اليوم سجلت

[aminahassiba]

مرحبا انا اليوم سجلت او اعطاتني وصل بلي دفعت الملف او قاتلي غدوة روحي جيبي اوراقك

علا جال اليوم لي بعاد

او غدوة نروح نجيب بطاقة الطالب او شهادة مدرسية

[alg 16]

واش هي الوثائق
من فضلك بالتفصيل

[lamine.hse]

إذا سجلتي في الكلية فما زالك النقل و الإبواء يكون في الإقامة.....و كذلك المنحة في مديرية الخدمات........



بالتوفيق.............

[shadow159]

نعم الوثــائق بالتفصيتـل الممل + في اي جامعــة سجلــت

[ҳhamzaҳ]

اختي ممكن تشرحينا كيفاه تمت العميلية زائد كاش اوراق جدد

[Sun girl]

يا ختي قولينا الاوراق اللي طلبولك

[aminahassiba]

الاول يطلب منك تخلص 200 دج او مبعد تروح تحط الملف ديالك المتكون من
ورقة التوجيه
كشف النقاط الاصلي
شهادة ميلاد رقم 12
6 صور تكتب اسمك او لقبك على خلف الصورة
او هوما يمدولك 3 اوراق تعمرهم فيهم اسمك العنوان تاريخ الميلاد حاجة بسيطة

او مبعد اعطاتلي ورقة صغيرة بلي راني حطيت الدوسي او قاتلي غدوة ارواحي تدي واش خصك مي كاين لي قالولي قالونا على ساعة ولو نمدوهالكم ماعليش غدوة نزيد نولي

[aminahassiba]

انا علوم سياسية بومرداس

او ما نحكيلكومش على الغاشي او تطباع او الهم او سخانة او التعب ربي معاكم او خلي لي جاو من بعيد

[bleu flower]

حنا قالولنا سجلو في الموقع تاع الإنترنت تاع الجامعة

وأنا معرفتش وش ندير دخلت فيه ملقيت والو وأنت قالولك أم لا

[aminahassiba]

لا لا ما قالوناش
حنا كلشي على المباشر التسجيلات عبر الانترنت خويا خالصت

[مغلوب على أمره]

الاخت الكريمة

هل يلزم الحضور الشخصي للمسجل او يمكن واحد يسجل في مكاني ؟؟

[bleu flower]

إحنا قالولنا كاين موقع تاع الجامعة في النت سجلو فيه وجيبو ورقة تاع التسجيل وأرواحو تكملو التسجيل
الغاشي بزاف والسيبار تاعهم صغيروالشمس تحرق رحت روحت قلت نسجل في الدار خير بصح مفهمت فيها والو

[aminahassiba]

الاخت الكريمة

هل يلزم الحضور الشخصي للمسجل او يمكن واحد يسجل في مكاني ؟؟


كين الامضاء ختي لازم تروحي انت

[aminahassiba]

إحنا قالولنا كاين موقع تاع الجامعة في النت سجلو فيه وجيبو ورقة تاع التسجيل وأرواحو تكملو التسجيل
الغاشي بزاف والسيبار تاعهم صغيروالشمس تحرق رحت روحت قلت نسجل في الدار خير بصح مفهمت فيها والو


حنا جامعة كبيرة الله يبارك او عندهم الامكانيات و لكن ما طلبوش منا هاد الطلب غير الاوراق او تعمرهم تما قدامهم هادي تاع الانترنت سمعتها غي عندك زيد اشقى او تا كد او قولهم يفهموك

[la jolie]

مام انا هاداوين فريتها

[اميرة الجلفة17]

السلام عليكم جماعةانا مازال ماسجلتش وقلت خلي نهار السبت يكون ماكنش الغاشي ياسر

[aminahassiba]

مام انا هاداوين فريتها


مبروك عليك ما عليش تقولي واش مدولك غي بطاقة الطالب او شهادة مدرسية

او المنحة او النقل هادوا كيفاش نديروا معاهم

[اميرة الجلفة17]

انتوما دفعتو التسجيل النهائي برك ولا مام لي دوسي كيما السكن والمنحة والضمان الاجتماعي

[aminahassiba]

لا لا المنحة او النقل ما زال

[مغلوب على أمره]

كين الامضاء ختي لازم تروحي انت
انااااااااااا أخخخخخخخخخخ وليس أختتتتتتت

الامضاء مش مشكل...حبيت نعرف برك...هل هناك تعليمة تجبر الحضور الشخصي أم لا ؟

بارك الله فيك على المسااااعدة

[safou safia]

إحنا قالولنا كاين موقع تاع الجامعة في النت سجلو فيه وجيبو ورقة تاع التسجيل وأرواحو تكملو التسجيل
الغاشي بزاف والسيبار تاعهم صغيروالشمس تحرق رحت روحت قلت نسجل في الدار خير بصح مفهمت فيها والو
akheti wanadi jami3a sejjilti fiha psk ena fi annaba marouhtch lyum mais sma3t belli tasjil ba3da par internet ila ta3arfi cite ba3tihouli okiiii et mercii

[amira saida]

الجماعة ارخوكم خبرونا الوثائق اللازمة حنا رانا بعاد اللي سجل يدير فينا مزية ويخبرنا وقولولنا كيدايرا الاجواء
صح فطوركم والسلام عليكم

[SaRoo]

اللى يسجلوو يقولونا إذا طلبوا منهم التعهد تاع عدم التسجيل فى الجامعة بباكالوريا ثانية .. و تاع التعهد بدفع الاضرار ( تاع ملف الايوااء ))

و هل دفعتوو كل شى مع بعض .. ملف الايواء و النقل و المنحة ؟؟

[AMINA ORANAIS]

انا اليوم سجلت ودفعت 200دج
والوثائق المطلوبة
ولكن وثائق المنحة la bourse مدفعتهمش
الله يخليكم فهموني

[غريبة في هذا الزمان]

wa milaf al ikama kadalik?

[well known]

fahmouna svvvvvvvvvvp :( rbi yhfadkom

[bleu flower]

akheti wanadi jami3a sejjilti fiha psk ena fi annaba marouhtch lyum mais sma3t belli tasjil ba3da par internet ila ta3arfi cite ba3tihouli okiiii et mercii


في عنابة لازم تسجلي في الإنترنت السيت معنديش رحت السيبار هو دارلي كلش ضيعت صباح كامل خاطر ميفتحوش بكري وفالدار معرفتش كيما رجعت للجامعة لقيت الغاشي ملحقنيش الوقت إنت سجلي في النت وروحي وربي يسهل

[ليندا ب]

أنا على حساب ماراني نشوف فالمشاركات نتاع الاعضاء راه كل ولاية وكيفاه تسجل
حنا في بلعباس اليوم مطلبوش منا اوراق بزاف و لا حتى تسجيلات على النت
بقينا نمدولهم فالاوراق و هوما يتكلفو بكامل الإجراءات
بالتوفيق للجميع
صح فطوركم

[حسام جسيل]

خلال مرحلة التسجيل الجامعي تفتح شبابيك خاصة بالخدمات الجامعية إلى جانب شبابيك التسجيل البيداغوجي، تتولى استلام ملفات الطلبة الخاصة بالخدمات الجامعية (الإيواء، المنح، النقل،....)

يسهر الديوان الوطني للخدمات الجامعية عبر شبكته الوطنية من مديريات الخدمات الجامعية وإقامات جامعية على توفير الجو الملائم للطالب من خلال توفير مجموعة من الخدمات:


[ الإيواء:
يتم قبول الطلبة في الإقامات الجامعية في حدود قدرات الاستقبال المتاحة حسب كل مدينة جامعية كما أنه لا يستفيد من الإيواء إلا الطلبة القاطنين على بعد 50 كلم فأكثر بالنسبة للذكور عن مقر تسجيلهم البيداغوجي و30 كلم فما فوق بالنسبة للإناث، مع استثناء للمناطق ذات الطبيعة الجغرافية الصعبة.
=_ملف الإيواء:
1 – استمارة المعلومات تسلم من طرف الإدارة
2 – نسخة من شهادة البكالوريا
3 – نسخة من شهادة التسجيل
4 – شهادة ميلاد
5 – شهادتان طبيتان (عامة وصدرية)
6 – 4 أظرفه باسم وعنوان الطالب
7 – أربع (04) صور شمسية
8 – شهادة الإقامة


[] الإطعام:
يمكن لكل طالب مقيم أو خارجي أن يستفيد من وجبة بالمطعم الجامعي شرط استظهار بطاقة الطالب أو المقيم. المطاعم الجامعية موزعة على مؤسسات التعليم العالي والإقامات الجامعية .

[ النقل:
يعتبر النقل الجامعي من المهام الملقاة على عاتق الديوان الوطني للخدمات الجامعية، وهو مضمون لكل الطلبة بين الإقامات الجامعية ومؤسسات التعليم العالي، مقابل دفع اشتراك سنوي رمزي.

[النشاطات العلمية، الثقافية والرياضية:
تتوفر الإقامات الجامعية على الهياكل والوسائل والإمكانيات الضرورية لإنشاء النوادي والجمعيات لممارسة النشاطات العلمية، الثقافية والرياضية، كما تم وضع مكتبات، قاعات للمطالعة وقاعات للانترنت مجانا تحت تصرف الطلبة المقيمين.

[ الوقاية الصحية:
تتوفر الإقامات الجامعية على الهياكل والوسائل الصحية الضرورية من أجل حماية ووقاية الطلبة المقيمين من جميع الأخطار الصحية.

[ المنحة:
يستفيد كل طالب مسجل في إحدى شعب التعليم العالي من منحة جامعية طيلة فترة دراسته قيمتها 4050 دج أو3600 دج أو2700 دج حسب المداخيل السنوية للأولياء تدفع كل ثلاثة أشهر.
[ ملف المنحة:
1 - استمارة المعلومات تسلم من طرف الإدارة
2 - نسخة من شهادة البكالوريا
3 - نسخة من الشهادة المدرسية للسنة الجامعية الحالية
4 - شهادة الميلاد
5 - شهادة الجنسية بالنسبة للطالب أو الأبوين المولودين بالخارج
6 - ظرفان بريديان باسم وعنوان الطالب
7 - صورتان شمسيتان
8 - صك مشطوب لحساب البريد الجاري للطالب
9 - كشف مدا خيل الأبوين
بالنسبة لـ:
• الأولياء الأجراء
• كشف الراتب السنوي
• شهادة عدم الخضوع للضريبة
• المتقاعدون
• كشف المعاشات
• شهادة عدم الخضوع للضريبة
•</SPAN> التجار و الحرفيين
• شهادة مدا خيل التجار من مصلحة الضرائب
• شهادة عدم الخضوع للضريبة صافي من الديون
• غير الأجراء و العاطلين عن العمل
• شهادة عدم العمل تستخرج من البلدية
• شهادة عدم الخضوع للضريبة
• المتوفون أو المطلقون
• شهادة الوفاة للأولياء المتوفون
• شهادة تثبت الحكم القضائي الخاصة بالأولياء المطلقين

لغرض الحصول على معلومات إضافية يضع الديوان تحت تصرفكم الأرقام التالية : ] تحميل (http://www.mesrs.dz/bac2011/documents/ONOU/Tel%20ONOU.pdf)




وثاني كاين الملف الاجتماعي راهو باين

[souhilasky]

كين الامضاء ختي لازم تروحي انت
على اي ورقة نمضو؟؟

[ليندا ب]

حنا مطلبونا اي امضاء

[souhilasky]

السلام عليكم جماعةانا مازال ماسجلتش وقلت خلي نهار السبت يكون ماكنش الغاشي ياسر
الجزايريين قاع يخمو كيف كيف...زدم برك

[ليندا ب]

الجزايريين قاع يخمو كيف كيف...زدم برك

ههههههههههههههههه

[wargla]

السلام عليكم اشكون لي سجل في جامعة ورقلة اختصاص اقتصاد