مانيش فاهمة

[مشكلتي]

سلام. انا فتاة مخطوبة وراني امفتح عرسي ابقالو شهر ونص. خطيبي عندو شهر ملي دار 061 . انتوما واش ايجي فب بالكم كي قلتلكم عندو 061 معناها يهدر امعايا 24 سا.بصح العكس وما اعلاباليش اعلاه دارها ماشي دايرني بريفيري يهدر امعايا ب8سا ماديهملو باطل . ودرك ابقاولو 2سا.كل مرة انقولو ديرني بريفيري يقولي من بعد ولا معنديش الوقت
متقولوليش ميحبش يهدر لاخاطر كي انعيتلو انا ميحبش ايخليني انكوبي.
صصصصصصصصصصصصصصصصصصصصصصصح افطوركم

[المحبُّ لأهل السُّنة]

السّلام عليكم ورحمة الله وبركاته
بارك الله لكما وبارك عليكما وجمع بينكما في خير

أنصحك أختي أن تجتهدي في تعلّم جميع ما يخصّ
حياتكما الزّوجيّة من الأحكام الشّرعيّة والآداب والأخلاق والمعاملات وتربية الأولاد
كما يستحبّ لك أختي الكريمة أن تتعلّمي طرائق التّعامل مع الخلافات الزّوجية
حتّى تحسني إدارتها بطريقة ترضي الله تعالى ورسوله صلّى الله عليه وسلّم
حتّى تكون حياتكما على بصيرة من الأمر
فبذا تصحّ الحيّاة وتصفو مما يكدّرها من المشكلات وتملأ سعادة وهناءً بإذن الله تعالى.

أمّا قضية الهاتف ما الهاتف فأرجو أن لا تلقي لها بالا
وتحاولي تفهّم حاله فلربّما اقتنى الشريحة لطبيعة عمله أو ما شابه
والله الموفق.

[Roumaissa Yah]

إن بعض الظن إثمـ
وهذا زوجك ويجب أن تحسني الظن به وتلتمسي له مئة عذر ولا تدعي شيئا يزعزع الثقة بينكمآ
وكما قال الأخ الأولى أن تهتمي بأمور أكثر أهمية وأكثر إفادة لك في حياتك المستقبلية

[*سلامة*]

تعرفي نورمالمو تفرحي ، صدقيني اختي التلفون تاع مشاكل خاصة مابين المخطوبين ، يكرهلك حياتك لو تهدري معاه وراح يدخل الشيطان بيناتكم وتولو في مشاكل

هكذا خير

[**هبة الله**]

السلام عليكم


والله اختي الفاضلة البورطابل واش يجيب غير المشاكل


والله انت هناك كي منقص التكلام


نحلك تكسار ووجع الراس


تخيلي والله انا ضد المكالمات بين الخطبين فترة الخطوبة


وشوفي الشرع واش يقلك لازم كي نحب ندير حاجة لازم


نشوف ياترى ربي راضي عي ولا لا


ماش نرضي البشر ونخلي مولانا

ممكن هو مايحبش التكلام او لحاجة في ينفس يعقوب يعلمها ملتزم




خليه يتوحشك خير ويزيد حبو ليك كي متكلميهش خلاص



كاين بنات مساكن كارهين من هذا الشيئ



غي راهم يؤدو

[kemis]

الهاتف النقال يجيب غير المشاكل و البلاء و دعاوي الشررررررررررررررررررر

[صُبح الأندلس]

فقط كمحلاظة لمن قال هو طبعه لا يحب أن يتكلم كثيرا أو ملتزم
لقد قالت لكم عندما تتصل به لا يتركها تقطع المكالمة يعني عندما تتكلم على حسابها وعندما تطلب منه أن يتكلم على حسابه ( مع أن الرقم المفضل مجاني )يؤجل
و على كل حال أختي هذا خطيبك و أنت أدرى به و بأحواله وتصرفاته ولا يمكن أن نحكم عليه من بعيد

[hamsa1987]

الله اعلم لكن أنا واحدة كيفك يدخلني الشك علاش حتى ما يديركش بريفيري ؟؟؟؟ شكون داير مالا ؟؟؟ لازم تسقسيه و نفهمي عليه باش تحطي النقاط على الحروف
و قاصني يخي درك ولاو 4 نوامر بريفيري ؟؟؟
و كيما يقولو ان بعض الظن لثم

[محمد جديدي التبسي]

ماكش فاهمة اسأليه يفهمك علاش وانتهى الموضوع
كوني صريحة وربي يوفقكم لكل خير

[*سلامة*]

الله اعلم لكن أنا واحدة كيفك يدخلني الشك علاش حتى ما يدسركش بريفيري ؟؟؟؟ شكون داير مالا ؟؟؟ لازم تسقسيه و نفهمي عليه باش تحطي النقاط على الحروف
و قاصني يخي درك ولاو 4 نوامر بريفيري ؟؟؟
و كيما يقولو ان بعض الظن لثم

هذا كله اومبعد تقوليلها ان بعض الظن اثم !!!!!!!!!!!!!!!!!!!!!!!!!!!!!!!!!!! ههه راكي فكرتيها حتى بالامور الي ماكانوش في بالها :1::1::1:

[عميروش الحر]

24 ساعة تع هدرة ههههههههه ياااااو
انا لوكان نهدر 10 دقايق نمل
ربي يفرج وإن شاء الله كل 5ثواني يعيطلك
وبالبراكة عليكم

[الدكتور شهاب الدين]

أنا مع الأخ المحبُّ لأهل السُّنة.
مشكور صديقي ....

[أم محمد و آيه]

الهدرة في موبيل تجيب دواس ..راكي مليحة هكا ..

واحمدي ربي

[سفير الأيام]

اختي اتنت واش حابة غادي يجيك من الهاتف النقال والحكايات اليومية

كلام رومانسي نقولوااا نهار يومين لكن هدا الشي عنده كامل حياتكم ولوكان دايرة الهاتف غادي تكوني فرحانة كي يحكي معاك راكي غالطة سمحيلي

غادي ترجع في القيل والقال

ولقيتك مبلعه ولا تحكي


هدا من ابواب الشيطان توكلي على ربي وراكي قريب تكوني عنده في الدار بالبركة عليكم وتكلمي معاه طول حياتك

[أم عبد النور]

الله اعلم لكن أنا واحدة كيفك يدخلني الشك علاش حتى ما يديركش بريفيري ؟؟؟؟ شكون داير مالا ؟؟؟ لازم تسقسيه و نفهمي عليه باش تحطي النقاط على الحروف
و قاصني يخي درك ولاو 4 نوامر بريفيري ؟؟؟
و كيما يقولو ان بعض الظن لثم


والله يا أختي ريحي بالك وما دخليش وساوس الشيطانية

تعكر صفو حياتك مستقبلية وحنا النساء كي يدخل الشك

خلاص نبدو غير نتحسو وانت مزلتي مخطوبة خطيك من

كلام الهاتف أو قلي منه وعلاش مدركش بريفيري .ممكن مأجلها

وأنا من نساء لي زوجي عندو 061 ومديرنيش بريفيري

كي نحتاجه أنا نعيطله و مشي مشكل كلش خارج من جيبه ههه

توكلي على ربي وخطيك من تكبير مواضيع واهتمي أكثر كيف

تسعديه وتكونين أسرة سعيدة باذن الله ربي يوفقك

[رُوحْ أُنْثَىَ]

هكدا راكي في نعمة

تبقاي عزيزة

وديما متوحشك
خير ملي تملي منو و يمل منك

ويدخل الشك انو هذا هو المناسب والا لالا

وبزاااف حوايج

اخطيك من كثرة الهاتف وما اتبعي لبنات انتاع الوقت

سقسيهم راح يجاوبوك رانا كرهنا من خطبان انتاوعنا

وربي يهنيك وايريح بالك

[dolph05]

السلام عليكم رمضان كريم
اختاه هذه المشاكل تحل بينك وبينه لماذا طرحتها هنا
لتزداد معاناتك؟؟؟
المهم لا تقلقي بعد 45 يوم سيكون بينكم كلام طول العمر حتى ستملون من الكلام
يجب التفكير فيما هو اهم من الكلام الا وهو الفعل
كيف ستكون حياتكما بعد الزواج
اولا رضى الرب
ثم رضى الوالدين
ثم رضاكما عن نفسيكما
وكما قال الإخوة الفاضل الهاتف يجيب غير المشاكل
قولي الحمد لله الذي عافاني مما ابتلاكم به ههههه
السلام عليكم

[nouna l maghbouna]

نورمال ختي اي جايا ليام و تكرهي من الهدرة معاه هاذو هوما الرجال اصبري برك

[kenda.liza]

الاخوات فبلي ما قصرو...ربي يوفقكم خيتي

[hassendz]

نورمال ختي اي جايا ليام و تكرهي من الهدرة معاه هاذو هوما الرجال اصبري برك

وشنو هادي هادو هوما الرجال
يعني الرجال خداعين؟؟؟ اذا خدعوك انت علاش جربتيهم كامل :confused:
يخي حالة يخي:mad:

[imi02i]

اإبنة أختي فسخت خطوبتها بسبب الهاتف
ورغم المحاولات المتكررة في إصلاح الأمور إلا أنه كل شيء باء بالفشل
فكري في ماهو أهم ....