تسجيل الدخول

مشاهدة النسخة كاملة : اجيبوني انا في حاجة ماسة اليكم

TOLAY
2012-07-25, 22:16
:السلام عليكم::::
اخوتي صح فطوركم
ارجوكم اخبروني كاش خبر على الباراميديكال راح يحلوها السنة؟؟؟؟؟؟اجيبوني ارجوكم
و ثانيا
انا حابة ندير باراميديكال لذلك مالازمش نسجل فالجامعة كفاه ندير؟؟؟
اذا مسجلتش يروحلي الباك؟؟؟؟منقدرش ندير بيه العام الجاي والو؟
bleu flower
2012-07-25, 22:32
لازم تسجلي في الجامعة عادي
وتروحي تسقسي على الوقت لي يدفعو فيه الدوسي بلاك في سبتمبر أو نوفمبر كل عام كيفاش
تدفعي الدوسي وتستناي حتى يعلنو على وقت الكونكور وفي نفس الوقت راكي مسجلة في الجامعة وإذا بدات القراية تقراي ونهار الكونكور تروحي تجوزي نورمالمو يديروه شفهي برك وش قريت علاش خيرت هذا التخصص وهنا تدخل المعريفة كان معندكش غير متحلميش يقبلوك حتى بمعدل 15 إذا قبلوك يمدولك ورقة تروحي للجامعة تاعك تجبدي الباك وتروحي تقراي إذا مقبلوكش راك في الجامعة تقراي
وعلى المعريفة راني ماشي نفشل فيك بصح راهو الواقع خاطر يطلبو غير شوية برك العدد قليل والخدمة مضمونة وإنتي جربي بلاك في ولايتك ماكانش منها ربي يسهل
نيروز القمر
2012-07-25, 22:33
باراميديكال اصبحت علوم تمريض
samar1993
2012-07-25, 22:33
السلام
شوفي اختي سجلي في الجامعة وما تضيعيش الوقت
البلاد راهي كي والو اليوم يقولك كاينا بارامديكال و غدوة يقولك سايي
انتي سجلي و اللي فيه الخير ربي يكتبو
وانشا الله يديروها السنة
و ربي يسهل
bleu flower
2012-07-25, 22:36
باراميديكال اصبحت علوم تمريض


لا ماشي كيفكيف كاينة معاهد خاصة بالشبه الطبي لاعلاقة لها بالجامعة
TOLAY
2012-07-25, 22:46
شكرا لكم جميعا اخوتي افدتموني
جزاكم الله الجنة
اذا ساسجل في الجامعة و انتظر خبرا عنها
ارجوكم لمن تكون عنده خبر عنها يقلي
bleu flower
2012-07-25, 22:47
وش حابة تعرفي نقدر نعاونك
samar1993
2012-07-25, 22:48
شكرا لكم جميعا اخوتي افدتموني
جزاكم الله الجنة
اذا ساسجل في الجامعة و انتظر خبرا عنها
ارجوكم لمن تكون عنده خبر عنها يقلي

انشاء الله
وربي يسهل في التسجيلات
خير ما عملتي
وصح صحوركم
TOLAY
2012-07-25, 22:55
وش حابة تعرفي نقدر نعاونك

اختي ممكن نسقسيك قرايتها صعيبة؟
و اذا درتها مع فرع اخر نقدر نوفق عادي ولا كاينة صعوبة و جزيتي خيرا
TOLAY
2012-07-25, 22:58
انشاء الله
وربي يسهل في التسجيلات
خير ما عملتي
وصح صحوركم

امين يا رب
شكرا اختي على المساعدة
اسال الله لك التوفيق في كل اموركي
الله يسلمك و انت زاده
bleu flower
2012-07-25, 23:50
اختي ممكن نسقسيك قرايتها صعيبة؟
و اذا درتها مع فرع اخر نقدر نوفق عادي ولا كاينة صعوبة و جزيتي خيرا
القراية أسهل من الجامعة وتقدري تنجحي عادي تعتمد على الحفظ مكانش رياضيات وفيزياء
بصح الحاجة لي تقلق كل أسبوع إمتحان يعني كل ماينتهي الموديل إمتحان هناك موديل فيه 30 ساعة وآخر 50 ساعة على حسب المادة كل مادة فيها ثلاث ساعات دراسة البروف تكرهو من وجهو
على حسب المدرسة التي ستدرسين فيها كاين مدارس مزيرين على الغيابات كل غياب لازم تبرير وبطاقة دخول لكي تدخلي للحصة الأخرى كيما سكيكدة مزيرين بزاف صاحبتي كانت تقرا فيها قاتلي مزيرين كيما فالليسي
حتى في عنابة كيفكيف بصح في العاصمة شوية هاملة الحالة نعرف بزاف يقراو في الجامعة وبراميديكال
المووووهم الأسئلة تاع الإمتحانات سهلة وهي أسئلة مباشرة تحفظي تدي 20 كما قتلك من قبل ماكانش وقت محدد للإمتحانات تقدري تدخلي من العطلة وتجوزي إمتحان مع الوقت توالفي وكيما تبداو ستاج تولي ديري ستاج صباح وتقراي عشية كاش سؤال أنا هنا