من يريد التحويل

[لالة مريومة]

السلام عليكم يا اخوان ويا اخوات
لقد لاحظت الكثير منا يريد التحويل وانا واحدة منهم والحمد للهلقد قمت بالبحث ووجدت بعض المعلومات اتمنى ان تفيدكم


إليكم الوثائق اللازمة للتحويل مابين
الجامعات

3إستمارات تحويل تسحب من المكتب المخصص للتحويل بالجامعة
نسخة مصادق عليها من شهادة البكالوريا
نسخة مصادق عليها من شهادة التسجيل او الشهادة المدرسية للسنة الحالية
نسخة من كشف النقاط بالنسبة الطلبة القدماء
مبرر
التحويل
(تحويل الإقامة .شهادة طبية .....)

هام جدا : يجب الحصول أولا على موافقة المؤسسة المستقبلة

كلما كان المعدل مناسبا كان قبول التحويل أسهل للاسف ستكون عملية تغيير الجامعة او المعهد صعبة اعبارا من الاماكن الشاغرة
+ الاصعب ملف المنحة ادا قدمت ملف المنحة للجامعة في الاول فيصعب عليك كثير وضعو في الجامعة التي التحقت بها جديدا

ولذلك حبذا لو تخلون ملف المنحة على جهة

[amel nina]

انا تاني حابة ندير ترونسفار


هما وجهوني لجامعة وهران مي انا حابة نقرا في البليدة


مي سمعت بلي الي يديرو تروسفار مايقدروش يتحصلو على اقامة جامعية

[لالة مريومة]

صح متتحصليش على الاقامة لاخاطرش في سبتمبر يكونو كامل داو الغرف ونتي جربي

[amel nina]

ربي يقدر الي فيه الخير

[لالة مريومة]

اختي انتي تاني راكي حابة تديري ترنسفار؟؟؟

[amel nina]

ايه مي مش عارفة بلاك ما يقبلوليش

[نيروز القمر]

سلام راني حابة ندير ترونسفار على مشكل الاقامة راني خايفة منها

[لالة مريومة]

اذا كنتي مقيمة بالبليدة تقدري تحطي غير بالاقامة

[selma07]

انا تاني حبيت ندير ترونسفار من مدرسة عليا بيطرة في الحراش الى اي تخصص في جامعة بسكرة مع العلم اني مقيمة في بسكرة ومعدلي 14.54 وقلت ربما ندير رياصيات واعلام الي زعما يقبلوني؟؟؟؟؟؟؟

[امين الاسلام]

3إستمارات تحويل تسحب من المكتب المخصص للتحويل بالجامعة
هادو منين نجيبوهم من الجامعة لي سجلنا فيها ولا لي رانا رايحين نبدلو ليها ؟؟؟؟؟

[لالة مريومة]

اختي نتي ديري هذا الترونسفار ومادام راكي في بسكرة يعني رح تكون سهلة باذن الله

[لالة مريومة]

3إستمارات تحويل تسحب من المكتب المخصص للتحويل بالجامعة
هادو منين نجيبوهم من الجامعة لي سجلنا فيها ولا لي رانا رايحين نبدلو ليها ؟؟؟؟؟

والله ماعلابالي على الاغلب الجامعة الي راك رايح تبدلها

[امين الاسلام]

مبرر
التحويل
(تحويل الإقامة .شهادة طبية .....)
كيفاش هادي مافهمتهاش

[لالة مريومة]

مبرر التحويل تقدر تحطها بالاقامة

[لالة مريومة]

اختي امال اذا عندك عائلة في البليدة رح يديرولك اقامة

[امين الاسلام]

انا عندي عائلة في المدينة لي راني حاب نحول فيها
يقبلوني صح ؟؟؟؟؟

[سوهيون]

أختي بالنسبة لملف المنحة نقدروا منمدوهش كي نسجل ؟؟؟؟؟؟؟
يعني نخليو حتى نحولوا؟؟؟؟؟؟؟؟؟؟؟
صح فطوركم

[yazid chinoui]

اخت selma07 لمادا تريدين التغير من المدرسة العليا للبيطرة هانه المدرسة رائعة وللاسف معدلي 14.17 لم يسمح لي بدخولها

[selma07]

+ الاصعب ملف المنحة ادا قدمت ملف المنحة للجامعة في الاول فيصعب عليك كثير وضعو في الجامعة التي التحقت بها جديدا

ولذلك حبذا لو تخلون ملف المنحة على جهة


عزيزتي ما فهمتكش ربي يخليك فهميني يعني ما نمدلهمش ملف المنحة وندفعوا للجامعة الي رايحة نتحول ليها بعد التحويل ؟؟؟؟؟؟ بلييييييييييييييييييييييييييييييييييييييييييييييز لالاة مريومة جاوبيني عزيزتي

[safou safia]

السلام عليكم يا اخوان ويا اخوات
لقد لاحظت الكثير منا يريد التحويل وانا واحدة منهم والحمد للهلقد قمت بالبحث ووجدت بعض المعلومات اتمنى ان تفيدكم


إليكم الوثائق اللازمة للتحويل مابين
الجامعات

3إستمارات تحويل تسحب من المكتب المخصص للتحويل بالجامعة
نسخة مصادق عليها من شهادة البكالوريا
نسخة مصادق عليها من شهادة التسجيل او الشهادة المدرسية للسنة الحالية
نسخة من كشف النقاط بالنسبة الطلبة القدماء
مبرر
التحويل
(تحويل الإقامة .شهادة طبية .....)

هام جدا : يجب الحصول أولا على موافقة المؤسسة المستقبلة

كلما كان المعدل مناسبا كان قبول التحويل أسهل للاسف ستكون عملية تغيير الجامعة او المعهد صعبة اعبارا من الاماكن الشاغرة
+ الاصعب ملف المنحة ادا قدمت ملف المنحة للجامعة في الاول فيصعب عليك كثير وضعو في الجامعة التي التحقت بها جديدا

ولذلك حبذا لو تخلون ملف المنحة على جهة
merciiiiiiiiiiii bcp ma cher
mais haba na3ref esk ya9abloulna transfer men 1ere anne wela hata na9raw 3am 9bal et saha ftorkem

[لالة مريومة]

+ الاصعب ملف المنحة ادا قدمت ملف المنحة للجامعة في الاول فيصعب عليك كثير وضعو في الجامعة التي التحقت بها جديدا

ولذلك حبذا لو تخلون ملف المنحة على جهة


عزيزتي ما فهمتكش ربي يخليك فهميني يعني ما نمدلهمش ملف المنحة وندفعوا للجامعة الي رايحة نتحول ليها بعد التحويل ؟؟؟؟؟؟ بلييييييييييييييييييييييييييييييييييييييييييييييز لالاة مريومة جاوبيني عزيزتي

اختي سلمى اذا حطيتي الدوسي تاع المنحة في الجامعة تاع البيطرة راح تلقاي صعوبة بصح لوكان تخليه حتى تتحولي نورمال

[amouna_nas]

اخت selma07 لمادا تريدين التغير من المدرسة العليا للبيطرة هانه المدرسة رائعة وللاسف معدلي 14.17 لم يسمح لي بدخولها


اخي ربي يخليك قولي
انا لاحوني مدرسة عليا للبيطرة و كل خوفوني منها
صح مانبدلش؟؟؟؟؟؟؟؟؟؟؟

[amouna_nas]

انا تاني حبيت ندير ترونسفار من مدرسة عليا بيطرة في الحراش الى اي تخصص في جامعة بسكرة مع العلم اني مقيمة في بسكرة ومعدلي 14.54 وقلت ربما ندير رياصيات واعلام الي زعما يقبلوني؟؟؟؟؟؟؟




اختي سلمى
انا ثاني من بسكرة و لاحوني مدرسة عليا للبيطرة
ماعليش تجاوبيني علاه تحوسي تبدلي منها؟؟؟؟؟؟

[لالة مريومة]

[QUOTE=safou safia;10940438]merciiiiiiiiiiii bcp ma cher
mais haba na3ref esk ya9abloulna transfer men 1ere anne wela hata na9raw 3am 9bal et saha ftorkem[/QUOTE
على الاغلب يتم الاعلان عن الطلبة الي تحولو في بداية اكتوبر

[لالة مريومة]

انا عندي عائلة في المدينة لي راني حاب نحول فيها
يقبلوني صح ؟؟؟؟؟

طبعا اهدر معاهم باه هوما يديرولك اقامة

[لالة مريومة]

زدتلكم شوي معلومات باه تفهو اكثر

[لالة مريومة]

عليك التوجه إلى الجامعة / الكلية بالظبط التي تنوي التحويل إليها في شهر سبتمبر طبعا ،،

تسحب من عندهم إستمارة تحويل ،،

تضيف إليها ،، نسخة من كشف نقاطك ،، حتى يُدرس ،،

و في الأخير نسخة من شهادة التسجيل ،، شهادتك المدرسية ،، مصادق عليها طبعا ،،

بعضهم يطلبون صورة شمسية ،، والبعض الآخر لا ،،


بعدها في بداية شهر أكتوبر ،، امام مدخل الكلية ،، يعلقون قائمة ،، بأسماء الطلبة المقبولين ،،


إذا وجدت إسمك معهم ،، ستجد شهادة القبول ،، تأخذها الى جامعتك القديمة ليوافقوا هم كذلك عليها ،،

هي اصلا فيها خانتين ،،قبول الجامعة الجديدة والخانة الثانية للقديمة ،،

وتحضر ملفك الذي سجلت به في البداية و تترك لهم بطاقة الطالب والمكتبة والشهادة المدرسية ،،و تتحصل على كل هذا في جامعتك الجديدة ،،

مع ملاحظة أنه ليس لديك الحق في الإقامة ،، إلا بعد فترة ،،،

[biyou_94]

أرجوا التوضيح اكثر حول ملف المنحة هل ندفعوه مع ملف التسجيل ولا من بعد دلك’

[لالة مريومة]

اختي اذا ماشي شرط تدفعي كلشي في ضربة وحدة واذا راكي حاسة روحك تروحي وتجي للجامعة تقدري تخلي حتى كي يجي الشاك

[c.youssef]

و وقتاش تبدى فترة التحويلات ؟؟؟؟؟؟

[sidostar]

و هل يقبلوه بسهولة ؟؟

[لالة مريومة]

الله اعلم يا اخي

[biyou_94]

اختي ما نكثرش عليك اسمحيلي
انا حابة ندير ترنسفار و مبرر تاعي الاقامة وين نروح هل للجامعة لبعتوني ليها ولا الجامعة لي راني حبة نروح ليها
ارجوا التوضيح و شكرا

[لالة مريومة]

لالالالالالا اختي انا تانيك حالتي راهي كي حالتك
شوفي اختي انتي راكي حابة تتحولي للجامعة الي راهي في ولايتك
في سبتمبر تروحي تستخرجي هاذيك الوثائق المطلوبة والمبرر كيما راني نقلك تقدري غير بالاقامة

[biyou_94]

هل اتوجه الى الجامعة لي بعتوني ليه او الجامعة لي راني حابة نروح ليها
مع العلم انا من قسنطينة

[c.youssef]

حبيت نسقسيكم برك ..... تسما نسجلو نهار لخميس عادي !!!!! و من بعد تبدا اجراءات نتاع الترونسفار ؟؟؟؟؟؟؟

[sidostar]

حبيت نسقسيكم برك ..... تسما نسجلو نهار لخميس عادي !!!!! و من بعد تبدا اجراءات نتاع الترونسفار ؟؟؟؟؟؟؟


من المفروض
نعم

[لالة مريومة]

طبعا يا اخي لان شهادة التسجيل مطلوبة في الترنسفار

[biyou_94]

هل اتوجه الى الجامعة لي بعتوني ليها او الجامعة لي راني حابة نروح ليها

[لالة مريومة]

عندما ياتي وقت الترونسفار اذهب للجامعة الي راك حاب تتحول ليها ادي الوثائق اللازمة وهوما يعطوك استمارة التحويل وكلش يخص التحوال وكي يعطوك مبرر تقدر دير الاقامة

[yazid chinoui]

اخي ربي يخليك قولي
انا لاحوني مدرسة عليا للبيطرة و كل خوفوني منها
صح مانبدلش؟؟؟؟؟؟؟؟؟؟؟

انا عطاولي مدرسة عليا للفلاحة بالفرب من المدرسة العليا للبيطرة وساحاول ربما استطيع الدخول اليها

[لالة مريومة]

انشاء الله يا اخي لكن اذا كانت ضمن الاختيارات ومعدلك يسمح

[لالة مريومة]

وانا على حساب علمي البيطرة احسن من الفلاحة

[مولودية العاصمة]

مستحيل يبدلووك خصوصا ادا كانت الجامعة مكتضة الا ادا جبتي شهادة اقامة انك تسكني فالجامعة اللي حابة تبدلي ليها و لتم مايعطوكش اقامة في غرفة

[selma07]

اختي سلمى
انا ثاني من بسكرة و لاحوني مدرسة عليا للبيطرة
ماعليش تجاوبيني علاه تحوسي تبدلي منها؟؟؟؟؟؟
والله غير فرحت كي سمعت كاين لاحوهم فيها من بسكرة يعني ما رانيش وحدي
انا حابة نعاود الباك على خاطر حابة ندير طب
وكاين الي قالي بالي الخدمة في البيطرة ما كانش في هاد البلاد يعني نتخرج و من بعد نقعدوا حيطيست هههه
مي كاين بزاف قالولي بالي شعبة مليحة ودراستها ممتعة
والسبب الاهم عايلتي وخاصة بابا مش حابني نقراها للاسف

[selma07]

انا عطاولي مدرسة عليا للفلاحة بالفرب من المدرسة العليا للبيطرة وساحاول ربما استطيع الدخول اليها
جزاك الله خيرا اخي يزيد
اذا عرفت اي معلومة رجاءا تقولهالنا
انا حاولت نجمع معلومات عليها لكن للاسف لم تكن بالمعلومات السارة
فرجاااااااااااااااءااااااااا منك اعلامنا
لان الترونسفار ما زال الحال عليه وممكن نبدل رايي

[لالة مريومة]

مستحيل يبدلووك خصوصا ادا كانت الجامعة مكتضة الا ادا جبتي شهادة اقامة انك تسكني فالجامعة اللي حابة تبدلي ليها و لتم مايعطوكش اقامة في غرفة

كيف لم افهم ؟؟؟؟

[لالة مريومة]

يعني اذا كانت الجامعة الي راني حابة نبدل فيها في ولايتي احرم من الاقامة ؟؟

[delano]

حبيت ندير ترونسفار من سكيكدة - مدرسة عليا علوم دقيقة متوسط - إلى قسنطينة - مدرسة عليا علوم دقيقة متوسط
علما أن معدلي 14.7
وقد إجتزت الإمتحان الشفوي بنجاح

هل يمكنني ذلك؟

[delano]

أنا فكرت في شهادة طبية : منحملش الجو تاع البحر عندي حساسية من الرطوبة هههه و ما نعرف مممكن يقبلويني في قسنطينة

[لالة مريومة]

هههههه انشاء الله قلهم القلب وسوء التنفس

[delano]

ههههه تي والله آمس رحت لسكيكدة عملت الكونكور الشفاهي
بعيييدة تقتل كرهت حياتي في الطريق زادة ما عجبنيش المعهد
تقول ضرباتو هيروشيما رب يستر برك ع الإقامة

[لالة مريومة]

هههههههههههه الله يستر هل تريد التبديل ؟؟

[delano]

أجل و بشدة هههه

[لالة مريومة]

اااااه مالا واما معهد راك فيه واين تقيم ؟؟؟؟

[لالة مريومة]

اختر تحصص اخر في جامعة اقرب اليك وانشاء الله يقبلوك

[dreamygirl]

انا من ولاية ام البواقي وبعثوني تلمسان ونفكر ندير ترون سفار لبليدة وشعبة اخرى قد معدلي عادي ياخي ميحرمونيش من الإقامة ؟؟؟

[yazid chinoui]

انا من ولاية ام البواقي وبعثوني تلمسان ونفكر ندير ترون سفار لبليدة وشعبة اخرى قد معدلي عادي ياخي ميحرمونيش من الإقامة ؟؟؟

3adi ya3tok ikama

[لالة مريومة]

انا من ولاية ام البواقي وبعثوني تلمسان ونفكر ندير ترون سفار لبليدة وشعبة اخرى قد معدلي عادي ياخي ميحرمونيش من الإقامة ؟؟؟

عادي اخي يعطوهالك

[لالة مريومة]

ويعني الي راه حاب يدير ترونسفار التسجيلات تبدا من 1 اوت حتى 9 سبتمبر

[roumaissa-issou]

ويعني الي راه حاب يدير ترونسفار التسجيلات تبدا من 1 اوت حتى 9 سبتمبر

chkoun kalak
!!

[لالة مريومة]

رحت للجامعة و قالولي

[wahda heyra]

حبيت نسقسيكم عاونوني من فضلكم انا حابة ندير ترنسفار لجامعة الجزائر ممكن يقبلولي ولا لا مع العلم انوا معدلي 13.68 وهوما طالبين 12.04 بصح انا في ولايتي فوتوني علوم طبيعية حابة ندير فرنسية في الجزائر وممكن نفكر اقامة نورمال ساعدوني من فضلكم

[لالة مريومة]

اذا كان معدل القبول يسمح فهذا اكييد لكن الاقامة لازملها شوية تعب بصح انتي سجلي عادي في الجامعة الي بعثوك ليها

[wahda heyra]

حبيت نسقسيكم راهم قالولي ما تسجليش في الجامعة اللي بعثوك لاها انا بعثوني تبسة حابة ندير ترنسفار قالولي افكري اقامة بعيدة شوية على الجزائر و روحوا ادفعي الملف ثما في الجزائر يقبلوك وش رايكم الهدرة صحيحة ولا لا لي عندهم خبرة

[لالة مريومة]

طبعا انتي سجلي في الجامعة الي بعقوك ليها في تبسة ومباعد في سبتمبر روحي للجزائر يعطوك اللازم ومباعد كي يعطوك الموافقة روحي لتبسة جيبي وراقيك وسجلي عادي في الجزائر

[wahda heyra]

راهم قالولي يقبلوك روحي سجلي في جامعة الجزائر دركا قبل 30 ما نعرف الا هدرتهم صحيحة

[لالة مريومة]

انتي وين بعثوك تبسة ولا الجزائر؟

[wahda heyra]

بعثوني تبسة

[wahda heyra]

قالولي افكري اقامة بركا مثلا في البليدة

[لالة مريومة]

مالا لازم تسجلي في تبسة وفي سبتمبر تروحي للجزائر تقوليلهم بلي راني حابة نتحول يمدولك اللازم ومباعد كي يقبلوك روحي لتبسة جيبي الدوسي تاعك وسجلي في الجزائر عادي

[wahda heyra]

راني خايفة ما يقبلولبش وش ممكن ندير باه يقبلولي و وشي هو ملف التحويل لي ندفعوه ثما............. و ممكن نتحول شعبتي انا حابة نبدل شعبتي خلاص

[sidostar]

ما هو الملف الخاص ؟

[اميرة زماني]

بالنسبة للتحويل

الشعبة فقط في نفس الجامعة

[wahda heyra]

من فضلكم وشي هو ملف التحويل فيه الاقامة ولا لا و وقتاه يقولولنا كان قبلوا ولا لا

[realmadrid93]

انا عطاوني بلعباس واريد تحويل بليدةة هندسة معمارية معدل قبلوها 13.40 ومعدلي 14.04 + عندنا سكن في بليدة هل تحويل راح يكون سهل؟؟؟

[sidostar]

انا عطاوني بلعباس واريد تحويل بليدةة هندسة معمارية معدل قبلوها 13.40 ومعدلي 14.04 + عندنا سكن في بليدة هل تحويل راح يكون سهل؟؟؟



اظن في حالتك
سيكون سهل

[sidostar]

من فضلكم وشي هو ملف التحويل فيه الاقامة ولا لا و وقتاه يقولولنا كان قبلوا ولا لا



عندي نفس استفسارك

[souhilasky]

انا باغية ندير ترونسفار بالصح من لول ماكنتش رايحة ندفع ملف الاقامة
واش ندير مبرر؟؟

[محمدبلال]

سلام عليكم خاوتي حاب ندير ترونسفار من معهد مسيلة الى معهد الجزائر في دالي براهيم افيدوني بسرعة ارجوكم و شكرا

[CR-48]

حاب نتحول طب من جامعة وهران الى جامعة الجزائر
مع أنني أملك مبرر ( شهادة اقامة بالجزائر )
و أنا خائف من عدم قبول طلب التحويل

[wissem setifienne]

انا حابة نديرة ترونسفار بصح في نفس الجامعة نبدل الشعبة فقط وش ندير؟؟؟؟

[ninou18]

ياجماعة الخير انا معدلي 11.30 حابة ندبر ترونسفارللمدرسة العليا للاساتدة
لي عندو معلومة يفيدني بيها بارك الله فيكم

[@ أمـينـة-94 @]

بارك الله فيك اختي
ربي يوفقك

[Abbes25]

متى فترة التحويلات ؟

[alisadr]

عليك التوجه إلى الجامعة / الكلية بالظبط التي تنوي التحويل إليها في شهر سبتمبر طبعا ،،

تسحب من عندهم إستمارة تحويل ،،

تضيف إليها ،، نسخة من كشف نقاطك ،، حتى يُدرس ،،

و في الأخير نسخة من شهادة التسجيل ،، شهادتك المدرسية ،، مصادق عليها طبعا ،،

بعضهم يطلبون صورة شمسية ،، والبعض الآخر لا ،،


بعدها في بداية شهر أكتوبر ،، امام مدخل الكلية ،، يعلقون قائمة ،، بأسماء الطلبة المقبولين ،،


إذا وجدت إسمك معهم ،، ستجد شهادة القبول ،، تأخذها الى جامعتك القديمة ليوافقوا هم كذلك عليها ،،

هي اصلا فيها خانتين ،،قبول الجامعة الجديدة والخانة الثانية للقديمة ،،

وتحضر ملفك الذي سجلت به في البداية و تترك لهم بطاقة الطالب والمكتبة والشهادة المدرسية ،،و تتحصل على كل هذا في جامعتك الجديدة ،،

مع ملاحظة أنه ليس لديك الحق في الإقامة ،، إلا بعد فترة ،،،

شكرا جزيلا أختااه ... ربي يعطيك ما تتمناي ..
لكن انا عندي استفسار ،، درك أنا اعطاوني طب في البليدة و حابة نحول للعاصمة ... عندي يعني نقدر ندبر شهادة اقامة نعرف عائلة فالعاصمة يفروهالي بصح المشكل في هاد الحالة مايوليش عندك الحق في الاقامة الجامعية !!!!!!!!! مشكل عويص جداا

[alisadr]

حاب نتحول طب من جامعة وهران الى جامعة الجزائر
مع أنني أملك مبرر ( شهادة اقامة بالجزائر )
و أنا خائف من عدم قبول طلب التحويل

يعني انت راك مستغني على الاقامة الجامعية ؟؟ ،، عندك وين تسكن ؟؟

[alisadr]

مستحيل يبدلووك خصوصا ادا كانت الجامعة مكتضة الا ادا جبتي شهادة اقامة انك تسكني فالجامعة اللي حابة تبدلي ليها و لتم مايعطوكش اقامة في غرفة

هادا واش حبيت نقول أيها الاخوة و الأخوات ... و الحل ؟؟؟؟؟؟؟؟؟؟؟؟؟؟؟؟؟؟؟؟

[fatehzid]

we lintern wach sahal wla s3ib khti

[oussama_virus_vip]

من يريد التحويل من صيانة و امن صناعي الى اشغال عمومية ؟

[bahayou]

Je voulais faire le transfert mais je vois que c'est impossible de changer sa spécialité

[zakyass]

وينتا تبدا فترة التحويلات من فضلكم ؟

[بيلسان الجنة]

السلام عليكم انا راني حابة ندير ترونسفار من جامعة مسيلة الى جامعة شلف علابالي بلي تخصص لي راني حابة ندير ترونسفار ليه مقبول للمعدل نتاعيمي راني خايفة ادا مايقبلوليش ولا تكون بالمعرفة برك

[sidostar]

انا تاني حابة ندير ترونسفار


هما وجهوني لجامعة وهران مي انا حابة نقرا في البليدة


مي سمعت بلي الي يديرو تروسفار مايقدروش يتحصلو على اقامة جامعية



اي تخصص ؟ .

[ساسوكي حليم]

التحويل فيه مشكل كبيـــر

الاقامة ماكانش

[سطايفية بكل فخر]

السلام عليكم يا اخوان ويا اخوات
لقد لاحظت الكثير منا يريد التحويل وانا واحدة منهم والحمد للهلقد قمت بالبحث ووجدت بعض المعلومات اتمنى ان تفيدكم


إليكم الوثائق اللازمة للتحويل مابين
الجامعات

3إستمارات تحويل تسحب من المكتب المخصص للتحويل بالجامعة
نسخة مصادق عليها من شهادة البكالوريا
نسخة مصادق عليها من شهادة التسجيل او الشهادة المدرسية للسنة الحالية
نسخة من كشف النقاط بالنسبة الطلبة القدماء
مبرر
التحويل
(تحويل الإقامة .شهادة طبية .....)

هام جدا : يجب الحصول أولا على موافقة المؤسسة المستقبلة

كلما كان المعدل مناسبا كان قبول التحويل أسهل للاسف ستكون عملية تغيير الجامعة او المعهد صعبة اعبارا من الاماكن الشاغرة
+ الاصعب ملف المنحة ادا قدمت ملف المنحة للجامعة في الاول فيصعب عليك كثير وضعو في الجامعة التي التحقت بها جديدا

ولذلك حبذا لو تخلون ملف المنحة على جهة
شكرا على المعلومات
+
مادخل المنحة فالتحويل المنحة اسهل شيء لانو بمجرد قبولك فالجامعة جديدة يتنقلو ليها ملفاتك كاملة
=
هذا موضوعي فيه شرح كامل للعملية
http://www.djelfa.info/vb/showthread.php?t=1051876

[Mohammed]

متى تفتح التحويلاات لجامعة لاغواط
وهل ممكن اضع طلب تحويل في جامعتين والجامعة التي تقبلني اذهب اليها ؟!

[ساسوكي حليم]

الله يوفق الجميـــع

[ملاك الامل]

صح متتحصليش على الاقامة لاخاطرش في سبتمبر يكونو كامل داو الغرف ونتي جربي

ولي دار التورنسفار في نفس الولاية يفقد حق الاقامة