مشاهدة النسخة كاملة : .....من المظاهر المؤسفة في الشهر الفضيل...
قضــــــــــــ وقدر ـــــــــــاء
2012-07-20, 01:37
السلام عليكم
]من الأمور التي نهانا عنها ديننا الحنيف هي التبذير والإسراف لما له من سلبيات على حياة الفرد والمجتمع
وللأسف هاته الظاهرة نراها منتشرة كثيرا في شهر رمضان شهر التوبة والغفران
وذلك بتسابق الناس إلى الأسواق وشراء ما يحتاجونه ومالا يحتاجونه[ ولدوافع عديدة ومن أهمها أن الشهر يستحق منا
أن نشتري فيه ما لذ وطاب من مأكولات في حين يمكننا الاستغناء عن هاته العادة ببساطة لأنه شهر العبادة لا شهر
الأكل والشرب
.والمؤسف في كل هذا أننا نرى بعض المأكولات في سلة المهملات أعزكم الله وأولها الخبز
وسؤالي لك أخي العضو أختي العضوة هو:
ما رأيك في هاته الظاهرة؟
ما السبب في رأيك الذي يدفع بالبعض إلى مثل هاته العادة المؤسفة؟
وهل تحس أنك من المبذرين في هذا الشهر الفضيل أنت أو عائلتك؟
وما السبيل للتخلص منها في رأيك ؟
_ آسف على الأسئلة الكثيرة :1:_
_ أرجو التفاعل مع الموضوع _
رمضان كريم للجميع
تحياتي:mh31:
SOUSOU. DZ
2012-07-20, 05:37
السلام عليكم رمضان كريم كل عام وانت بالف خير
صح عندك الحق نشوف هدي الضاهرة بزاف حتى نفكرو بالك ناس تاكل ولا تشري غير في رمضان وفي مل بلاصة لاشين ودالة الخبز لحليب لحم كلشي واش نقول والله نتأسفو على هدا نورمالمو هدا الشي كامل يروح يعضوه في قرأ القران ودهاب الى المساجد على كل حال ربي يهدي
ما رأيك في هاته الظاهرة؟
هي ظاهرة ماشي مليحة ربي يهديهم
ما السبب في رأيك الذي يدفع بالبعض إلى مثل هاته العادة المؤسفة؟
انا في رأيك ناس ماكلهم الشر اسفة على اللفظ . بالك ولا العكس يقولو نمتعو رواحنا وناكل ونشربو مي في الحقيقة ماشي هكدا
وهل تحس أنك من المبذرين في هذا الشهر الفضيل أنت أو عائلتك؟
والله ماعلى بالي حنا ناكلو نورمال كيما ماولفين مي صح كي تزيد طاجين ولا زوج ولا نزيدو نشرو شوية حوايج حلوة في سهرة والله اعلم
وما السبيل للتخلص منها في رأيك ؟
نتمنى ناس تلتا بحوايج الدين وصلات ماشي السوق ومخبزة لي يزورها فوق الازم وكيما قلت ربي يهدي
_ آسف على الأسئلة الكثيرة
بلا ماتتأسف باسكو رنا نشوف هكدا بزاف وعندك الحق تتقلق ونظن اي واحد يقول هكدا
وسلام عليكم رمضان كريم وصح فطوركم
نورسين.داية
2012-07-20, 07:47
اعتقد ان المشكل في سوء التسيير إضافة الى عدم وجود ميزان الكمية ..................................ربي يكبرنا على طاعتو يا رب
موضوع قيم بارك الله فيك أخي
محمد...عبد النور
2012-07-20, 09:45
السلام عليكم أخي الكريم ع/ش
بارك الله فيك على الموضوع المهم و الملاحظة
نعم في شهر رمضان نرى بعض مظاهر التبذير و ذلك برمي المأكولات في القمامة لكثرة اصناف الاكل المحضرة
و هي عدة الفناها فالصائم ينوع الغذاء من أجل الاستقواء على الصوم و لكن قد يكفيه القليل من الاكل ليصوم و يقوى على الفرض
و قد علمنا ان السحور بركة و تجعل من المتسحر قادرا على العمل و كل شيئ ببركة من عند للله
لكن و مع غلاء الاسعار فلربما ينتهي الناس عن هذه العادات و يتذكرون ان هناك فقراء كل عامهم الجوع ملازمهم لمحدودية دخلهم
ربي يهدينا و يعرفنا وش نديروا
بارك الله فيك و جزاك الله كل خير
فقط نحن الجزائريين و ربي يدوم النعمة نبغوا المائدة تكون منوعة حتى و لو كان الاكل بسيط المهم يوجد اكثر من صنف من الطعام
ســـــــــــــــــــــــــــــــــــــلام
السلام عليكم اولا شكرا لك على الموضوع القيم الدي هو في الحقيقة يتصادف والشهر الفضيل رمضان شهر التوبة والغفران اخي الكريم مضاهر الاسراف اصبحت منتشرة وبكثرة في مجتمعنا للاسف بل واصبح البعض منا يتفاخر بضاهرة الاسراف فنرى مضاهر تشمئز لها النفوس من اسراف وتبدير للاكل فالاسراف ضاهرة سلبية اصبحت تنخر المجتمع الجزائري خلال الشهر الفضيل
قضــــــــــــ وقدر ـــــــــــاء
2012-07-20, 12:30
السلام عليكم رمضان كريم كل عام وانت بالف خير
صح عندك الحق نشوف هدي الضاهرة بزاف حتى نفكرو بالك ناس تاكل ولا تشري غير في رمضان وفي مل بلاصة لاشين ودالة الخبز لحليب لحم كلشي واش نقول والله نتأسفو على هدا نورمالمو هدا الشي كامل يروح يعضوه في قرأ القران ودهاب الى المساجد على كل حال ربي يهدي
ما رأيك في هاته الظاهرة؟
هي ظاهرة ماشي مليحة ربي يهديهم
ما السبب في رأيك الذي يدفع بالبعض إلى مثل هاته العادة المؤسفة؟
انا في رأيك ناس ماكلهم الشر اسفة على اللفظ . بالك ولا العكس يقولو نمتعو رواحنا وناكل ونشربو مي في الحقيقة ماشي هكدا
وهل تحس أنك من المبذرين في هذا الشهر الفضيل أنت أو عائلتك؟
والله ماعلى بالي حنا ناكلو نورمال كيما ماولفين مي صح كي تزيد طاجين ولا زوج ولا نزيدو نشرو شوية حوايج حلوة في سهرة والله اعلم
وما السبيل للتخلص منها في رأيك ؟
نتمنى ناس تلتا بحوايج الدين وصلات ماشي السوق ومخبزة لي يزورها فوق الازم وكيما قلت ربي يهدي
_ آسف على الأسئلة الكثيرة
بلا ماتتأسف باسكو رنا نشوف هكدا بزاف وعندك الحق تتقلق ونظن اي واحد يقول هكدا
وسلام عليكم رمضان كريم وصح فطوركم
السلام عليكم
رمضان كريم لك ولعائلتك الكريمة أختي أسماء
وشكرا لك على الإجابة صحيح هي ظاهرة مؤسفة وفي بعض الأحيان نبذر دون أن نشعر ربما بشراء بعض المأكولات ثم لا نأكلها ويكون مصيرها الرمي والتخلص منها
اللهم لا تجعلنا من المسرفين يارب
تحياتي لك وصح فطورك مسبقا
قضــــــــــــ وقدر ـــــــــــاء
2012-07-20, 12:33
اعتقد ان المشكل في سوء التسيير إضافة الى عدم وجود ميزان الكمية ..................................ربي يكبرنا على طاعتو يا رب
موضوع قيم بارك الله فيك أخي
السلام عليكم
÷أهلا بك أختي أسماء ورمضان كريم لك وللعائلة
أكيد سوء التسيير من أهم الأسباب التي تجعلنا نبذر دون أن نشعر
آمين يارب العالمين
تحياتي
قضــــــــــــ وقدر ـــــــــــاء
2012-07-20, 12:48
السلام عليكم أخي الكريم ع/ش
بارك الله فيك على الموضوع المهم و الملاحظة
نعم في شهر رمضان نرى بعض مظاهر التبذير و ذلك برمي المأكولات في القمامة لكثرة اصناف الاكل المحضرة
و هي عدة الفناها فالصائم ينوع الغذاء من أجل الاستقواء على الصوم و لكن قد يكفيه القليل من الاكل ليصوم و يقوى على الفرض
و قد علمنا ان السحور بركة و تجعل من المتسحر قادرا على العمل و كل شيئ ببركة من عند للله
لكن و مع غلاء الاسعار فلربما ينتهي الناس عن هذه العادات و يتذكرون ان هناك فقراء كل عامهم الجوع ملازمهم لمحدودية دخلهم
ربي يهدينا و يعرفنا وش نديروا
بارك الله فيك و جزاك الله كل خير
فقط نحن الجزائريين و ربي يدوم النعمة نبغوا المائدة تكون منوعة حتى و لو كان الاكل بسيط المهم يوجد اكثر من صنف من الطعام
ســـــــــــــــــــــــــــــــــــــلام
السلام عليكم
أهلا بك أخي لذريق ورمضان كريم لك ولعائلتك الكريمة
نعم ربما هماك من يظن أن التنويع المبالغ فيه على مائدة الفطور هو ما يجعله يقوى على الصيام
وفي الأخير يجد أغلب هاته المأكولات مصيرها سلة المهملات للأسف
وربما معك حق فغلاء الأسعار ربما يجعل الواحد منا يفكر جيدا قبل أن يشتري ما هو موجود في السوق
تحياتي لك الخالصة
قضــــــــــــ وقدر ـــــــــــاء
2012-07-20, 12:51
السلام عليكم اولا شكرا لك على الموضوع القيم الدي هو في الحقيقة يتصادف والشهر الفضيل رمضان شهر التوبة والغفران اخي الكريم مضاهر الاسراف اصبحت منتشرة وبكثرة في مجتمعنا للاسف بل واصبح البعض منا يتفاخر بضاهرة الاسراف فنرى مضاهر تشمئز لها النفوس من اسراف وتبدير للاكل فالاسراف ضاهرة سلبية اصبحت تنخر المجتمع الجزائري خلال الشهر الفضيل
السلام عليكم
أهلا بك أختي asosaورمضان كريم لك وللعائلة الكريمة
بالفعل هي ظاهرة منتشرة للأسف وما يؤلم هو رؤية المأكولات في أماكن لا تليق بها
وهذا ليس من صفات المسلم لأن ديننا الحنيف نهانا عن التبذير
تحياتي وشكرا لك
soso sirin
2012-07-20, 16:57
السلام عليكم
]من الأمور التي نهانا عنها ديننا الحنيف هي التبذير والإسراف لما له من سلبيات على حياة الفرد والمجتمع
وللأسف هاته الظاهرة نراها منتشرة كثيرا في شهر رمضان شهر التوبة والغفران
وذلك بتسابق الناس إلى الأسواق وشراء ما يحتاجونه ومالا يحتاجونه[ ولدوافع عديدة ومن أهمها أن الشهر يستحق منا
أن نشتري فيه ما لذ وطاب من مأكولات في حين يمكننا الاستغناء عن هاته العادة ببساطة لأنه شهر العبادة لا شهر
الأكل والشرب
.والمؤسف في كل هذا أننا نرى بعض المأكولات في سلة المهملات أعزكم الله وأولها الخبز
وسؤالي لك أخي العضو أختي العضوة هو:
ما رأيك في هاته الظاهرة؟
ظاهرة الاسراف في الشراء و التبذير والله حاجة تعيي الراس و الجيب و زيد الواحد يدي ذنوب عليها لانو والله كاين ناس مساكين والله ماهمش صايبين واش ياكلو و تلقى ناس يشرو و يقيسو في الماكلة و كي تشوفهم يشرو تحسب مايزيدوش ياكلو كامل و لا بلاك ماراهمش رايحين يزيدو يشرو.و كاين ناس تلقاهم يشوفو بعينيهم و ناس يقيسو في الماكلة .و الناس ماولاوش يحسو بعضاهم هو ياكل و يشري و يقسي و بلاك جارو والله ماعندو واش ياكل و كي يجي يخرج رمضان تسمعهم يقولو والله رمضان خرجنا فاييت تحسب هو الي قالهم روحو خسرو دراهمكم
ما السبب في رأيك الذي يدفع بالبعض إلى مثل هاته العادة المؤسفة؟
والله بلاك من الخلعة تاع الناس يحسبو رمضان هذا ندار للماكلة برك و كون جينا نتسابقو على الجامع كيما لسواق والله الدنيا رايحة تولي مليحة
وهل تحس أنك من المبذرين في هذا الشهر الفضيل أنت أو عائلتك؟
مانكذبش عليك والله حنا تاني كنا نبذرو مي الحمد الله في هاذو لعوام تريقلنا و لينا نشرو على حساب مانستحقو و نطيبو على حساب ماناكلو برك لانو والله بلاك ذنوب بزاف ديناهم و حنا نقيسو في الماكلة كيما تقول ماما ناس ماهمش صايبين واش ياكلو و نتوما تقيسو في الماكلة
وما السبيل للتخلص منها في رأيك ؟الحل الوحيد انو كل واحد يحط بين عينيه انو راح يجيه نهار وين ماراحش يلقى بلاك واش ياكل و لا يتفكر الناس الي ماعندهمش واش ياكلو و رايحين يموتو بالجوع بلاك تم نولو نحسو و نقصو شوية من الصريف و التبذير
_ آسف على الأسئلة الكثيرة :1:_
_ أرجو التفاعل مع الموضوع _
رمضان كريم للجميع
تحياتي:mh31:
صح فطوركم و ماتقووش الشري بزاف و شرو و طيبو واش رايحين تاكلو برك كاين ناس ماهمش لاقيين الماكلة
مريم الصابرة
2012-07-20, 17:11
السلام عليكم استاذنا الكريم جمعة مباركة رانا فالإختبار سور إنت أستاذ وموالف دير ورقة نتاع أسئلة عادي نجاوبوك لكن انا نحاسب على كل نقطو والو 0. وما يروحش راني قتلك
فالحقيقة الناس فجعانيين ياكلو بعينيهم يشرو كل شي ويعمو الطابلة وفالاخر حاشاك ياكلها بيدون الزبل علاش كاين شعوب راهم ميتين بالجوع وإحنا فالحقيقة والله ما رانا زواليين روح للمارشيت وتشوف الفقر كل شي يتباع وبالدبزة ولما نتفرج قناة النهار نلقاهم يشكو إمالا علاه الدبزة فالاسواق علاش الماكلة غي رمضان تنقاس وحتى الخبز علاش نغضبو ربي في شهر كيما هذا
الصراحة في دارنا نطيب قيسي وقيس يمة واكيد زيادة ممكن ضيف ممكن عابر سبيل ممكن اي حاجة والباقي والله عادي لما نقعدو افالطابلة نزعق بيمى نقولها الطابلة نتاعنا يتيمة هههههههههه تقولي هكذا خير من الخسارة وعندها الحق
ربي يهدي ما خلق
صحا فطورك والنقطة نتاعي استاذ شكرا
mohamed160
2012-07-20, 17:21
سلام عليكم المشكل الكبير فى الفقيرة لى يسلف ادراهم باه يشبح الطابلة انتعوا والله عيب عليهم وانبعدا يقلك ما قدارت المعيشه غاليه
ramiusma
2012-07-20, 18:01
اريد ان اضيف الى ماقلت ظاهرة تسول السوريين في كل مكان حتى في المساجد
ربي يفرج
قضــــــــــــ وقدر ـــــــــــاء
2012-07-20, 23:35
صح فطوركم و ماتقووش الشري بزاف و شرو و طيبو واش رايحين تاكلو برك كاين ناس ماهمش لاقيين الماكلة
[/center]
السلام عليكم
أهلا بك أختي سوسو سيرين ورمضان كريم لك وللعائلة وصح فطورك
معك حق ربما لو فكرنا في غيرنا خاصة الفقراء لأنقصنا من هاته الظاهرة
تحياتي
قضــــــــــــ وقدر ـــــــــــاء
2012-07-20, 23:43
السلام عليكم استاذنا الكريم جمعة مباركة رانا فالإختبار سور إنت أستاذ وموالف دير ورقة نتاع أسئلة عادي نجاوبوك لكن انا نحاسب على كل نقطو والو 0. وما يروحش راني قتلك
فالحقيقة الناس فجعانيين ياكلو بعينيهم يشرو كل شي ويعمو الطابلة وفالاخر حاشاك ياكلها بيدون الزبل علاش كاين شعوب راهم ميتين بالجوع وإحنا فالحقيقة والله ما رانا زواليين روح للمارشيت وتشوف الفقر كل شي يتباع وبالدبزة ولما نتفرج قناة النهار نلقاهم يشكو إمالا علاه الدبزة فالاسواق علاش الماكلة غي رمضان تنقاس وحتى الخبز علاش نغضبو ربي في شهر كيما هذا
الصراحة في دارنا نطيب قيسي وقيس يمة واكيد زيادة ممكن ضيف ممكن عابر سبيل ممكن اي حاجة والباقي والله عادي لما نقعدو افالطابلة نزعق بيمى نقولها الطابلة نتاعنا يتيمة هههههههههه تقولي هكذا خير من الخسارة وعندها الحق
ربي يهدي ما خلق
صحا فطورك والنقطة نتاعي استاذ شكرا
السلام عليكم
أهلا بك أختي مريم ورمضان كريم لك وللعائلة وأتمنى أن تكوني بألف خير
مليح كي تزيدي طياب واش تعرفي ربما نكون أنا ضيف عندكم ههههه
باش نذوق أكل مريم إ:1:
صح عدم القناعة من الأسباب لتفاقم هاته الظاهرة والله أكره كثيرا وأنا أمشي ويصادفني الخبز في طريقي
والله عيب الله يهدينا جميعا وثبتنا على الهداية
النقطة وبدون مجاملة 9 من 10 لأني لا أعطي النقطة كاملة هههمش مزير لكن دائما نقول لتلاميذي لا يوجد طه حسين أو أبو العلاء المعري حتى أعطيكم أكثر من 15
صح فطورك
( أختي مريم موضوعك ذاك سأعلمك من خلال أحد مواضيعك أكيد فهمتيني )
تحياتي
soso sirin
2012-07-20, 23:44
السلام عليكم
أهلا بك أختي سوسو سيرين ورمضان كريم لك وللعائلة وصح فطورك
معك حق ربما لو فكرنا في غيرنا خاصة الفقراء لأنقصنا من هاته الظاهرة
تحياتي
الله يسلمك خويا و صح رمضانكم نتوما تاني ان شاء الله يكون دخل عليكم بالخير يا رب .و صح فطورك.و الله مرات دراهمنا يروحو غير في الكماليات و كاين شي ناس الضروريات و ماهمش قادرين يشروهم
قضــــــــــــ وقدر ـــــــــــاء
2012-07-20, 23:46
سلام عليكم المشكل الكبير فى الفقيرة لى يسلف ادراهم باه يشبح الطابلة انتعوا والله عيب عليهم وانبعدا يقلك ما قدارت المعيشه غاليه
السلام عليكم
أولا مبروك عليك التميز
ثانيا رمضان كريم لك وللعائلة
ثالثا بارك الله فيك كنت سأشير إلى الأمر
بأن التبذير لا يقتصر على فئة معينة أصبح أغلب الناس يبذرون مهما كانت ظروفهم المعيشية إلا ما رحم ربي
تحياتي لك وصح فطورك وسحورك
قضــــــــــــ وقدر ـــــــــــاء
2012-07-20, 23:50
اريد ان اضيف الى ماقلت ظاهرة تسول السوريين في كل مكان حتى في المساجد
ربي يفرج
السلام عليكم
أهلا بك أخي ورمضان كريم لك وللعائلة
التسول من الظواهر المنتشرة بكثرة حتى صرنا لا نفرق بين الفقير صح ولي يظاهر بالتسول
أما السوريات الله يكون في العون
تحياتي
Broken Angel
2012-07-21, 17:42
السلام عليكم أما بعد:
أخي الكريم أعجبني طرحك المميز أنا كي كنت صغيرة كنت نحب في اليوم الاول تع رمضان طاولة الافطار تكون فائضة +++++ههـ
بصح دك كي كبرت وعقلت على وش كاين عرفت بلي هذي العادة معندها حتى معنا "لانو الصيام ايمانا واحتسابا محش نصومو على كروشنا"ههـ أظن الناس يديروا هكا علي يظنو بلي بهذي التصرفات يستقبلوا الشهر الفضيل ....ربما عادة ورثوها
أظن أحسن حل هو العمل بقوله صلى الله عليه وسلم لاافراط ولا تفريط
وتقبل مروري أستاذنا "بيني وبينك مكنتش علابالي بلي أستاذ ههـ " تقبل مروري العطر هههههههـ
موضوع قيم بارك الله فيك أخي
قضــــــــــــ وقدر ـــــــــــاء
2012-07-21, 18:45
السلام عليكم أما بعد:
أخي الكريم أعجبني طرحك المميز أنا كي كنت صغيرة كنت نحب في اليوم الاول تع رمضان طاولة الافطار تكون فائضة +++++ههـ
بصح دك كي كبرت وعقلت على وش كاين عرفت بلي هذي العادة معندها حتى معنا "لانو الصيام ايمانا واحتسابا محش نصومو على كروشنا"ههـ أظن الناس يديروا هكا علي يظنو بلي بهذي التصرفات يستقبلوا الشهر الفضيل ....ربما عادة ورثوها
أظن أحسن حل هو العمل بقوله صلى الله عليه وسلم لاافراط ولا تفريط
وتقبل مروري أستاذنا "بيني وبينك مكنتش علابالي بلي أستاذ ههـ " تقبل مروري العطر هههههههـ
السلام عليكم
أهلا بك أختي بروكن ورمضان كريم لك وللعائلة
معك حق أحسن حل هو الوسطية لا إفراط ولا تفريط
أكيد تقبلت مرورك بكل سرور
تحياتي
قضــــــــــــ وقدر ـــــــــــاء
2012-07-21, 18:47
موضوع قيم بارك الله فيك أخي
السلام عليكم
أهلا بك أخي ميواك ورمضان كريم لك وللعائلة الكريمة
وفيك بركة
تحياتي
vBulletin® v3.8.10 Release Candidate 2, Copyright ©2000-2025, TranZ by Almuhajir