احتاج تفسيرا لهذه الاحلام [الأرشيف] - منتديات الجلفة لكل الجزائريين و العرب

soso sirin

2012-07-20, 23:19

سلام واش راكم و صح فطوركم كامل و ان شاء الله اليوم الاول فات مليح عليكم.في الاول بغيت نقول ربي يرحم الاخت زينب و يجعلها من اصحاب الجنة يا رب و ربي يصبر اهلها والله غير الموت حاجة صعيبة بزاف مي الله غالب هذا مكتوب و مقدر و الموت مامنوش هروب كي يلحق الاجل مايتقدم و لا يتاخر علابانا الهدرة ساهلة مي الواحد ماعندو مايدير و ربي يمد الصبر على قد الالم علا هكا الي بقانا ندعولها ان شاء الله بالرحمة و نقراولها جزء من القران باه يكون صدقة على روحها ان شاء الله.و باغيتكم تعاونوني في حاجة وخدخرى راهي مارقتني شوية و هذا الي يعرف تفسير الاحلام انا عندي مدة نوم دايمن الافاعي مرات نومهم يجرو مورايا و مرات نمت وحد الافعى توشاتني مي مادرتلي والو قربت مني مي بعدتها بيديا و مرة نمت تاني كنت في بيت من دارنا و كانت فيها افعى عضتني مي ماحسيتش باي الم و كي فتحت الباب باه نخرج صبت في الحوش تاع الدار افاعي بزاف.و البارح في الليل تاني نمتهم مي هاذي المرة كانو افاعي سوداء و كانو في الحوش و اول مرة نومهم و نكون في المنام خايفة بزاف وحدا فيهم كانت فوق رقبتي و انا كنت خايفة هي كانت سوداء و رقيقة نحيتها غير بالشوية و كي فتحت التاقة باه نقيسها لقيت وخدخرى في التاقة.الصح المنامات لخرين ماكنتش نخاف مي تاع البارح ماعلاباليش علاه راه مخوفني حوست في النت مي مالقيتش نيشان.الي يعرف تفسير الاحلام يفيدني من فضلكم

حضنية28

2012-07-20, 23:22

اختي انا ننصحك ديري الحلم نتاعك في القسم الاسلامي العام وهناك راح يجاوبوك المختصين لاخطراكش كاين مختصين نتاع الاحلام ثم

MALAK92

2012-07-20, 23:24

ان شاء الله خير

اريج16

2012-07-20, 23:26

صح فطورك اختي
والله انا معنديش علم بتفسير الاحلام
لكن من المعروف انو الافاعي والحيات هم اشخاص يردون بك شر ويحسدونك والله اعلم ممكن هناك في القسم الاسلامي من يفسر الاحلام ممكن يعونك

soso sirin

2012-07-20, 23:35

اختي انا ننصحك ديري الحلم نتاعك في القسم الاسلامي العام وهناك راح يجاوبوك المختصين لاخطراكش كاين مختصين نتاع الاحلام ثم
ربي يخليك اختي مي كيفاه راح ننقلو منا لتم

soso sirin

2012-07-20, 23:36

ان شاء الله خير
ان شاء الله يا رب و صحيتي اختي على الرد

soso sirin

2012-07-20, 23:38

صح فطورك اختي
والله انا معنديش علم بتفسير الاحلام
لكن من المعروف انو الافاعي والحيات هم اشخاص يردون بك شر ويحسدونك والله اعلم ممكن هناك في القسم الاسلامي من يفسر الاحلام ممكن يعونك
الله يسلمك ختي و صح فطورك انتي تاني.انا درت في قوقل مي كاين حاجة بصفة عامة و قريت انو كل حلم و عندو تفسير و زاد رجعوها لحوايج وخدخرين .ربي يخليك اختي على الاجابة و راح نشوف كيفاه نقدر ننقلو لقسم الاسلامي

soso sirin

2012-07-21, 00:09

مكانش الي يقدر يفسرولي

SOUSOU. DZ

2012-07-21, 00:55

سلاموووووووووووو
اختي نقولك الصح والله غير سنعت ادا شفتي نام فيه لافاعي هادوم عديان ونتي زيدي شوفي وفسري وان شاء الله ب\بنفعوك أعضاء

وننصحك قبل ماتخرجي قولي ادكار هكدا ربي يكون حافطك وكثري قرأت القرأن وربي يجيب لي فيه الخير

وصح سحورك

محمد...عبد النور

2012-07-21, 01:48

حسب علمي الافاعي في المنام حساد و لن يضروكي بإذن الله
فقط استعيني بالله في كل امر و عليك بالاذكار و قراءة اية الاكرسي و ادعية الخروج و الدخول
و لن يضروك باذن الله
ســــــــــــــــــــــــــــــــلام

zineb.alg.ziani

2012-07-21, 01:54

عسى خيراااااا

نور اليقين جيداء

2012-07-21, 01:59

خير ان شاء الله

اسلام انس

2012-07-21, 10:07

للاســـــف مانعرفش نفــــــــسر الاحــــــــــلام......شا حسبتني ابن ســرين مفسر الاحــــــلام......صح فطــــــــــــورك..............

صفاء الروح

2012-07-21, 11:50

هناك اشخاص يحيكون لكي المكائد ويحسدونكي كثيرا اكثري من الادعية وواضبي على صلواتك
واتلي القران كل ليلة قبل النوم

soso sirin

2012-07-21, 16:27

سلاموووووووووووو
اختي نقولك الصح والله غير سنعت ادا شفتي نام فيه لافاعي هادوم عديان ونتي زيدي شوفي وفسري وان شاء الله ب\بنفعوك أعضاء

وننصحك قبل ماتخرجي قولي ادكار هكدا ربي يكون حافطك وكثري قرأت القرأن وربي يجيب لي فيه الخير

وصح سحورك
صحيتي اسماء على الرد والله المنامات هاذو ولاو يقلقوني سوغتو هذا المنام التالي ماعلاباليش علاه قلقني بزاف ربي يخليك على النصيحة و راح ندير بيها ان شاء الله صح فطورك

soso sirin

2012-07-21, 16:29

حسب علمي الافاعي في المنام حساد و لن يضروكي بإذن الله
فقط استعيني بالله في كل امر و عليك بالاذكار و قراءة اية الاكرسي و ادعية الخروج و الدخول
و لن يضروك باذن الله
ســــــــــــــــــــــــــــــــلام
ان شاء الله خويا لذريق راح ندير واش قتلي الصح الاذكار انا مانقولهمش لما نجي خارجة و لا داخلة للدار مي راح نولي نقولهم منا للفوق.ربي يخليك خويا على الرد

soso sirin

2012-07-21, 16:35

عسى خيراااااا
ان شاء الله يا رب
خير ان شاء الله
ربي يجيب الخير ان شاء الله
هناك اشخاص يحيكون لكي المكائد ويحسدونكي كثيرا اكثري من الادعية وواضبي على صلواتك
واتلي القران كل ليلة قبل النوم
صحيتي اختي على النصائح و ربي يكفينا شر الحساد يا رب
للاســـــف مانعرفش نفــــــــسر الاحــــــــــلام......شا حسبتني ابن ســرين مفسر الاحــــــلام......صح فطــــــــــــورك..............
شفت كيفاه كنت حاسباتك صح ابن سيرين خرجت خاطيك التفسير ايا معليش كي رديت على الموضوع بزاف.الله يسلمك و صح فطوركم

صفاء البشرى

2012-07-21, 16:44

ختي الافاعي دلالة على الاعداء بما فيه شرهم و سحرهم و خصوصا.......العين......
اكثري من الصلاة و الاستذكار فلا ينفعك غيرهما

nejcom1

2012-07-21, 23:49

يقال ان الآفاعي دين لم تسديديه بعد و الله أعلم

soso sirin

2012-07-22, 00:00

يقال ان الآفاعي دين لم تسديديه بعد و الله أعلم
انا من جهة الدراهم الحمد الله في حياتي ماسلفتش الدراهم من عند اي واحد

z.abdo

2012-07-22, 04:56

السلام عليكم أختي

المهم ليس تفسير الحلم بل ما العمل بعد أن راتي هذا الحلم

الحلم راه نعمة من عند ربي حتى نعرف أشياء عن انفسنا

أنا انصحك أختي أن ترقي نفسك بنفسك قراءة آياة السحر موجودة في سورة البقرة أو تبحثي عنها في النت

وتسهيل ذالك نعطيع هذا الرابط
http://forum.roro44.com/304797.html

بعد قراءتك على نفسك إذا لاحظتي أعراض غريبة يجب الإستعانة براقي إذا كانت الأمور عادية داومي على هذا

وأهم شيء أختي الوقاية خير من العلاج وهي تحصين المسلم نفسه بالأذكار

وربي يعينك أختي

soso sirin

2012-07-22, 18:53

السلام عليكم أختي

المهم ليس تفسير الحلم بل ما العمل بعد أن راتي هذا الحلم

الحلم راه نعمة من عند ربي حتى نعرف أشياء عن انفسنا

أنا انصحك أختي أن ترقي نفسك بنفسك قراءة آياة السحر موجودة في سورة البقرة أو تبحثي عنها في النت

وتسهيل ذالك نعطيع هذا الرابط
http://forum.roro44.com/304797.html

بعد قراءتك على نفسك إذا لاحظتي أعراض غريبة يجب الإستعانة براقي إذا كانت الأمور عادية داومي على هذا

وأهم شيء أختي الوقاية خير من العلاج وهي تحصين المسلم نفسه بالأذكار

و وربي يعينك أختي
عليكم السلام خويا .هي يا خويا مانكذبش عليك حنا في الدار جبنا راقي و الشي الي قالو هو الي خالاني نخاف كثر و تاني المشكل ماراهش غير فيا دارنا كامل راهم يعانو و المشكل الكبير انو خاوتي و بابا كي تهدرلهم على الراقي تحسب رايح تقتلهم هذا الراقي بالسيف باه جابوه .تاني درت واش قلت بعد ماجا عندنا الراقي و حسيت باعراض غريبة و قلت تاني لخواتاتي و حسو نفس الشي.راح ندير واش قتلي واش قالولي و راح نرقو رواحنا برواحنا ان شاء الله سوغتو مادامنا في رمضان و ان شاء الله مايكون غير الخير يا رب و شكرا على الاجابة خويا و على الرابط

اسلام انس

2012-07-22, 19:01

نقـــــولك حاجة راكي مسوس روحك بهاذ المنام نســـــــيه ينســـــــــــاك وليا وليتـــــــــــي غي تفــــكــــــــــــري فيه

غادي يديـــــــــــــرلك مشكـــــــــــلة مع الوســــــواس ورانا في شهــــــر رمضان مكان والـــــــــــوا

صح فطــــــــــــــورك

عُضو مُحترم

2012-07-22, 19:08

خيرا إن شاء الله

الافعى في القرآن الكريم كانت معجزة سيدنا موسى

وكانت الحق الذي يلتهم الباطل

انوِ الخير تلقاي الخير إن شاء الله

صح فطورك اختي

soso sirin

2012-07-22, 19:24

نقـــــولك حاجة راكي مسوس روحك بهاذ المنام نســـــــيه ينســـــــــــاك وليا وليتـــــــــــي غي تفــــكــــــــــــري فيه

غادي يديـــــــــــــرلك مشكـــــــــــلة مع الوســــــواس ورانا في شهــــــر رمضان مكان والـــــــــــوا

صح فطــــــــــــــورك

انا صح موسوسة مي ماشي في هاذو الحوايج و تاني والله ماعلابالي بالمنامات بزاف مي هذا المنام ماعلاباليش علاه راه مقلقني بزاف مي راح ندير بنصائحكم كامل راح ننساه خلاص و راح ندير واش قالولي الاعضاء ان شاء الله و ان شاء الله مايكون غير الخير .الله يسلمك و صح فطورك انت تاني

soso sirin

2012-07-22, 19:25

خيرا إن شاء الله

الافعى في القرآن الكريم كانت معجزة سيدنا موسى

وكانت الحق الذي يلتهم الباطل

انوِ الخير تلقاي الخير إن شاء الله

صح فطورك اختي
ان شاء الله يا رب و ان شاء الله الخير نلقاه انا و نتوما كامل .الله يسلمك و صح فطورك انت تاني