تسجيل الدخول

مشاهدة النسخة كاملة : تابع يود رؤيتي


مشكلتي
2012-07-23, 15:22
يود رؤيتي (http://www.djelfa.info/vb/showthread.php?t=1036997)

السلام عليكم
لبنات نشكركم على التفاعل والردود
هو صح عندكم الحق حرام وانا راني مقتانعة بلي رني نخون في ثقة والدي وراني ندير في حاجة انا مانيش متعوده عليها
بصح انا لقيت فيه واش نحب الشخص لي كنت نتمناه
وسقسيت عليه بلا ما يعرف وعرفت بلي راهو انسان تقي نقي مثقف
رايو عليا واش ندير خصوصا بلي راني متأكده انو اذا شافني موش رايحة نعجبو

فوستر بيزيه
2012-07-23, 19:08
ا خصوصا بلي راني متأكده انو اذا شافني موش رايحة نعجبو

وما أدراك بذلك؟

ممكن يكون متْفَهم

ثم إن مرور الوقت ليس في صالحكما

اعملي بنصيحة الأعضاء : اذا كان ناوي الحلال

قدميلو العنوان وبسم الله

والباقي بيد ربي

نيل المنى
2012-07-23, 19:30
يا أختي حتى و لو أعجبك فلا تريه دون علم أهلك....و تصوري لا قدر الله و رأك خارج بيتك و لم تعجبيه...فكيف ستشعرين؟؟ ستحسين بالدونية و أنه -بعد أن رأك - لم يعد يهتم بك كما في السابق.
أختي العزيزة،أنا في رايي في داركم خير..معززة مكرمة.
و ربي يجيب اللي فيه الخير.

عاشق تراب بلادي
2012-07-24, 00:02
يا اختي ما هدا التفكير كيف تقولي انني ساعجبه و ما ادراكي انتي بدوقه و لنفرض انه اعجب بك ما الفائدة يا اختي و هو ليس حلالك
يا اختي حطي عقلك في راسك و خطيك من هاد العلاقات التي ستقودكي الى الهلاك
اراد رؤيتكي دار والديك كاينة
نصيحة ليك ختي لي يحبك يجي لداركم و يشوفك قدام والديك ماشي يحكي معاك في التليفون و يشوفك في الفايسبوك

Crazy lazy Girl
2012-07-24, 00:06
كيما راكي تقولي مثقف و الرجل المثالي ما لا ما يهتمش بالشكل .......تاخدي رايي اخطيك لا تندمي اومبعد
تقبلي مروري

أم البشائر
2012-07-24, 01:26
من شروط التوبة هجران لذه الذنب


وانت لازلت تستشغرين المتعة في علاقتك به


وما يخيفك ليس غضب الرب وانما ان لا تعجبيه


ناسية ان ممن خلقك على ذاك الشكل المحمود


هو من ان اتقيتيه سيمنحك زوجا احسن مما تتمنين


ولكن لا باس انت اردت الخوض في امر واضح حرمته وضوح الشمس في عز النهار


وعليك ان تتحملي العواقب

وكونك هانية المتدين ما يرضى بالاستمرار في علاقة كهذه


وانما لما اصبح الدين حجة على صاحبه

هاذيك هي تلقاينا نعرفو وما نطبقوش

الايمان ما وقر في القلب وصدقه العمل

وليس كلام ينافيه الفعل

سقسيه كان يرضى لاخته بعلاقة وتعطي صورها

اذا قالك نعم معناها الرجل ديوث لا خير فيه

واذا قالك لا معناها دايرك بائعة هوى ولقاك للتمسخير

http://www.youtube.com/watch?v=_yScNM_0Hm8&fb_source=message
وتاكدي اختي ان ما هو لك لن ياخذه غيرك

وان ما عند الله لا يؤتى بمعصيته

أم معاذ أم معاذ
2012-07-24, 04:57
تسمى حابة تكملي علاقة هكا بلا ما يشوفك
كيفاه ناوية تتزوجي بيه مالا في النت ؟برك

إذا ناويك زوجة لازم يجي نهار و يشوفك
إمالا أعطيه عنوان الدار و قولو أرواح شوفني و خلاص
قوليلو أنا فلانة و عنواني هكا و هو يدبر راسو مش لازم يجيك للدار
لكن دون موعد بينكما
يعني يترصد يشوفك في الطريق
إذا عجبتيه يكمل و يجي يخطبك و إذا ما عجبتيهش تنتهي العلاقة المحرمة بيناتكم
و راكم في شهر رمضان
توبوا إلى الله

faty05
2012-07-24, 09:21
يا اختي انا نصحتك
شوفي اذا بعثتيلو صورة و عجبتيه راح يبدا يطلب في المزيد و المزيد على اساس توحش يشوفك و هذا مش مليح ليك
و اذا ما عجبتيهش راح تحكمك خيبة امل و تندمي علاه بعثتيهالو
امالا ابعثيلو عنوان بيتك خير
سلام

اللؤلؤة مريم
2012-07-24, 09:32
الحلال بين إذا هذا الشخص ناوي الخير يتقدم و يشوفك (النظرة الشرعية) أما أنه يراك دون أن يتقدم لوالديك مستحيييل لازم تديري قيمة لنفسك و ضعي هذا الشخص أمام الأمر الواقع قولي له إذا ناوي الخطبة تفضل و أقطعي إتصالك به فإذا كان صادق راح يتقدملك المهم توبي لربي الآن و إستغفريه نحن في شهر رمضان إغتنمي الفرصة للتوبة

ولد حمد الباتني
2012-07-24, 12:19
أعطيه عنوان الدار والناس تشوف في الدار ولا يشوفك لبرا اما الصور والمنتديات والكاميرات فلا وبلاك تغلطي غلطت عمرك ....

جسر الأمل
2012-07-24, 14:52
شوووووووووووووووفي زيري روووووووحك مليح وقوليله يجيك للدار بغا صحا مابغاش الله يسهل عليه، مكانش غير هو
المثقف المدين هو اللي يجي للدار ويشوفك عجبتيه اوك ماعجبتيهش نووووووووووووووووووووووووووووووورمال ماتعقديش الامور
والله والله لوكان تروحي ليه وحدك ويشوفك وماتعجبيهش غادي تحتاقري روحك وتقولي واش داني
وادا عجبتيه وتزوجك غادي يجي النهار ويعايرك بخيانتك لاهلك وخروووجك وحدك لملاقاته والنتيجة مايوليش يدير فيك الثقة
انا نقولك اسمعي الررررررررررررررراي اللي يبكيك عن تجررررررررررررررررررربة

عربية الهوية
2012-07-24, 15:35
السلام عليكم
اختي انا مقريتش موضوعك الاول بصح كيفاش تقوليلي نقي وطالب يشوفك !!!!!!!!!!
اخطيك ن الغاشي الراشي خليك طاهرة عفيفة بريئة حتى يجيك اللي يستاهلك
وزيد هذا باينة حاب يدخل من التاقة اخطيك منو
ربي يرزقك بولد الحلال وردي بالك راهي تبدا بلقاء تنتهي ب......... الله اعلم الى اين
صحا فطورك ورمضان كريم

شهرزاد
2012-07-24, 17:55
اذا كان ناوي الحلال و سقسيتي عليه و راه واحد مليح في نظرك ما عليك غير أنو تعطيه العنوان و ايلا تفاهمتو الله يوفقكم

manels
2012-07-24, 18:17
السلام عليكم
اختي راني فاهماتك مليح واكيد راكي تقولي في بالك راهم مش حاسين بيه صح لاننا مش في الدائرة الي راكي داخلها وبالتنالي رانا نشوفو خير منك

شوفي انت خايفة يروح يا اختي ياو مكتوبك يجيك للدار واقسم بالله انو ربي مخبيلك مكتوبك وهذا عن تجربة مني

الصورة اخطيك من المستحيلات المليون انك تمديهالو

وهناك اشكال فكرتي فيه او لا نفرضو درتي كيما قالو الاخوات ارواح للدار هل واثقة تمديلو عنوانك وثانيا فرضا مديتيلو وش رايحة تقولي لاهلك وين عرفتيه اذا تقدري ديري هذو زوجج خطوات ساهلة يعني يتقدملك
بصح بيناتنا ياو يحوس على صورتك مش يحوس يقدم لانو دك كي تقوليلو يقلك انا مانشريش الحوت في البحر لازم نشوفك وانت تاني تشوفيني .


المهم ديري موقف والحياه مواقف

عذراء الجبل18
2012-07-25, 13:41
اخطييييييييييييييييييييييييييييييييييييييييييييييي ييييييييييييييييييييييييييييييييييييييييييييييك

*سلامة*
2012-07-25, 16:48
تحجي وتفكي ؟

يا اختي ، قبل ماتقع الفاس في الراس ، ابتعدي عنه واتقي مولاك

فلنتكلم من باب العقل ،انت راكي تقولي انه لن يعجب بك اذا لماذا تودين نفسك الى بحر غامق وانت لا تجدين السباحة ، الله يهديك ويهدينا جميعا

اختي يا اختي لو كان الامر جيد مثلما تقولين لما ساورك الشك ابدا ولما طلبتي نصيحة احد بل وانكي تكتوبين موضوعين وهذا دليل على ان قلبك الطيب احس انه سيخطأ اذا واصل في هذا الامر

محبة غزة
2012-07-25, 17:36
السلام عليكم ورحمة الله تعالى وبركاته راني مقريتش موضوعك الاول بصح نقولك غير اخطيك منو اذا كان مكتوبك صح رايح طول ولا يقصر ويرجع ليك وناس بكري يقولو اذا حبيت اي حاجة بشدة خليها اذا رجعت ليك فهي مكتوبك من الاول واذا مرجعتش فهي من الاول مش مكتوبك . وعمرك مديري حاجة تغضب ربي ولا والديك لانه مكانش حتى شخص يستاهل في هذي الدنيا غير والديك وخاوتك وانا ننصحك انك تقطعي هذه العلاقة سواء في النت او في التلفون واستغلي رمضان هذا وادعي ربي عند الافطار انو يجمعك بولد الحلال ليسعدك ويهنيك ويساعدك على طاعة ربي مش معصيته واكيد كيدري هذه الخطوة وتترك هذه المعصية اكيد ربي رايح يسعدك ويعوضك ما احسن منو لأنك تركت معصية من اجله حتى هذا الشاب رايحة تكبري في عينه حتى واذا مقللكش او خلاك لأنه عمرو ميرضى بهذا الشئ في اخته ويتمنى لوكان تكون اخته كيما انتي تحفظ الشرف نتاع عائلتهم وتكون قد الثقة لعطاهالها . واسمحيلي كسرتلك راسك بالهدرة نتاعي بصح والله غير حابة ننصحك قبل فوات الاوان وزيد نقولك اندمي على حاجة مدرتيهاش خير ما تندمي على حاجة درتيها. صح فطورك ومتنسايش ادعي ربي عند الفطور لان دعوة الصائم مستجابة ان شاء الله.