امبراطورية اخلامي تتحطم امام عيني وما بيدي سوى البكاء [الأرشيف]

مشاهدة النسخة كاملة : امبراطورية اخلامي تتحطم امام عيني وما بيدي سوى البكاء

نى الروح

2012-07-23, 18:10

رمضان كريم على الجميع

السلام عليكم

بداية اشكر كل من دخل صفحتي وشاركني حزني والله يفرح قلبي عندما اجد من احس بي وهو لا يعرفني حتى
احلاي كبرى ولطالما طمحت في تحقيقها ودائما كنت اخاف من التحطيم من طرف العائلة وكنت الجأ الى امي لاسألها (ودائما تشجعني وتقول لي انت دير لي عليك وباباك وخوك والله ما يوقفو في طريقك) من شدة خوفي انو احلامي تضيع في لحضة تخليت عليها وقلت صاي مانقراش للباك ومانديه ما والو مي جات يما وشجعتني وقتلي لالا وعطاتني امل كبير قتلها خليني من دوك نهدر معاهم ونقولهم لكان يسمحولي نقرى باه مكاله نتحطم مبعد مي قاتلي لالا ماتخمي ما والو المهم انا مانيش نلوم في يما كي شجعتني لانو اي ام دير هاد الشي"ا وديت الباك وفرحتهم مي في قلبي حزن كبير على خاطر معدلي قليل وما يحققلي والو 13.56(مع العلم حلمي هو اني نقرى حاجة نادرة جدااا واحد مادراها من قبل ونعطيها كامل وقتي ونطورها ونخرج حاجة فلبلاد) وفي لحضة كي شفت الاختيارات قلبي فرح بزاااااااااف خاطر لقيت حاجة نقدر نحقق بيها حلمي اداب ولغة روسية فرحني بزاف هاد التخصص وقلت هنا نحقق طموحي بديت فالتشاور بين العائلة ماعدا الاب الاخ واقفني بزاف وشجعني لابعد الحدود لدرجة عطاني الامل مي بزاف لي رفضولي الفكرة كاساتذة الجامعة لي شاورتهم وقالولي لازم عليك دير مدرسة عليا للاساتذة لي ماكنتش نحلم بيها خلاص وكنت نعتبرها محطم الاحلام لانو صح هاد المدرسة مستقبلها مضمون مي فلخر استاذ وماتقدر دير والو لا ماجيستر ولا دوكتوراه المهم جاو الاختيارات وحطيت 6 اخنيارات الاولى مدرسة عليا 7 لغة روسية
واول حاجة درتها صلاة الاستخارة ومن ليلة لي درتها وانا نحلم باللغة روسية الةى ان جاء التوجيه وهنا الصدمة كان تجيهي لغة روسية في قلبي فرحت بزااااااااااااااااااااااااااف مي في نفس الوقت خفت من تحطيم هاد الحلم لي جا بين يديا وماكنتيش متوقعاتو الام تشجع فيا كما كانت مع الاول وجا دور الاب ونشوف ردو وهنااااااااا الصدمة لالالالالالا والصدمة الاكبر :mad:مالاخ لي كان مشجعني هو لي ماخلاليش حتا حاجة نقنع بيها الاب وبابا ماكانش رافض الفكرة 100/100 مي بمساعدة الاخ رفضها 10000000/1000 وهنا بدات امبراطورية احلامي تتهدم من الاساس الى لسقف وانا ارى سوي الدموع في عيني وسبب الرفض هو البعد اللغة الروسية تدرس في الجزائر العصمة وانا اسكن في ام البوافقي يهني مسافة 600كلم هادا انا لم يخفني ولم يقنعني انه صعب المنال لكن العائلة تراه شئ صعب جداا
ويما تاني ولات معاهم وقفت في جنبهم وقاتلي صعيب الحال
انا ما لقيت قدامي غير نال رضا الوالدين ونقولهم لي تحبو ديروه ديرو وغلقت على نفسي ابواب الاحلام وكل شئ
وبدات المشاورة فيما بينهم وكانهم يبجهزوني لجنازة احلامي والله العضيم هكا كنت حاسة وفالاخير جاو عندي وعطاوني قرار التشاور المشؤووووم "ديري تحوييييل الى ام البواقي وقراي حاجة تاع معدل 10.00 علوم سياسية ولا علوم اجتماعية وخلاص قصدهم علوم تحيم احلامك وفالاخير ستسلمت للامر الوقع وسقطت اعمدة امراكطورية احلامي ولحقها السقف وكل شي
المهم طولت عليكم بزاااااااااااااف سمحولي مي والله هاد الكتيبة ريحتني شوي نتمنا نسمع غير الكلمة الطيبة لي تصبرني
وربي يوفقكم جميعاااااااا

bouzid gh

2012-07-23, 18:16

ربي معانا بيده الفرج لا إله إلا هو عليه توكلت وعليه فليتوكل المؤمنون

لالة مريومة

2012-07-23, 18:20

اختي و الله قصتك تقريبا مثلي وماعليش ديري تحويل في سبتمبر المهم رضا الوالدين وكلش على ربي وتقدري حتى بعد التخرج تقرايها

-khaDouja-

2012-07-23, 18:24

السلام عليكم حبيتي

ربي معاكـ أختي ..ماتحسيش هذا مكتوب ربي و اللي كاتبه نلحقوووه،،انت ماتعرفيش الخير وينراه..المهم ربي يوفقك و ماتخميش بزااف ;)

حبة ملفاي

2012-07-23, 18:25

ma 3andak ma diri ou5ti ......w balak rabi chaflak fiha 5iiiiiir ma tadri balak

hadou waldak w 5ouk asbri 3lihoum

w rahi mazalt lymat 3la tasjil w balak yebdl rayhoum hawli ta9n3ihoum

sali w ad3i rabi balak.........ma tadri ou5ti

w zidi diri fi balak ay haja bla reda waldin rahi tefsad

w ida tehatmat 3lik w derti trensfer diri anglais ou farnçais

w ida ye5alouk fi annaba machi b3ida bezaf kaina italiya ou5ti diriha

asbri bark

اللؤلؤة مريم

2012-07-23, 18:28

حاولي تقنعيهم صح عندهم الحق يخافو عليك لكن قوليلهم أنهم راح يضروك أكثر لو ما يخليوكش تدرسي وش تحبي ربي معاك

نور الهدى ايمان

2012-07-23, 18:32

السلام عليكم
اختي ماعليش مادام ما في يدك والو رضاي بقضاء الله
ونقولك حاجة مهمة جدا : عسى ان تكرهوا شيئا وهو خيرا لكم
في امان الله والله يوفقك اختي

well known

2012-07-23, 18:32

رضا الوالدين ahem haja dkartiha...anti barri waldik w rbi howa li raye7 ykafik..soi sur mn hadrtii...rbi ywafkak w ysabrak

حميدو09

2012-07-23, 18:35

عاشقة الاسلام93

2012-07-23, 18:35

أختي دير في بالك بلي دي فيه الخير يجيبو ربي

ҳhamzaҳ

2012-07-23, 18:35

ربي يسهلــــــــــــــــــــــــــــــ

ziassia

2012-07-23, 18:37

ربي معاك أختي و الله غيير صح تغييض بزاااااااااااف
سيي ديري حاجة فيها مستقبل مضمون
متقدريش تديري علوم اقتصادية ولا علوم التسيير و لا علوم سياسية وين حاجة تقتنعي بيها
وبالتوفيق ان شاء الله

حبة ملفاي

2012-07-23, 18:43

كارثة
هل أنتم تمثلون مستقبل الجزائر المشرق؟؟

أشك في ذلك

عندما أقرأ المواضيع، و الردود أصاب بالصدمة من لغة الكتابة و الحوار.
الجيل السابق كان يكتب بلغة العقاد و طه حسين ، و جيل اليوم يكتب بالدارجة و العربية المفرنسة و لغة sms

واأسفاه على أبناء بلدي

و رغم أني لست من مشجعي اللغات الأجنية إلا أن المجتمع و الظروف هي التي فرضت علينا هدا

لكن ما يحيرني و يثير دهشتي هو حين يتكلم البعض و يقول الجلي السابق و نحن و نحن و بكالوريا زمان ليست بكالوريا اليوم وووووو تلك الخزعبلات

لو كان جزءا من هدا صحيح فلما نحن نعاني هدا الركاد و هدا وووووو مادا فعل الجيل السابق مادا فعل اين إنجازاتهم .....ههههههههههه

و كما قلت انت الجيل السابق يتكلم العربية ..ووو نحن الجيل الحالي ..على يد من تربينا و نشئنا أو ليسعلىيد الجيل السابق

فأرجوكم كفانا من خزعبلاتكم ...........فقد ضقنا بها ذرعا

ozil_88

2012-07-23, 18:46

عسى ان تحبو شيئ و هو شر لكم

نـ الأمل ــــــدى

2012-07-23, 18:49

rabi m3aaaaak khtiti 3lach ma dirich Mi !!!!!!

نى الروح

2012-07-23, 18:51

و رغم أني لست من مشجعي اللغات الأجنية إلا أن المجتمع و الظروف هي التي فرضت علينا هدا

لكن ما يحيرني و يثير دهشتي هو حين يتكلم البعض و يقول الجلي السابق و نحن و نحن و بكالوريا زمان ليست بكالوريا اليوم وووووو تلك الخزعبلات

لو كان جزءا من هدا صحيح فلما نحن نعاني هدا الركاد و هدا وووووو مادا فعل الجيل السابق مادا فعل اين إنجازاتهم .....ههههههههههه

و كما قلت انت الجيل السابق يتكلم العربية ..ووو نحن الجيل الحالي ..على يد من تربينا و نشئنا أو ليسعلىيد الجيل السابق

فأرجوكم كفانا من خزعبلاتكم ...........فقد ضقنا بها ذرعا
يا الله على اولاد بلادنا واحد قلبو تحرق واحد يستنا فيها يتفنن فاللغة ويبدع فالبيان والبديع

lilam

2012-07-23, 18:55

a9rayha radhi waldik wmb3d bdli

اللؤلؤة مريم

2012-07-23, 19:04

يا الله على اولاد بلادنا واحد قلبو تحرق واحد يستنا فيها يتفنن فاللغة ويبدع فالبيان والبديع

معليهش أختي ربي يهدي و أنت ربي يوفقك و يحققلك أمانيك

well known

2012-07-23, 19:09

ink4tim

2012-07-23, 19:23

.if you have real dream .... you should fight for it

جامي تستسلمي ... و مزال الوقت منا لسبتمبر اسيي تقنعي والديك بلي طلب العلم فريضة ميوقف في طريقة احد

و 600 مراهاش بزاف + في الجي تكونو من 48 يعني مشي غير نتي الي غريبة

مستقبلك نتي تحدديه و مام والديك راني فاهمهم راهم خايفين عليك مي فهميهم ان الجامعة في ام البواقي ولا الجي كيف كيف

و صحا فطوركم

ink4tim

2012-07-23, 19:27

----------------------

ابتسام123

2012-07-23, 19:30

mektoob rabi
rabi m3ek

زكرياء بن خرفية

2012-07-23, 19:33

الخير في ما إختاره الله

حبة ملفاي

2012-07-23, 19:36

يا الله على اولاد بلادنا واحد قلبو تحرق واحد يستنا فيها يتفنن فاللغة ويبدع فالبيان والبديع

ya ou5ti machni 3like w deja ana repondite 3like fi 1 ..

sad9ni has bik

mais alah ghalab ani 3lahadak li rah yeseb fina

choufi wch rah katab fi 1............

dsl ................asbri bark w zidi hawli m3ahoum balak ta9n3ihoum

wela diri angalis annaba ou anglais oum bwa9i 04

ou5ti .....rdayat waldik 5iiiiiiiire

w diri fi balak raki 9adra fi futur ta9ri bac jdide w diriha ou5tiiiiiiiiii

slm

subainaz

2012-07-23, 19:37

في هاذ الدنيا كلشي بالمكتوب وكلشي مقدر علينا
والمكتوب ما منو مهروب
ورضا والديك قبل كل شيء

ربي يكون معاك حبيبتي

Fleuriam

2012-07-23, 19:51

اختي كما استطعت ان تجعلي من اللغة الروسية حلمك تستطعين ان تجدي في تخصص آخر طموحك و تحققي آمالك يمكنك ان تكوني متميزة في تخصصات لم تكن في بالك فلا تيأسي ففي وقتنا الحاضر بالرغم من ان بعض التخصصات تعطي بمعدل 10 الا اننا نفتقر الى النوعية بالرغم من و جود الكمية
اضافة الى ذلك كيف تقولين تحطمت آمالي و انت توجهت الى الله رب العالمين بصلاة الاستخارة !! فربما كان في الروسية شر لك ! فالله يعلم و انتي لا تعلمين

*يا اختاه ماذا عن من تحصلوا على الباكالوريا بمعدلات جيدة و حرموا من الدراسة في الجامعة بشكل تام بسسب ظروف ليس لهم ذنب فيها ! لا تفقدي الامل فلعل ذلك خير لك

styliste

2012-07-23, 21:45

محمد أمين الجزائري

2012-07-23, 21:46

السلام عليكم
لن أفصل أختي الفاضلة في الأمر فقد مررت أنا كذلك بموقف مشابه جدا و لكن انصح نفسي و اياك بتقوية الثقة بالله ، فليس المهم ما قررت أنت و لا ما قر رت أنا و لا ما قرر أوليائنا و لكن المهم ما أقره الله تعالى لنا فهو أعلم بنا منا وهو أرحم بنا من أي أحد ، ربي يوفقنا جميعا لما فيه الفلاح و الخير

styliste

2012-07-23, 21:48

j'ai eu une moyenne mieu que ta3k yasr et on é presque kifkif

delano

2012-07-23, 21:52

كارثة
هل أنتم تمثلون مستقبل الجزائر المشرق؟؟

أشك في ذلك

عندما أقرأ المواضيع، و الردود أصاب بالصدمة من لغة الكتابة و الحوار.
الجيل السابق كان يكتب بلغة العقاد و طه حسين ، و جيل اليوم يكتب بالدارجة و العربية المفرنسة و لغة sms

واأسفاه على أبناء بلدي

وماذا سنستفيد من لغة الضاد و العقاد و طه حسين؟؟

المهم إيصال الفكرة مهما كانت الطريقـة

و من المفترض أن تساند الأخت عوضًا عن إنتقاد لغتها

✗ ┋ وَړْﮃَةُ آلـﭴَزآئـړْ ┋ ✗

2012-07-23, 21:57

لقد مررت بموقف مشابه فوالدي أرادني أن أدرس الطب بولاية باتنة
وأنا اخترت جراحة أسنان بالعاصمة التي هي بعيدة ب 600 كم
ورفض أهلي الفكرة بشدة بسبب البعد
لكنني والحمد لله قمت بإقناعهم وإلا فلن أدرس لأن رضا الوالدين هو أهم شيء

نصيحتي لك سجلي في الجامعة لغة روسية وحاولي الجلوس مع عائلتك وإقناعهم دون تعصب أو تشدد بل باستخدام لغة الحوار أخبريهم بحلمك وكل ما حكيته لنا

وإن لم يقبلوا فحاولي تحقيق حلمك ولكن في تخصص آخر فرضا الوالدين هو الأهم
حاولي القيام بأبحاث حول التخصصات الأخرى

بالتوفيق أختي

اميرة زماني

2012-07-23, 22:32

حاولي تقنعيهم
وديري في بالك
رضا الوالدين قبل كل شي

موفقة اختي

orchid_girl

2012-07-23, 23:02

كارثة
هل أنتم تمثلون مستقبل الجزائر المشرق؟؟

أشك في ذلك

عندما أقرأ المواضيع، و الردود أصاب بالصدمة من لغة الكتابة و الحوار.
الجيل السابق كان يكتب بلغة العقاد و طه حسين ، و جيل اليوم يكتب بالدارجة و العربية المفرنسة و لغة sms

واأسفاه على أبناء بلدي

أخي على وجه ربي كي تدخل لموضوع زيما هذا يا قول كلمة طيبة ياماتقولش ربي يهديك العبد في حالة و أنت كمل علي أستغفر الله العظيم حاب ديرلنا دروس و أنت ماتحترمش مشاعر الاخوة تاعك و احساسهم بالاسى

أما بالنسبة لك أختي نطلب ربي يكون في عونك و تذكري الحاجة اللي شافها ربي ماشفهاش العبد و ممكن هاذ الشيء فيه منفعة ليك
ربي يصبرك و يعوضك بما هو أحسن

TOLAY

2012-07-23, 23:33

السلام عليكم اختي:
اصدقك القول ان كل كلمة قلتها مستني في الصميم و تذكرت ما عانيت انا
اولا اقول لكي مبروك عليك الباك لازم تحسي بلي هذا لوحدو انجاز
ثانيا اكيد ربي مشافلكش فيها الخير و جعل رفض والديك هو السبة باش متقرايهاش تفاءلي اختي بالغد عسى ان يحمل لكي ما يسعد قلبكي
اختي تقدري تقراي حاجة ناس ياسر قراوها و مهيش نادرة لكن بذكائك و اجتهادك تتمكني منها و طوريها و تخليها تصير نادرة فكري جيدا
و انساي امر الروسية فهي ليست حلما راودكي منذ الصغر اليس كذلك؟؟؟و فكري فحاجة ديري ليها ترونسفار بحيث تقدري تبدعي فيها
اجعلي تفكيرك ايجابي اختي و نحن في رمضان اكثري من الدعاء اختي
و انا سادعوا لكي بان يريح الله بالكي و يوفقكي لما فيه خير لكي
اتمنى منكي ان تبتسمي بعدما كتبت لكي
و ان اردت اي شيء فانا هنا اعتبريني اختكي
بالتوفيق

منصف512

2012-07-24, 00:02

iههههههههههههههههههههههههه

قصة مضحكة
مفهمت والوووو

skilerdz

2012-07-24, 00:41

salam
rani has bik khtii
ana de mon coté holmi men bekri kan militair mais la famille 3la bali beli ma3jebhomch el hal
mais malgré tous makdertch khali holmi psk 3la bali que nendem 3liiiha
3ala koli hal fe la langue russe kach maykhosek rani hna
ana men om men ukraine
ou na3ref russe
^^
bon chance

salilou

2012-07-24, 00:44

salam 3alaykom wa rahmatou allah..
okhti mat9al9ich rohek 3la had l9ad psk bzzzzf nass 3andhom had lproblem
ana tani haka ..ana mn tiaret w ba3touni setif w momkin b3ida 3lina ktar mn 600km
ana haba cho3ba li ba3touni fiha mais tani 3and problem ta3 b3ida bzzf
mais diri fi balek beli waldik w khouk yheboulek ghi lkhir w homa adra bmasslahtek
w matensaych anhom 3andhom tajarob w mn ha9hom ykhafou 3lik..
3assa an takrahou chay2an wa howa khayron lakom..
hawli bach t9an3ihom ghi bessayass w tbeynilhom beli habetha bzzzzf..
w homa ida chafoulek fiha khir lik akid marahch yhatmolek ahlamek..
twekli 3la rabi okhti fi allah w diri amalek bih..
w li fiha khir lik w lil jami3 nchallah rabi yjibha..
w rabi 3omro maykhyeb 3abdou..
rabi yha9e9lek ahlamek..
w bi tawfi9 lik w lil jami3 nchallah..
tahiyati..

مــــلاك

2012-07-24, 21:52

كارثة
هل أنتم تمثلون مستقبل الجزائر المشرق؟؟

أشك في ذلك

عندما أقرأ المواضيع، و الردود أصاب بالصدمة من لغة الكتابة و الحوار.
الجيل السابق كان يكتب بلغة العقاد و طه حسين ، و جيل اليوم يكتب بالدارجة و العربية المفرنسة و لغة sms

واأسفاه على أبناء بلدي

اولا وييييييييي نحن نمثلوا مستقبل الجزائر اللي حسب الشوفة ماهوش مشرق بزاف
ثانيا انت كتبت موضوع بعد راح تقعد تعاود فيهم الزوج كلمات تاعك الي ماعندهم حتى معنى ولا علاقة بالموضوع
ثالثا الطفلة كاتبة موضوع جد السخط فرغت فيه قلبها ما طلبت والوا غير زوج كلمات يصبروها على همها وانت داخل تتفلسف عليها
رابعا مادامها ماهيش عاجباتك لغة الحوار وعلاه انت تكتب بيها في الردود والمواضيع تاعك وعلاه ماتكتبش بلغة العقاد وطه حسين

ربي يهديك

fatimabouche

2012-07-24, 22:25

ديري في بالك ربي ما يضيعش عبدو ولي فيها الخير ربي يجيبها

lakhdar souf

2012-07-24, 22:34

ربي يصبرك ... ورضا والديك هو كل شيء ...استناي لشهر سبتمبر وديري ترونسفار .. وبما انه معدلك قاوي ننصحك تديري mi

ink4tim

2012-07-24, 22:38