عن تجربتي الشخصية في البكالوريا الحرة

[Oustad_Ahmed]

بسم الله و الصلاة و السلام على رسول الله
السلام عليكم و رحمة الله

لكل من لم يسعفه الحظ في ما كان يريد ....و قرر اعدة البكالوريا احرار ..احكي لكم عن تجربتي الشخصية في هذا الميدان ...
تحصلت على البكالوريا العام الماضي ب 12 شعبة تقني رياضي
كان يبان لي معدل محترم:) ..قلت هديك هي ندخل المدرسة العليا لي كانت هدفي المسطر من زمان و الحاحا من الوالدة الكريمة.....
كانت اختياراتي الاولى مدارس عليا و الاختيار السادس علوم فلاحية ...مدولي علوم فلاحية §!في جامعة مستغانم وكانت الصدمة ..
00:confused: :mad::mad: ::
لكن بقي الامل و التفاؤل قائمين ..:)
فقررت نعاود البكالوريا ..على الرغم من المشقة و التعب الي نالو مني في الباك الاول ..قريت حوالي شهر في الجامعة و من بعد سمحت وليت نقرا في الاقامة الجامعية نحضر للبكالوريا وفق نظام و انضباط محكم .واهم شيئ في الموضوع انه لم اعتمد
على مراجع العام الماضي ..بل على مراجع و كتب خارجية جديدة بغية الشمولية ..
تخليت على كل شيء من اجل بلوغ هدفي ...هذي هي لازم تضحي ..
و الحمد لله ان كل هذا الجهدا ما راحش هباء منثورا
وفقني ربي في البكالوريا هدي 2012 حيث تحصلت عليها
بمعدل 15.60 الشيئ الي سمحلي باه ندخل المدرسة العليا للاساتذة
بالقبة /علوم دقيقة ..البارح فوت الكونكور و الحمد لله نجحت و كل شيئ تم بفضل الله
و بالتالي حققت جزء من هدفي و إرضاء الوالدة الكريمة ..حيث انها كانت تروي لي قصصا تراها في منامها كلها مبشرةَ بالخير ...
..
فلا تتخلو على اهدافكم و احلامكم رجــاءًاااا ..اعملو كل ما بوسعكم ...
و اصدقو النية و ستنالون ان شاء الله

و السلام عليكم و رحمة الله ...
......

[zizou93]

شكراااا اخي انا تاني راح نعاودو حرة
ربي يوفقك

[sidostar]

و الله نحييك على اصرارك

[أمال2008]

ألف مبروووووك
المزيد من التفوق ان شاء الله
سلاام عليكم

[zizou93]

خويا وكتاش بديت تقرا وت حضر خاصة لحفاضة وكيفاه درت مع المواد العلمية

[kialou]

5ouya svp ana thana haba n3awed a3Tini lmaraja3 li 9riti w programe li mchiti 3lih

[Oustad_Ahmed]

شكراااا اخي انا تاني راح نعاودو حرة
ربي يوفقك


بالتوفيق ان شاء الله

[Oustad_Ahmed]

و الله نحييك على اصرارك

الله يحييك اخي الكريم

[Oustad_Ahmed]

ألف مبروووووك
المزيد من التفوق ان شاء الله
سلاام عليكم


الله يبارك فيك
ان شاء الله ربي يوفقنا كامل
و عليكم السلام و رحمة الله

[sirina_angel]

بارك الله فيك خويا

[Oustad_Ahmed]

خويا وكتاش بديت تقرا وت حضر خاصة لحفاضة وكيفاه درت مع المواد العلمية


البرنامح الي قريت بيه كان :
البداية الرسمية كانت 15 جانفي
من قبل كان تذكيرات و مراجعات سطحية فقط
اهم شيئ اخي الكريم الموازنة بين المواد و اعطاء كل مادة حقها

[Oustad_Ahmed]

5ouya svp ana thana haba n3awed a3tini lmaraja3 li 9riti w programe li mchiti 3lih


ربي يوفقك ان شاء الله
المراجع
المغني في الرياضيات .
الجديد في الفيزياء .......
كان عندي عدد كبير من مواضيع رفقة التصحيح مستخرجها من الانترنت
خصوصا مواضيع الرياضيات و الفيزياء المغربية و الجنبية بصفة عامة
المواد الادبية ..كان عندي ملخصات بعضها طابعها من الانترنت و بعضها شريها
البرنامج من بعد نقلك عليه

[aminahassiba]

بارك الله فيك

[البلبلة]

حتى انا نويت نعاود مي نقرا في الجامعة ومانفرطش في العام

لانو حاجة ماهي مضمونة

[Manel152]

احييك على اصرارك و على تحليك بالأمل..
قصتي مع الباك أطول من قصتك و أمر..
تحصلت على الباكلوريا في 2010 بمعدل 14.70 كان حلمي أن أدرس طب الأسنان لكن معدلي لم يسمح لي..
مباشرة بعد توجيهي الى "بصريات و ميكانيك الضبط" قررت أن أعيد الباك رغم معارضة العائلة..
قريت حوالي شهر في الجامعة (درت تحويل و قريت فرنسية).. ثم رجعت الى المنزل و قريت للباك فقط..
في الأخير تحصلت على 15.15 و هدا المعدل لم يؤهلني الى دراسة طب الأسنان (في 2011 كان المعدل المطلوب 15.45)..
صدمت... سجلت في المدرسة العليا للأساتدة انجليزية.. قريتها و عجبتني و لكن أملي في تحقيق حلمي لم يمت..ههههههه سجلت الباك للمرة الثالثة بمعارضة شدييييييدة من العائلة... أصريت على اخياري..
لكن لم أضيع الانجليزية...
و الحمد لله طلعت عامي ب 13.5 و أيضا جبت الباك بمعدل 15.82... و أخييييييييرااااا تحقق الحلم..
و هاد العام ان شاء الله سأدرس طب الأسنان بعد انتظار طويييييييل.
في الأخير لا تتخلو على أحلامكم و أهدافكم و توكلوا على الله فهو خير معين..

[Oustad_Ahmed]

حتى انا نويت نعاود مي نقرا في الجامعة ومانفرطش في العام

لانو حاجة ماهي مضمونة


ان شاء الله ربي يوفقك
التوفيق بين الجامعة و البكالوريا تعترضه عوائق
اهمها تزامن اختبار الفصل الجامعي الثاني مع موعد اجراء امتحانات البكالوريا

[Oustad_Ahmed]

احييك على اصرارك و على تحليك بالأمل..
قصتي مع الباك أطول من قصتك و أمر..
تحصلت على الباكلوريا في 2010 بمعدل 14.70 كان حلمي أن أدرس طب الأسنان لكن معدلي لم يسمح لي..
مباشرة بعد توجيهي الى "بصريات و ميكانيك الضبط" قررت أن أعيد الباك رغم معارضة العائلة..
قريت حوالي شهر في الجامعة (درت تحويل و قريت فرنسية).. ثم رجعت الى المنزل و قريت للباك فقط..
في الأخير تحصلت على 15.15 و هدا المعدل لم يؤهلني الى دراسة طب الأسنان (في 2011 كان المعدل المطلوب 15.45)..
صدمت... سجلت في المدرسة العليا للأساتدة انجليزية.. قريتها و عجبتني و لكن أملي في تحقيق حلمي لم يمت..ههههههه سجلت الباك للمرة الثالثة بمعارضة شدييييييدة من العائلة... أصريت على اخياري..
لكن لم أضيع الانجليزية...
و الحمد لله طلعت عامي ب 13.5 و أيضا جبت الباك بمعدل 15.82... و أخييييييييرااااا تحقق الحلم..
و هاد العام ان شاء الله سأدرس طب الأسنان بعد انتظار طويييييييل.
في الأخير لا تتخلو على أحلامكم و أهدافكم و توكلوا على الله فهو خير معين..

ما شاء الله
مبروك عليك اختي و ربي يوفقك ان شاء الله ....
هكذا تكون الهمة العالية و الارادة و العزيمة
فلا يأس مع الحياة ولا حياة مع الياس

الانسان دائما لازم ما يقطعش الامل و يقول ... هدي صعيبة ..و لا ما نقدرش ..مستحيل ..ا
يكذب عليك شخص اذا قلك هذا الشيئ مستحيل

ربي يوفقكم
و السلام عليكم

[the eden94]

و الله اصراركم يشجعني علاى عدم التخلي عن حلمي و هو دراسة الطب رغم اني نجحت بمعدل14.60الا اني لم اوفق و تم توجيي علوم طبية ببجاية لكن قررت ان ادرسها و اسجل في الباك ..........مع اني لن اتخلى عن حلمي هباء و الله الموفق

[Oustad_Ahmed]

و الله اصراركم يشجعني علاى عدم التخلي عن حلمي و هو دراسة الطب رغم اني نجحت بمعدل14.60الا اني لم اوفق و تم توجيي علوم طبية ببجاية لكن قررت ان ادرسها و اسجل في الباك ..........مع اني لن اتخلى عن حلمي هباء و الله الموفق


ربي يوفقك

سأل الممكن المستحيل : أين تقـــم
فاجاب المستحيل :
في احلام العاجز

[البلبلة]

ان شاء الله ربي يوفقك
التوفيق بين الجامعة و البكالوريا تعترضه عوائق
اهمها تزامن اختبار الفصل الجامعي الثاني مع موعد اجراء امتحانات البكالوريا


وهذا الشيء اكيد ولا احتمال برك؟

ممكن تزيد تفهمني في العوائق باه نحاول على الاقل نتجنبخا ونكون علابالي واش يستنى فيا؟

مرسي خويا تعتك

[Oustad_Ahmed]

وهذا الشيء اكيد ولا احتمال برك؟

ممكن تزيد تفهمني في العوائق باه نحاول على الاقل نتجنبخا ونكون علابالي واش يستنى فيا؟

مرسي خويا تعتك



على حساب الجامعة و المنطقة الي تدرسي فيها و تاريخ الاختبار
مثلا في الشلف
جل اختبارات الجامعة للفصل الثاني جائت بالتزامن مع امتحان البكالوريا
قسم البيولوجيا جاهم الاختبار مع اليوم الاول في الاختبار
شوفي انت في الجامعة الي تقراي فيها
وربي يسهل ان شاء الله
ســـــــــــــــــــــــلام

[Blurry_Rose]

انا ثاني قررت نعاود الباك ان شاء الله لكن ساواصل الدراسة في الجامعة و اهتم جيدا بها ان شاء الله و في نفس الوقت نعاود البكالوريا و كيما كتب ربي الحمد لله

[Oustad_Ahmed]

انا ثاني قررت نعاود الباك ان شاء الله لكن ساواصل الدراسة في الجامعة و اهتم جيدا بها ان شاء الله و في نفس الوقت نعاود البكالوريا و كيما كتب ربي الحمد لله

ربي يوفقك ان شاء الله ....

[mica nour]

ما شاء الله
المهم حققت حلمك
خويا حتى انا عاودت الباك العام هذا و ديته بنفس المعدل اللي من قبل لخاطر ما راجعتش
و بغيت نعاود هذا العام لكن بارادة اقوى ان شاء الله ممكن تقولي كيفاش كنت تراجع و الطريقة اللي كنت تخدم بيها و الكتب اللي كنت تحفظ منهم و الله مارانيش باغية نضيع عامي و باغية نحقق حلمي فارجوووك ساعدني و شكرا
والله مين نشوف كيفكم نفرح يبقالي الامل,,, حتى انا نقدر ندير كيفكم

[Blurry_Rose]

ربي يوفقك ان شاء الله ....


شكرا ان شاء الله
و مبروك عليك ان شاء الله تنجع في ميدان لي خترتو
انا تاني تقني رياضي - هندسة طرائق -
من فضلك قل لي نقدر نعاود في هاذ الشعبة لانو مانيش حابة نبدل شعبة و نخلط روحي و كي سقسيت تاع تكوين المهني قالولي مستحيل

[أم الشهداء]

احييك على اصرارك و على تحليك بالأمل..
قصتي مع الباك أطول من قصتك و أمر..
تحصلت على الباكلوريا في 2010 بمعدل 14.70 كان حلمي أن أدرس طب الأسنان لكن معدلي لم يسمح لي..
مباشرة بعد توجيهي الى "بصريات و ميكانيك الضبط" قررت أن أعيد الباك رغم معارضة العائلة..
قريت حوالي شهر في الجامعة (درت تحويل و قريت فرنسية).. ثم رجعت الى المنزل و قريت للباك فقط..
في الأخير تحصلت على 15.15 و هدا المعدل لم يؤهلني الى دراسة طب الأسنان (في 2011 كان المعدل المطلوب 15.45)..
صدمت... سجلت في المدرسة العليا للأساتدة انجليزية.. قريتها و عجبتني و لكن أملي في تحقيق حلمي لم يمت..ههههههه سجلت الباك للمرة الثالثة بمعارضة شدييييييدة من العائلة... أصريت على اخياري..
لكن لم أضيع الانجليزية...
و الحمد لله طلعت عامي ب 13.5 و أيضا جبت الباك بمعدل 15.82... و أخييييييييرااااا تحقق الحلم..
و هاد العام ان شاء الله سأدرس طب الأسنان بعد انتظار طويييييييل.
في الأخير لا تتخلو على أحلامكم و أهدافكم و توكلوا على الله فهو خير معين..


السلام عليكم و رحمة الله
اوووه أحيي فيك و في الاخ الكريم صاحب الموضوع روح العزيمة هذه و الارادة التي ولت بنتيجة ايجابية و للحمد لله
مبروك عليكما الوصول الى الاختصاص الذي كنتما تأملان للوصول اليه
القصة التي سردها كل منكما أعتقد انها ستكون حافزا و مشجعا لكل طالب مقبل على البكالوريا
بالتوفيق للجميع
و السلام

[federer the maestro]

أنا ديت هذا العام 14,87 و بعثوني هندسة معمارية في عنابة و الحمد لله أنها قدام الدار

مي أنا حلمي و هدفي الأول و الأخير تخصص طب

و الكل قالولي عاود الباك مازلتي صغير خاصة أني داخل 5 سنوات و ليا 3 أيام فقك ميلي قفلت 18 سنة

و بالتالي قررت أنو العام الجاي بإذن ربي جلا و علا أني نعاود الباك

مي راني حابكم تنصحوني

هل نبلوكي العام و نحضر للباك

أم أني نقرا في الجامعة و نحضر للباك في آن واحد

ممكن أصحاب الخبرة و خاصة لي عاودو هذا العام أحرار و وفقهم الله عزوجل ينصحو و يوجهو جميع الطلاب

عن كيفة المعاملة و التصرف مع الدراسة طوال العام

و الله ولي التوفيق


و تقبل الله صيامكم بمزيد من الأجر و الثواب و المغفرة

[جنات14]

ماشاء الله عليك و بارك الله فيك
أنا خلاف حابة نعاودوا

[نيروز القمر]

الحمد لله مبروك عليك
ان شاء الله يتحقق حلمي انا تاني قولو امين

[Oustad_Ahmed]

ما شاء الله
المهم حققت حلمك
خويا حتى انا عاودت الباك العام هذا و ديته بنفس المعدل اللي من قبل لخاطر ما راجعتش
و بغيت نعاود هذا العام لكن بارادة اقوى ان شاء الله ممكن تقولي كيفاش كنت تراجع و الطريقة اللي كنت تخدم بيها و الكتب اللي كنت تحفظ منهم و الله مارانيش باغية نضيع عامي و باغية نحقق حلمي فارجوووك ساعدني و شكرا
والله مين نشوف كيفكم نفرح يبقالي الامل,,, حتى انا نقدر ندير كيفكم



السلام عليكم
اختي الكريمة
كي تتمسك بالهدف تاعك و تؤمني بيه ايمان لا ينقطع ..بإذن الله راح توصلي ليه
راح تعترضك عواقب مؤقتة من دون شك او الاحباطات قصيرة المدى
يعني يهبط لك المورال :confused:
و الاخطر من ذلك المقارنة السلبية ...
و احتقار النفس
.................................
ننصحك اختي الكريمة بالزام نفسك بهدف واضح وواضح جدا
ترسمي طريقك ليه بارادتك و عزيمتك القوية

انا كنت الزم نفسي بجدول توقيت صارم
لانو الوقت محسوب
و ما يقولوكش مازال الحال ...
و احرص على تعويض كل حصة فاتت ني

راح نفيدك اكثر في ردود اخرى
بارك الله فيك
والسلام عليكم

[Oustad_Ahmed]

الحمد لله مبروك عليك
ان شاء الله يتحقق حلمي انا تاني قولو امين

الله يبارك فيك
ان شـــاء الله ربي يوفقك الى ما تطمح اليه
آآآآميــــــــــــــــــــــــــــــــــــــــــن

[البلبلة]

على حساب الجامعة و المنطقة الي تدرسي فيها و تاريخ الاختبار
مثلا في الشلف
جل اختبارات الجامعة للفصل الثاني جائت بالتزامن مع امتحان البكالوريا
قسم البيولوجيا جاهم الاختبار مع اليوم الاول في الاختبار
شوفي انت في الجامعة الي تقراي فيها
وربي يسهل ان شاء الله
ســـــــــــــــــــــــلام


انا ان شاء الله في قسنطينة

ربي يسهللنا كامل

ممكن تزيد تقولي عى الصعوبات الاخرى؟

وقالولي انو الاقامة الجامعية تساعد بزا في التركيز في الدراسة صح؟

[Oustad_Ahmed]

شكرا ان شاء الله
و مبروك عليك ان شاء الله تنجع في ميدان لي خترتو
انا تاني تقني رياضي - هندسة طرائق -
من فضلك قل لي نقدر نعاود في هاذ الشعبة لانو مانيش حابة نبدل شعبة و نخلط روحي و كي سقسيت تاع تكوين المهني قالولي مستحيل


ما شاء الله
ربي يحفظك اختي
بالنسبة للشعبة اكيد تقدري تعاودي في نفس الشعبة
ما ننصحكش باه تبدلي الشعبة لانو ماهوش في صالحك
و صح فظورك
و بتوفيق ان شاء الله

[Oustad_Ahmed]

انا ان شاء الله في قسنطينة

ربي يسهللنا كامل

ممكن تزيد تقولي عى الصعوبات الاخرى؟

وقالولي انو الاقامة الجامعية تساعد بزا في التركيز في الدراسة صح؟


اذا كنت مثلا تدرسي في الجامعة فيزياء او رياضيات او ما شابه ذلك
اكيد باللغة الفرنسية و فيه تقارب مع برنامج البكالوريا
مما قد يوقعك في الالتباس ... حيث ان في الجامعة يكون التعمق نوعا ما
عن تجربتي ..الاقامة كانت بمثابة المفتاح الاساسي للتفوق
خصوصا اني كنت في غرفة لوحدي ..
انا ما نشجعش على المراجعة الجماعية
ساعدتني بزاااااف الاقامة بغض النظر عن ما فيها من مشاكل
ســـــــــــــــــــــلام

[Oustad_Ahmed]

أنا ديت هذا العام 14,87 و بعثوني هندسة معمارية في عنابة و الحمد لله أنها قدام الدار

مي أنا حلمي و هدفي الأول و الأخير تخصص طب

و الكل قالولي عاود الباك مازلتي صغير خاصة أني داخل 5 سنوات و ليا 3 أيام فقك ميلي قفلت 18 سنة

و بالتالي قررت أنو العام الجاي بإذن ربي جلا و علا أني نعاود الباك

مي راني حابكم تنصحوني

هل نبلوكي العام و نحضر للباك

أم أني نقرا في الجامعة و نحضر للباك في آن واحد

ممكن أصحاب الخبرة و خاصة لي عاودو هذا العام أحرار و وفقهم الله عزوجل ينصحو و يوجهو جميع الطلاب

عن كيفة المعاملة و التصرف مع الدراسة طوال العام

و الله ولي التوفيق


و تقبل الله صيامكم بمزيد من الأجر و الثواب و المغفرة


السلام عليكم
اخي الكريم
شوف للظروف الي تساعدك باه تقرا ...
انت جبت الباك بمعل الله يبارك
انظن باه جبت هذا المعدل كنت متبع نظام معين
شوف للنقاط الضعف نتاوعك و سعى باه تعالجهم
و وازن بين المواد ما تحقر حتى مادة
و ربي يجيب التوفيق
و السلام عليم

[Oustad_Ahmed]

ماشاء الله عليك و بارك الله فيك
أنا خلاف حابة نعاودوا

الله يبارك فيك
اتكلي على ربي و اصدقي نيتك
و كوني منظمة في امورك
و ان شاء الله
سيكون التوفيق بإذن الله العظيم الكريم

و السلام عليكم

[زكي bac]

رغم تحصلي على معدل 16 انا كذلك اردت اعادة البكالوريh لاذهب الى esi و لكنني تراجعت
لانني مثلما تقول الاخت خنساء دائما لقد هرمت
المهم ألي حاب يعاود ربي يكون في عونو

[sabrina931]

سلام حتى انا اصررت على تحقيق حلمي حتى حققته في عام 2011 عكبت الباك وقريتلو 100/100 وتعبت بزاف جبت 15.24 على جال الفلسفة لي ماديتش فيها مليح قررت نعاود الباك عاوتو وبديت نقرا من الاول للباك وسجلت رياضيات واعلام الي والحمد لله طلعت العام ب 12.71 وجبت الباك 15.69 على الرغم من انهم زيرووووووووونا بزاف في التصحيح وطيشونا 105 كم على الولاية نتاعنا والحمد لله درت طب وحققت حلمي :)

[sirina_angel]

احييك على اصرارك و على تحليك بالأمل..
قصتي مع الباك أطول من قصتك و أمر..
تحصلت على الباكلوريا في 2010 بمعدل 14.70 كان حلمي أن أدرس طب الأسنان لكن معدلي لم يسمح لي..
مباشرة بعد توجيهي الى "بصريات و ميكانيك الضبط" قررت أن أعيد الباك رغم معارضة العائلة..
قريت حوالي شهر في الجامعة (درت تحويل و قريت فرنسية).. ثم رجعت الى المنزل و قريت للباك فقط..
في الأخير تحصلت على 15.15 و هدا المعدل لم يؤهلني الى دراسة طب الأسنان (في 2011 كان المعدل المطلوب 15.45)..
صدمت... سجلت في المدرسة العليا للأساتدة انجليزية.. قريتها و عجبتني و لكن أملي في تحقيق حلمي لم يمت..ههههههه سجلت الباك للمرة الثالثة بمعارضة شدييييييدة من العائلة... أصريت على اخياري..
لكن لم أضيع الانجليزية...
و الحمد لله طلعت عامي ب 13.5 و أيضا جبت الباك بمعدل 15.82... و أخييييييييرااااا تحقق الحلم..
و هاد العام ان شاء الله سأدرس طب الأسنان بعد انتظار طويييييييل.
في الأخير لا تتخلو على أحلامكم و أهدافكم و توكلوا على الله فهو خير معين..

اختي انا جبت 15.04 و بعثوني مدرسة عليا علوم طبيعية ..و راني حابة نعاود
انصحيني نبلوكي العام ولا لالا !!!!و تاني كيفاه نقدر نوفق بين الجامعة و الباك اذا ما بلوكيتش مع العلم انو الاغلبية و ليس الجميع ما يجيبوش نتيجة مليحة كي يقراو الاثنين معا ...يعني من كل وحدة نص قراية واش رايك اختي
ملاحظة.........طموحي هو طموحك جراحة اسنان

[sirina_angel]

اذا كنت مثلا تدرسي في الجامعة فيزياء او رياضيات او ما شابه ذلك
اكيد باللغة الفرنسية و فيه تقارب مع برنامج البكالوريا
مما قد يوقعك في الالتباس ... حيث ان في الجامعة يكون التعمق نوعا ما
عن تجربتي ..الاقامة كانت بمثابة المفتاح الاساسي للتفوق
خصوصا اني كنت في غرفة لوحدي ..
انا ما نشجعش على المراجعة الجماعية
ساعدتني بزاااااف الاقامة بغض النظر عن ما فيها من مشاكل
ســـــــــــــــــــــلام
خويا قولي انت كنت تروح للاقامة فقط باش تقرا للباك ولا كنت تقرا ثاني للجامعة!!

[sara attoui]

merciiiiiiiiiiiiiii bcp rabi ywaf9ak fi hyatek wallah talla3tli lmoral

[Minà Là Mignonne]

احييك على اصرارك و على تحليك بالأمل..
قصتي مع الباك أطول من قصتك و أمر..
تحصلت على الباكلوريا في 2010 بمعدل 14.70 كان حلمي أن أدرس طب الأسنان لكن معدلي لم يسمح لي..
مباشرة بعد توجيهي الى "بصريات و ميكانيك الضبط" قررت أن أعيد الباك رغم معارضة العائلة..
قريت حوالي شهر في الجامعة (درت تحويل و قريت فرنسية).. ثم رجعت الى المنزل و قريت للباك فقط..
في الأخير تحصلت على 15.15 و هدا المعدل لم يؤهلني الى دراسة طب الأسنان (في 2011 كان المعدل المطلوب 15.45)..
صدمت... سجلت في المدرسة العليا للأساتدة انجليزية.. قريتها و عجبتني و لكن أملي في تحقيق حلمي لم يمت..ههههههه سجلت الباك للمرة الثالثة بمعارضة شدييييييدة من العائلة... أصريت على اخياري..
لكن لم أضيع الانجليزية...
و الحمد لله طلعت عامي ب 13.5 و أيضا جبت الباك بمعدل 15.82... و أخييييييييرااااا تحقق الحلم..
و هاد العام ان شاء الله سأدرس طب الأسنان بعد انتظار طويييييييل.
في الأخير لا تتخلو على أحلامكم و أهدافكم و توكلوا على الله فهو خير معين..

و انا بدوري احييك اختي على هذه العزيمة ما شاء الله و كذا الاخ احمد ربي يحفظكم راكم عاونتوونا بزاف
و الله لقد انبهرت فقصتك تشبه قصتي كثيراا انا تحصلت على باكالوريا 2011 بمعدل 15.00 و كان و لا يزال حلمي دراسة الطب لكني لم اكن من الموفقين و هذا من حكمة الله ، قد كان معدل القبول تلك السنة 15.64 و قد وجهت الى فرع البيولوجيا و قررت اعادة الباكالوريا لكني و للاسف لم استطع التوفيق بين الامرين ، فضاع عامي في الجامعة لكني عملت على الباكلوريا فتحصلت هذه السنة على معدل 15.40 و كان املي كبير في ولوج عالم الطب لكني لم اوفق و كان معدل القبول لهذه السنة 15.49 ، فقد فصلتني عن حلمي تلك المسافة 0.09 !!!!
و الآن ، وجهت صيدلة مع اني لم افكر ابدا في دراستها ، لا اعرف ماذا افعل بالتحديد ، فأنا انوي اعادة الباكالوريا مجددا ، بعزم اكثر و اصرار اكبر ، لكن الكل يقولون الي ان الصيدلة فرع رائع لا تفرطي فيه و لا تضيعي سنوات عمرك في اعادة الباكالوريا ... لكن والدي وافقا على اعادتي للباك ... بشرط ان اوقف دراستي الجامعية بما اني لم انتقل الى السنة الثانية لكن املي في الامتحان الاستدراكي لكي انتقل به الى السنة الثانية .. لاني بصراحة منقدرش نبلوكي و نقرا ، اصلا نبعد على جو الدراسة و ممكن نضيع وقتي في النت و التلفاز ..
المهم طولت عليك اختي ، سؤالي :) ربي يحفظك و تكوني ان شاء الله من المميزات في طب الاسنان ، اريد ان استفيد من خبرتك لازيدها على خبرتي المتواضعة ، كيف استطعت النجاح في الجامعة و كذا الباك 3 ؟؟ و ما هي الدروس الخصوصية او المراجع التي اعتمدتيها؟
بارك الله فيك و وفقكم الى ما يحبه و يرضاه

بسم الله و الصلاة و السلام على رسول الله

السلام عليكم و رحمة الله

لكل من لم يسعفه الحظ في ما كان يريد ....و قرر اعدة البكالوريا احرار ..احكي لكم عن تجربتي الشخصية في هذا الميدان ...
تحصلت على البكالوريا العام الماضي ب 12 شعبة تقني رياضي
كان يبان لي معدل محترم:) ..قلت هديك هي ندخل المدرسة العليا لي كانت هدفي المسطر من زمان و الحاحا من الوالدة الكريمة.....
كانت اختياراتي الاولى مدارس عليا و الاختيار السادس علوم فلاحية ...مدولي علوم فلاحية §!في جامعة مستغانم وكانت الصدمة ..
00:confused: :mad::mad: ::
لكن بقي الامل و التفاؤل قائمين ..:)
فقررت نعاود البكالوريا ..على الرغم من المشقة و التعب الي نالو مني في الباك الاول ..قريت حوالي شهر في الجامعة و من بعد سمحت وليت نقرا في الاقامة الجامعية نحضر للبكالوريا وفق نظام و انضباط محكم .واهم شيئ في الموضوع انه لم اعتمد
على مراجع العام الماضي ..بل على مراجع و كتب خارجية جديدة بغية الشمولية ..
تخليت على كل شيء من اجل بلوغ هدفي ...هذي هي لازم تضحي ..
و الحمد لله ان كل هذا الجهدا ما راحش هباء منثورا
وفقني ربي في البكالوريا هدي 2012 حيث تحصلت عليها
بمعدل 15.60 الشيئ الي سمحلي باه ندخل المدرسة العليا للاساتذة
بالقبة /علوم دقيقة ..البارح فوت الكونكور و الحمد لله نجحت و كل شيئ تم بفضل الله
و بالتالي حققت جزء من هدفي و إرضاء الوالدة الكريمة ..حيث انها كانت تروي لي قصصا تراها في منامها كلها مبشرةَ بالخير ...
..
فلا تتخلو على اهدافكم و احلامكم رجــاءًاااا ..اعملو كل ما بوسعكم ...

و اصدقو النية و ستنالون
ان شاء الله

و السلام عليكم و رحمة الله ...
......

اخي الكريم ممكن تقرا الرد الذي كتبته لك و الاخت
بارك الله فيك على الموضوع المليء بالتفاؤل



أنا ديت هذا العام 14,87 و بعثوني هندسة معمارية في عنابة و الحمد لله أنها قدام الدار

مي أنا حلمي و هدفي الأول و الأخير تخصص طب

و الكل قالولي عاود الباك مازلتي صغير خاصة أني داخل 5 سنوات و ليا 3 أيام فقك ميلي قفلت 18 سنة

و بالتالي قررت أنو العام الجاي بإذن ربي جلا و علا أني نعاود الباك

مي راني حابكم تنصحوني

هل نبلوكي العام و نحضر للباك

أم أني نقرا في الجامعة و نحضر للباك في آن واحد

ممكن أصحاب الخبرة و خاصة لي عاودو هذا العام أحرار و وفقهم الله عزوجل ينصحو و يوجهو جميع الطلاب

عن كيفة المعاملة و التصرف مع الدراسة طوال العام

و الله ولي التوفيق


و تقبل الله صيامكم بمزيد من الأجر و الثواب و المغفرة

اختي انا كانو معايا بنات يقراو ارشي و يعاودو الباك مي والله مقدرو نص العام حبسو لارشي و كملو في الباك
اذا مصرة تجيبي معدل مليح و في نفس الوقت متضيعيش عامك ننصحك تبدلي الى فرع اسهل ـ لانو لارشي كل يوم projet
وفقك الله الى ما يحبه و يرضاه

[Minà Là Mignonne]

سلام حتى انا اصررت على تحقيق حلمي حتى حققته في عام 2011 عكبت الباك وقريتلو 100/100 وتعبت بزاف جبت 15.24 على جال الفلسفة لي ماديتش فيها مليح قررت نعاود الباك عاوتو وبديت نقرا من الاول للباك وسجلت رياضيات واعلام الي والحمد لله طلعت العام ب 12.71 وجبت الباك 15.69 على الرغم من انهم زيرووووووووونا بزاف في التصحيح وطيشونا 105 كم على الولاية نتاعنا والحمد لله درت طب وحققت حلمي :)

بارك الله فيك اختي الكريمة
لقد كتبت لك رد خاص في موضوع -الي قرر يعاود الباك.....- لكنك لم تردي فارجوك اختي اطلعي على الموضوع فانا ليس بامكاني ارسال رسائل خاصة
ممكن اختي تعطينا طريقتك في الدرااسة و التوفيق بين الجامعة و الباك ؟
ممكن المراجع التي اعتمدتيها اختي ؟
المواد التي دعمتي بها نفسك بالدرروس الخصوصية ؟؟ و من فضلك اختي اود الاتصال بك عن طريق ال***** اذا سمحتي
بارك الله فيك ، و اتمنى لك مزيداا من النجاح و التفوق في مشوارك الدراسي و اتمنى من قلبي ان تثبتي جدارتك و ان تكوني من المميزات في فرع الطب و تثبتي ان التميز ليس حكرا فقط على اصحاب 18 :)

[أم الشهداء]

رغم تحصلي على معدل 16 انا كذلك اردت اعادة البكالوريh لاذهب الى esi و لكنني تراجعت
لانني مثلما تقول الاخت خنساء دائما لقد هرمت
المهم ألي حاب يعاود ربي يكون في عونو

هههههه أهلا أخي زكي
(( أوو تحصلها فيا :1: ))

ربي يوفقكــ آخي الكريم ــ الخير مازال القدام ان شاء الله

سلامــ’ــ

[sidostar]

الله يحييك اخي الكريم


قولي غير كي درت مع الفلسفة
و مين ربحت الباك الثاني
شعال كان عمرك ؟

[sam41]

a3tini le programme li dertou svp

[زمهرير ولى الاثر]

ماشاء الله عليك أخي ، طموحك أخذك بعيدا

مبارك عليك ، مزيد من النجاح والتفوق الدائمين

هل توقفت عن الدراسة الجامعية واتممت تحضيرك للباك؟

[Aatima]

macha2a llah , w rabi ynaj7ak w yakamal lik nchllh

[Oustad_Ahmed]

خويا قولي انت كنت تروح للاقامة فقط باش تقرا للباك ولا كنت تقرا ثاني للجامعة!!


كنت نرروح للاقامة باه نقراللباك ..خطر الظروف في الدار ما ساعدتنيش
و كنت داير الجامعة مكان ترفيه و ترويح عن النفس
راكي عارفة اختي

[Oustad_Ahmed]

قولي غير كي درت مع الفلسفة
و مين ربحت الباك الثاني
شعال كان عمرك ؟


السلام عليكم
الفلسفة كان تعاملي معاها كاتالي
كتبت أقوال الفلاسفة لكل مقالة في ملخص
و والامثلة لكل مقالة
و بديت نحفظهم
بعد ما حفضت جميع الاقوال و الاستشهادات
تطرقت للماقالات وو جدت فيهم سهولة تامة للحفظ و الفهم
حفظت 8 مقالات والحمد لله طاحت مقالة البيولوجيا الي كنت حافظها و فاهمها ظهرا عن قلب
الديت فيها بفضل الله 15
.....
سالتني على عمري
20 سنة ان شاء الله

[Oustad_Ahmed]

merciiiiiiiiiiiiiii bcp rabi ywaf9ak fi hyatek wallah talla3tli lmoral

ان شاء الله ربي يوفقك
لا ياس مع الحياة

[Oustad_Ahmed]

macha2a llah , w rabi ynaj7ak w yakamal lik nchllh

amin ya rab
w in chaa Allah rabi ywafa9 kol men yas3a llnajah w yabdak kol ma bwas3o men ajl dalik

[Oustad_Ahmed]

ماشاء الله عليك أخي ، طموحك أخذك بعيدا

مبارك عليك ، مزيد من النجاح والتفوق الدائمين

هل توقفت عن الدراسة الجامعية واتممت تحضيرك للباك؟


السلام عليكم
و الله يبارك فيك ا
نعم ..توقفت على الدراسة تماما في الجامعة
حيث ان هدفي اصبح اكثر وضوحا و تحدي
كان زملائي في الجامعة حفظهم الله يساعدونني كثيرا من الناحية المعنوية

[Oustad_Ahmed]

a3tini le programme li dertou svp


البرنامج الي اتبعت كان كما يلي
قررت البداية الرسمية تكون 15 جانفي 2011
كانت مقسمة كما يلي
3 مراحل كل مرحلة 45 يوم
بمعنى 4 اشهر و 15 يوم كانت كافية لمعدل 15.60
طبعا كل شخص و قدراته
المرحلة الاولى
مراجعة سطحية للبرنامج
مع تمارين سهلة نسبيا لججنب الاحباط و الياس
معالجة نقاط ضعف البكالوريا السابقة كان عندي ضعف كبير في مادة الرياضيات و الفيزياء
بحيث تمكنت من مادة الرياضيات نهاية هذه المرحلة واحسست بارتياح نسبي من جهتها
نفس الامر بالنسبة للفيزياء
اما الكهرباء فكنت ممتاز فيها لهذا تطرقت لمراجعة الملخصات في هذه المرحلة
المرحلة الثانية
حل تمارين و مواضيع مختلفة ذات درجة صعوبة اعلى من سابقتها
حفظ ملخصات المواد الادبية خصوصا مادة التاريخ و الجغرافيا و العلوم الشرعية
بالنسبة للتاريح حفظت المصطلحات الشخصيات وا لتواريخ بنسبة 70 /100
الفلسفة حفضت الاقوال و الامثلة دون التطرق للمقالات
اللغات الاجنبية كذلك ملخصات شكلية
المرحلة الاخيرة
مرحلة ختامية كانت مكثفة جدا بالحفظ لانه حسيت بارتياح من جيهة المواد العلمية
تطرقت للهندسة الكهربائية بشكل معمق جدا حيث الديث في الباك 19.5 معامل 7
تطرقت للوضعيات الادماجية في مادتي التاريخ و الجغرافيا و المقالات في الفلسفة
من بعد مراجعة ختامية في 15 يوم الاخيرة
و التوكل على الله و باذن الله سيكون التوفيق


تكلمت عن البرنامج بشكل لبق نوعا ما
تقبلي تحياتي
ســــــــــــلام

[زهور الياسمين]

السلام عليكم استاذنا المستقبلي

فرحتلك بزاف و كيما يقولو chapeau

الله يبارك طموحك عالى و الحمد لله تحقق الحلم

انا تان راح اقتدي بك

انا جبت الباك ش رياضيات ب 12,87 معدلي لم يسمح لي بدراسة الطب كما كنت احلم

راح نعاود ان شاء الله كيما يديرو الناس

لكن كي شفت قصصكم تحمست اكتر

اخي انا اخترت رياضيات و اعلام الي و راح ندير الاقامة باذن الله وش رايك زعما تساعدني الشعبة ’؟

و ايضا ممكن تزودني ببرنامج مكثف حتى اتمكن من النجاح في كلاهما

اخي لو تتكرم بزيارة قروبنا على الفـايس بوك ارسل طلب و ساقوم باضافتك


https://www.fb.com/groups/109839269163001/


بانتظارك

[Oustad_Ahmed]

السلام عليكم استاذنا المستقبلي

فرحتلك بزاف و كيما يقولو chapeau

الله يبارك طموحك عالى و الحمد لله تحقق الحلم

انا تان راح اقتدي بك

انا جبت الباك ش رياضيات ب 12,87 معدلي لم يسمح لي بدراسة الطب كما كنت احلم

راح نعاود ان شاء الله كيما يديرو الناس

لكن كي شفت قصصكم تحمست اكتر

اخي انا اخترت رياضيات و اعلام الي و راح ندير الاقامة باذن الله وش رايك زعما تساعدني الشعبة ’؟

و ايضا ممكن تزودني ببرنامج مكثف حتى اتمكن من النجاح في كلاهما

اخي لو تتكرم بزيارة قروبنا على الفـايس بوك ارسل طلب و ساقوم باضافتك


https://www.fb.com/groups/109839269163001/


بانتظارك


بارك الله فيك اختي الكريمة
مبروك عليك البكالوريا
ما تقتليش فرحة البكالوريا ا
حتى و لو ما مدولكش ما كنت تطمحين به
لا تفقد الامل و تفائلي خيرا تجديه ان شاء الله

ان شاء الله ربي يوفقك
اذا كان عندك هدف غير واضح سيكون الامر صعبا
مثلا نيتك تعاودي الباك و تقراي عام في الجامعة
ما هو هدفك تحديدا ؟؟؟؟

[Aatima]

ana shui en 2 ieme anné , institu de telecom ingeniora , pr moi filliere chaba bzf
mé aussi kont habba la medcine , g pensé a refaire mon bac mé badalt rayy
psk mana9darch nabloki l 3am , zid 9raya tamma chargé w s3iba bzf , en plus ydirounna la date des examin , m3a la date ta3 l bac
cmm cette anné les examin chez ns bdaw le 03 juin m3a l bac
donc takhter imma l bac wala les examin, apr synthese w rattrapage bech nbala3 l 3am
mé synthse w rattrapage s3eb , w fihom gaa3 l3am 9lil li ybala3 fihom
c pr ça khoft la ndaya3 3ami f l institu w manjibch l bac mlih

[Oustad_Ahmed]

ana shui en 2 ieme anné , institu de telecom ingeniora , pr moi filliere chaba bzf
mé aussi kont habba la medcine , g pensé a refaire mon bac mé badalt rayy
psk mana9darch nabloki l 3am , zid 9raya tamma chargé w s3iba bzf , en plus ydirounna la date des examin , m3a la date ta3 l bac
cmm cette anné les examin chez ns bdaw le 03 juin m3a l bac
donc takhter imma l bac wala les examin, apr synthese w rattrapage bech nbala3 l 3am
mé synthse w rattrapage s3eb , w fihom gaa3 l3am 9lil li ybala3 fihom
c pr ça khoft la ndaya3 3ami f l institu w manjibch l bac mlih

بالتوفيــــــــــــــــــــــق ان شا ء الله

[ranssi aram]

ان شاء الله لن أتخلى عن أحلامي و شكرا على افادتكم اخواني

[سجينْ ..!]

و انا كان حلمي الوحيد ندرس انجليزية في المدرسة العليا للاساتذة

لكن للاسف معدلي ما يسمحشْ

لكن مدولي مدرسة عليا أدب عربي و جوزت الكونكور و ما ربحتش و من بعد طلبت يوجهوني انجليزية في مستغانمْ

و رايح نعاود الباااااااك أكيييد و غي المدرسة العليا انجليزية اللي ندخلها ياو لوكان يبقالي نهار من حياتيْ

كل الششششكر

[عاشقة الرياضيـــات]

السلام عليكم ورحمة الله

الله يبارك،، ما شآء الله

أحسست بتفائل كبير وأنا أقرأ موضوع ـكـ وردود الأعضاء ..

لكل مجتهد نصيب والله لا يضيع أجر المحسنين

سعيدة من أجل من حقق أحلامه وطموحاته،،

وبالتوفيق لمن يكن الحظ حليفه!! الأمل قائم دائما ما دام لنا رب كبير يسمع ويرى..

شكرآ خي على الموضوع

وبالتوفيق لي وللجميـــع ان شـ آء الله ..

[فطومة 32]

مــــــــــــــــــــــا شاء الله
هيـــــــــك الشخصيات والمواضيع يـابـــــــــــــــــــــلى

ايـه والله دزاير خاصها ناس كهاك باش تديها لبعيد


اتمنى لك ولكل من لم يتخلى عن حلمه مزيدا من التفوق والنجاح

سؤال ؟؟؟؟؟؟؟؟؟؟؟؟؟ فضولي شوية
كيف كان رد فعل حبابك وجيرانك وفاميلتك gـاع بفوزك الثاني ؟هل نفس رد الفعل الاول؟؟؟

[Oustad_Ahmed]

و انا كان حلمي الوحيد ندرس انجليزية في المدرسة العليا للاساتذة

لكن للاسف معدلي ما يسمحشْ

لكن مدولي مدرسة عليا أدب عربي و جوزت الكونكور و ما ربحتش و من بعد طلبت يوجهوني انجليزية في مستغانمْ

و رايح نعاود الباااااااك أكيييد و غي المدرسة العليا انجليزية اللي ندخلها ياو لوكان يبقالي نهار من حياتيْ

كل الششششكر


السلام عليكم
نعم ..لا تتخلى عم احلامك
و ايقن انك قادر على تحقيقها
اذا ما إقترنت بعزيمة و ارادة قويتين
بالتوفيق ان شاء الله

[Oustad_Ahmed]

السلام عليكم ورحمة الله

الله يبارك،، ما شآء الله

أحسست بتفائل كبير وأنا أقرأ موضوع ـكـ وردود الأعضاء ..

لكل مجتهد نصيب والله لا يضيع أجر المحسنين

سعيدة من أجل من حقق أحلامه وطموحاته،،

وبالتوفيق لمن يكن الحظ حليفه!! الأمل قائم دائما ما دام لنا رب كبير يسمع ويرى..

شكرآ خي على الموضوع

وبالتوفيق لي وللجميـــع ان شـ آء الله ..





وعليكم السلام و رحمة الله
و الله يبارك فيك اختي
بالتوفيق ان شاء الله

[Oustad_Ahmed]

مــــــــــــــــــــــا شاء الله
هيـــــــــك الشخصيات والمواضيع يـابـــــــــــــــــــــلى

ايـه والله دزاير خاصها ناس كهاك باش تديها لبعيد


اتمنى لك ولكل من لم يتخلى عن حلمه مزيدا من التفوق والنجاح

سؤال ؟؟؟؟؟؟؟؟؟؟؟؟؟ فضولي شوية
كيف كان رد فعل حبابك وجيرانك وفاميلتك gـاع بفوزك الثاني ؟هل نفس رد الفعل الاول؟؟؟

السلام عليكم
بارك الله فيك اختي
اكيد انه ردود الفعل اختلفت عن البكالوريا الاولى
حيث كانت اكثر فرحة من سابقتها
:)
لعائلة قالولي راك شرفتنا
البعض قال لي والله عندك عزيمة و ارادة ما شاء الله
و الاخر قالي شيئ طبعي انك تعاود للمرة الثانية !!!
و الاصدقاء قالولي لعام ما راهش هاكداك
.........
.هذا بدون تفاصيل التي نسية بعضها بسب :p
هستيريا الفرحة هه

[Oustad_Ahmed]

تعلمت من تجربتي هذه انه لا يوجد ما يسمى بالمستحيل .... علقت ورقة على الحائط مكتوب عليها : نعم يمكن
نعم يمكن اذا تسلحت بالعزيمة و الارادة ... و كان شعارك تحقيق احلامك
التي كثيرا منا تخلى عنها بمجرد تصادمها مع عوائق مؤقتة
.................................................. .................................................. اتمنى لكم النجاح و التوفيق .................................................. ....

[sarah milano]

Shoukran 3la elmawdou3 elmoumayez wafa9aka allah fi dirassatika eldjami3ia

[Oustad_Ahmed]

Shoukran 3la elmawdou3 elmoumayez wafa9aka allah fi dirassatika eldjami3ia


merci, w bi eltawfi9 inchaaAllah...

[khaled.belhena]

شكراااا اخي انا تاني راح نعاودو
ربي يوفقك

[simsima-asmaa]

السلام عليكم اخي شكرااا على الموضوع القيم و الله قراءته و قراءة الردود منحوني الكثير من الأمل......................لكن مادامش بعد ماقريت في الشروق انو حتى بعد 5 سنوات باش نقدرو نسجلو بالباك 2 يعني رايح يكون تعب عام كامل ضاع.........نسقسيك خويا انت سجلت عادي؟؟ يعني ماقالولكش مانسجلوكش لانو عندك باك من قبل ولا هاذا مجرد كلام ..............................*

[عاشقة الخير]

أنا ديت هذا العام 14,87 و بعثوني هندسة معمارية في عنابة و الحمد لله أنها قدام الدار

مي أنا حلمي و هدفي الأول و الأخير تخصص طب

و الكل قالولي عاود الباك مازلتي صغير خاصة أني داخل 5 سنوات و ليا 3 أيام فقك ميلي قفلت 18 سنة

و بالتالي قررت أنو العام الجاي بإذن ربي جلا و علا أني نعاود الباك

مي راني حابكم تنصحوني

هل نبلوكي العام و نحضر للباك

أم أني نقرا في الجامعة و نحضر للباك في آن واحد

ممكن أصحاب الخبرة و خاصة لي عاودو هذا العام أحرار و وفقهم الله عزوجل ينصحو و يوجهو جميع الطلاب

عن كيفة المعاملة و التصرف مع الدراسة طوال العام

و الله ولي التوفيق


و تقبل الله صيامكم بمزيد من الأجر و الثواب و المغفرة
ana nenneshek bloki l'année khir par ce que rani mat2akda belli rayha tjibih b 16 w fou9 l3am lli jay alors e9ray berk khti

[Oustad_Ahmed]

السلام عليكم اخي شكرااا على الموضوع القيم و الله قراءته و قراءة الردود منحوني الكثير من الأمل......................لكن مادامش بعد ماقريت في الشروق انو حتى بعد 5 سنوات باش نقدرو نسجلو بالباك 2 يعني رايح يكون تعب عام كامل ضاع.........نسقسيك خويا انت سجلت عادي؟؟ يعني ماقالولكش مانسجلوكش لانو عندك باك من قبل ولا هاذا مجرد كلام ..............................*

و عليكم السلام
ان شاء الله مواضيعنا كلها امل و تفاؤل

نعم انا سجلت عادي في المدرسة العليا
و التعليمة الي في الشروق محدودة بمعنى
ما تسجلش ببكالوريا ثانية في نفس الجامعة
اذا كان عندك مثلا بكالوريا 2011 و مسجل في جامعة الشلف
و جبت بكالوريا 2012 و حاب تسجل في جامعة الشلف
هنا ماعندكش الحق ..و لازم تسحب البكالوريا الاولى باه تقدر تسجل

و الله أعلم

[نسيبةB]

و عليكم السلام
ان شاء الله مواضيعنا كلها امل و تفاؤل

نعم انا سجلت عادي في المدرسة العليا
و التعليمة الي في الشروق محدودة بمعنى
ما تسجلش ببكالوريا ثانية في نفس الجامعة
اذا كان عندك مثلا بكالوريا 2011 و مسجل في جامعة الشلف
و جبت بكالوريا 2012 و حاب تسجل في جامعة الشلف
هنا ماعندكش الحق ..و لازم تسحب البكالوريا الاولى باه تقدر تسجل

و الله أعلم

...مام أنا سجلت عادي مي الدوسي تاع لابورس ماقبلوهش،،قالولي حتى تروحي للجامعة لي سجلتي فيها العام لي فات وتجيبي الدوسي لي عندهم باه نقبلوه....................و كي قريت الشروق واش كتبت بديت نخاف

[Oustad_Ahmed]

...مام أنا سجلت عادي مي الدوسي تاع لابورس ماقبلوهش،،قالولي حتى تروحي للجامعة لي سجلتي فيها العام لي فات وتجيبي الدوسي لي عندهم باه نقبلوه....................و كي قريت الشروق واش كتبت بديت نخاف


ايه ممكن تكون مقتصرة على ملف المنحة

[mina31]

قصصكم بعثت فيا الامل و حب الحياة لي فقدته كي مانجحتش بالمعدل لي كنت باغياته 14.27 و داروني شعبة هندسة بحرية زاد ظلام عليا كلشي علا حساب ارائكم انا تاني نعاوده ان شاء الله وربي يوفق الجميع

[Oustad_Ahmed]

قصصكم بعثت فيا الامل و حب الحياة لي فقدته كي مانجحتش بالمعدل لي كنت باغياته 14.27 و داروني شعبة هندسة بحرية زاد ظلام عليا كلشي علا حساب ارائكم انا تاني نعاوده ان شاء الله وربي يوفق الجميع


السلام عليكم
انصحك بمحاولة التحويل في فترة التحويلات الى شعبة ترغبين فيها ...ما تشوفيش للمعدل القبول ..لانو يهبط عند اجراء التحويل
...........فان لم ينفع ذلك
جربي اعادة البكالوريا احرار ..و إن شاء الله يكون خير لك

بالتوفيق

[samah20]

:dj_17:سلام ارجو قبولني عضو بينكم

[samah20]

انا ثاني عقبت الباك هذا العام وتحصلت 12.37 لكن للاسف لم احقق حلمي ليهو مدرسة عليا للاساتذة في العلوم الطبيعية

[samah20]

لكن راني خايف لنعاود الباك و منجيبش مليح

[samah20]

:confused:انصحوني

[Oustad_Ahmed]

:dj_17:سلام ارجو قبولني عضو بينكم

:mh92::mh92::mh92::mh92::mh92::mh92:
:dj_17::dj_17::dj_17::dj_17::dj_17::dj_17:

[Oustad_Ahmed]

انا ثاني عقبت الباك هذا العام وتحصلت 12.37 لكن للاسف لم احقق حلمي ليهو مدرسة عليا للاساتذة في العلوم الطبيعية

مبروك عليك
صح ما مدولكش واش كنت حابة ..لكنك نجحت في البكالوريا
ماعليش ما تفقديش الامل ...ا
و تقدري ان شاء الله توصلي لواش راكي حابة اذا ما كنت مصممة على ذلك
بالتوفيق
ســـــــــــــــلام ...

[رفيقة الاحزان]

السلام عليكم
أنا ايضا تحطمت كل آمالي و ذهب حلم الطب هباء منثورا
الحمد لله لما شفتكم عادت بارقة الامل و مع تجاربكم احسست اني في طور ولادة حلم جديد
بصراحة انا جد جد جد مترددة في إعادة البكالوريا لأنني وجهت رياضيات و اعلام آلي بباب الزوار تبعد عن مكان اقامتي ب 300 كلم
لا ادري مع العمل هل نبلوكي أو نقرا الاثنين مع بعض
أنا محتارة جدا خاصة انني تحصلت على 14.59 يعني يوجد امل ضعيف في رفعه إلى معدل الطب العام القادم
رجااااااااااااااااء افيدوني

[Oustad_Ahmed]

السلام عليكم
أنا ايضا تحطمت كل آمالي و ذهب حلم الطب هباء منثورا
الحمد لله لما شفتكم عادت بارقة الامل و مع تجاربكم احسست اني في طور ولادة حلم جديد
بصراحة انا جد جد جد مترددة في إعادة البكالوريا لأنني وجهت رياضيات و اعلام آلي بباب الزوار تبعد عن مكان اقامتي ب 300 كلم
لا ادري مع العمل هل نبلوكي أو نقرا الاثنين مع بعض
أنا محتارة جدا خاصة انني تحصلت على 14.59 يعني يوجد امل ضعيف في رفعه إلى معدل الطب العام القادم
رجااااااااااااااااء افيدوني


السلام عليكم ...
اول شيئ انت واضعة اسم يجلب الاكتئاب و الياس و الحزن ... حبذا لو كان رفيقة النجاح / رفيقة التفاؤل / رفيقة الامل ..
.......................
مبروك عليك الباك اختي ..ما شاء الله معدل 14.59
الي نقدر ننصحك بيه ..
في فترة التحويلات جربي التحويل لكلية الطب او تخصص اخر تميلين اليه .. لانو المعدل يهبط نوعا ما في فترة التحويلات ...ممكن تتاح لك فرصة لدخول كلية الطب
اذ لم ينفع هذا -
.. و بقيت عندك رغبة شديدة في دخول كلية الطب .. فلا تيأسي من ذلك و تحبطي نفسك بافكار سلبية ..
و من الاحسن إتخاذ هدف واضع ...فأنت محتارة بين توقفي العام الدراسي و تصب كل تركيزك على البكالوريا
او التوفيق بين الاختيارين اي دراسة رياضيات و اعلام الى في نفس الوقت التحضير للبكالوريا !!!
و هنا يكون عندك هدف غير واضح نوعا ما ...
- اذا ماكانش عندك ميول و انجذاب لهذا التخصص و ما راكيش حابتو - ريا ضيات و اعلام الى - فمن الاحسن توقفي لعام الدراسي ...
.. و انت و ظروفك و ارادتك ....

بالتوفــــــــــــــــــيق إن شــــــــــــاء اللــــــــه
ســــــــــــــــلام

[alisadr]

لكن راني خايف لنعاود الباك و منجيبش مليح

ماتخافيش ختي ... للي يخاف مايدير والو يبقى غير خايف حتى بلا مايحاول ..
ثقي بربي و بقدراتك و اقراي و ديري للي عليك يعني حطي كامل واش عندك و تأكدي ربي مايخيبكش ..
أنا الباك اللول ديت 14.77 و عاودتو احرار و تخليت على كلش و الحمد لله جبت 16.60 و حققت حلمي و درت medecine .

[Oustad_Ahmed]

ماتخافيش ختي ... للي يخاف مايدير والو يبقى غير خايف حتى بلا مايحاول ..
ثقي بربي و بقدراتك و اقراي و ديري للي عليك يعني حطي كامل واش عندك و تأكدي ربي مايخيبكش ..
أنا الباك اللول ديت 14.77 و عاودتو احرار و تخليت على كلش و الحمد لله جبت 16.60 و حققت حلمي و درت medecine
.


ما شاء الله ...هكذا تكون النتيجة لأصحاب الهمم العالية
و الارادة القوية
كلها خير و تفاؤل والطموح دوما الى الأفضل
بالتوفيق ان شاء الله

[مي1992]

لك الف تحية بارك الله لك

[بنتا الجزائر24]

السلام عليكم ...
اول شيئ انت واضعة اسم يجلب الاكتئاب و الياس و الحزن ... حبذا لو كان رفيقة النجاح / رفيقة التفاؤل / رفيقة الامل ..
.......................
مبروك عليك الباك اختي ..ما شاء الله معدل 14.59
الي نقدر ننصحك بيه ..
في فترة التحويلات جربي التحويل لكلية الطب او تخصص اخر تميلين اليه .. لانو المعدل يهبط نوعا ما في فترة التحويلات ...ممكن تتاح لك فرصة لدخول كلية الطب
اذ لم ينفع هذا -
.. و بقيت عندك رغبة شديدة في دخول كلية الطب .. فلا تيأسي من ذلك و تحبطي نفسك بافكار سلبية ..
و من الاحسن إتخاذ هدف واضع ...فأنت محتارة بين توقفي العام الدراسي و تصب كل تركيزك على البكالوريا
او التوفيق بين الاختيارين اي دراسة رياضيات و اعلام الى في نفس الوقت التحضير للبكالوريا !!!
و هنا يكون عندك هدف غير واضح نوعا ما ...
- اذا ماكانش عندك ميول و انجذاب لهذا التخصص و ما راكيش حابتو - ريا ضيات و اعلام الى - فمن الاحسن توقفي لعام الدراسي ...
.. و انت و ظروفك و ارادتك ....

بالتوفــــــــــــــــــيق إن شــــــــــــاء اللــــــــه
ســــــــــــــــلام
اخي إن معدل القبول في الطب محدد ب 15.49 و لا يمكن لأحد يملك معدل 14.59 يسجل هذا أمر مستحيل
و الغريب في الأمر أن الكثير من الاعضاء يملكون نفس فكرتك
لذى ارجوا التوضيح

[Oustad_Ahmed]

اخي إن معدل القبول في الطب محدد ب 15.49 و لا يمكن لأحد يملك معدل 14.59 يسجل هذا أمر مستحيل
و الغريب في الأمر أن الكثير من الاعضاء يملكون نفس فكرتك
لذى ارجوا التوضيح

مستحيل §!!! عجباً... و كأنك صاحبة القرار
هذه ليست فكرة من نسج الخيال
ربما كونك جديدة لا تعرفين نظام الجامعة
في كل جامعة مطلوب عدد محدد من المقاعد
و هذا ليس انه كل من سجل سيدرس في الجامعة
و هناك من لا يسجل اصلا
كل و اسبابه و ظروفه الخاصة
و بالتالي بعد المراجعة للقوائم يكون نقص نسبي في عدد المقاعد المطلوبة
مما يسدعي سدها حتى و ان كان معدل الشخص اقل من معدل القبول الادنى
مثلا كاين واحد صاحبي ادبي تحصل على البكالوريا العام الي فات ب 13
مدولو شواا00 ..من بعد في فترة التحويلات دار ترونسفار لبوزريعة قبلوه
استاذ متوسط الي كان معدل القبول الادنى فيها اكثر من 14
.................ان شاء الله يكون مفهوم هذا الشرح المبسط

[بنتا الجزائر24]

مستحيل §!!! عجباً... و كأنك صاحبة القرار
هذه ليست فكرة من نسج الخيال
ربما كونك جديدة لا تعرفين نظام الجامعة
في كل جامعة مطلوب عدد محدد من المقاعد
و هذا ليس انه كل من سجل سيدرس في الجامعة
و هناك من لا يسجل اصلا
كل و اسبابه و ظروفه الخاصة
و بالتالي بعد المراجعة للقوائم يكون نقص نسبي في عدد المقاعد المطلوبة
مما يسدعي سدها حتى و ان كان معدل الشخص اقل من معدل القبول الادنى
مثلا كاين واحد صاحبي ادبي تحصل على البكالوريا العام الي فات ب 13
مدولو شواا00 ..من بعد في فترة التحويلات دار ترونسفار لبوزريعة قبلوه
استاذ متوسط الي كان معدل القبول الادنى فيها اكثر من 14
.................ان شاء الله يكون مفهوم هذا الشرح المبسط

شكرالك اخي على التوضيح
لقد قلت لك بانه امر مستحيل لانني سمعت بان التسجيل في الطب وطني و لا يتغير و لا توجد فرصة لاصحاب 14
كما انهم قالوا بان اللذين سجلوا بمعدل اقل من معدل القبول ميعطولهمش الدبلوم
هذا ماسمعت و إذا كذبوا كذبت

[رفيقة الاحزان]

ماتخافيش ختي ... للي يخاف مايدير والو يبقى غير خايف حتى بلا مايحاول ..
ثقي بربي و بقدراتك و اقراي و ديري للي عليك يعني حطي كامل واش عندك و تأكدي ربي مايخيبكش ..
أنا الباك اللول ديت 14.77 و عاودتو احرار و تخليت على كلش و الحمد لله جبت 16.60 و حققت حلمي و درت medecine .
الحمد لله و مبروك عليك الميدسين
ارادة فولاذية و عزيمة رائعة أتمنى ان تنتقل العدوى إلي
لأن حلم الطب يعيش معي و يعايشني و لن يهدأ في بال حتى أدرس في كلية الطب و لو يوما واحدا
أخي هل وقفت عامك الجامعي عندما قررت إعادة البكالوريا؟

[syliasmine]

اخي في اي شعبة عاودتو ؟ نفسها و كيف كانت الصعوبات ؟؟ انت عاودتو فالاقامة ما جاتكش واعرة كي بعيدة على الدار ؟ و الدروس الخصوصية ما درتش ؟