المساعد الشخصي الرقمي

مشاهدة النسخة كاملة : ناس تلمسان مساعدة

faroukace
2012-07-24, 21:47
يا جماعة راني رايح غدوة باش نلحق مع 26 باش نسجل مع اللولين لكن تلمسان مانعرفهاش خلاص لأنها تبعد عليا بـ900 كلم
اللي يعرف يقولي برك وين يسجلو ومنين نركب باراك الله فيكم علما أنني رايح نجي بالحافلة
well known
2012-07-24, 21:58
moi ausii mana3rfhech rayha ntekel 3la rbbi w nroh...di moi wech 3tawlek comme choix???
faroukace
2012-07-24, 21:59
عطاوني هندسة الإنتاج الالي
وانت ؟
الأميرة ميمي
2012-07-24, 22:00
يا خاي نجم نقولك بلي نسجلو فلافاك تاع الميدسين
بصح كيش تركب وكامل ما نعرفش
بويسك انا ندور فتلمسان باللوطو مشي بالطاكسيات
غي سمحلي
well known
2012-07-24, 22:02
ana 3tawli médecine................mimi wech 3tawlek??
faroukace
2012-07-24, 22:02
ربي يعيشك ختي نستناو مساعدة اخرى
ink4tim
2012-07-24, 22:08
كي تنزل في لاري

طلع مع الدرج ... تلقى لي طاكسي و كلونسيدتان

قله ديني للافاك تاع الميدسين لي جاية في البلاد قدام grand basin

ok
well known
2012-07-24, 22:08
oui c ça ...............rayhin nhamlou f telemcen hhhhh en tt cas rayha m3a papa je pense nsalkouha :p
algeria6128
2012-07-24, 22:10
انا تاني غدا امشي إلى تلمسان و ان شاء الله نتلاقاو لتم
faroukace
2012-07-24, 22:15
barak allahou fik khoya
kader 13
2012-07-24, 22:15
عطاوني هندسة الإنتاج الالي
وانت ؟

أنا تاني هندسة الإنتاج الآلي بالاك أنا نروح حتى السبت ..........نلتقي هناك إن شاء الله
أتمنى تقديم أي توجيهات تراها هناك مع الملف الذي تدفعه
و شكراا مسبقا
بالتوفيق
ink4tim
2012-07-24, 22:18
barak allahou fik khoya

مكانش مشكل ... مرحبا بيكم في تلمسان
douniazeriane
2012-07-24, 23:19
رانا قاع رايحين لتلمسان نشا الله نتلاقاو تم
well known
2012-07-24, 23:35
nchallah makanch fikom li dayer médecine?????????
لالة مريومة
2012-07-24, 23:45
من لديه معلومة عن جامعة ابي بكر بلقايد هناك في تلمسان للعلوم الاسلامية ؟
يوسف 1992
2012-07-25, 00:15
خويا ما تخافش مرة ... تلمسان مدينة صغيرة
كي توصل ثمة يعني موقف الحافلات تلقى دروج اطلع فيهم تلقى طاكسيات تاع البلاد .. قولو يديك لكلية الطب نورمالمون ثمة يسجلو
و اذا رحت بالطاكسي ثاني ساهلة ... غير تهبط من الطاكسي تلقى طاكسيات تاع لبلاد قدامك
مسيردى
2012-07-25, 00:20
خويا اركب كي توصل لتلمسان راح تطلع في دروج تقا الكلونديستان قولوا ديني كلية الطب الي جايا قداك grand passin تلقا غاشي ادخل سجل
Chahinez Tlm
2012-07-25, 00:24
vous serez les bienvenus a Tlemcen!!!
زهور الياسمين
2012-07-25, 00:26
شوف العنوان لي مدوهلك في ورقة القبول

نورمالمو شارع باستور

قول لمول الطاكسي يوصلك حتى لتم و كي تشوف الغاشي كيما قال الاخ ادخل و سقسي

مرحبا بيك عندنا
حميدو09
2012-07-25, 00:34
اذا رحتو بالحافلة ما تنساوش باش تحجزوا من الصباح للعودة
well known
2012-07-25, 01:35
merciiiiiiiiiiiiiiiiiii
oussamayez
2012-07-25, 18:57
السلام عليكم خوتي.انا تاني بعتوني لتلمسان هندسة الانتاج الالي.مي راهي تبعد اعليا 1200 كلم يعني انا من سكيكدة.و غادي نروحلها بالطائرة . يوم الجمعة نروح للجزائر العاصمة ( دار جدي لتم) و من بعد نروح لمطار هواري بومدين ......و المشكلة الروتور يوم الاحد راني حاير وين انبات و لفطور و الصحور.................. المهم............خوتي رانا نتلقاو انتم.
geologue1388
2012-07-25, 19:14
يا جماعة راني رايح غدوة باش نلحق مع 26 باش نسجل مع اللولين لكن تلمسان مانعرفهاش خلاص لأنها تبعد عليا بـ900 كلم
اللي يعرف يقولي برك وين يسجلو ومنين نركب باراك الله فيكم علما أنني رايح نجي بالحافلة


السلام عليكم
مرحبا بك في تلمسان اتمنى ان تعجبك هده المدينة و جامعتها.
عند وصولك لمحطة الحافلات sntv اصعد الدرج متجها نحو الطريق الرئيسي تجد هنالك طاكسيات المدينة . قل له اريد الدهاب الى كلية الطب المتواجدة بجانب الحوض الكبير هناك سيتم التسجيل للدخول الجامعي الجديد. و ان لم تعرف استشر اي شخص تصادفه في الطريق فلا تقلق انت في مكان امن. ربي يسهل ان شاء الله ولا تنسى ات بكل الوثائق لكي تسجل في يوم واحد ... وتدفع ملف الايواء و المنحة والضمان الاجتماعي والتسجيل البيداغوجي في تخصصك بطبيعة الحال.