ياناس سلفتي رايحا تهبلني

[امينة مناد]

صحا فطوركم
اقراو مليح ومن بعد احكموا اعليا ونشالله نلقا الحل عندكم
انا نسكن مع سلفتي في الطابق الثاني وعجوزتي في الاول .........انا عندي زوج ابيوت وكوزينا وسلفتي بيت وكوزينا راهي امهبلتني متحبش تخدم دالتها تع الميناش خاصتا الددروج حالفا اعليهم غير انا الي نخدمهم وهيا مدير والو مينداك تمسح الكولوار برك بصح انا مفهمتش كيفاه ااندير منقدرش انقوللها نوضي وخدمي ماشي انخاف منها وانما مرانيش حابا لقدر ايطيح ونداوس امعاها
مينداك منحبشس انسيق ونستناها ادير دالتها ومن بعد كي نشوفها حابسا ونشوف ادنيا ادودت انوض ونخمل كع الحالا
اما اعجوزتي هيا متحبش ادخل روحا الا في حالا وحدا ادا سلفتي مكانتش في ادار وانا مخملتش الحالا يعني الدروج اتنوض وتقولي وعلاه الدنيا هكا .............واش اتفسروا هادا
الله يستركم اعطوني الحل
وقولولي الله يستركم كي راني نخدم في دالتها اسكوا راهم دايريني جايحا ولا وشنوا خاصتا ان عجوزتي اجي وتقولي اخدمي هادي وديري هادي ومسحي امليح وهيا ماتقوللها والوا ....واش راهم دايريني

[sarl02]

ها كبري قلبك واربحيهم بالنية حتى يفتح ربي وشتا اديري.

[ريم رنيا]

اخدمى الخير تجدى الخير إن شاء الله وربى ميضيعش اجرك

[faty05]

شوفي كيما تقول يما ربي يحفظها
الدروج حبيتي اديريهم ديريهم راهي دارك اذا راكي حابة تشوفيها نظيفة ما حبيتيش خليهم راهي دارك اذا راكي حابتها تدوود
بصح يا اختي ما تهدري معاها لا والو
ربي يقدر الخير

[evaevalle]

الحل ساهل جدا كي تكون دالتك اخدمي خاطياتك خليهم من بعد ابن كل شيء
حاجة وحدة إذا هدرتي تقلقي و كل الناس معاك تتهول و زوجا ايضا
و إذا سكتي تقلقي انت برك و الناس الباقي لا ركزي على زوجك
شوفي في اي دار مشاكل انتاع الخدمة موجودة ادعي في رمضان ربي افرج علينا اكل
خلي قلبك بيض ترتاحي

[**نعم أطيعك ياربي**]

حبيبتي كاين مشاكل اكبر من هادي لدا حبيبتي الله يكون في عونك ونقولك اخدمي ما تبخلس لا البالي ولا النشاف رايحين يلسقو في يدك دقيقة ونتي مكملة وخلاص ونحيها من بالك
وربي يفرج عليك والديري الدار

[عاشق تراب بلادي]

يا اختي هاد المشاكل موجودة في كل بيت
شوفي نتي كبري قلبك و وسعي خاطرك و مديريش عليهم و في الاخير راح تكسبيهم كلهم اولهم زوجك و عجوزتك هادي راي في عوض يماك و دعوتها تشوى الدنيا و مافيها
و نقولك بلي هادي ماشي جياحة بلعكس نتي راكي ديري فيهم خير و ربي يعوضك عليه متنسيش بلي راكي تنظفي الدار و النظافة من الايمان
شوفي ختي ديري بلي سلفتك قاع مراهيش كاينة و قضي كي شغل راكي في دارك و صبري يجي نهار لي ديري دارك وحدك
و حاولي تقربي من سلفتك و ديرها كي ختك و تشوفي كيفاش راح تعاونك بلا متقوليلها
اما عجوزتك راهي كيما يماك لي تقولك عليه قوليلها واه و خلاص
نصيحة من ختك طبقيها و تشوفي كيفاش يروح عليك التقلاق

[جسر الأمل]

شوفي اختي انت ديري تورتك ونقي نورمال
وهي الله يسهل عليها ماديريش تورتها باش ماتتكلش عليك وتقيس عليك كل شي
وربي يحفظك ويسترك هدو هوما عربنا المغشاشين ربي يهدينا

[مريم الصابرة]

السلام عليكم اختي فالحقيقة والله الحل عندك ما تتقلقي ما والو ديريها ماكانش واخدمي إنت واش راحا دري معليش خليك خير منها كان هي معفونة راحا تكوني كيما هي سور لالا وإنت في كل هذا رضي زوجك وبعدها امو يا اختي لقطي دعاوي الخير وخليك منها
ما تعريش راسك كامل واخدمي لدار راهي دارك ديريها دائما في بالك شكرا وبارك الله فيك

[ام نسمة]

مرحبا اختي شوفي احنا في كلامنا انقولو الدراع الوافي ما يحافي خليها في حالها بلاك تحشم على روحها بلاك زوجها يلاحظ انو كامل الشغل عليك ويكلمها تسقم روحها وزيد حتى وان ما بينولكش تاكدي انهم يحبوك اكثر منها ويحترموك اكثر منها لانك عاقلة ورزينة وصبارة حتى هي تاكدي انو ضميرها يكون ماشي مرتاح بلاك مسكينة جايحة وما كبرتش على الخدمة بزاف في الدار وزيد شحالها عندكم عروسة ماعليش يجي النهار وين تفهم روحها وتحشم وتنوض لدالتها غير اصبري عليها شوية وجامي تخلي الدار مدودة على جال هي ماناظتش ادا كنت الكنة الاولى يعني اقدم منها تاكدي يدخل اي واحد للدار يلقاها مدودة يحط اللوم فيك انتيا ماشي هي ادن تحلي بروح رياضية وحاولي تتقربي منها كما قال الاخ عاشق تراب بلادي وشوفي النتيجة ومافيها والو علميها تدير الشغل غير بالحنانة والمسايسة واجرك عند ربي كبير ماشي عند العباد وصح رمضانك انت وسلفتك

[عذراء الجبل18]

انتي حسبي روحك راكي تخدمي في دارك , وكبري بالك برك
ربي يفرج عليك

[عربية الهوية]

السلام عليكم
اختي سيقيهم وين راه المشكل ديريهم دروجك وحدك وسيقيهم
لوكان تبقاي تخممي هكا غي انتي تتغصي وتسودي معيشتك
كبري بالك رمضان كريم

[Lydia istanboul]

ديري روحك راهي دارك وحدك و اخدميها و خلاص...خدام القوم سيدهم...نتي راكي لالاها كي راكي نظيفة و نقية و مرا فحلة و ما تخليش بليس يجي يوسوس و يقولك نتي نية و جايحة و راهم لاعبينهالك...ااقتليهم بالقدر يعني عامليهم بالحسنى و نقي دارك و يجي النهار و يحسو شحال راهي ديك فنيانة و بلاك يهديها ربي و تعاونك..حنونة ما تقلقيش روحك راه بليس يحب يعذب بن ادم و يكرهو في روحو و في لي حولو...ماتكبريهاش و نقي دارك و ربي يسهل على الباقي

[مزالنا واقفين]

السر راه البيت الزيادة الغيرة واعرة سيرتو بيناتكم نتوما نسا

شوفي حق لي عندك بيت زيادة عليها خلصي الضريبة ههه و نقي درج وحدك
هنا تولي نتي رابحة بيت و خاسرة فالتسيق و هي خاسرة بيت و رابحة لهنا من تسياق

خير ما تبقي معاها في مشاحنات و بلاك تكيدلك نتي كبري عقلك و خدمي وبيني شطارتك بلي تستاهلي ونص


صاي : )

[امينة مناد]

سلام اعليكم وصح فطوركم
شكرا لكل من تفاعل نعي في الموضوع وصح خويا العضو مازلنا واقفين هي غايرة من البيت الزيادة لخاطر قبل مانبني صرا الشونتاش اعليه خاصتا وان سلفتي هي لعروسة الاولى وعندها زوج ابنات اما انا الثانيا ولكن انا ابنيت بدراهمي اما هيا القات كلش واجد بصح انا صح اسمعت كلامكم وعندكم الحق باش مانعندهاش بصح بزاف هي فنيانة غير في دالتها تع الدروج لولين ولفوقانين بصح في دارها لا لا شغلها مفحفح وانا واقيل راهم دايريني كوسيرجا
اسسمعوا هدي المرا ولله غير احلفت غير قلبي ما يكولني ومنخدمش ليكتا نقعد ساكتا
اسمحولي راني نقلق فيكم بصح ما عندي ليمن نشكي

[مزالنا واقفين]

اااه اذا كان كيمن هاك نتي بنيتي ووو

الحل ما تسيقيش و ضربيها طالو نتي تاني نهار لي تلحقكم الهدرة تلحقكم في زوج و تما طرحي المشكل تاعق

قال موالف نقيه وحدي و عيت ومليت

ودرحي المشكل تاعك من بعد لي انبوكم على الاهمال في زوج بكل هدوء ورزانة

[amel4star]

السلام عليكم
عند قراءتي للعنوان قلت انو المشكل كبير
اختي كبري عقلك
انتي بيني انك نظف منها و ماتربطيش الخدمة انو راكي تنظفي ليها
نظفي روحك لانك نتي نظيفة
و و كلي ربي

[Nesrine-nina]

السلام عليكم
يا اختاه ما عسانا نقول غير مول النية يربح و لربما كلما مسحت تلك الارض مسح الله من سيئاتك و جزاك خيرا على ذلك فاصبري على هذا و تاكدي من ان الله يحبك فان الله اذا احب عبدا ابتلاه و كان الله في عونك و ازاح همك و غمك فانت ارفعي راسك امامهن فوالله لسن احسن منك و الفرج قريب ان شاء الله

[Nesrine-nina]

اااه اذا كان كيمن هاك نتي بنيتي ووو

الحل ما تسيقيش و ضربيها طالو نتي تاني نهار لي تلحقكم الهدرة تلحقكم في زوج و تما طرحي المشكل تاعق

قال موالف نقيه وحدي و عيت ومليت

ودرحي المشكل تاعك من بعد لي انبوكم على الاهمال في زوج بكل هدوء ورزانة

اضحك الله سنك يا اخي و لكن لا اظن انه الحل المناسب فالاجدر ان تكون هي احسن منها و تنافسها على النظافة و حسن الخلق مع اهل زوجها و ليس العكس...... مجرد راي ان سمحتم.....

[مزالنا واقفين]

اضحك الله سنك يا اخي و لكن لا اظن انه الحل المناسب فالاجدر ان تكون هي احسن منها و تنافسها على النظافة و حسن الخلق مع اهل زوجها و ليس العكس...... مجرد راي ان سمحتم.....

بصح نعرف النسا هذي ما يديروهاش و اذا داروها تنوض المشاحنات و قاتلي و قلتلها و هي علاش و انا علاش وووو

بصح اسلوب تمهبل تعيش يجيب نتيجة
و كاي مثل اخر دير كيما دير جارك و لا بدل باب دارك

كان ناس انتهازين و يبغو الواجد و يموتو على داك الانسان لي يستسلم و يرضخ لرغباتهم

[Nesrine-nina]

بصح نعرف النسا هذي ما يديروهاش و اذا داروها تنوض المشاحنات و قاتلي و قلتلها و هي علاش و انا علاش وووو

بصح اسلوب تمهبل تعيش يجيب نتيجة
و كاي مثل اخر دير كيما دير جارك و لا بدل باب دارك

كان ناس انتهازين و يبغو الواجد و يموتو على داك الانسان لي يستسلم و يرضخ لرغباتهم

طبعا كلامك واقعي جدا و لمني ابقى غير موافقة على هذا التمهبيل الذي يجر منزلها نحو الهاوية و كذلك هذاك الجار نعاندو في حوايج ملاح ماشي في العيانين..... المهم يبقى مجرد راي و نسال الله العافية و الصحة لنقدر على القيام باعمالنا فكم من امراة تتمنى لو كان بمقدورها النهوض و القيام باعمالها المنزلية ...... و السلام عليكم و رحمة الله و بركاته و صح فطوركم

[حفيدة عائشة]

وكلي ربي و اخدمي بنيتك و الاخير نتي تغلبهم و اذا ماكيش قادرة تزيد تحملي جربي قوليلها باللطافة زعما قوليلها نتعاون في المسيح الحالة راهي خامجة هاكا و ان شاء تفطن

[bladi dz]

ساجاوبك كما اجبتك في موضوع اخر عن سلفتك ديري روحك راكي تنقي في دروجك ياسيدي نقيهم واحتسبي الاجر عند الله وسايي مشي قاع مشكلة اختي والله راكي تركبي في لروحك الهم والله على والو ربي يصلح الاحوال

[aihemsara]

لوكان جيت انا ماعنديش حاجة
الا حبت تعاون و تدير دالتها اللهم بارك ويلا ماحبتش انا انظف و هي بينها بين ربي سبحانو
حنا مرت خويا ساكنة فوقنا وحدها و مني جات جـــــــامي صرالي معاها مشكل بالعكس ولات مصاحبتني
و كي عادت بالحمل انا نطلع انظفلها كلش بلا ما تقولي,, يا وين لوكان جات معانا في دار وحدة ههههههه
يااااااو ديري الخير و ما يهمك في حتى واحد و الله يجي نهـــــــــــــــــــار و ربي يعوضك,,, عند بالك كلشي يروح هكاك
امشي بالنية تربحي

[الأمنيات]

نصيحة ساقول لك من اخت مجربة .......................هل سمعتي يوما ان خدمت الدار تقتل لا لا
يعني خدمي وزيني نيتك وحسبي الامر اجر عند الله والله ما تخيبي
واذا درتي كلام الزائد واش حاسبه روحه وانا مارانيش كنسياج هذه الامور لا تزيد لا تنقص تركب الوسواس فقط
هذا درج راه صاري فيه كل هذا واذا كانت كامل الدار فوق والتحت ويقول لك زوجك خدميها انتي بوحدك واش تديري ؟؟؟؟؟

[امينة مناد]

نصيحة ساقول لك من اخت مجربة .......................هل سمعتي يوما ان خدمت الدار تقتل لا لا
يعني خدمي وزيني نيتك وحسبي الامر اجر عند الله والله ما تخيبي
واذا درتي كلام الزائد واش حاسبه روحه وانا مارانيش كنسياج هذه الامور لا تزيد لا تنقص تركب الوسواس فقط
هذا درج راه صاري فيه كل هذا واذا كانت كامل الدار فوق والتحت ويقول لك زوجك خدميها انتي بوحدك واش تديري ؟؟؟؟؟
شوفي حنونة شكرا لتفاعل معايا بصح راني حنقولك بلي سلفتي هدي ماشي فنيانة ولا عيانة طول العام باش نعدرها هيا ادير في السكارا باش اتكرهني شوفي تنوض بكري تخمل شومبرتها وتسكم بناتها ودير كع اشغلها ومن بعد تغلق الباب على روحا وتخليلي الميناش تع برا يعني هدا واش اتفسريه حتى الماء كي يكون في ليبالكوا ديانا تنقي غير جيهتها وتخلي جهتي على العكس اديالي وتقوليلي الشغل مايقتلش وانما السكارا تقتل واااااااه لوكان جات عندي دار وحدي

[*أم ثازيري*]

يا اختي ديري الميناج ماهوش حاجة صعيبة خليك فحلة دارك نضيفة و دروجك نضاف و سمطيها كيما يقولو السامط يغلب القبيح، أنا وحدة من الناس نموت على الميناج و الماء،ماكانش قد الشعور نتاع النظافة

[Golden Princess]

خدمي بنتيتك و شاعندك فيها ...في الاخير ما يربح غير مول النية يجي نهار و تحس بغلطتها

ربي معاك