هل يؤثر مزاجك السيء على تعاملك مع الآخرين ؟

[SOUSOU. DZ]

السلام عليكم

http://a6.sphotos.ak.fbcdn.net/hphotos-ak-ash4/s320x320/405112_3958520801790_245341737_n.jpg

كتير منا يمر باوقات يكون مزاجو غير مظبوط وليوم حبيت نشوف لما تكون زعفان

هل يؤثر مزاجك السيء على تعاملك مع الآخرين ؟ وإلى أي مدى ؟

أعط نفسك درجة من 1 الى 4

حيث :

1- بدرجة لا تذكر

2- أحياناً بدرجة بسيطة

3- كثيراً في الغالب

4- بدرجة شديدة لدرجة التهور والندم.


قيّم نفسك وضبط ما بداخلك مشكوراً

اما عن نفسي لما اكون زعفانة من حد كامل يروح في جرة يعني ازعل من اخي اتخانق مع صديقتي وانتو كيف

[Lydia istanboul]

السلام عليكم جميلتي أسماء......كالعادة مواضيع جد شيقة وأحسها عفوية بعيدة عن اي ابتذال...أما أنا فأعترف أني جد عصبية و بالعربية تاعنا نفش زعافي في لي يجيني في الطريق و المصيبة أني حتى و انا هادئة لكن طريقة إظهاري لحبي للذين حولي فيها شوي عنف و قسوة هههه تحياتي و صحا سحوركم

[karim vovinam]

أختي صحيخ هنالك درجات للغضب لكن هنالك بعض الأواقات تتغير درجات الغضب فهل تقصيدين أقصى درجات الغضب

[karim vovinam]

أختي صراحة أنا شديد الغضب لكن لسة سهل الغضب يعني إن غضبة الله يستر لأني لاأفرق بين أي أحد

[الواثق]

اكيد الغضب يفسد كل الشيء ................وليس الشديد بالصرعة انا الشديد من امتلك نفسه عند الغضب ................بالنسبة لي عندما يغضبني احد انفعل كثيرا لكن انسى بسرعة

[قضــــــــــــ وقدر ـــــــــــاء]

السلام عليكم
أكيد يؤثر المزاج على علاقتنا بالغير
لهذا من الأحسن عند الغضب الابتعاد والجلوس بمفردنا
هذا رأيي والله أعلم
وفي بعض الأحيان لا تستطيعين الابتعاد
مثلا الأستاذ عندما يكون غاضبا يمكن أن ينعكس هذا على سير درسه وعلاقته بالتلاميذ
تحياتي

[karimblida]

مزاجي غريب جدا
لا ينفر مني الناس و لكن يسكتون
يقولولي تخوف
هههههه

[morad81]

و الله أنني ألزم الصمت الى درجة أنني لا أكلم أحد .......حتى يزول ما يهمني ..........شكرا

[sarl02]

نعم يؤثر عليا كثيرا في التعامل مع الاخرين ..لدرجة اني اترك مكان العمل و انحب انكون وحدي في حال كان المزاج سيء.

[z.abdo]

السلام عليكم

انا مش راح نكتب رد بل راح نكتبلك موضوع دركا هههههه لأن عندي بزاف ما تكلمتش في هذه المواضيع


يجب دائما ان لا نخلط الأمور مع بعض


نعطيلكم مثال أحينا تحدث مشاكل للزوج في العمل أو في الطريق مع الناس لما يدخل للبيت يبدا يحدث المشاكل

مع زوجته كي يفرغ غصبه في المسكينة

وهذا خطأ فادح


يجب ان نفرق المواقف من بعضها ولا نخلط مشكلتنا مع شخص إلى شخص آخر حتى يصبح ينظر الناس إليك أنه مرفوع عنك القلم


بتصرفك وهذا وانت لا تدري


اما عن نفسي دائما ابتعد عن هذا واحاول السكوت لتفادي تأثير هذا المزاج على ناس آخرين


واحسن شيء هو عند غصبك يجب ان تبتعد عن الكلام أو تعاملك الناس لفترة قصيرة حتى تهدأو وبعدها

ترجع كما كنت


بارك الله فيك أختي أسماء وجزاك الله كل خير

[بلسم الجراح]

بدرجة شديدة لدرجة التهور والندم.

[soso sirin]

انا مقلقة بزاف حاجة كامل مكانش تقلني و تزعفني و كي نزعف نولي كارثة و اذا هوما سكتو و خلاوني نولي نشري في المشاكل مانبغيش كي نكون مقلقة الي راه قدامي يسكت نبغيه يرد عليا باه نخرج كامل القلق تاعي .مي فيا حاجة مليحة الزعاف مانردوش في الناس البراوية نخرجو غير في دارنا برك و برا كي نكون مقلقة مانبغيش نهدر مع الناس نولي نايفيتي الهدرة باه مانشعلها حتى مع واحد مي انا كي نزعف يبان عليا لانو نشنف عيني عينك

[SOUSOU. DZ]

السلام عليكم جميلتي أسماء......كالعادة مواضيع جد شيقة وأحسها عفوية بعيدة عن اي ابتذال...أما أنا فأعترف أني جد عصبية و بالعربية تاعنا نفش زعافي في لي يجيني في الطريق و المصيبة أني حتى و انا هادئة لكن طريقة إظهاري لحبي للذين حولي فيها شوي عنف و قسوة هههه تحياتي و صحا سحوركم


وعليكم السلام الها وسهلا بااحلى عروس نورتي...................... شكرا كلك دوق ربي يخليك مورال طلع يااختي ربي يجازيك.................. هههههههه مليحة هادي المهم دوكا عرفانك كي تزعفي واش ديري ............. الله يسلمك سلام

[SOUSOU. DZ]

أختي صراحة أنا شديد الغضب لكن لسة سهل الغضب يعني إن غضبة الله يستر لأني لاأفرق بين أي أحد



أختي صحيخ هنالك درجات للغضب لكن هنالك بعض الأواقات تتغير درجات الغضب فهل تقصيدين أقصى درجات الغضب

اه صجحيح شكرا اخي على مرورك الطيب جزاك الله كل خير

[SOUSOU. DZ]

اكيد الغضب يفسد كل الشيء ................وليس الشديد بالصرعة انا الشديد من امتلك نفسه عند الغضب ................بالنسبة لي عندما يغضبني احد انفعل كثيرا لكن انسى بسرعة

صح المشكل راه هنا .......................... شكرا على مرورك الطيب اخي الفاضل وجزاك الله كل خير

[SOUSOU. DZ]

السلام عليكم
أكيد يؤثر المزاج على علاقتنا بالغير
لهذا من الأحسن عند الغضب الابتعاد والجلوس بمفردنا
هذا رأيي والله أعلم
وفي بعض الأحيان لا تستطيعين الابتعاد
مثلا الأستاذ عندما يكون غاضبا يمكن أن ينعكس هذا على سير درسه وعلاقته بالتلاميذ
تحياتي

وعليكم السلام

اه صحيح اخي انا والله مانقدر نقعد وحدي لازم نعيط ولا نبكي

مي صح صعيبة على استاد بزاف

شكرا على مرورك العطر جزاك الله كل خير

[SOUSOU. DZ]

مزاجي غريب جدا
لا ينفر مني الناس و لكن يسكتون
يقولولي تخوف
هههههه

هههههههه والله غير شابة تخوف

شكرا لمرورك وجزاك الله كل خير

[SOUSOU. DZ]

و الله أنني ألزم الصمت الى درجة أنني لا أكلم أحد .......حتى يزول ما يهمني ..........شكرا

ياخا تقدر تكون زعفان وتسكت انا وحدة لالا

شكرا لمرورك الطيب وجزاك الله كل خير

[SOUSOU. DZ]

نعم يؤثر عليا كثيرا في التعامل مع الاخرين ..لدرجة اني اترك مكان العمل و انحب انكون وحدي في حال كان المزاج سيء.

اه صحيح
شكرا لمرورك الطيب وجزاك الله كل خير

[SOUSOU. DZ]

السلام عليكم

انا مش راح نكتب رد بل راح نكتبلك موضوع دركا هههههه لأن عندي بزاف ما تكلمتش في هذه المواضيع


يجب دائما ان لا نخلط الأمور مع بعض


نعطيلكم مثال أحينا تحدث مشاكل للزوج في العمل أو في الطريق مع الناس لما يدخل للبيت يبدا يحدث المشاكل

مع زوجته كي يفرغ غصبه في المسكينة

وهذا خطأ فادح


يجب ان نفرق المواقف من بعضها ولا نخلط مشكلتنا مع شخص إلى شخص آخر حتى يصبح ينظر الناس إليك أنه مرفوع عنك القلم


بتصرفك وهذا وانت لا تدري


اما عن نفسي دائما ابتعد عن هذا واحاول السكوت لتفادي تأثير هذا المزاج على ناس آخرين


واحسن شيء هو عند غصبك يجب ان تبتعد عن الكلام أو تعاملك الناس لفترة قصيرة حتى تهدأو وبعدها

ترجع كما كنت


بارك الله فيك أختي أسماء وجزاك الله كل خير
اهلا وسهلا نور الموضوع بوجودك وزاد لينا شرف اكتب واش تحب ديجا توحشنا ردودك ومواضيعك القيمة

صح والله غير يصراو بزاف بصح يادرى كاش واحد يفهم هكدا ربي يهدي

وانا وحدة كيما قلت نزعف من اختي نقلبها في صديقتي يعني نخلط كلشي ومبعد كي نهدى نلقا الحية مقلبة عليا

وربي يهدينا وشكرا لمرورك الطيب وجزاك الله كل خير

[staifia]

3 يؤثر ونرجع نندم ,, شكرا

[SOUSOU. DZ]

بدرجة شديدة لدرجة التهور والندم.

صح عندك حق نديرو الكوارث ومبعد نندمو ربي يهدي

شكرا لمرورك الطيب وجزاك الله الف خير

[SOUSOU. DZ]

انا مقلقة بزاف حاجة كامل مكانش تقلني و تزعفني و كي نزعف نولي كارثة و اذا هوما سكتو و خلاوني نولي نشري في المشاكل مانبغيش كي نكون مقلقة الي راه قدامي يسكت نبغيه يرد عليا باه نخرج كامل القلق تاعي .مي فيا حاجة مليحة الزعاف مانردوش في الناس البراوية نخرجو غير في دارنا برك و برا كي نكون مقلقة مانبغيش نهدر مع الناس نولي نايفيتي الهدرة باه مانشعلها حتى مع واحد مي انا كي نزعف يبان عليا لانو نشنف عيني عينك

ههههههههههههههههههههههههههههههه اله يعطيك النو كيما قلتي والله غير قتلتيني بضحك مليح على كل حال مي شوفي كي تزعفي مني قوليلي ماشي تروحي تفرغيها ف دار فهمتي ايا سلام عليكم وشكرا لمرورك العطر وبارك الله فيك

[مزالنا واقفين]

السلام عليكم ورحمة الله

كي كون منارفي اذا الموقف يسحق تدخل قوي تتخبل بزااف
و اذا موقف يستح اعطاء درس لفضي يرفع الصوت لدرجة لا تتصور لزم يشتاق لدورة المياه عندما اصرخ في وجهه
و احيانا مع الاحباب اتمالك نفسي و افضل السكوت و هذه العقوبة التي استعملها كتيرا السكوت لأيام و كتيرا اتخد قرارات حازمة بقطع علاقتي به نهائيا مأخرا كان عندي اصدقاء تربدني بهم سنوات عشرة تتخللها الكتير من الأخطاء التي مررتها لهم وصلت لمرحة لي يغلط يتسيبريما نقطع علاقتي بهم نهائيا مللت اصحاب المصالح و الانتهازين ....

[ziyou6]

3- كثيراً في الغالب

[محمد...عبد النور]

السلام عليكم أختي اسماء
و صح فطورك
طبيعتي انني جد حساس لكن لا اظهر الغضب للناس الا في المواقف التي تستدعي الرد المباشرو عدم السكوت
اخاف ان اكون غاضب فيذهب اناس لا علاقة لهم بغضبي ضحيتي كلامي
لذا اضبط نفسي جيدا
فقط هناك حالة لما احد يكذبني في عيني ، نبدى نغلي و نرد عليه
لكن الغضب مش مليح الا في مواقف محدودة و هو يعمي البصر و البصيرة و الشخص لا يعرف ماذا يقول
الله يرزقنا الثبات و الصبر و القوة حين الصبر و المصائب
ربي يبارك في أختي الكريمة و جزاك الله الجنة
ســــــــــــــــــــــلام

[SABI 43]

يا أختي موضوعك جميل
لكني لست عصبية وأستطيع التحكم في أعصابي

[soso sirin]

ههههههههههههههههههههههههههههههه اله يعطيك النو كيما قلتي والله غير قتلتيني بضحك مليح على كل حال مي شوفي كي تزعفي مني قوليلي ماشي تروحي تفرغيها ف دار فهمتي ايا سلام عليكم وشكرا لمرورك العطر وبارك الله فيك
اه يا اسماء حتا حنا خاصنا شوية نو السخانة قتلتنا .والله الا ضحكتيني وعلاه يا لالة انتي راكي من الدار خممي على روحك خايفة اذا كاش نهار تقلقت و جيت ليك بلاكي تزعفي مني راكي عارفتني نهدر نهدر نهدر نهدر و منبعد نتكالما و نرجع هايلة.

[شخصية نرجسية]

درجة 4(يرحم والديك عمرك شفت جزايرية هادئة جامي)

[SOUSOU. DZ]

السلام عليكم ورحمة الله

كي كون منارفي اذا الموقف يسحق تدخل قوي تتخبل بزااف
و اذا موقف يستح اعطاء درس لفضي يرفع الصوت لدرجة لا تتصور لزم يشتاق لدورة المياه عندما اصرخ في وجهه
و احيانا مع الاحباب اتمالك نفسي و افضل السكوت و هذه العقوبة التي استعملها كتيرا السكوت لأيام و كتيرا اتخد قرارات حازمة بقطع علاقتي به نهائيا مأخرا كان عندي اصدقاء تربدني بهم سنوات عشرة تتخللها الكتير من الأخطاء التي مررتها لهم وصلت لمرحة لي يغلط يتسيبريما نقطع علاقتي بهم نهائيا مللت اصحاب المصالح و الانتهازين ....

وعليكم السلام ورحة الله تعالى وبركاته

ههههههههه ايا مليح
شكرا على كل كلمة قلتها وربي يبارك فيك خويا وجزاك الله كل خير

[abdallah1983]

الاجابة : رقم 2

تكون في البداية الزعاف غير ماتقربش ولكن بعد مدة زمنية قصيرة استغفر ربي واهدء واحاول ان اضبط انفعالي مع غيري

[مريم الصابرة]

السلام عليكم اسومة واش اخبارك يا لالة الهرابة؟
شوفي ختك مريومة مرات عاقلة وما تحكيش ميم يعني نزعف نسكت لانو لما نكون مجروحة من شي الجرح يكون اكبر من الزعاف لكن لما نكون فرحانة ويزعفوني واش نحكيلك تسونامي قدامي والو واللي جا فطريقي الله يرحمو وما نندمش بعدها ههههههههه شكون قالهم خلطو فيا ولما نهدا عادي خلاص المهم نعرف درت حاجة وبردت جني خلاص نفرح انا زعافي درجة 5 زلزال يا اسومة هههههههه شكرا حنونة