من يفسر لي هذا التصرف

[مشكلتي]

في يوم خطبتي ولما انصرف العريس و اهله امسكت زوجة اخي يدي وطلبت منى ان اريها اين جلس العريس انا عن حسن نية اريتها اين جلس فذهبت مباشرة جلست مكانه اللذي كان لايزال دافئا منذ ذلك اليوم توقف كل شيء وافترقنا كأن تلك الشعلة التي كانت مشتعلة انطفأت ولا اتوقف عن التفكير في ما قامت به تلك المراة علما انني منذ ان قدمت الى منزلنا لم اسىء اليها او اصطدم بها حتى لكن احس انها قصدت اذيتي بذلك التصرف مارأيكم من يستطيع ان يفسر لي ذلك التصرف

[عاشق تراب بلادي]

يا اختي انا جد اسفة لما حدث لكي
لا اعرف مادا اقول لكي لكن ان بعض الظن اثم يا اختي احسني الظن بها و لا تتركي الشيطان يوسوس لكي ربما هي كانت نيتها صافية
و هدا كله مكتوب من عند ربي يا اختي حنا والفنا اي مشكلة تصيبنا نحطو اللوم على الناس و على العين او السحر و نسيينا ان هناك من يسير السموات و الارض و يتحكم في كل شيء
ربي يعوضك خير منه
و متعرفيش الخير وين راه
متقنطيش من رحمة ربي

[جسر الأمل]

مرت خوك ياك متزوجة المنطق يقول هكا امالا علاه راحت تحوس على البلاصة اللي جمع فيها راااااجلك؟؟؟؟؟؟؟؟؟؟ انت بالاك مادرتيلها والو
بصح يا اختي حنا نسا وتعرفي بلي مرضنا الكبيييييييييييييير والخطير الحسد، بالاك راجلك يخدم خير من خوك ووووووو
هي صح كل شي بالمكتوب بصح لازم ماننسوش بلي كاين حوايج يعطلوا أمور الانسان
المهم اختي مادام كل شي راح
انت كوني متحفظة وايفيتي اي حاجة خاصة تصرالك وتروحي تحكيها لمرت خوك
انا مانكدبش عليك راني شاكة فيها
انت فوضي امرك لله وربي يعووووووووووووووضك حنونة

[أم عبد النور]

خليها على ربي ومتزيديش توسوسي روحك باطل

وادعي الله أن يكون لك نعم الزوج

[ناصرالدين الجزائري]

لو كانت تنوي أذيتك لما سألتك مباشرة عن الذي جاء يخطبك ...
قد تكون فعلت ذلك عن حسن نية و لاسباب تافهة فوافق فعلتها تلك نية خطيبك لإنهاء هذه الخطبة .. و بما أنه شئ طبيعي أن يبحث الانسان عن الاسباب و ان لم يجدها اتهم السحر و أدخل الوساويس في قلبه ..
ان بعض الظن إثم ..

كل شئ بالمكتوب ...
و الله تعالى أعلم

[شهرزاد]

هادي حاجة قبيحة دارتها مرة خوك بصح بالاك هادا هو المكتوب و هي غي سبب

[رزان.]

السلام عليكم


إنّ بعض الظّن إثم


لا داعي للقلق أختي كل شيء بالمكتوب

و هناك أيضا بعض البدع و الخرافات تقوم بها النساء

فبمجرد ما تقوم العروس تجلس مكانها حتى تلحقها و يجيها مكتوبها بسرعة

و ما تنسيش شرب الحليب بعد العروس و ........

لو كانت تنوي شيئا آخر ما كانت سألتك مباشرة


قوي إيمانك بالله و توكلي عليه و تأكدي أن الزواج مكتـــــوب

أتمنى أن ييسر الله أمورك

[Lydia istanboul]

أحسني الظن اختي العزيزة و كل شي مكتوب لكن المرة الجااية خذي حذرك بدون اتهام اي شخص فقط كوني حريصة على امورك...ربي يوفقك و يعوضك

[abdel02]

كوني على يقين انه لو اجتمع الانس والجن على ان يضروك او ينفعوك بشيء لن يضروك أو ينفعونك إلا بما كتب الله عليك....وما أغلق الله بابا إلا لأنه سيفتح أبواب فاصبري وأحتسبي وانسي تلك القصة

[samirovich]

هههههههههه أنا أول مرة نسمع على سحر مكان الجلوس هذا
مكان العريس بقى ساخن بسبب هاذي الحرارة العالية اللي رانا فيها.... جربي شمخيها تبرد باذن الله

[أم البشائر]

العين ةحق والطيره باطل

هناك الكثير من الخرافات تاع مجتمعنا ولككنها لن تضرك


اذا اردتي ان ترتاحي ديري رقية ليك وللبيت بسوره البقره

[hamsa1987]

يا اختي كلشي بالمكتوب هاذ الشخص ما كاتبلكش فقط ما تظنيش شر بزوجة اخوك بالاك كان مقصودها حاجة تافهة كيما العادات اللي موالفين نديروهم (نقعدو في مكان العروسة باش نلحقو...) بالاك زوجة اخوك دارت هك باش يرزقها ربي بطفل

رانا في شهر الرحمة و الغفران نحي عليك هاذ التوسويس و ربي يعوضك خير

[عذراء الجبل18]

ربي العالم ختي احسني الظن معلابالكش وش كان في نواياها
خليها على ربي وفرات
ربي يهنيك

[مبروكة الصحراء]

ربما هذا الشخص ليس مناسب لك مكتوب ربي ما تعرفي والو و بالاك كان راه يصرى نفس الشيء لوكان مادارت مرت خوك والوا
و فوق هذا انت لي تعرفي الحقيقة إذا كانت مرت خوك انسانة مليحة و لا لا الحسادين يجو باينين و تكون سبقاتك بتصرفات مماثلة و لكن إذا كان لم يصدر منها أي تصرف علاه تشكي فيها و اللي يبغي يدير حاجة ما يسكسيكش و مرت خوك لوكان جات ما تحبكش نورمالمو تفرح كي تتخطبي باه تتهنى منك مشي ديرلك حاجة توقف زواجك
و كاين احتمال آخر ربما صدر منك أنت ما لم يعجب خطيبك فتغير عليك
لماذا دائما نضعف و نسمع للشيطان لعنه الله
استغفري ربي و دعي و صلي صلاة استخارة و ناقشي خطيبك بصراحة في موضوع التغير هذا
أدهو الله ان يفرج عنك أختي و ربي يدير لي فيها الخير سواء الفراق او الجمع
صح فطوركم

[*سلامة*]

استغفر الله واستغفريه اختي

قدر الله ماشاء فعل ، وهذا مكتوب ربي ، وربما هي دارتها بحسن نية اخطيك من كلام العجائز

وربي يرزقك ما خير ان شاء الله

[حضنية28]

اختي لا تضني ضن السوء كل ما حدث هو بمشيئة الله سبحانه وتعالى

[محمد...عبد النور]

الزواج رزق و رزقك مازال
فقط ادعي الله الكريم يرزقك بزوج صالح تقي نقي و كريم
انزعي من راسك فعل زوجة اخيك فلا يعني اي شيئ
ربما عن غير قصد فعلت ذلك
و سبحان الله كل قدر الله خير ، ممكن هذا الشخص شر لك و ربي صرفه عليك ، لذا لا تقلقي
أسأل الله أن يمن عليك بالزوج التقي المرضي عنك و عند والديك الذي تقر به عينيك
ســـــــــــــــــــــــــــــلام

[dolph05]

لسلام عليكم رمضان كريم تقبل الله منا ومنكم الصيام والقيام وصالح الأعمال وتجاوز الله عنا تقصيرنا
إن بعض الظن إثم إتق الله أختي واستغفري لذنبك
ودع عن خاطرك هذه الوساوس فهي من عمل الشيطان الرجيم لكي يوقع العداوة والبغضاء بينكما فلا داعي لمثل هذه التخمينات
فهذا كله
قدر الله وما شاء فعل ، ولن يصيبنا إلا ما كتب الله لنا
يقول الله عز وجل: ( عسى أن تكرهوا شيءا ويجعل الله فيه خيرا كثيرا ) الله يرزقك بزوج صالح تقي نقي يعرف قدرك ويحفظ لك مكانتك
السلام عليكم ورحمة الله وبركاته

[جرح الماضي]

السلام عليكم
اختي العزيزة بعدي عليك الوساوس هذي وديري في بالك بلي الحاجة اللي كاتبتلك تلحقك كون يصرا واش يصرا وهذي مرت خوك كون جات ناوية حاجة ماتقولكش .......صدقيني اللي يديرو الحوايج هاذو اذكياء وخبثاء جدا،وهذا الخطيب اللي راح ماكانش ليك من الاول خطراش كون جا ليك راكو مع بعضاكم
امني بالمكتوب ويخطبو عشرة ويدي واحد......
ننصحك ديري رقية......راهي العين حق......
وان شاء الله ياربي يبعثلك ولد الحلال اللي عمرك ماحلمتي بيه....آمين.

[بساوى]

نحنا عدنا كي توقف لعرو سه من الكرسي يتسابفو عليه لبنات ويقعدو في بلاستها باش ياحقوها يعني يتخطبو اما مرت خوك ممكن حاملوحاب يجيها طفل وربي ليعلم

[أحلام سرمدية]

اختي الجلوس وراء العروس مباشرة او العريس عادة ساذجة
لكي نلتحق بهما او يعم الخير وعلى قدر ماهي عادة غريبة الا انها لا تحمل من السحر شيئا
ما تتوسوسيش ختي
هذا مكتوب ربي