لماذا لا يفتح المنتدى ركن

[82bouzid]

للزواج والتعارف الحلال ولماذا لا يكون السباق في ذلك

[(الانسان الوفي)]

السلام عليكم ...كان اول من طرح الفكرة العبد الضعيف ...وتخيل جميع اصناف التهم وجهت لي كانني قلت كفرا ....شكرا اخي

[staifia]

اي تعارف وزواج هذا ع النت .... كامل صاروا يستغلوا هادي الفرصة حتى يوقعوا بالبنات ... ومن اجل العبث و تضييع الوقت
هذا رأيي ...
تحياتي

[(الانسان الوفي)]

للعلم تزوج بعض الأعضاء هنا من منتديات الجلفة ....

[gazelle08]

mes deux voisins se sont mariés à travers le net ils sont tout jeunes et sérieux ...après seulement 05 jours de discussion par internet ils sont partis demander leurs mains.allah yessakher likol wahed aùine ya rab

[staifia]

للعلم تزوج بعض الأعضاء هنا من منتديات الجلفة ....

كاين منها صح .... تصلح لـ 2 % ,,, انا لم اقل الكل لكن الاغلبية هاد هو تفكيرهم .... وادا فتح ركن لازم يكون بشروط

[(الانسان الوفي)]

انا منذ يومين تقدمت لعضوة هنا لكن للأسف وجدت انها مخطوبة ....

[staifia]

انا منذ يومين تقدمت لعضوة هنا لكن للأسف وجدت انها مخطوبة ....

رَبٍي يجِيبـْلكـ بِنـً،ٍـت الَحلآَإٍل .. وَعلى قَدْ نًيتكـ و ٍ يًسعدًكـِ فِي حًيآَإٍتــكـِ

تحياتي / staifia

[حنان شلفية]

ربما تكون النية صادقة ومبدا يكون في حلال لكن الشك سوف يقف في تحقيق هذه المبادرو انا مثلا لن اصدق واحد لا اعرف او هو يعرفنى الا من خلال مواضيع او حروف بمعنى ادق ان يعرف شخصيتي ويقرر الزواج بي وانا بلمثل وكيما يقولو ولاد حرام مخالوش بلاصة لولاد الحلال وفي اخير ماتهمش الوسيلة تعارف منتدى او فيس بوك او تليفون او في طريق او حتى في مسجد ربي يوفق كل ماله نية صافية وحنا مدابينا يتزوجو ويجيبو اعاء بيبيات ههههههههههههههههه ونديرو ركن اطفال الرضع

[كلتومة01]

انا اؤيد الفكرة.لكن تكون شروط. وتنبيه المشرفين على اي شي يتعارض مع هده الشروط

[faty05]

هناك من نيته صافية
و هناك بعض مرضى القلوب من يستغلون هكذا فرص
ربي يجيب الخير

[sarl02]

فكرة لا باس بها والله سوف تنجح بنسب متفاوتة بمرور الوقت وقابلة للتطبيق لكن بشروط صارمة واشراف متميز.

[أم معاذ أم معاذ]

أخي صاحب الموضوع
و كي يتفتح قسم الزواج هنا
من ستتزوج جزائرية متخلفة و ديكتاتورية
على حسب موضوع سابق لك

[ربي اتوب اليك]

ان شاء الله يستفيد منو الشباب و الشابات.

[z.abdo]

هي فكرة رائعة جدا

لكن مش راح تنجح لأن للأسف كثير راح يستغلها للعبث فقط وهناك من يكون متزوج ويعبث ببنات الناس ويعدهم


وبعد لما يتحصل على ما يريد يتركهم

[82bouzid]

أنا أبحث على زوجة في ولاية معينة اذا تفاهم الطرفان فنعم هي وان لا فكل واحد يروح لطريقة

المشكل أن ارى أن الشباب الجزائري أصبح كل واحد يعيش في جزيرة لوحده ولا يوجد اتصال بالآخرين

[بنت الحجاج]

رَبـحـتْ !!!

[BAROUD]

vous dites n'importe quoi

[Lydia istanboul]

إضمن لي النوايا أضمن لك حضور كل البنات

[82bouzid]

أنا أستاذ عربية أريد الزواج هل هناك عيب أوكفر
أو طلبت من المنتدى المستحيل لأن في هذه الاوقات صعب تجد امرأة
هذه هي نيتي سلام

[staifia]

كل واحد يعطيلو ربي على قد نيتو وربي يرزقك ببنت الحلال

[like a bird]

ربي يهدينا قولو اميييييييين، c'est tjrs en algerie ,hier la femme algerienne es 1 dictateur il nya pas un vrais marriage ,on diteste les fillllllles et mtn ...en ts cas j'esper q vs trouvez s q vs voulai .merci

[عُضو مُحترم]

أنا أستاذ عربية أريد الزواج هل هناك عيب أوكفر
أو طلبت من المنتدى المستحيل لأن في هذه الاوقات صعب تجد امرأة
هذه هي نيتي سلام

يعني انت يا ستاذ العربية

حاب تقتعني

بلي في محطيك الاجتماعي من عائلة و جيران و الشيخات لي يخدمو معاك و البنات لي قراو معاك في الجامعة

و لي تتلاقى بيهم في حياتك

حتى وحدة ما عجباتك

بانتلك غير هنا تتزوج؟؟؟؟

[(الانسان الوفي)]

يعني انت يا ستاذ العربية

حاب تقتعني

بلي في محطيك الاجتماعي من عائلة و جيران و الشيخات لي يخدمو معاك و البنات لي قراو معاك في الجامعة

و لي تتلاقى بيهم في حياتك

حتى وحدة ما عجباتك

بانتلك غير هنا تتزوج؟؟؟؟


السلام عليكم ...وما الغريب اخي الم تقل انت يوما انك ستتزوج من هنا ...وفعلا يمكن ان لا يجد الرجل في كل محيطه من تقنعه ...ام انك تظن ان الزواج مجرد امرأة وفراش وجمال ؟؟؟؟

يا اخي لكي تجد مرأة في هاته الايام يمكن ان يكون من المستحيل ...شكرا

[arbodar]

"الزواج و التعارف الحلال"؟ لم افهم كيف ذلك ...نجيبو امام يعني يقرا الفاتحة بين الاعضاء؟
هذا لن يكون ركن
بل سيكون بابا للشبهات و الفتن
و ابواب الفتن الاولى سدها
لي حاب الحلال يطرق البيوت من ابوابها
انت قلت صعب تلقى زوجة في هذا الزمان
يعني من تضن انهن بالمنتدى؟ ليسو نساء من كوكب اخر بل هم نفسهم من تراهم بالواقع

[soso sirin]

ربمآ كاين اللي نيتو صافية ولكن كاين أيضا اللي الهدف تاعو التسلية ببنات الناس

وأيضا كثيرا ما قرأت في المنتديات مواضيع للنقاش حول البنات اللواتي يضعن مشاركات في المنتديات ... فذاك يقول لن أتزوج فتاة ردت على رجل فتلك تقول بارك الله فيك وتلك تشكره على مروره وآخر يقول لن أتزوج من مدحها رجل على موضوع وضعته , و آخر يقول وما يضمن لي أنها لم تحادث شبابا عبر الشات مدامها أمام شاشة الأنترنت وووووو من الكلام الذي قد يمس العفيفات اللواتي هدفهن الإستفادة من الأنترنت .........

الثقة هي أهم شيء في الزواج ...... فالزواج ليس لعبة ..... وإن غابت هذه الثقة تزعزع الزواااج برمته

ربي يرزق كل واحد الزوجة الصالحة وكل وحدة الزوج الصالح
وأسأل الله أن يغنينا بحلاله عن حرامه
انا يجيني الي يخمم انو مادام وحدا تستعمل في النت راهي دايرا علاقات يكون هو دار قبلها لانو كل سراق يحسب الناس سراقين و زاد و الي يقول كلام كيما هذا و مابغاتش يتزوج بوحدا تهدر في المنتدى لانو هو كان يشارك في المنتديات و عندو نية سيئة و زاد الي مربية مربية و تكون ساكنة في النت و عندها مليار بورطابل لانو التربية ماجاتش دخلة للنت و لا جات عندها فايس و لا ***** المشكل راه انا كيفاش نستعمل في هاذو الحوايج .اما قادرة وحدا ماعندهمش النت في الدار و ماعندهاش بورطابل مي تربيتها ماشي نيشان.ربي يهدينا ان شاء الله و كيما قلتي انتي ربي يرزق كل واحد بالزوج الصالح و اسال الله ان يغنينا بحلاله عن حرامه

[عُضو مُحترم]

السلام عليكم ...وما الغريب اخي الم تقل انت يوما انك ستتزوج من هنا ...وفعلا يمكن ان لا يجد الرجل في كل محيطه من تقنعه ...ام انك تظن ان الزواج مجرد امرأة وفراش وجمال ؟؟؟؟

يا اخي لكي تجد مرأة في هاته الايام يمكن ان يكون من المستحيل ...شكرا


كُنت و مازلت على رأيي

وان شاء الله اذا وجدت عمل اول من افكر فيها عضوة في المنتدى


ولكن هل تضمن لي ان كل من يدخل ذلك الركن حقًا يريد الزواج؟؟؟؟

[لؤلؤة الفردوس]

ربي يرزقكم بالزوجات الصالحات

[يوسف الحق]

مكانش منها ياخي النسا على كل لون و قد كيفاه ماصبتش
عجبني واح قالهم حاب نتزوج بواحدة من الأخوات التي تقوم الليل ووووو فقال له الأخر فهل أنت تقوم الليل ؟ أجاب بلا فرد عليه قائلا ياأخي شوفلك وحدة و دربها تقوم الليل معاك و اربح الحسنات
الطامة الكبرى هي التلفزيون حيث النساء التي تضع المزوقات بشكل جعلنا نضن ان النساء الجزائريات لسن بدلك القدر من الجمال ...ها هو المشكل ان التي يراها لا تعجبه لانه رسم صورة المرأة التي سيعيش معها انطلاقا من صور الأفلام و المسلسلات التركية و غيرها ... حتى النساء هناك من النساء من وضعت صورة مهندتلقاء وجهها وهي تسعى للعثور على مهندها او بالأحرى مقندها لأنه لن يشبه أبدا مهندها ....
و الله توجد بنات الفاميليا ابحث فقط ربما هي أمامك عند بيت الجيران عند الأهل عند أحد الأصحاب ... أنا و الله أعرف فتيات ما شاء الله و الله ما تقدم لهن احد...السؤال هو لمادا يا من يدعون أن بنات الفاميليا كملوا ....أقول لأنها لا ترقى لجمال فلانة و الأمر سيان بالنسبة للرجال و لم يتزوجوا لأنه ممكن يجابه بالرفض بحكم انه عقلية بكري يعني يالمعنى الحالي الصحيح انسان محافظ ...
اللهم ارزقنا ...امين

[السحابة]

صراحة المنتدى هكا راهوا مليح ونقي وقيم وكفانا من مواضيع الزواج الي يحب يتزوج هناك طرق كثيرة ويبحث فيها

[soha1987]

انا مانمنش واحد ساكن فالمنتدى ياك الرجال غدارين و خبثاء ماش كيما حنا النساء نيات ونصدقو غير يقولولنا زوج كلمات مالا لي حاب يزوج يعرف الطريق مليح وبدون لف ولا دوران ولي يقول مازال مالقيتش لي نحوس عليها راهو كذاب وخداع وهادالنوع مافيهومش لامان وذئاب البشر يتشابهو ن في كل شي وياستار استرنا في هاد الزمان