الحب

[مشكلتي]

السلام عليكم

تعرفت عليها عبر الانترنت ..التقينا..اعجبنا ببعضنا... احبها حتى الجنون و تحبني مثلما احبها لكن للأسف هي بعيدة و و المشكلة اننا لا نتحادث كثيرا لا في الهاتف لأن عائلتها متدينة ولا في الأ نترنت لأن كمبيوترها معطل.....كيف اصبر على بعدها ؟؟؟؟؟

و المشكلة الأخرى عندما صارحتها بنية اني اريدها زوجة قالت انها لا تستطيع الإبتعاد عن امها اي تريدني ان اقطن في مدينتها فرفضت رفضا مطلقا و بدأت هي تبكي ..هل أنا مخطىء ؟؟؟؟

[فيفان]

اذن اتركها عند امها !!!!!!!!!!!!!!!!
يا اخي ماهذا السؤال بطبع انت على حق اذا ارادتك زوجا لها عليها ان تتبعك لاخر العالم و ليس العكس

[aissam .3820]

وكي تقعد مع يماها علاه حابة تتزوج......



....

[ولد حمد الباتني]

وهل شاورت قبل ماتحكي معاها ؟؟؟؟؟؟؟؟
حتى راك تشاور الأن ؟؟؟؟؟؟؟؟؟؟؟؟؟؟؟؟؟؟؟؟

[Crazy lazy Girl]

عندك الحق اخي الكريم تحوس تتزوج تتبع راجلها لاخر الدنيا

[arc en ciel]

انت طلبت الحلال من بنت راك تقول تحبها و تحبك
المراة تتبع راجلها لاخر الدنيا خاصة ادا كانت تحبك
ادا كنت مستقر في مدينتك و بخدمتك و تاويلك تروح تبدل البلاد على جالها ؟؟؟ لالا يا اخي
و البعد ما عادش مشكل الحمد لله كاين ترانسبور و كاين الانترنيت
هادا تقلاش برك و الله اعلم

[جسر الأمل]

راها تخرط عليك هده، وانت مالك ضعيف قاع هكا راك باغي تبكي وقاع هازير روحك قوللها ادا بغيتيني تبعيني وكي تتوحشي امك نديك تزوريها
بغات صحا مابغاتش تاكد بلي هي ماتبغيكش ودارتلك امها حجة برك
الناس راهاااااااااااااا طييييييييييييييييييير

[أم معاذ أم معاذ]

المشكلة اننا لا نتحادث كثيرا لا في الهاتف لأن عائلتها متدينة


هههههههههههههههههههههههههههههههههههههه
هاذي ولت مشكلة
الزمن تقلب
لا حول و لا قوة إلا بالله

قالك هم يضحك و هم يبكي

[SABI 43]

السلام عليكم ياأخي مع إحترامي لك لكن هاته الفتاة راهي تشيخ بيك

[أم البشائر]

كي تبغي البنت لحلال

الرجل يتمنع

وكي يبغي الرجل الحلال " زعما" :1:

البنت تلقى سبب

وهاذي هي


هكذا


ما بني على باطل فهو على باطل


انهي علاقتك بيها

وربي يجيب لها ولد الجيران

وانت تعلم ما تحبش قبل ما تخطب

واياك تخليك تجربتك هاذي تزعق بالبنات لاحقا

[صُبح الأندلس]

و ما العيب في أن تسكن في مدينتها إن كان هذا لا يضر بعملك ؟ المشكل هو تعنت بعض الرجال الذين يرون أن في سكنهم في مدينة زوجاتهم عيب و عار ومنقصة للرجولة

حاول أن تجد حلا وسطا و أن تتزوجها و تتزوجك خير من أن تتزوج غيرك وقلبها معلق بك و تتزوج غيرها وقلبك معلق بها

[imene12]

إذا كنت فعلا تحبها و بإمكانك السكن في مدينتها فو الله ليس عيبا أن تسكن حيث هي... حاولا التضحية من أجل بعضكما البعض... انت نقص شوية و انت شوية ...... ربي يسهل ليكم

[الاسم مخالف 2]

متدينة و تشرط عليك تعيش في مدينتها؟
المتدينة وين يكون زوجها فذلك مسكنها اخي انا تاني مريت بهاد التجربة و اخترت الفراق لاني ما نقدرش نتنازل على امور كيما هادي ربي يوفقك لما فيه الخير

[صالح القسنطيني]

خيرها في غيرها و اسال ربك الخير

[عزو بن عبد السلام]

بلاك ربي ماهوش مكتبلك في هاذي
خيرها في غيرها

[aminahassiba]

حاول معها هناك سبب اخر انا ايضا قلت نفس الكلام لكن لي اسبابي الخاصة حتى وان صارحته لن يفهمني

[دكتورة بإذن الله]

لو كنت بالفعل تحبها حد الجنون على حد زعمك او على الاقل لك ذرة حب اتجاهها لكنت على الاقل اقنعتها

وفهمت وجهة نظرها جيدا ...

او وجدت حل يرضيك و يرضيها بدل الانسحاب و الرفض التام ...

[*[ مُتَرَبِّدْ ~ ]*]

راكم تمدو في الحلول منكم صح يااه


ههههههههههه


تبالي راهم في قصة عشق عابرة فقط ومازالهم في زوج صغار وما علابالهم بوالو على الزواج


خليوهم يكبروا في عقلهم ومن بعد ساهل

هههههههه

[مزالنا واقفين]

السلام علليكم ورحمة الله

مممم الحب كلمة سهلة النقط لكن تحمل في معانيها الكتير من المشاعر و الأحاسيس تتداخل في بعضها لتصنع الارادة و العزيمة
لفتح بيت و مواجهة التحديات
لا اخفي عليك اخي احببت فتاة عبر النت و كنت احدثها و تحدثي لكن تحت راية الحب هذه هه ارى اني دائما اتنازل و ارضى بالشيء القليل من الاهتمام ربما لكن بعد دخولها الجامعة في تخصص الطب اصبح لها وزن هذا دفع لأن تميل الكفة كل الميل اتجاهها و الان احاول الخروج من حياتها دون ان اسبب لها اي خدش او حزن او ما شابه ذالك ... و بالمناسبة كلامنا يتسم بالاحترام المتبادل تكون محاوره في السعي لفهم بعض لبناء اسرة سوية و مع اني اعرفها مند سنوات و ليست بعيدة عني بالشيء الكتير الا اننا لم نلتقى و لا مرة حتى يأتي الوقت و اقرع باب بيتهم ....المهم كل هذا احكيه لك لؤوصل لك بعض النقاط
ان الحب صعب و صعب جدا و مشروع الزواج يحتاج الى روية اكثر
اي احب كان لله دام وتصل و ما كان لغير ضاع و نفصل
. احدر النساء فأمورهن متقلبة
الحوار اخد وعطاء و تنازلات و احيانا شد و حيانا رخي حتى لا يتقطع الحبل
الزواج بعد التعرف على النت له مشاكل عديدة تعرقل الارتباط الانصهار بين اسرتين بعيدتين في المسافة في العادات و التقالد لا يعرفان بعض اطلاقا احتمال الرفض كبير و كبير جدا فلا تطمع اكثر و لا تطمع الفتاة اكثر
وربي جيب لي فيه الخير ان كانت النية صافية

[صفاء الروح]

ممكن تكون متعلقة بزاااااااااااااااف بامها ساعفها ومع الوقت درك تتريقل الامور ودجي معاك ربي يفرج عليكم

[نهال الجزائرية]

الزواج المرأة تتبع زوجهاااااااااااااااااااا هذي تبكي يماك ومتبكيش يماااااااااااااااااااااااااااااااااااااااا وين راه الحب ؟؟ مفهتش ربي يجيب لي فيه لخير زواج آخر زمن

[الواثق]

والله المشكلة مشكلة والردود اكبر مشكلة الكل يتكلم وكأن علاقته حلال وفي الطريق المستقيم وبقالو غير يسكن عندها او عندو ؟؟؟؟؟..............ويقول ان عائلتها ملتزمة ؟؟؟؟؟ .............ياخي روح ناقش هذا مع ابيها او اخيها واخطيك من هذه العلاقة المحرمة ............الحلال واضح روح لدارهم واخطب واسمع الشروط وافق اولا توافق .............اما حب او غير حب وكلمة حب طاهر وعفيف هذي خليها في الافلام المدبلجة رانا مسلمين والحلال بين والحرام بين ............والله المستعان..........................ا

[جلناار]

ما نتيقوش نعرفو ظروفها يمكن امها هي اللي مصعبة عليها الموضوع...يمكن هي اللي تقوللها لازم يكون زوجك ولد البلاد و تكوني قريبة

و هي معندهاش خيار ...اذا كنت متاكد من نيتها تجاهك فحاول قدر المستطاع انك تكمل معاها حياتك...و اذا ما تقدرش فهاذي الدنيا كيما

هاكا ناس تتلتقا و ناس تتفارق و ماكانش واحد يموت من الفراق...

[faty05]

اولا انه على المراة ان تتبع زوجها لمنطقته
لكن احيانا تحدث ظروف
اعرف وحدة تزوجت و زوجها جا يسكن في منطقتها و راهم عايشين مليح
بصح تفاهمو بعد مدة يعاود يرجع لمنطقتو
شوف كل شي على حساب المفاهمة
و ربي يسهلك

[وسام المؤمنة]

هذاغير منطقي ...هل تريد ان تلازم امها طوال عمرها لا لست خطيء هذا الصح