يا إخوتي بشأن transfert الله يحفظكم

[سوهيون]

السلام عليكم ورحمة الله

إخوتي الكرام أنا حابة نبدل التخصص تاعي

كيفاه ندير

ويقبلولي ولا لالا؟؟؟؟

من فضلكم أي معلومة وشكرا

[ليندا ب]

و عليكم السلام أختي
سمحيلي معنديش معلومات على واش راكي تبحثي نتمنى يفيدوك باقي الاعضاء
دخلت لهنا غير على جال هادي مدة متلاقيتكش واش راكي ؟
صح فطورك

[Mounder Milanista]

وعليكم السلام ورحنة الله وبركاته
أول حاجة روحي سجلي في التخصص تاعك و ممبعد أستناي حتى سبتمبر وديري تحويل ومسألة يقبلولك ولا لا هذيك على حساب المعريفة والمعدل تاعك
والله أعلم
بالتوفيق

[سوهيون]

أهلا بيك أخت ليندا نورتي
كيف الحال؟؟؟؟
كلشي مبروك واش من تخصص بعتوك؟؟
صح فطورك
الأخ منذر بارك الله فيك
أنا معدلي 15,12
يعني يساعدني؟؟؟؟

[ليندا ب]

منوره بيك اختي
انا عطاوني لغة انجليزية ماشي طموحي مي الحمد لله

[Mounder Milanista]

قوليلي وش بعثوك ووش حابة تديري

[سوهيون]

كلشي مبروك أختي إن شاء الله يكون لك فيها خير وتتميز فيها بإذن الله

[سوهيون]

أخ منذر أنا بعتوني مدرسة تحضيرية في العلوم والتقنيات عنابة
وحابة نبدل رياضيات وإعلام آلي قسنطينة

[Mounder Milanista]

بإذن الله تقدري
علوم وتقنيات المعدل تاعها 14.73. وmi 13.55 وأنت الله يبارك 15
علوم وتقنيات تخصص مليح بزاف مي دبري راسك
على كل حال إذا جيتي لرياضيات وإعلام آلي قسنطينة راكي تلقايني إن شاء الله ^^
بالتوفيق

[أميرة الألماس]

السلام عليكم راني حابة نسمع رايكم أنا وجهوني للمدرسة التحضيرية في العلوم الاقتصادية بتلمسان و راني حابة نبدل طب مع العلم ان المعدل تاعي 16,09
و إذا عندكم أي معلومات عن هذه المدرسة

[ronaldo.bba]

زميلي بعثوه تكنولوجيا ومعدلو 12,19وحاب يبدل رياضيات واعلام الي زعما يقدر ويقبلولو مع انو معدلو يلحق لهذا التخصص وما عندوش المعرفة ,,,,,,,,, جاوبوني من فضلكم

[ليندا ب]

يبارك فيك
أخ منذر أنا بعتوني مدرسة تحضيرية في العلوم والتقنيات عنابة
وحابة نبدل رياضيات وإعلام آلي قسنطينة
بالتوفيق لك ايضا
من رأيي رياضيات و اعلام الي احسن انا كنت حابة نديرها مي المعدل نتاعي مسمحليش

[سوهيون]

والله أخ منذر علابالي بالي تخصص مليح mais تاع الدار ماش عاجبتهم كي عادت بعيدة
ومانيش قادر ناقشهم ,,,غلبت
وإن شاء الله نتلاقاو خويا ,,,,,,,,معريفة خير
شكرا ليك وبارك الله فيك على المساعدة الطيبة

الأخت أميرة الألماس والله ماعلابالي سامحيني
تفضلي إلى هاد الموضوع بالاك يساعدوك الأعضاء

http://www.djelfa.info/vb/showthread.php?t=1038873

صح فطوركم

[سوهيون]

شكرا ليك أخت ليندا
موفقة إن شاء الله ما تدريش بالك ربي شاف لك فيها الخير
أتمنى لك التميز فيه وأنا متأكدة من ذلك

[Mounder Milanista]

أميرة الألماس (http://www.djelfa.info/vb/member.php?u=423836)
أختي طب صعيبة شوية باش تبدلي ليها psk تخصص مطلوب بزااف بصح مع المعدل تاعك و شويـــــــــــــة معريفة تقدري تبدلي

ronaldo.bba (http://www.djelfa.info/vb/member.php?u=333331)
أختي واشمن رياضيات وإعلام آلي
إلى كان تاع قسنطينة ولا باب الزوار ماشكيتش لكان يقدر معدل القبول فيها طالع شوي
بصح لاكان لوخرين نورمالمون يقدر والله أعلم
وزيد الشعبة تاعو إلا كان رياضيات ولا تقني رياضي ستكون الأمور أسهل بإذن الله
والله أعلم

[سوهيون]

أختي ronaldo.bba على حسب الولاية والله ما عرف أنا راني في نفس المشكل
هو لكان عندو معريفة بالتأكيد يقدر
ربي يوفقو ويوفقنا كامل

[Mounder Milanista]

سوهيون (http://www.djelfa.info/vb/member.php?u=354519)
أختي بصح أكي لازم تروحي لعنابة بش تسجلي كون ماتروحيش يروحلك الباك
(http://www.djelfa.info/vb/member.php?u=354519)

[ليندا ب]

شكرا ليك أخت ليندا
موفقة إن شار الله ما تدريش بالك ربي شاف لك فيها الخير
أتمنى لك التميز فيه وأنا متأكدة من ذلك

يعطيك الصحة اختي
بالتوفيق و ان شاء الله تدير التخصص للي يناسبك

[سوهيون]

إن شاء الله أخت ليندا بارك الله فيك
موفقة بإذن الله

الأخ منذر شكرا ليك هاذي قالوهالي وراح نسجل بالتأكيد مانيش قادرة نودر عام من حياتي
شكرا ليك خويا وبارك الله فيك

[أميرة الألماس]

شكرا لكم سوهيون و منذر جزاكم الله الخير

[سوهيون]

العفو أختي أتمنى أن تجدي ما تبحثين عنه
وزيدي حوسي في النت
صح فطورك

[bkhlifaoui]

salam ana dite bac b 12 wajhouni genie de l'eau oran w rani hab ndire transfert l architecture chlef (12 moyenne min) yakablouni ?

[بوعمامة2012]

يعني التحويل بعد التسجيل النهائي مسموح به بدون شرط المعدل مع وجود المقعد البيداغوجي