للي سجلو في قسنطينة 3 اليوم [الأرشيف] - منتديات الجلفة لكل الجزائريين و العرب

طيف الأمنيات

2012-07-26, 12:20

صباح الخير جميعا نشا الله ماشي غالبكم رمضان موضوعي موجه للاعضاء اللي سجلو اليوم في جامعة قسنطينة 3 لوكان يعطونا معلومات على الحالة كيفاش ....ونرحب بجميع المداخلات واللي يحب يطرح اسئلة خلاف يتفضل .. ارجو الا تبخلو علينا بالمعلومة خاطر انا نهار السبت نسجل ان شا ء الله ...........اليكم الخط ..

(( ريتاج مكة ))

2012-07-26, 12:38

انا لست في المجال الطبي لكن تم توجيهي هندسة معمارية في قسنطينة 3

ارجو الافادة اين يتم التسجيل وتعيشوا لي راحو وسقساو يقولولنا ؟؟

SaRoo

2012-07-26, 13:06

صبااح النوور .. أنت من جيجل تاانى إذا مش غالطة ؟؟

مام أنا يوم السبت إن شاء الله نرووح .. حابة نسأل تاع الطب وين يسجلوو (( سمعت باللى فالشالى .. صح ؟؟ ))

و اللى سجلو دفعولهم كامل الملفات (( منحة ، إيواء و نقل )) ؟؟

و شكرا ..

طيف الأمنيات

2012-07-26, 13:08

شرفتيني اختي ريتاج ..........في انتظار الردود

طيف الأمنيات

2012-07-26, 13:24

اهلا صباح النور ساروو نعم صحيح انا من جيجل ..صح قالولي بلي فالشالي وعلى الوثائق نستناو الردود ..نتمنى نتلاقاو نهار السبت ..ادا منسيتش انتي اللي سقسيتي غلى الكتب تاع الطب نقولك واش عطاوني ...ولا كتاب عن موضوع علمي : مدكرات العقيد الزبيري .اطلس نفسو تاع العام اللي فات .مصحف .4 تاع القواميس اسباني وانجليزي ومانيش عارفة ...هه اختي بانتلي بلي نعرفك

الدكتور سام

2012-07-26, 13:31

بالنسبة للطب و الصيدلة و جراحة الاسنان.عادة تكون في الشالي.اما ملف المنحة و الايواء لا ادري.ربما في الجامعة المركزية
الوثائق راكم تلقاوها ف الدليل.اي استفسار اني هنا

طيف الأمنيات

2012-07-26, 15:17

ولالالالالالالالالالالالالالالالالالالالالا احد من سجل يفيدنا اين انتم

طيف الأمنيات

2012-07-26, 15:23

ولالالالالالالالالالالالالالالالالالالااحد سجل؟؟!!!!!!!!!!!

maymay

2012-07-26, 15:37

سلام لبنات...راكم بيان؟

اليووم يا لبنات راهم يسجلو في الشالي...و الغاشي بزاف..ناس راحت الصباح ولدرك مازالو ما كملوش..

بالطبع راح تسجلو كلش لتم،اقامة منحة و نقل..كلش..

SaRoo

2012-07-26, 17:41

انا حابة نعرف اذا كان التهد تاع الطالب و تاع والى الامر لازم ندووه ولا لالا ؟؟

و الغاشى و السخانة ... ربى يكوون فى العووون :(

S.Djalel

2012-07-26, 21:12

السلام عليكم .. ليوم سجلت طب (أول واحد وصل للشالي هههههههه) على 6 تاع الصباح .. بعد 10 دقايق كثر الغاشي بدت التسجيلات على 6 ونص يعني بكري .. أنا بديت على 6 ونص وكملت على 12 الغاشي يااااااااااااااااااااااااااااااااااااااااااااااااا ااااسر والفوضى كبيرة والتنظيم ماعجبنيش .. في الشالي تروح المرة الأولى تعمر الاستمارات والتعهد الشرفي .. وامبعد تخلص 20000 وامبعد يفيريفولك الدوسي تاعك وامبعدتكمل اتسجيلات المهم من بلاصة لبلاصة يعطوك كارت ديتيديون وشهادة التسجيل وفي المدرجات الاخرى تكملوا بطاقة الشفاء والمنحة والإيواء وتروحوا .. سلام

منار الحق

2012-07-26, 21:40

أولا صح فطوركم :d

أنا سجلت اليوم في جامعة قسنطينة فالشالي،،

كان الغاشي بزاف باسك أول يوم (ندمت كي رحت)

المهم حنا وصلنا على 10 وكملنا على 4.30 تاع العشية

كل مرة في بلاصة

فالأول نعمرة الاستمارات والتصريح الشرفي ويكتبلك الرقم على الظرف مبعد تروحي لقاعة الانترنت تخلصي 200 دج ومبعد تروحي يكملو يفرزولك الدوسي وتخرجي تروحي للادارة لثم تكملي ويعطيوك بطاقات التسجيل

تقدري في نهار واحد تزيدي تكملي كل الملفات (بطاقة الشفاء+الايواء+المنحة...)

أنا فضلت نخليهم لنهار السبت :)

SaRoo

2012-07-26, 21:41

و عليك السلام و رحمة الله تعالى و بركاته ... صحاا فطوورك
مبرووك علييك أخى كملت التسجيلات .. حبيت نسقسيك التعهدات ما طلبوهمش منك ؟؟
و بطاقة الشفااء هذيييك واش لازملها ؟؟؟؟

منار الحق

2012-07-26, 22:38

و عليك السلام و رحمة الله تعالى و بركاته ... صحاا فطوورك
مبرووك علييك أخى كملت التسجيلات .. حبيت نسقسيك التعهدات ما طلبوهمش منك ؟؟
و بطاقة الشفااء هذيييك واش لازملها ؟؟؟؟

التعهدات يعطيوك ورقة واجدة وأنتِ تعمريها

لوازم بطاقة الشفاء 4 صور + شهادة ميلاد

SaRoo

2012-07-26, 23:36

شكراا لك أختى منار الحق ..

كاين الأورااق اللى لازم تيقاليزيهم تماا ؟

S.Djalel

2012-07-27, 12:19

و عليك السلام و رحمة الله تعالى و بركاته ... صحاا فطوورك
مبرووك علييك أخى كملت التسجيلات .. حبيت نسقسيك التعهدات ما طلبوهمش منك ؟؟
و بطاقة الشفااء هذيييك واش لازملها ؟؟؟؟

التعهدات تلقوها عندهم ومايحتاجوش تقاليزوها .. غير تعمروها سيتو .. أنا حكمو من عندي تعهد الولي باستخلاص المصالح المالية كنت ديتها معايا شريتها من المكتبة وقاليزيتها .. بصح ناس اللي ماجبتش عادي ماش مهمة .. بصح كثروووووووووا من التصاور تحتاجوا أونجينيرال 19 صورة وكثرووووووا من شهادات الميلاد والأظرفة البريدية والتنابر ..
بطاقة الشفاء سااااااهلة يعطوك استمارة تعمريها لثم وتعطيهم شهادة ميلاد12 و 4 صور الخلفية بيضاء ..
ربي يسهل للجميع

ملاك الامل

2012-07-27, 13:15

انا ماعمرت حتا استمارة فرد وحدة زرقة فرات هذي هية لي تقصدي بها

ملاك الامل

2012-07-27, 13:24

التعهدات ما طلبوهمش خلاص مني

طيف الأمنيات

2012-07-27, 13:27

شكراااااااااا جزيلا للجميع .... اخي s.djalal طلبو عليكم شهادة عدم العمل للطالب ولا لالا

nada05

2012-07-27, 13:34

wina blassa dertou chifa

منار الحق

2012-07-27, 14:59

شكراا لك أختى منار الحق ..

كاين الأورااق اللى لازم تيقاليزيهم تماا ؟

العفو،،
لالا ماكانش أنا كنت نضن التعهدات لازم نقاليزيوهم وعلى هذا ستنينا الملحق يحل الصباح عليها طولنا والأخير لقينا التعهدات واجدين وعطاونا غير نعمرو :)

منار الحق

2012-07-27, 15:00

wina blassa dertou chifa

لتم فالشالي مي مانيش شافية وينا مدرج بالضبط
ماتخافيش سقسي برك ذرك يوجهوك :)

S.Djalel

2012-07-27, 15:14

شكراااااااااا جزيلا للجميع .... اخي s.djalal طلبو عليكم شهادة عدم العمل للطالب ولا لالا

لا أختي طيف الأمنيات .. ماكانش الورقة هاذي وحتى جدول الضرائب الخاص بيك مايسحقوهاش ..:19:

lulajijlia

2012-07-27, 16:43

السلام عليكم انا سجلت البارح واش نحكي واش نخلي النظام مكانش والغاشي بزافففففففففففففففف وبالنسبة للتسجيل انا سجلت وديرت المنحة ومزال مديرت طلب الاقامة بلاك نروح يوم الاحد انشاء الله ربي يوفق ويرحمنا في رمضان

rosemary

2012-07-27, 18:55

طيف الأمنيات

2012-07-27, 19:11

rosemary تعيشي حطيلي قائمة بكل الاوراق اللي دفعتيها وسامحيني عذبتك معي صح فطورك

طيف الأمنيات

2012-07-27, 19:36

لا أختي طيف الأمنيات .. ماكانش الورقة هاذي وحتى جدول الضرائب الخاص بيك مايسحقوهاش ..:19:
شكراااااااااااا ماتعرفش شحال عاونتني

S.Djalel

2012-07-28, 00:14

مالا كامل شفنا بعضانا لثم .. كانعلابالي هاكا راني عيطتت وينكم يا جماعة الجلفة ههههههههه .. المهم الحمد لله للي كمل وربي يسهل اللي مازال