هل هذا ممكن؟

[مشكلتي]

السلام عليكم و رحمة الله تعالى و بركاتة
انا فتاة تحصلت على البكالوريا هذا العام و تم توجيهي الى التخصص الذي كنت احلم به "الطب" مشكلتي هي ان كل الناس اصبحو يقولون لي (رايحة تخرجي بايرة ,تخرجي عجوزة,نتاجاتك يتزوجو و نتي تقعدي تقراي كي يولو ولادهم يفوتو فالباك انت تتخرجي و الى ماذلك من الكلام المحبط) فاردت ان اسألكم هل من الممكن ان اتزوج و انا ادرس و هل توافقون الكلام الذي قيل لي ؟

انا اتمنى ان اكمل دراستي و اتخصص في طب النساء ان شاء الله ادعولي ربي يوفقني و منوليش بايرة :confused:

[« أبْجَدِيَّاتْ »]

وعليكِ السَّلاَم وَ رحمةُ الله .
( ردّ عَ السَّريع :) )

مُباركٌ عليكِ النَّجَاح أخيَّة . مَا دُمتِ تحلُمِينَ بدِراسَة الطِّبّ وَ وُجِّهتِ إليه فلاَ تتَنَازلي عَنْ حُلمِكْ .
الزَّواجْ ( مَكتُوبْ ) أختي ، بِمُجرَّد مَا تنقَضي السَّبع سَنَوات الأولىَ منَ الدِّراسَة تَكُونينَ بعُمر 24 أوْ 25 سَنَة ،
وهُو سِنٌّ مُناسِب للزَّوَاج . ويُمكِنُكِ دِراسَة التَّخصُّصْ الذِّي تَرغَبينَ فيه فيمَا بَعد وَ أنتِ مُتَزَوِّجَة ،
ولاَ حرجَ في الأمْر .

و ربيّ يوفقكْ انْ شاءالله ( و كَنَصيحَة.. مَا تعمريشْ راسك بزّاف بِمَا تَسمعينَ بهِ حَولكْ ،
لديّ ابنة خَالةٍ مثلاً رَفَضَت الزَّواج حتىَّ أتمَّت دِراسَتَها الجَامعيَّة بعد 12 سَنة ، وَ أصبَحَتْ جرَّاحَة
مُتَمَكِّنة وهيَ بعُمر 35 سَنَة ، وَ العاَم الماضي فقطْ تقدَّم إليهَا شَابّ "مكتُوبْ" و تزوَّجتْ ،
وهيَ عايشة اليُوم لاباسْ عليهَا :) )

صحَّ رمضَانك و صحَّ صيامَك أختي ،
وتقبَّل الله منَّا ومنكُمْ .

[دعاء جزائرية]

اختي بالمختصر خليك من كلام الناس راهم غايرين منك كوني صامدة وهلمي لتحقيق حلمك ربي يوفقك اما الزواج راهو مكتوب ربي يعني هو امر بيد المولى عز وجل وليس بايدينا

[karimblida]

الشباب اليوم يحوسو على الخدامات
طبيبة الله يبارك
يطيروا بيك
تعودي تختاري
أختي ربي يوفقك و يهنيك
تفاءلي خيرا تجديه

[رملةالربيع]

الف مبروك كمل حلمك والاخرى مكتــــــــــــــــــــــوب فقط

[أم البشائر]

ممكن كاين مثلك في سنك

قاعدة في الدار

تتخرجي انت وتخدمي


وتلقايها بلا زواج

هل منعها الطب؟

انك راح تولي طبيبة اول شيء انك ستعالجين الناس نفسيا قليلا وجسديا اكثر

فكوني اكثر تفتحا ولا تستمعي لكلام الجاهلين


ثم

اذا تقدملك المناسب في مرحلة الدراسة فاقبلي به واكملي تعليمك

درست معي فتاة لما كنا في الخامسة جامعي علم احياء كانت حامل وسنة سابعة طب

وزوجها سنة سابعة طب وسنة خامسة هندسة

[ندرومة49]

الزواج مكتوب
وادا درست طب وأنت خلال الدراسة ادا تقدم إليك زوج صالح فلا تؤخري دلك أقراي ومتزوجة عادي المهم تكوني مستقيمة
نسأل الله الثبات لي ولك وللجميع

[faty05]

ههههههه
كل شي مبروك
هذو لي يقولو هكا غيارين
و زيد ما تبوري لا والو صح تتعطلي شوي
المهم ربي يوفقك و مجتمعنا بحاجة لطبيبات مثلا انا نحب نروح عن طبيبة مش طبيب
المهم اقراي مليح و خافي ربي في المرضى
ربي يوفقك مليح

[ميس نهى]

هناك الكثيرات ممن تزوجن و أكملن سنوات التخصص و هن متزوجات و الحمد لله ...
يمكنكِ دراسة السنوات الأولى ثم الزواج بعد ذلك و إكمال الدراسة ...
و اعلم أن سنوات التخصص ستكون في المستشفى وليست في الجامعة + براتب شهري ....
لا تستمعي إلى الغير ... فلو اتت لهن هذه الفرصة لما ترددن في قبولها

[biti]

غييييييييييارين ومتسمعيلهمش

[ولد حمد الباتني]

والله سؤالك اختي سؤال صاحب الدجاج التي ذبحها ثم سأل عنها هل مليحة و لالا
لو سألتي قبل
الطب تقراي 7 سنين باش تبداي
لأنو ألاف راهو طبا عامين ولك الرسمي في التخصص وهذاك المشكل
ولو نجحتي تزيدي 4 سنين
يعني حياتك كامل قرايا
اما الزواج بربي تتزوجي الخاوة كامل راهي تقفز على الطبيبات هههه
الزواج مكتوب ولا دخل للفيزيا ولا الطب ولا الفارماصي فيه ...

[صالح القسنطيني]

غييييييييييارين ومتسمعيلهمش

تقراي 7 سنين و تخرجي طب عام و العمل بهذه الشهادة صعب خاصة في المدن الكبيرة

و التخصص لا بد له من عامين آخرين بعد اختبار انتقاء

يعني ادناه 9 سنوات و ربما سيكون اكثر خاصة اذا طرأ على دراستك طارئ من اعادة سنة او غير ذلك

و عن خبرة كل طبيبة متخرجة سيكون سنها بين 28 سنة حتى 30 سنة و اكثر من ذلك


هذا لمن قال ان ما قد قيل هو من كلام ( غيارين) بل هي حقيقة لا بد من معرفتها


و بين هذا كله يبقى الزواج ما كتبه ربك لك و قد درست معي سنة رابعة فيزياء احداهن و كانت حاملا أي انها تزوجت و هي تدرس

[piro]

هو فالحقيقة ممكن يصح تدي راجل عادي و فالاغلب تلقايه اقل منك فالمستوى الثقافي و المادي و لييجوك كامل طامعين فيك

و زيد بالزيادة تع دركا ما يحبوش يديو تع 30

بصح اناكون جيت في بلاصتك نخير الطب الراجل ما عندك ماديريى بيه فالوقت هدا يعني لازم تعرفي بلي ماتقدريش تديهم في زوج خيري واش راكي حابة

و كلشي بالمكتوب طبعا

[عاشق تراب بلادي]

يا أختي نتي راح تكوني طبيبة بادن الله و تسمعي لهاد الكلام
يا ختي الزواج قسمة و نصيب و ادا ربي مكتبلكش الزواج مراحش تتزوجي و لو كنتي ماكثة في البيت لدلك لا دخل لا الطب و لا اي شيء
أنتي كان حلمك الطب لدلك لا تتخلي عنه و الزواج مكتوب و زيد نتي خدمتك مليحة و الآلاف من الرجال من يتمنون الزواج بطبيبة
و الله انا ادرس هاد العام عندي سنة تانية بيولوجيا و مرة رحت للمستشفى باش ندير ستاج تاعي دونك و الله مين شفت الطبيبات تمنيت نكون منهم لانو خدمتهم و الله فور و فيها دعوة الخير
ربي يوفقك ختي و حطي راسك في قرايتك و متمليش منها أبدا
نصيحة من ختك
سلام

[Roumaissa Yah]

يا أختي أنا تاني نقرا طب وهذا العام سنة 5 إن شاء الله ..... ويعني من كلامك أنا تاني بايرة وطفرت فيا هههههههههههه
ربي يهدينا ........ يا أختي ربما قالو هذا الكلام لمجرد غيرة في قلوبهم لا أكثر
الزواج قسمة ونصيب ولا دخل للإختصاص فيه وأنا نشوف فالطبيبات اللي فالمستشفى أغلبيتهمـ متزوجين وعندهم أولاد ونادرا ما نلقا وحدة مش متزوجة

أختي انتي اقراي قرايتك واللي مكتبلك ربي راح يلحقك لباب الدار ومتخمميش بزاف كل حاجة بوقتهااااا :)





تقراي 7 سنين و تخرجي طب عام و العمل بهذه الشهادة صعب خاصة في المدن الكبيرة

و التخصص لا بد له من عامين آخرين بعد اختبار انتقاء

يعني ادناه 9 سنوات و ربما سيكون اكثر خاصة اذا طرأ على دراستك طارئ من اعادة سنة او غير ذلك

و عن خبرة كل طبيبة متخرجة سيكون سنها بين 28 سنة حتى 30 سنة و اكثر من ذلك


هذا لمن قال ان ما قد قيل هو من كلام ( غيارين) بل هي حقيقة لا بد من معرفتها


و بين هذا كله يبقى الزواج ما كتبه ربك لك و قد درست معي سنة رابعة فيزياء احداهن و كانت حاملا أي انها تزوجت و هي تدرس










أخي أنت قلتها تقرا 7 سنين وتخرج طبيبة عامة ........ فأين المشكل هنا أن تتزوج وتبحث عن عمل إن لم ترد التخصص وحتى إن أرادت اكمال التخصص فما المانع في هذاااا ؟؟؟؟؟؟؟؟ وهل لازم تكمل القراية كاااااااااامل وتتخصص وتلقا الخدمة باه تتزوج :confused::confused::confused::confused: ؟؟؟؟؟؟؟

[جسر الأمل]

ههههههههههههههههههه اختي طبيبة ومتزوجة تزوجت عمرها 26 وعندها ولد
شكون الباير تسمى؟؟؟؟؟؟؟؟؟؟؟؟؟؟؟؟
العرب مايخلو حتى واحد يفرح
اخطيك منهم هوما البايرين مشي انت
ههههههههههههه الله يهدينا

[حًٱجَز≈ ٱلصِمتُـ ♥]

خيـتي نصيحة من عندي أعفسي على كلام النـاس لأنوا راهم يغيروا منـك و ميحبوش ليك الخير --' أنا اختي كان عندها نفس المشكلة تاعك بصح تخطاتها بالثقة و التوكل على ربي اما بالنسبة للزواج او مكتوب من عند ربي
ربي يرزقك بولد الحلال
صح فطورك
http://img.al-wlid.com/imgcache/135730.gif

[أم عبد النور]

مبارك نجاحك بنيتي وربي يوفقك

زواج مكتوب واليوم الحمد الله بزاف زوجات

وطالبات في نفس الوقت توكلي على الله وخليك

من كلام لي ما ينفع ما يضر اذا خرجتيه من راسك

كل النجاح والتوفيق

[شهرزاد]

و عليكم السلام و رحمة الله تعالى و بركاته
مع أنني أصغر منك سنا الا أنني أتمنى أن تأخذي نصيحتي بعين الاعتبار اسمعي يا أختي لا تدعي الناس يتسلطون على فكرك أنهي دراستك و الزواج بالمكتوب فقط مع أنه من الممكن أن تكون الغيرة هي الدافع الوحيد لاحباطك و لهذا لا تجعلي الناس يسيطرون عليك و بالتوفيق ان شاء الله + ألف مبروك

[نهال الجزائرية]

ألف مبروووووووووك وتخصصك في طب شيئ جميل
أما الزواج فهو قسمة ونصيب واهذووووو لي قالولك
غايرين برك ربي يهديهم إن شاء الله تعبك ملازمش يروح هذا وين رح تبداي تحقي حلمك
مع تمنياتي لك بالتوفيق في مشوراك الجامعي

[~~ أغيلاس ~~]

جارتنا تخرجت هذا العام طب ( يعني 24 أو 25 سنة ) و قبل بضعة ايام ذهب الوالد الكريم لعشاء زواجها و سوف تذهب إلى بيت الزوجية هذه الأيام،،،،،،،،،

الشيء الجميل أنها ملتزمة بالحجاب الشرعي مذ أن كانت في الثانوي و لم تتأثر بدراستها في الجامعة كما يحصل لبعض الفتيات، و الله يبارك حتى خطيبها دين و خُلُق ( و تخصصه طب أيضا ) .