أحسن هدية خطيب لخطيبته،

[mustapha_alg]

أختي ماهي أحسن هدية خطيب لخطيبته، في موسم العيد من غير الألبسة، أنتظر المساعدة في أقرب وقت

[سحر هبة الرحمان]

بــــــــــاقة ورد احسن هـــــــــــــدية على الاطــــــــــــــلاق44444444444444444444
هدا ان كانت غير مادية
والا............ ان شاء الله يفيدوك الاخوات

[mustapha_alg]

بــــــــــاقة ورد احسن هـــــــــــــدية على الاطــــــــــــــلاق44444444444444444444
هدا ان كانت غير مادية
والا............ ان شاء الله يفيدوك الاخوات

شكرا على الرد
خطيبتي أحبها كثيرا بحيث لا أستطيع مفارقتها٠ و قد أخذت لها باقتين من الورد:الأولى يوم الشوفة و الثانية يوم الخطبة وهاهو يوم العيد على الأبواب لا أدري ما أهديها٠ساعدوني أخواتي

[faty05]

أسأل خطيبتك ماذا تريد
انا لا اعرف ظروفك حتى نقولك وش تديلها
سقسيها هي خير
او تريد مفاجئتها؟

[سارة البوسعادية]

ماكانش احسن هديه
اذا تحب على ذوقك ادي خاتم شباب او اعطيلها دراهم وتختار وحدها الناس اذواق
بصح نقلك احسن هديه فيكسيلها لادات تاع العرس هههه

[رهام87]

انا عندي احسن هدية تهديها لخطيبتك مصحف وتقولها داوم على قراءة القرآن فيه ولك الاجر معها وتأكد بلي رايح تكبر في عينها بزاااااااااااف...وربي يوفق بينكم

[حضنية28]

السلام عليكم اداكان بمقدورك اديلها قرعة ريحة من النوع الرفيع وزيد معاها مصحف هكدا باه تحس بلي عندها قيمة عندك

[ديني حياتي]

كتاب القرآن
او كتاب عن امور المراة المسلمة ينفعها في الدنيا واللآخرة و هذا ما انصح به و الله

[mustapha_alg]

انا عندي احسن هدية تهديها لخطيبتك مصحف وتقولها داوم على قراءة القرآن فيه ولك الاجر معها وتأكد بلي رايح تكبر في عينها بزاااااااااااف...وربي يوفق بينكم


بالنسبة لهدية المصحف فالله يبارك لي فيها ختمت القرآن مرتين منذ بداية رمضان اي خلال 6 أيام ٠ولهذا ابحث عن هدية تكريما لهذا الخلق النبيل. ولهذا طرحت هذا السؤال على أخواتي لكي يخبرونني ماذا تحب الخطيبة كهدية من خطيبها.

[faty05]

إذن اشتري لها كتاب تحفة العروس

[هدى البوزيدية]

كتاب تحفة العروس مع قرعة ريحة
ربي يهنيكم ان شاء الله و يكمللكم و يخليكم لبعضاكم

[منارة الوفاء]

بالنسبة لهدية المصحف فالله يبارك لي فيها ختمت القرآن مرتين منذ بداية رمضان اي خلال 6 أيام ٠ولهذا ابحث عن هدية تكريما لهذا الخلق النبيل. ولهذا طرحت هذا السؤال على أخواتي لكي يخبرونني ماذا تحب الخطيبة كهدية من خطيبها.


ماشاء الله عليها حفظها الله لك وانشاء الله ربي يتمملكم فالخير
بالنسبة للهدية من رأيي إذا كان مدخولك لا باس عليه اديلها حاجة ذهب سنسلة ولا مقياس يعني انتا ومقدورك وذوقك في نفس الحين لأنو حاجة الذهب عندها قيمة وتبقى ولك حرية الإختيار
تقبل مروري يا أخي الكريم

[عُضو مُحترم]

خاتم ذهب

يسوى 17000دينار

يعني مليون و سبع ميات ألف
======

اخطيك من المثاليات و الرومانسيات

صح فطروكم و ربي يبارك لك في زواج

[soso sirin]

يا لبنات باغيين توخذو الراجل الذهب راه غالي بزاف . شريلها قرعة بارفا تكون شابة بزاف . و ديجا اذا في عاداتكم لازم تدولها في العيد امالا لازم تشريلها الكسوة تاع العيد و انت سقسيها و شوف واش تقلك و اذا ماشي في عاداتكم شريلها قرعة بارفان و الورد لانو اصلا مايتملش منو .و كيما قالت سارة احسن كادو هو انك تحدد نهار العرس و يكون قريب و ربي يهنيكم ان شاء الله

[like a bird]

احسن ما يهدئ للمراة بعد كتاب الله هو صدقك و وفاءك لها فان كنت تري انها تستحق شيئ ماديا يدل علي قيمتها عندك اشتري لهاقدر مستطاعك المهم تكون من قلبك و تحس بيها c le plus important

[amina.22]

بارك الله فيك

[boudellioua]

يا أخي ما تهديلها والو خبي دراهمك تحتاجهم الحب نتاع الصح بعد الزواج

[طيبة نفس]

نتا حبيت تكافأها يعني حاجة رمزية ديلها دبدوب ولا كانش اكسسوار ولا حاجة نتاع فضة ونتا والذوق نتاعك ربي يكملكم بالخير

[hayet04]

اديلها سنسلة الموتيف نتاعها اول حرف من اسمك سنسلة رقيقة تلبسها ديما و الله يرزقني بزوج يخمم غليا هكدا اميييييييييييييييييييييين

[سوسو92]

الله يبارك لكما ويجمع بينكما في الاخير
خويا اهدي ليها خاتم فضة شباب

[mustapha_alg]

شكرا جزيلا لكل الاخوات المشاركات

[teacher60015]

لا اله الا انت سبحانك اني كنت من الظالمين
رمضان كريم

[صُبح الأندلس]

المبالغة في تقديم الهدايا يفقدها نكهتها و نصيحة يا أخي لا تعودها على كثرة الهدايا في مناسبة و من غير مناسبة حتى لا تنتظرها منك بعد الزواج وتبدأ تقارن و ربما ظنت أنك لم تعد تحبها و غير ذلك
و إن كان ولا بد فزجاجة عطر ثمنها يكون معقولا

[mustapha_alg]

المبالغة في تقديم الهدايا يفقدها نكهتها و نصيحة يا أخي لا تعودها على كثرة الهدايا في مناسبة و من غير مناسبة حتى لا تنتظرها منك بعد الزواج وتبدأ تقارن و ربما ظنت أنك لم تعد تحبها و غير ذلك
و إن كان ولا بد فزجاجة عطر ثمنها يكون معقولا


شكرا الأخت إعتماد ، ماتشيرين به في عين الصواب ،طلبت هذه المشورة منكن لايجاد هدية هي الأولى لي لها و أريدها أن تصل إلى القلب لأنه كما قلت أول إختبار . و أنا في نظري أن الرجل دائما يعتمد السلم التصاعدي في نظر زوجته . بعض الأخوات أشرنا إلى خاتم من ذهب و تلك هي أحسن هدية لكنها مكلفة أحيانا كأنك رايح تعاود الخطبة. ولذلك اود أن تشرن علي بهدية غير اللباس ومعقولة والأهم أن تصل إلى القلب

[هدى البوزيدية]

شكرا الأخت إعتماد ، ماتشيرين به في عين الصواب ،طلبت هذه المشورة منكن لايجاد هدية هي الأولى لي لها و أريدها أن تصل إلى القلب لأنه كما قلت أول إختبار . و أنا في نظري أن الرجل دائما يعتمد السلم التصاعدي في نظر زوجته . بعض الأخوات أشرنا إلى خاتم من ذهب و تلك هي أحسن هدية لكنها مكلفة أحيانا كأنك رايح تعاود الخطبة. ولذلك اود أن تشرن علي بهدية غير اللباس ومعقولة والأهم أن تصل إلى القلب



قلنا كتاب تحفة العروس مع قارورة عطر

[محمد المعسكري]

كل انسان واش يحب .....هدية لام الخطيبة بلاك تعجبها

[biti]

الفضة حلي اهل الجنة

[hana maria]

انا فى رابى سلسلة دهب و فيها موتيف و ربى يهنيكم