معاذ أم معاذ]

الأخت اللي عندها المسك
أيضا لا تسكن في جيجل سونتر
قوليلي أنت وين تسكني باه نشوف هل تقدرو تتلاقاو أو لا

[أم معاذ أم معاذ]

البنات راكم مما رديتوش
أنا في الانتظار

[it's me]

صباح الخير ام معاذ
انا اللي نستلم المسك بحكم ان نهاد ماتقدرش تستلمو بالجمعة
ابعثيلي رقمو

[أم معاذ أم معاذ]

إن شاء الله أختي

[sima malek]

صباح الخير اختي انا نسكن قريب لدائرة الشقفة

["أوريانة"]

صباح الخير ام معاذ
انا اللي نستلم المسك بحكم ان نهاد ماتقدرش تستلمو بالجمعة
ابعثيلي رقمو

ok barakaaho fik wsaha ftorkom all

[أم معاذ أم معاذ]

أختي سيما ملاك
سأجيبك و أرسل لك رقم الهاتف بعد أن تجيبني الأخت اللي عندها المسك
هي من تاكسانة

[أم معاذ أم معاذ]

ميار راني بعثتلك رقم الهاتف
ربي يسهل
و أختي It's me تقدري تعيطي من غدوة الصباح كيما قلتلك نورمالمون هذا المساء راهو روح للبرج
في إنتظار الأخبار

و إلى تعاملات أخرى

[صاحبة السمو الفكري]

الحمد لله الذي بنعمته تتم الصالحات

[أم معاذ أم معاذ]

هل استلمت المسك أختي It's me

["أوريانة"]

salam alikoum oum mouad ::el okht it's me wkila fel week end ma tedkhoulch lel mountada psk generalement tconécté fel khedma donc makan hata khbar aliha hata nhar lhad nchallah saha ftorek okhti

[أم معاذ أم معاذ]

ربي يسهل أختي
إن شاء الله تكون تسلماتو


ميار إذا عيطتي خبريني باه نطمن

[it's me]

تم استلام المسك شكرا
اسمحولي مادخلتش البارح الانترنت مقطوعة في الدار و مازال ما فتحوهالنا
ويييينك يا نهاد

[miss-khadij]

اختي تبيعي منتجات اوريفليم او فوريفر يعيشك ردي عليا

["أوريانة"]

تم استلام المسك شكرا
اسمحولي مادخلتش البارح الانترنت مقطوعة في الدار و مازال ما فتحوهالنا
ويييينك يا نهاد
ani hnaya wach c bon

[it's me]

ani hnaya wach c bon
غير طيشي علينا صباح الخير و من بعد نتفاهمو

[أم معاذ أم معاذ]

اختي تبيعي منتجات اوريفليم او فوريفر يعيشك ردي عليا


لالا أختي
أم هالة و شهرزاد هي المندوبة تاع أورفليم
اتصلي بيها

["أوريانة"]

kima thebi mai manich haba nzid nta3bek m3aya l'essentiel ana nakhdem goudam la clinique wida thebi netlagaw choufi lwakt li ysa3dek kima ana nkhales lkhedma a 14:30 wida habiti ana njik goulili bark win takhedmi wsahla

[it's me]

kima thebi mai manich haba nzid nta3bek m3aya l'essentiel ana nakhdem goudam la clinique wida thebi netlagaw choufi lwakt li ysa3dek kima ana nkhales lkhedma a 14:30 wida habiti ana njik goulili bark win takhedmi wsahla
معليش تعبك راحة انا نجيك بصح وينا كلينيك؟تع الولادة؟؟

[أم معاذ أم معاذ]

راني بعثتلك رقم الهاتف
موفقين بإذن الله

["أوريانة"]

baraka allaho fik

[it's me]

ربي يجازيك ام معاذ
وصلني الرقم
كي نخرج من الخدمة نعيطلك يا نهاذ الدايخة ههه

["أوريانة"]

Demain nchalah dac

[it's me]

ok see you

[maiar]

السلام عليكم ام معاذ حبيت نطمنك قبيل برك استلمت المسك بارك الله فيك و صح من بعد الفطور

[أم معاذ أم معاذ]

الحمد لله مبروك عليك
إلى تعاملات أخرى بإذن الله

["أوريانة"]

oum mouad rah wsalni lmesk wbaraka allahou fik wsaha ftorek

["أوريانة"]

ok see you

merci beaucoup c tres gentil de ta part saha ftorek

[أم معاذ أم معاذ]

oum mouad rah wsalni lmesk wbaraka allahou fik wsaha ftorek




و فيك بارك الله
أتمنى يكون عجبك

يسلمك و إنت زادا

و إلى تعاملات أخرى بإذن الله

[ليان نجمة البحر]

ana man mila whaba nachri wsaha ftourak

[أم معاذ أم معاذ]

ana man mila whaba nachri wsaha ftourak

للأسف أختي قلت لك سابقا لا أستطيع التوصيل لميلة
لكن بالنسبة لقسنطينة إذا حبيتي نبعثلك المسك و إنت وقت اللي تطلعي لقسنطينة تروحي تستلميه من عند الشخص هذا لأنو يسكن في قسنطينة

["أوريانة"]

و فيك بارك الله
أتمنى يكون عجبك

يسلمك و إنت زادا

و إلى تعاملات أخرى بإذن الله

ohhhhhh macha'a allah raw3a ya3tik saha

[ليان نجمة البحر]

asifa om mou3ad 3ala liZ3aj li ani haba nachri sah mais constantine haliyan fi ramdan sa3b 3liya

[أم معاذ أم معاذ]

أختي إنت تروحي لقسنطينة ؟
*ممكن نعرف السبب
يعني متى ممكن تروحي ؟

[sweet Giirl]

ابعتيلي الرقم

[it's me]

merci beaucoup c tres gentil de ta part saha ftorek
ya pa de koi ma chére

[أم معاذ أم معاذ]

ابعتيلي الرقم

ما قلتيليش قداه حابة من قارورة
خاطر الكمية راح تنتهي

[اميرة باحتشامي]

السلام عليكم

صح رمضانك كل عام وا نت بخير

اختي ممكن التوصيل لولاية خنشلة؟؟؟

[أم معاذ أم معاذ]

أختي لخنشلة كنت نقدر نوصل السمانة اللي فاتت
درك نزيد نسقسي و نردلك

[اميرة باحتشامي]

أختي لخنشلة كنت نقدر نوصل السمانة اللي فاتت
درك نزيد نسقسي و نردلك


ااااااه للأسف

في انتظار الرد

صح فطورك

[sweet Giirl]

ختي اليوم ساتصل باذن الله
راني حابة 4 قارورات
ممكن يعطيهولي غدا راح اعبث اخي

[أم معاذ أم معاذ]

أكيد أختي تقدري تعيطيلو في أي وقت
و الكمية راهي عندو
ربي يسهل

[أم معاذ أم معاذ]

المسك راهو في تيارت

[louna05]

اختي من فضلك انا تاني حابة 2 قارورات هل مازال موجود وادا ممكن التوصيل في باتنة ..اعطيني طريقة التواصل من فضلك

[أم معاذ أم معاذ]

اختي من فضلك انا تاني حابة 2 قارورات هل مازال موجود وادا ممكن التوصيل في باتنة ..اعطيني طريقة التواصل من فضلك


للأسف أختي باتنة كنت نقدر نبعثلها الأسبوع الماضي

الآن لا أستطيع

و نزيد نسأل إذا كاين إحتمال أو لا



لكن قسنطينة كاين إحتمال أنو نقدر نبعثلها

هل تستطيعين الاستلام هناك ؟

[louna05]

وين بالظبط في قسنطية؟

[أم معاذ أم معاذ]

الشخص هذا يسكن خارج قسنطينة
لكن يمكن يتنقل و سلم لأخت قبل في قسنطينة سونتر

[louna05]

مشكلتي يا أختي انو اتا حاليا بباتنة حتى بعد العيد ولأنو انتي قلتي لازم في وقت محدد خفت نضيع الفرصة..

[maiar]

ربي يعينك اختي ام معاذ بارك الله فيك

[أم معاذ أم معاذ]

بارك الله فيك ميار
أختي لونا
درك نسأل و نردلك بإذن الله زيدي طلي على الموضوع فقط درك تلقاي الإجابة إن شاء الله

[louna05]

انا انتظر فيك اختي جزاكي الله خيرا

[louna05]

لا زلت انتظر في ردك يا اختي ..جزاكي الله الف خير

[أم معاذ أم معاذ]

بنات اللي تقدر تستلم المسك في قسنطينة راهي كاينة فرصة أخرى
اللي حابة
تقولي باه نمدلها رقم CCp
غدوة لازم تفرسي الثمن

[أم معاذ أم معاذ]

بنات قسنطينة هاذي الفرصة الأخيرة

اللي نقدر نبعث فيها لقسنطينة

[sima malek]

السلام عليكم اختي ام معاد اريد منك ان ترديعل بخصوص المسك

[أم معاذ أم معاذ]

السلام عليكم اختي ام معاد اريد منك ان ترديعل بخصوص المسك

إن شاء الله نردلك هاذا المساء


قلتلك أنو من بلدية تابعة لتاكسانة هل هي قريبة منكم ؟

[louna05]

اختي من فضلك اعطيني طريقة للتواصل من أجل بعث النقود في حسابك البريدي

[أم معاذ أم معاذ]

أختي لونا راني بعثتلك رقم ccp

[louna05]

صح فطورك أختي من فضلك الرسالة اللي بعثتيها ما فيهاش رقم ccp أرجو منك ان تبعثيلي من جديد و شكرا

[sima malek]

صح فطورك اختي لا تاكسنة راهي بعيدة عليا ممكن نتلقاو في جيجل

[أم معاذ أم معاذ]

إيه إذا تتلقاو في جيجل سونتر أفضل أختي
تحبي نمدلك الرقم تاعها
و حقا البارك تاعكم وين جا في جيجل سونتر ؟

[karita16]

السلام عليكم
حبيت نبلغك عن وصاية الاخت nadine lamara اللي طلبت منك المسك


الاخت راهي استلمت المسك

و مع الاسف مش كمية كبيرة

في المرة الجاية رايحة تدي عليك كمية اخرى

[أم معاذ أم معاذ]

الحمد لله
مبارك عليها
و إن شاء الله مرة أخرى
كي تحب نزيد نبعثلها

[أم معاذ أم معاذ]

البنات راني سمعت باللي البريد ولو يخدمو بعد الإفطار
إذا صح ماذابيكم تفرسيو
باه ما نتعطلوش يوم الأحد ما نعرف وش تكون الظروف

[nadine lamara]

مممممممممممم و الله دارتها الاخت كاريتا هههههههههههه

غير قتلها المسك و ام معاذ باعتني هههههه

المهم كيما قاتلك هداك هو



بارك الله فيك

[أم معاذ أم معاذ]

وفيك بارك الله

[أم معاذ أم معاذ]

أختي sima malek
ما رديتيش ؟

[أم معاذ أم معاذ]

أين أنت Sima malek


البنات حبيت نفهم حاجة برك علاه بعد ما تدو رقم الهاتف ما تتصلوش ؟
ما فهمتهاش هاذي ؟

[أم معاذ أم معاذ]

المسك راهو في سطيف
الأخوات اللي طلبوه راني بعثتلكم رقم الهاتف

هل من طلبات أخرى في سطيف ؟

[أم معاذ أم معاذ]

صح عيدكم و تقبل الله منا و منكم


البنات اللي من بشار كاين أمل أني نوصللكم المسك
اللي مازالت حابة المسك تقولي ؟

[genet80]

ana min tizi ouzou es que kayen li ydji lahna

[ميساء ميساء]

.................................................. ................

[سهام1]

يا اختي انا من بشار الا كان ممكن يوصلني ربي يعطيك ما تتمناي غير قوليلي باه نفرسيلك و راه خاصني قارورتين

[أم معاذ أم معاذ]

ana min tizi ouzou es que kayen li ydji lahna
إيه أختي تيزي وزو نقدر نوصلك
قداه حابة ؟

[أم معاذ أم معاذ]

.................................................. ................



؟؟؟
أهلا بمرورك أختي

يا اختي انا من بشار الا كان ممكن يوصلني ربي يعطيك ما تتمناي غير قوليلي باه نفرسيلك و راه خاصني قارورتين

إيه لأحتي درك نتأكد و نخبرك بإذن الله

[أم معاذ أم معاذ]

السلام عليكم

في انتظار التأكيد أختي من تيزي وزو ؟

[أم معاذ أم معاذ]

أخواتي أستطيع الإرسال بالبريد لمن تريد
مع إضافة ثمن مصاريف الشحن

[genet80]

القارورة شحال تجي فيها و الحجم تاعها شكرا

[أم معاذ أم معاذ]

http://im27.gulfup.com/2012-06-12/1339495583392.jpg



http://im18.gulfup.com/2011-12-18/1324200974461.jpg

حجم القارورة ربع تولة عند السعوديين
و موضحة في الصورة

[أم معاذ أم معاذ]

http://im18.gulfup.com/2012-06-14/1339666343982.jpg

[أم معاذ أم معاذ]

رفع للفائدة
أسرعن بعد هذا الأسبوع بقي عندي 3 قارورات مش مواصيين عليها
و بعد هذا الأسبوع لن أستطيع إحضار كمية أخرى من عند صاحبة السمو
و تعلمون أنه بقي عندها 32 قارورة فقط
راح تنتهي الكمية في أي لحظة

[ميرثا]

موفقة ام معاد

[أم معاذ أم معاذ]

ربي يبارك فيك أختي ميرثا
و بالتوفيق لك أيضا

[أم معاذ أم معاذ]

أختي أميرة بإحتشامي أنتظر جوابك
فرسيتي أو لا ؟

[الملهمة]

لم اكن ادري ان المنتدى فيه بيع وشراء

[أم معاذ أم معاذ]

لم اكن ادري ان المنتدى فيه بيع وشراء




شكرا على رفع الموضوع

[سهام1]

يا اختي انا انتظر

[أم معاذ أم معاذ]

ممكن الإرسال إلى الأغواط يدا بيد

[اميرة باحتشامي]

السلام عليكم

اختي الكريمة راني فارسيتلك اليوم تقدري تروحي تيريهم 130 الف

[اميرة باحتشامي]

وينك اختي ام معاذ

في انتظار الرد

[أم معاذ أم معاذ]

أختي أميرة غدوة بإذن الله نشوف الكونت و نردلك الخبر

[أم معاذ أم معاذ]

الحمد لله وصل المسك لأختي لونا بالبريد خلال يومين فقط
لولاية قسنطينة
في انتظار رد الأخت شمس

[أم معاذ أم معاذ]

الآن عرض جديد للمسك
يمكننا التوصيل لكافة الولايات بإذن الله و مصاريف البريد من عندنا

أنظر العرض
http://www.djelfa.info/vb/showthread.php?t=1150178