وش طيبتي فطور اليوم

[it's me]

صح فطوركم كااامل :mh31:
وش طيبتو فطووووور يالشاطرات
حنا في دارنا اول يوم من رمضان دييييما ماياكلو والو طيبت شرية فريك بوراك طاجين حلو سلاطة منوعة و حميس و مطلوع
يعني فطور خفيف برك
و انتوماااا؟؟؟

[فتاة مسلمة]

صح فطوركم حبيباتي

انا ليوم شمرت لى ذراعي يعني انا اللي طيبت بصح درك راني عيااااااانة
درت حريرة، الجلبان، سلاطة من بعد نحط صورتها، البرقوق
ودرت عصير تاع جزر اللي حطاتو الصوامعية
صح سحوركم

[nadia chawia]

صحة فطوركم انا درت شربة بوريك بطاطا بيري فالفور و الكوكا و متنساوش السلاطة المطلوع ما درتش جابلنا جارنا الخبز كثر خيرو بالمناسبة

[douane hadjer]

صحا فطوركم الحبيبات

حنا اليوم درنا الشربة فريك البريك سلاطة فاريي قراتان بيضنجال مادرناش الكسرة جبنا الخبز و فينالمن والله ماكلينا وااااااالو

[sofiane2075]

صح فطوركم

درت جاري .......دولمة.........شطيطحة دجاج................طاجين الحلو..............سلطة خص و طماطم..............في الاخير فطرنا بالماء و العصير و كوكا كولاو درت كسرة معجونة اما الديسار خوخ و بطيخ و فلان شوكولا

[الورود المنسية]

دنا حريرة ومرقا بالفاد و مرقة حلوة و سلاط وديسير و ........................هادوك لخفاف

[ahlem_22]

صح فطوركم أنا درت الحريرة السلاطة منوعة لحم لحلو حنا نقولو البرقوق
و القيمرون مقلي و مطلوع و لسهرة درت قلب اللوز

[fifiarch]

صح فطوركم وربي يقبل منا ومنكم
انا درت
شربة فريك
جلبانة باصابع الدجاج والسفيرية
بوراك
المرقة الحلوة او كيما يقولولها في بعض المناطق اللحم الحلو
سلاطة
الديسار دلاع وخوخ
عصير التفاح كنت شفتو هنا في المنتدى عملتو خفيف شوي لانو اول مرة نخدمو المرة الجاية نحسن فيه ان شاء الله
وماما طيبت الكسرة المطلوعة
وخلطت عصير اللليمون مشري والسيرو نتاع القرونادين
وفي الاخير
كلاو غير الشربة والبوراك
وشربو الكثير من العصائر
:19::19::19:

[it's me]

ya3tikoum saha


win rahou lokhrine??? hhhhh wakila mazelou yaklou...

[noureamel]

حريرة
برقوق
لوبيا خضرا مع بطاطا وسلاطة

[noureamel]

بوراك وشامية

[انتي بلون الورد]

صح فطوركم اليوم درت شربة وجلبانة ف الفور و سلاطة ماسيدوان و لحم حلو و ديسار ب الكرام شانتيي و اكيد العصير و البطيخ مي ماكلاو والو شوية شوية من كلشي درك يجو من الصلاة ونشوف اليوم 1 جا تقيل يحوسو غير علا الماء

[Mimicha FCB]

صحا فطوووركم

احنا درنا شوربة فريك (جاري ) و كفتة و سلطة و بوراك و المطلوع (الكسرة ) و خبز الدار

يعني روبلناها

صحا صحوركم

[اريج16]

حنا ثاني ليوم درنا فطورخفيف
طاجين زيتون ......حميص .....سلطة مشكلة روز بطراف خص زيتون جلبانة.... ... بوراك...........خميرة.....وديسير ودلاع .......وطبعا كزوز وجي

[mantota]

درنا
حريرة
بوراك
ماسيدوان
فلفلة طاجين زيتون
طاجين الحلو
ودلاع + كريم ديسير نتاعremadna

[douniazed]

hrira+macedoine
salade sucre+ bourek
tajin hlou
coca
+delaa
flan couche+zlabia chamia+the

[أم ياسين الزهراء]

شربة و طاجين حلو وبريك وسلاطة مع المطلوع وديسار دلاع ودرت كرام ديسار تاع المنتدى

وصحى فطوركم

ونسيت البسبوسة

[ماما ليث]

صحا فطوركم وصحا رمضانكم....... انا اليوم طيبت شوربة فريك+بوراك+لحم حلو+غراتان جلبانة+سلاطة فاريي+دلاع للسهرة +سلطة فواكه+محلبي+تورتة باردة بالكريمة والبسكويت .............صحا سحوركم

[نور اليقين جيداء]

درنا شوووووووووووووربة فريك
فلفلة
طاجين الحلو
و
شوية شلايد

[мįšš pįήҜ }~]

صح فطور الحميييع
حنايا درنا
بيان سوغ شوربة فريك (سيدة مائدة رمضان)
المتوم
قراتان بولي
اللحم لحلو (اغير خويا الي ياكلو هههه)
بوراك
شلادة فاريي
وكريم كراميل وفواكه للتحلية


الحمد لله


اللهم ادمها نعمة واحفظها من الزوال
وارزق كل مومن وقدرو ’،

[nournour59]

انا طيبت لاول يوم في رمضان
الحريرة واش نقولكم عليها ههههههههههه زعما نشكر في روحي جاتني روعة
بوراااااك
طاجين الجلبان
طاجين حلو
سلطة ماسيدوان
خبز الزرع
خبز تاع الدار
ديسار تاع تارت الفلون لام رامي
و ليموناد ما تخطي طابلةههههههه

[الصوامعية]

صح فطوركم تقبل الله منا ومنكم
حنا طيبنا شربة فريك - ماشطو بالدجاج - سلاطة بيتراف وجزر - بوراك باللحم - لحم حلو - وخبز الدار كوشة - وقازوز - دلاع - صامصة عن قريب نحطهالكم بصح ماكلينا والو غير شربة والبوراك والماااااااااااااء بزااااااااف
وهذا مكان اللهم أدمها نعمة

[oum didou]

صح رمضانكم .حنا درنا سلاطة خس مع الخيار والطماطم والزيتون . حميس .بوراك .شربة فريك. شباح الصفراء.فلان فاني بالكراميل. قلب اللوز.مشروبات

[فرح العمر]

صح فطوركم انا البارح طيبت شربة فريك و طاجين حلو و بوراك و سلاطة و كرام دسار و شريت البريوش و طبعا القازوز و الدسير تفاح باش يهظملى بصح نقولكم على حاجة نتما تقولو ماكليناش انا و الله غير كليت لاخاطر حكمت فى روحى و ما شربتش الماء بزاف

[جيجلية]

تقبل الله ممنا ومنكم الصيام

درت شربة فريك وشاورما مع اليطاطا المقلية وسلاطة خس وبيطراف وطماطم وخيار ومطلوع

للسهرة عنب ودلاع ولاكريم

[ليلى المستغانمية]

صحا رمضانكم حنا في اليوم الاول درنا
الحريرة+طاجين جلبانة + طاجين الحلو حنا نقولولوا برقوق+فطاير+سلاطة+دلاع+ليمونادا+خبز
صح رمضامكم

[سلمى_2008]

السلام عليكم ورحمة الله وبركاته صح فطوركم وربي يتقبل منا ومنكم انا شمرت على ذرعيا ودرت طااجين الحلو وشربة وبوراك وسلاطة
وماما خبزت الكسرى

[هدى ام ريماس]

صح فطوركم انا درت بوراك شربة فريك الشباح الصفرا حميس قراتان البطاطا بالتونة لام رامي يعطيها الصحة وكسرة والديسار درت سلطة الفواكه مع لاكرام باتيسيار

[ياربي اني راضية]

انا درت شربة مرمز + جلبانة +بوراك +لحم حلو+فلفل والقازوز والعنب ديسار وماكلينا واااااااااااااااااااالوا كما حطيناه هزيناه مع انو النهار فات خفيف
اللهم ادمها نعمة وحفظهامن الزوال

[ليلى الجزائرية1]

السلام عليكم
فطورنا في اول يوم من أيام رمضان كان
تمر وحليب
ومن بعدهم
شربة فريك ..... طاجين حلو ........ بوراك........ سلاطة دنجال مشوي ......... سلاطة خس........دجاج محمر في المقلاة
والديسار كان
دلاع.......بطيخ عربي ........عصير.....قازوز
وختمناه بالشاي

[nour inasse]

هاو وش طيبت البارح http://www.djelfa.info/vb/showthread.php?t=1035741
والديسير كان بنان وخوخ وياوورت

[انفال_28]

شربة فريك سلاطة الحميس والمطلوع والبوراك وطاجين الحلو وفريت معا المرقاز ومعا الاخير الفطوووووووووووور كلو كان غير الجي والقازوز والماء وبرك الفاكهة دلاع وعنب وخوخ مي بعد ماجاو من التراويح والله عاودوا كلاو وهاذا سيستام درناها حتى رمضان اللي فات كي نجوا من التروايح يكون وقت الفطور

[Basketteuse]

انا درت جاري فريك طبعا. طاجين شباح السفرة. ستاك . حميص. كسرة . سلاطة برتقالة وطماطم بجبن الفيتا والبوراااك

[سارة البوسعادية]

درت اليوم شوربة فريك البوراك وماسيدوان مع شلاطة فاريي وفاضل من لبارح شلاطة المشاوي وطاجين الزيتون وطاجين لحلو

[ام قصي]

اليوم درت شربة فريك بوراك احميص عصير فواكه هايل درت ب العنب البنان خوخ 1 ياؤورت وgراتن انتاع الجلبانة وقلب اللوز

[pharmajsk]

السلام انا اليوم طيبت:
شوربة
طاجين الزيتون (زيتون مطحون+اللحم مرحي+حبة بيض+فلفل اسود+قرصة ملح+جامبو+كمون+3فصوص ثوم +معدنوس ورحيتهم في الروبو وشكلت كريات كيتا تاع المثوم وطيبت مرقة بالدجاج والفلفل اسود وحبة بصل وزعفران وعقدتها بشوية فرينة وكي عقدت رميت هادوك الكريات لي شكلتهم في المرقة وخليتهم 15 د وطفيت )
طاجين الحلو
وسلاطة لسان العصفور
وسلاطة الخص والطماطم والخيار
الماصيدوار+ البيطراف
البوراك
الخبز
والعصير وليموناد........
اما بالنسبة لديسار
درت فلان دوق البنان
التين الهندي
الدلاع
البتيخ
العنب

.
.
.
.
.
.
.
.
.
.
.
.
.
.
.
..
.صح فطوركم

[oum salim]

انا طيبت شربة فريك -غراتان بطاطا باللحم المرحي والحميس وسلاطة ومع السخانة هاذي اكيد كل انواع المشروبات والفواكه والفلان .
وصح فطوركم..........................................و
.
.
خلوا شوية لسحوركم.

[al-assira]

البارح انا طيبت حريرة .طاجين زيتون مع ليبولات و الفريت . سفيرية محشية بالفرماج . فلفل محشي باللحم . سلطة مغربية .طاجين الحلو. و خدمت عصير الفواكه والديسار الدلاع البتيخ العنب التين و عين بقرة (البرقوق لصفر )
واليوم اختي طيبت لحريرة و الجلبانة و اللحم مشوي البوراك الفلفل محشي باللحم لازم ولا بابا ما يفطرش غراتان البطاطا و اللحم سلطة حلوة و سلطة بيطراف و زروديةوبطاطا )لورداف) طاجين الحلو وديسار فلان شيكولا ودلاع و عنب و العصيرطبعا و المطلوع بصح كلش يقعد كيما راه نفطرو غير بالتمر و الحليب و العصير صح فطوركم راني خاوية ومنا لمبعد ما ناكل والو

[pharmajsk]

دوكا راكم فطرتو بصحتكم الفطووووووووور

املا قلولي عجبتكم الماكلة

انا راح نبدا الاولى :
لسان الطير اول مرة نديرو نقولكم الصراحة معجبهمش بزاف
الزيتون عجبهم كلاو
والشربة كان خصها غير وية نتاع الملح



.
.
.
.
.
.
.
.
.
.
.
ايا ونتوما واش ؟؟؟؟؟؟؟؟؟؟؟؟؟؟؟؟؟؟؟؟؟؟؟؟