انا في امس الحاجة الى نصيحتكم

[remili]

السلام عليكم ورحمة الله وبركاته....................قد يكون موضوعي هدا غريبا عليكم بعض الشيىء ولكن لاأخفي عليكم بان ايامي تحولت الى جحيم بسبب خطأ حسابي تافه في مادة الرياضيات في شهادة البكالوريا اثر في نفسيتي بقية ايام الامتحان لأحصل على معدل14.01 وهدا لايسمح لي بالتسجيل في شعبة الطب التي كنت احلم بها مند طفولتي رغم انني متاكد بانني كنت قادرا على دخولها وبكل سهولة.................................والان انا محتار بان اتنازل عن حلمي وادرس اي شعبة كانت ام اعيد شهاادة البكالوريا ...ارجوكم ان تنصحوني خاصة من مر بتجربة مماثلة.........

[remili]

..................

[(~ ..أســـامة .. ~ )]

اذاا كنت تحب الطب بهذه الدرجة و تعلم انك تستطيع دخوله بسهولة ................ انصحك بااش تعااود الباااااااك و ما تستسلمش .......... بزاااااااااااااااف عاودو البااك على جال الميدسين ........ ماشي غي انت ....... و كان تقرى شعبة اخرى و قلبك في الميدسين .................. ضيع روحك

اتكل على ربي و عاود البااااااك ما تفقدش الأمل و ان شاء الله ربي ما يخيبكش

[remili]

شكرا بضح كيفاش راح ندير

[تاج الحكمة]

.
أنا مررت بتجربة مماثلة أعدت البكالوريا وحصلت على معدل 16.09 والحمد لله
عليك بعدم الاستسلام أبدا وأن تقسم وقتك بين مشوارك الجامعي وتحضيرك للبكالوريا.
ربي يوفقك .

[imene92setif]

وعليكم السلام ورحمة الله تعالى وبركاته .................انا راني مع الراي تع الاخ اسامة مدام راك حاب الطب للدرجة هذي وتقدر جيبها بكل سهولة انا نظن متفرطش في الحلم نتاعك وانا من راي اختار شعبة تكون شوية ساهلة في السنة الاولى تاعها هكذا باش تقدر توفق بيناتهم وربي يكون معاك سلام

[remili]

كاين الي قالي بلوكي العام بصح انا بابا ماراهوش حاب هادا ..واش رايكم

[cima]

ربي كتبلك هادا كامل و بزاف لي عاودو الباك و هبط المعدل ...اتكل على ربي و ثق بيه و كمل
بالتوفيق

[remili]

قدر الله ما شاء فعل ولكن لا يمكن ان ادرس شعبة اخرى لانني وبصراحة اشعر انها ضاعت(الطب( من يدي بكل سهولة

[Owm Marki]

السلام عليكم ورحمة الله وبركاته....................قد يكون موضوعي هدا غريبا عليكم بعض الشيىء ولكن لاأخفي عليكم بان ايامي تحولت الى جحيم بسبب خطأ حسابي تافه في مادة الرياضيات في شهادة البكالوريا اثر في نفسيتي بقية ايام الامتحان لأحصل على معدل14.01 وهدا لايسمح لي بالتسجيل في شعبة الطب التي كنت احلم بها مند طفولتي رغم انني متاكد بانني كنت قادرا على دخولها وبكل سهولة.................................والان انا محتار بان اتنازل عن حلمي وادرس اي شعبة كانت ام اعيد شهاادة البكالوريا ...ارجوكم ان تنصحوني خاصة من مر بتجربة مماثلة.........


hhh...pOour mOi mahoch gharibe prq fi bladna tasra hado la7wayaj nOrmal....alrs ana 3awadte bac 3 fois 3la dentiste mai makatabch rabi o malgre tou mazal 3andi amale
ida raki tchofi fi rou7ak 9adra t3awediih o ta9raye ktar o dija 3andak experience alors 3awedih onchalah rabi yfawe9ak o diri wach t7abii...amiine

[بلادي الجزائر]

السلام عليكم
انا عندي صحاباتي مرو بنفس التجربة قراو في الجامعة + عاودو الباك مي في الاخير مجابو المعدل لي حابينو في الباك مطلعو العام
دير تخصص يجيك ساهل + عندك معلومات عليه + نظم وقتك وهدا هو الشئ المهم
ربي يعاونك مي ادا شفت روحك بلي رايحة تتخلط عليك روح عاود الباك ودير وش كنت حاب مدام راك تقول بلي قادر مي عندك برك لا تقرى ميدسين ومن بعد تندم لول
ربي يعاونك
صح فــــــــــــــــــطوركم
سلام