راني خايفة....عنابة

[lilam]

وصل وقت التسجيل وبعثوني لعنابة بعيدة بزاف صافي رح ندير اقامة بعثوني جراحة اسنان حابة نعرف وحدة بنت فامي وحابة تقرى باش نسجلو كيقكيف ويحاطونا في نفس الغرفة خاطركش خوفوني بزاف مالاقامة وتبالي كل خايفين لالا :sdf::sdf:

[lilam]

ماهوش شرط تكون حتا هي جراحة اسنان خاطراكش الاقامة مخلطة الشعب

[لالة مريومة]

اختي لاه اكي خايفة هاذي هي الجامعة لازم تتحملي ومع الوقت توالفي وان شاء الله البنت الي معاك في الغرفة مليحة

[lilam]

لالا كاين خرين مايخلوكش تقراي يديرو لغنى مثلا ويحبو لمشاكل يديولك حوايجك بزاف حوايج سمعتهم عليها خفت

[أم الشهداء]

السلام عليكم و رحمة الله
الاقامة حالها مثل حال باقي الجامعات
فقط تجنبي مصاحبة من هب و دب ،،
فهل ليس لديك صديقة ارسلت الى نفس تخصصك و من منطقتك ،، الاحسن لك ذلك
شخصيا الحمد لله صديقتي التي كانت تجلس لجانبي في الثانوية ارسلنا الى نفس الجامعة ، كلية الطب بعنابة و ان شاء الله سنكون معا في الغرفة
،، قد تجدين مشاكل كثيرة ان وافقت علي اي كانت و قد تكون هذه المشاكل ابسطها : الضو شاعل و و و ،،
انصحك ايضا ان تكون رفيقتك في الغرفة لها نفس تخصصك للتعاون سويا في الدراسة ايام الاختبارات التحضيرات فهم الدروس و غيرها
بالتوفيق ان شاء الله
و السلام

[لالة مريومة]

والله عندك الحق يا اختي ام الشهداء لازم تكوني عند روحك وسقسي بالاك بنت من منطقتك راهي في نفس الجامعة تاعك وتجنبي مخالطة البنات ومصاحبة من هب ودب

[lilam]

ملقيتش فالمنطقة تاعي عليها راني نسقسي نشاالله برك طيح معايا وحدة مليحة

[أم الشهداء]

ملقيتش فالمنطقة تاعي عليها راني نسقسي نشاالله برك طيح معايا وحدة مليحة
ان شاء الله ،، فقط اعرفي من تختاري
موفقة
و السلام

[lilam]

ماكين حتا وحدة رايحة لعنابة وحابة تقرى يعني مش تمسخر هنا باش نتفاهم انا وياها تبالي اي وحدة تخاف لالا ؟؟؟؟؟؟؟؟ظظ

[lilam]

ان شاء الله ،، فقط اعرفي من تختاري
موفقة
و السلام
شكرا جزيلا على اهتمامك اختي

[سوهيون]

أختي أنا بعتوني عنابة مدرسة تحضيرية إقامتهم وحدهم
آسفة كما أني راح نبدل
بالتوفيق أختي المهم نتي تكوني قادرة على روحك ومايهمكش في الغاشي

[هاجر الجزائرية]

انا وجهوني لعنابة جراحة اسنان وراني من خنشلة وعندي 2 صحاباتي مع بعضانا .رانا من نفس ولاية درك نتلقاو ثم ان شاء الله

[zakyass]

قاع رانا خايفين اختي .. خليها على ربي و خلاص

[حبة ملفاي]

ou5ti nti mnin

2eme .ana na3ref 2 bnat ba3touhoum annaba wahda m3ak dentiste w wahda ou5ra pharmacie

[sarra sarita]

khti ma tkhafi walou heya sah l i9ama s3iba mais 9adiya ta3 wa9T w uda nti raki confiance man rouhak makach li ya9dar yel3abha 3lik w nti machaa lah 3andak ikhtisas trés for 3la jalou tdahi bazaaaaaaaaaf w rabi ywaf9ak w ahadri me also7ba barkhi

[flora258]

t'inquéte pas ma soeur ana je suis de guelma! w je vais étudié medcine !dsl j 'aurais aimé t'aider ana j ai déja ma copine en chur-dent t'inquète yon a bq de fille de 1ere année kifna vaut mieux que tu choisise une fille science médicale w si j'entend wahda veux une fille de mes copine je te le dirais

[Houssem.Dz]

اختي ربي يعاونك انا منكذبش عليك رحت لعنابة خفت على روحي تقول منطقة حرب واحد يدو مكسورة واحد وجهو مشلحة ..... وجوهم مايفرحوش -وعذرا لا اريد ان اجرح مشاعر اي احد - المهم اختي انصحك بعدم مخالطة من هب ودب جدي صديقة محافظة ولا تكثري من الخرجات واطلبي حماية الله وسيحميك باذن الله ☺☺☺☺

[هبة الله اريج]

راح توالفي و ماتخلطيش البنات بزاف

[zahra1802]

وصل وقت التسجيل وبعثوني لعنابة بعيدة بزاف صافي رح ندير اقامة بعثوني جراحة اسنان حابة نعرف وحدة بنت فامي وحابة تقرى باش نسجلو كيقكيف ويحاطونا في نفس الغرفة خاطركش خوفوني بزاف مالاقامة وتبالي كل خايفين لالا :sdf::sdf:

السلام عليكم

رب يعاونك اختي ويسهلك

انت على الاقل راكي مالقيتي حتى واحدة...لوكان تشوفي انا صاحبتي زعمة عشرة عمر..كنا متفقين باه نروحو مع بعضانا
وامس قاتلي بلي راهي رايحة تكون مع بنت واحدة اخرى ...وبقيت نا حايرة درك واش ندير...المهم رب ان شاء الله يفرجها عني

وما عندي ما نقولك الا رب يوفقك و يحفظك..وان شاء الله تلقاي بنت فامي وتريحي